ನೋಡಿರಿ
ಪ್ಲಾಸ್ಟಿಕ್ ಸರ್ಜರಿ ಮಾಡಿಸಿದ್ರಾ ಪುಷ್ಪ? – ಅಲ್ಲು ಅರ್ಜುನ್ ಸಕ್ಸಸ್‌ ಸೀಕ್ರೆಟ್‌ ರಿವೀಲ್
ಚಿರು ಅಳಿಯನ ಬಗ್ಗೆ ಡಾಕ್ಟರ್‌ ಹೇಳಿದ್ದೇನು?
ಪುಷ್ಪ.. ಪುಷ್ಪ.. ಪುಷ್ಪ.. ಅಲ್ಲು ಅರ್ಜುನ್ ಅಭಿನಯದ ಮಾಸ್ ಎಂಟರ್‌ಟೈನರ್ ಸಿನಿಮಾ ಪುಷ್ಪ 2: ದಿ ರೂಲ್, ತನ್ನ ದರ್ಬಾರ್ ಶುರು ಮಾಡಿದೆ. ರೆಕಾರ್ಡ್ ಮೂಲಕವೇ ಥಿಯೇಟರ್ ಗೆ ಅಪ್ಪಳಿಸಿರುವ ಪುಷ್ಪ 2 ಸಿನಿಮಾ ಬರೋಬ್ಬರಿ 12 ಸಾವಿರ ಸ್ಕ್ರೀನ್‌ ಗಳಲ್ಲಿ ತೆರೆಕಂಡಿದ್ದು, ಶರವೇಗದಲ್ಲಿ ಓಡ್ತಿದೆ. ತೆರೆ ಮೇಲೆ ಪುಷ್ಪರಾಜನ ಅಬ್ಬರ ಕಂಡು ಅಭಿಮಾನಿಗಳು ಫಿದಾ ಆಗಿದ್ದಾರೆ. ಸಿನಿಮಾ ರಿಲೀಸ್‌ ಆದ ಬೆನ್ನಲ್ಲೇ ಅಲ್ಲೂ ಸೌಂದರ್ಯದ ಶಾಕಿಂಗ್ ಸೀಕ್ರೆಟ್‌ ಒಂದು ರಿವೀಲ್ ಆಗಿದೆ. ಹಾಗಾದ್ರೆ ಅಲ್ಲೂ ಸುಂದರವಾಗಿ ಕಾಣಲು ಸರ್ಜರಿ ಮಾಡಿಸಿಕೊಂಡಿದ್ದಾರಾ? ಈ ಆರೋಪ ಮಾಡಿದ್ದು ಯಾರು? ಈ ಬಗ್ಗೆ ಮಾಹಿತಿ ಇಲ್ಲಿದೆ.
ಇದನ್ನೂ ಓದಿ: ಧಿಮಾಕು ತೋರಿದ ಮೋಕ್ಷಿತಾಗೆ ಭಾರಿ ಮುಖಭಂಗ – ಈ ವಾರ ಗೌತಮಿ ಕ್ಯಾಪ್ಟನ್ QUEEN!
ಅಲ್ಲು ಅರ್ಜುನ್.. ಪ್ಯಾನ್ ಇಂಡಿಯಾ ಹೀರೋ.. ಮೊದಲ ಚಿತ್ರದಲ್ಲೇ ಹೀರೋ ಸಿನಿಮಾ ಇಂಡಸ್ಟ್ರಿಗೆ ಕಾಲಿಟ್ಟ ಅಲ್ಲೂ ಈಗ ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಮಿಂಚುತ್ತಿದ್ದಾರೆ.. ತೆಲುಗಿನ ಖ್ಯಾತ ನಿರ್ದೇಶಕ ರಾಘವೇಂದ್ರ ರಾವ್ ಅವರು ಅಲ್ಲು ಅರ್ಜುನ್ ಅವರನ್ನು ಮಧ್ಯಮ ಯಶಸ್ವಿ ಚೊಚ್ಚಲ ಚಿತ್ರ ಗಂಗೋತ್ರಿಯ ಮೂಲಕ ಟಾಲಿವುಡ್‌ಗೆ ಪರಿಚಯಿಸಿದ್ರು.. ಆದರೆ ‘ಆರ್ಯ’ ಸಿನಿಮಾ ಅಲ್ಲು ಅರ್ಜುನ್ ಅವರಿಗೆ ಇನ್ನಿಲ್ಲದ ಖ್ಯಾತಿ ನೀಡಿತ್ತು. ಬಳಿಕ ಅಲ್ಲು ಅರ್ಜುನ್ ಒಂದೊಂದೇ ಸಿನಿಮಾದ ಮೂಲಕ ಟಾಲಿವುಡ್‌ನಲ್ಲಿ ಭದ್ರವಾಗಿ ನೆಲೆಯೂರಿದ್ದು, ಚಿತ್ರದಿಂದ ಚಿತ್ರಕ್ಕೆ ಅವರ ಸ್ಥಾನ ಭದ್ರವಾಗ್ತಾ ಹೋಯ್ತು. ಇದೀಗ ಅಲ್ಲು ಬರೀ ತೆಲುಗು ರಾಜ್ಯಗಳು ಮಾತ್ರವಲ್ಲದೇ ದೇಶ, ವಿದೇಶಗಳಲ್ಲಿ ಅಭಿಮಾನಿಗಳನ್ನು ಹೊಂದಿದ್ದಾರೆ. ಇದೀಗ ಅಲ್ಲು ಅರ್ಜುನ್ ಪುಷ್ಪಾ ಸಿನಿಮಾದಿಂದ ಪ್ಯಾನ್ ಇಂಡಿಯಾ ಸ್ಟಾರ್‌ ಆಗಿದ್ದಾರೆ.. ಪುಷ್ಪಕ್ಕಾಗಿ ರಾಷ್ಟ್ರೀಯ ಅತ್ಯುತ್ತಮ ನಟ ಪ್ರಶಸ್ತಿಯನ್ನುಪಡೆದಿದ್ರು. ಇದೀಗ ಪುಷ್ಪ 2 ಬಿಡುಗಡೆ ಆಗಿದೆ.. ಸುಮಾರು 12 ಸಾವಿರ ಸ್ಕ್ರೀನ್‌ ಗಳಲ್ಲಿ ತೆರೆಕಂಡಿದೆ.. ಬಾಕ್ಸ್‌ ಆಫೀಸ್ ನಲ್ಲೂ ಒಳ್ಳೆ ದಾಖಲೆ ಬರಿತಾ ಇದೆ ಈ ಸಿನಿಮಾ.
ಇನ್ನೂ ಪುಷ್ಪ 2 ಕ್ರೇಜ್ ನಿಮಗೆ ಗೊತ್ತು. ಕೇವಲ ಆಂಧ್ರ, ಬಿಹಾರ್ ಮಾತ್ರ ಅಲ್ಲ ದೇಶದಾದ್ಯಂತ ಪುಷ್ಪ 02 ಆವರಿಸಿಕೊಂಡಿದೆ. ನಿಜಾ, ಕನ್ನಡಿಗರು ಅಲ್ಲು ಅರ್ಜುನ್ ಅವರ ನಡೆ ಮತ್ತು ನುಡಿಯಿಂದ ಕೆಂಡ ಕಾರುತ್ತಿದ್ದಾರೆ. ಆದರೆ, ಎಲ್ಲರಿಗೆ ಗೊತ್ತು, ಕನ್ನಡಿಗರು ವಿಶಾಲ ಹೃದಯದವರು. ಎಷ್ಟೇ ಕೋಪ ಇದ್ದರೂ ಕೂಡ ಬಯ್ಕೊಂಡೇ ಸಿನಿಮಾ ನೋಡುತ್ತಾರೆ. ಇದಕ್ಕೆ ಕೈಗನ್ನಡಿ ಎಂಬಂತೆ ಬೆಂಗಳೂರಿನಲ್ಲಿ ಅನೇಕ ಚಿತ್ರಮಂದಿರದ ಮುಂದೆ ಆಗಲೇ ಹೌಸ್‌ಫುಲ್ ಬೋರ್ಡ್ ಬಿದ್ದಿದೆ. ಇದೀಗ ಸಿನಿಮಾ ಹೊರತಾಗಿ ಅಲ್ಲು ಬೇರೆ ಕಾರಣಕ್ಕೆ ಚರ್ಚೆಯಲ್ಲಿದ್ದಾರೆ. ಅಲ್ಲು ಅರ್ಜುನ್ ತಮ್ಮ ಮುಖಕ್ಕೆ ಪ್ಲಾಸ್ಟಿಕ್ ಸರ್ಜರಿಯನ್ನು ಮಾಡಿಸಿಕೊಂಡಿದ್ದಾರಾ ಎನ್ನುವ ಪ್ರಶ್ನೆ ಅನೇಕರನ್ನು ಈಗ ಕಾಡುತ್ತಿದೆ. ಪುಷ್ಪ 2 ಚಿತ್ರದ ಬಿಡುಗಡೆ ಮುನ್ನವೇ ಸೋಶಿಯಲ್ ಮೀಡಿಯಾದಲ್ಲಿ ಇಂತಹದ್ದೊಂದು ಚರ್ಚೆ ಶುರುವಾಗಿತ್ತು. ಅಲ್ಲು ಕಾಸ್ಮೆಟಿಕ್ ಸರ್ಜರಿ ಮಾಡಿಸಿಕೊಂಡಿದ್ದಾರೆ ಎಂದು ಟ್ರೋಲ್ ಮಾಡುತ್ತಿದ್ದಾರೆ.. ಬೇರೆ ನಟರ ಅಭಿಮಾನಿಗಳು ಆಗಾಗ ಈ ಬಗ್ಗೆ ಕಮೆಂಟ್‌ ಮಾಡ್ತಾ ಇರ್ತಾರೆ. ಇದೀಗ ಪ್ರಸಿದ್ಧ ಸರ್ಜನ್ ಅವರು ಈ ಬಗ್ಗೆ ಮಾತನಾಡಿದ್ದಾರೆ.. ಶಾಕಿಂಗ್ ವಿಚಾರವನ್ನ ಬಿಚ್ಚಿಟ್ಟಿದ್ದಾರೆ.
ಸೆಲೆಬ್ರೆಟಿಗಳಿಗೆ ತಮ್ಮ ಸೌಂದರ್ಯ ಕೊಂಚ ಡಲ್ ಹೊಡೀತಿದೆ ಅಂತ ಗೊತ್ತಾದ ತಕ್ಷಣವೇ ಸರ್ಜರಿಗಳ ಮೊರೆ ಹೋಗುತ್ತಾರೆ. ಲಕ್ಷಾಂತರ ರೂಪಾಯಿಗಳನ್ನು ನೀರಿನಂತೆ ಖರ್ಚು ಮಾಡಿ ತಮ್ಮ ಸೌಂದರ್ಯವನ್ನು ಹೆಚ್ಚಿಸಿಕೊಳ್ಳುವ ಪ್ರಯತ್ನವನ್ನು ಮಾಡುತ್ತಾರೆ. ಐಶ್ವರ್ಯ ರೈ ಅವರಿಂದ ಹಿಡಿದು ದೀಪಿಕಾ ಪಡುಕೋಣೆವರೆಗೆ ನಯನತಾರ ಅವರಿಂದ ನಾಗಚೈತನ್ಯ ಅವರ ಮಡದಿ ಶೋಭಿತಾ ಅವರ ಮೇಲೆ ಈ ತರಹದ ಆರೋಪ ಇದೆ. ಇವರೆಲ್ಲ ಪ್ಲಾಸ್ಟಿಕ್ ಸರ್ಜರಿ ಮಾಡಿಸಿಕೊಂಡಿದ್ಧಾರೆ ಎನ್ನುವ ಅನುಮಾನ ಅನೇಕರಲ್ಲಿದೆ. ಈ ಸಾಲಿಗೆ ಈಗ ಅಲ್ಲು ಅರ್ಜುನ್ ಅವರನ್ನು ಸೇರಿಸುತ್ತಿದ್ದಾರೆ. ಹಿಂದೊಮ್ಮೆ ಖ್ಯಾತ ಕಾಸ್ಮೆಟಿಕ್ ಸರ್ಜನ್ ಡಾ.ರಾಜಶೇಖರ ಗೊಲ್ಲು ಹೇಳಿದ್ದ ಹೇಳಿಕೆಯನ್ನು ಆಧರಿಸಿ ಅಲ್ಲು ಅರ್ಜುನ್ ಅವರನ್ನು ಟ್ರೋಲ್ ಮಾಡುತ್ತಿದ್ದಾರೆ. ಹೌದು, ಖ್ಯಾತ ಕಾಸ್ಮೆಟಿಕ್ ಸರ್ಜನ್ ಡಾ.ರಾಜಶೇಖರ ಗೊಲ್ಲು ಹಿಂದೊಮ್ಮೆ ಸಂದರ್ಶನದಲ್ಲಿ ಪ್ಲಾಸ್ಟಿಕ್ ಸರ್ಜರಿ ಮೇಲೆ ಸೆಲೆಬ್ರಿಟಿಗಳಿಗೆ ಇರುವ ಮೋಹದ ಬಗ್ಗೆ ಮಾತನಾಡಿದ್ದರು. ದುಲ್ಕರ್ ಸಲ್ಮಾನ್ ಅವರ ಅಂದು ಮತ್ತು ಇಂದಿನ ಫೋಟೊಗಳ ನಡುವೆ ಇರುವ ವ್ಯತ್ಯಾಸ ಹೇಳಿದ್ರು. ದುಲ್ಕರ್ ಸಲ್ಮಾನ್ ಮೂಗಿನ ಶಸ್ತ್ರ ಚಿಕಿತ್ಸೆಗೆ ಒಳಗಾಗಿದ್ದಾರೆ ಎಂದು ಹೇಳಿದ್ದರು. ಇನ್ನೂ ದೀಪಿಕಾ ಪಡುಕೋಣೆಯ ಫೋಟೋಗಳನ್ನು ಕೂಡ ನೋಡಿ ವ್ಯತ್ಯಾಸ ಹೇಳಿದ್ದ ಡಾ.ರಾಜಶೇಖರ ಗೊಲ್ಲು ದೀಪಿಕಾ ಕೂಡ ಮೂಗಿನ ಶಸ್ತ್ರಚಿಕಿತ್ಸೆ ಮಾಡಿಕೊಂಡಿದ್ದಾರೆ ಎಂದು ಹೇಳಿದ್ದರು.
ಆ ನಂತರ ಅಲ್ಲು ಅರ್ಜುನ್ ಅವರ ಗಂಗೋತ್ರಿ ಚಿತ್ರದ ಸಮಯದಲ್ಲಿನ ಫೋಟೊ ಮತ್ತು ಈಗಿನ ಫೋಟೊಗಳನ್ನು ಹೋಲಿಸಿ ಅಲ್ಲು ಅರ್ಜುನ್ ಕೂಡ ಮೂಗಿಗೆ ಶಸ್ತ್ರಚಿಕಿತ್ಸೆಯನ್ನು ಮಾಡಿಕೊಂಡಿದ್ದಾರೆ. ಈ ವಿಚಾರ ಎಲ್ಲರಿಗೆ ಗೊತ್ತು. ಆದರೆ ಅವರ ಅಂದಿನ ತುಟಿಗೂ, ಇಂದಿನ ತುಟಿಗೂ ಅಜಗಜಾಂತರ ವ್ಯತ್ಯಾಸ ಇದೆ. ಹೀಗಾಗಿ ಅಲ್ಲು ಅರ್ಜುನ್ ಮೂಗಿನ ಜೊತೆ ತುಟಿಯ ಶಸ್ತ್ರ ಚಿಕಿತ್ಸೆಯನ್ನು ಮಾಡಿಸಿಕೊಂಡಿರಬಹುದು ಎಂದು ತಮ್ಮ ಅನುಭವದ ಆಧಾರದ ಮೇಲೆ ಅನುಮಾನ ವ್ಯಕ್ತಪಡಿಸಿದ್ದರು. ಇದೀಗ ಪುಷ್ಪ 2 ಸಿನಿಮಾ ರಿಲೀಸ್‌ ಆಗ್ತಿದ್ದಂತೆ ಸೋಶಿಯಲ್ ಮೀಡಿಯಾ ಬಳಕೆದಾರರು, ಡಾ.ರಾಜಶೇಖರ್ ಗೊಲ್ಲು ಅವರು ಹೇಳಿರುವ ವಿಡಿಯೋವನ್ನ ಹೆಕ್ಕಿ ತೆಗೆದಿದ್ದಾರೆ. ಈ ವಿಚಾರವನ್ನ ಇಷ್ಟುಕೊಂಡು ಅಲ್ಲು ಅರ್ಜುನ್ ಅವರನ್ನು ನಿಂದಿಸುತ್ತಿದ್ದಾರೆ. ಇದಕ್ಕೆ ಅಲ್ಲು ಅರ್ಜುನ್ ಅಭಿಮಾನಿಗಳು ಕೂಡ ಉತ್ತರ ನೀಡಲು ಶುರು ಮಾಡಿದ್ದಾರೆ. ಈ ಚರ್ಚೆಯನ್ನು ಗಮನಿಸಿದ ಆಂಧ್ರ ಚಿತ್ರರಂಗದ ಅನೇಕರು ಇದು ಅಲ್ಲು ಅರ್ಜುನ್ ಅವರ ವಿರೋಧಿ ಬಣದ ಕೆಲಸ ಎಂದು ಸದ್ಯ ಮಾತನಾಡುತ್ತಿದ್ದಾರೆ. ಪುಷ್ಪ 2 ಬಿಡುಗಡೆ ಸಮಯದಲ್ಲಿ ಬೇಕು ಬೇಕಂತಲೇ ಈ ತರಹದ ಚರ್ಚೆಗಳಿಂದ ಅಲ್ಲು ಅರ್ಜುನ್ ಅವರ ವರ್ಚಸ್ಸಿಗೆ ಧಕ್ಕೆ ತರುವ ಕೆಲಸವನ್ನು ಮಾಡುತ್ತಿದ್ದಾರೆ ಎನ್ನುವ ಅಭಿಪ್ರಾಯ ವ್ಯಕ್ತಪಡಿಸುತ್ತಿದ್ದಾರೆ. ಸುಖಾ ಸುಮ್ಮನೆ ಸುಳ್ಳು ಸುದ್ದಿ ಹಬ್ಬಿಸುತ್ತಿದ್ದಾರೆ ಎನ್ನುತ್ತಿದ್ದಾರೆ. ಈ ಬಗ್ಗೆ ನಟ ಅಲ್ಲು ಅರ್ಜುನ್ ಸ್ಪಷ್ಟನೆ ನೀಡ್ತಾರಾ ಅಂತಾ ಕಾದುನೋಡ್ಬೇಕು.
