ನೋಡಿರಿ
ಮೂರನೇ ಬಾರಿಗೆ ಚೀನಾ ಅಧ್ಯಕ್ಷರಾಗಿ ಸರ್ವಾಧಿಕಾರಿ ಕ್ಸಿ ಜಿನ್ಪಿಂಗ್ ಅವಿರೋಧ ಆಯ್ಕೆ
ಸರ್ವಾಧಿಕಾರಿ ಕ್ಸಿ ಜಿನ್ಪಿಂಗ್ ಸತತ ಮೂರನೇ ಬಾರಿಗೆ ಚೀನಾ ಅಧ್ಯಕ್ಷರಾಗಿ ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ. ಕಳೆದ 10 ವರ್ಷಗಳಿಂದ ಗದ್ದುಗೆಯಲ್ಲಿರುವ ಕ್ಸಿ ಜಿನ್ಪಿಂಗ್ ಇನ್ನೂ ಐದು ವರ್ಷಗಳ ಕಾಲ ಯಾವುದೇ ಅಡ್ಡಿ ಇಲ್ಲದೆ ಕಮ್ಯುನಿಸ್ಟ್ ರಾಷ್ಟ್ರವನ್ನ ಆಳಲಿದ್ದಾರೆ. ಚೀನಾದ ಮೂರು ಸಾವಿರ ರಬ್ಬರ್ಸ್ಟ್ಯಾಂಪ್ ಸಂಸದರು ಕಮಕ್ ಕಿಮಕ್ ಎನ್ನದೆ ಕ್ಸಿ ಜಿನ್ಪಿಂಗ್ರನ್ನ ಮತ್ತೊಮ್ಮೆ ಅಧ್ಯಕ್ಷರನ್ನಾಗಿ ಆಯ್ಕೆ ಮಾಡಿದ್ದಾರೆ. ಅಸಲಿಗೆ ಜಿನ್ಪಿಂಗ್ ಪರವಾಗಿ ವೋಟ್ ಹಾಕದೆ ಬೇರೆ ವಿಧಿಯೂ ಇರಲಿಲ್ಲ. ಈ ಹಿಂದೆ ಚೀನಾ ಕಾನೂನು ಪ್ರಕಾರ ಒಬ್ಬ ವ್ಯಕ್ತಿ ಎರಡು ಬಾರಿ ಮಾತ್ರ ಅಧ್ಯಕ್ಷರಾಗಲು ಅವಕಾಶವಿತ್ತು. ಆದ್ರೆ 2018ರಲ್ಲಿ ಈ ನಿಯಮವನ್ನ ಸ್ವತ: ಕ್ಸಿ ಜಿನ್ಪಿಂಗ್ ಕಿತ್ತು ಹಾಕಿದ್ರು. ಹೀಗಾಗಿ ರಾಜಕೀಯದಿಂದ ನಿವೃತ್ತಿಯಾಗೋವರೆಗೂ ಅಥವಾ ಸಾಯೋತನಕ ಬೇಕಾದ್ರೂ ಅಧ್ಯಕ್ಷರಾಗಿ ಕ್ಸಿ ಜಿನ್ಪಿಂಗ್ ಚೀನಾವನ್ನ ಆಳಬಹುದು. ಈ ಮೂಲಕ ಮಾವೊ ಜೆಡಾಂಗ್ ಬಳಿಕ ಕ್ಸಿ ಜಿನ್ಪಿಂಗ್ ಚೀನಾದ ಅತ್ಯಂತ ಪವರ್ಫುಲ್ ಲೀಡರ್ ಎನ್ನಿಸಿಕೊಂಡಿದ್ದಾರೆ.
