ಭಾರತ Vs ಆಸ್ಟ್ರೇಲಿಯಾ ನಡುವೆ ನಾಲ್ಕನೇ ಟೆಸ್ಟ್ ಮ್ಯಾಚ್ – ಪಾಯಿಂಟ್ಸ್ ಟೇಬಲ್ ಲೆಕ್ಕಾಚಾರ ಹೇಗಿದೆ?

ಬಾರ್ಡರ್-ಗವಾಸ್ಕರ್ ಟೆಸ್ಟ್ ಸರಣಿಯ 4ನೇ ಪಂದ್ಯಕ್ಕೆ ಸ್ಟೇಜ್ ಫಿಕ್ಸ್ ಆಗಿದೆ. ಮೆಲ್ಬೋರ್ನ್​​ನ ಎಂಸಿಜಿ ಸ್ಟೇಡಿಯಮ್​ನಲ್ಲಿ ಭಾರತ ಮತ್ತು ಆಸ್ಟ್ರೇಲಿಯಾ ನಡುವೆ ನಾಳೆ ಭಾರತದಲ್ಲಿ ಕೋಳಿ ಕೂಗೋ ಹೊತ್ತಿಗೆಲ್ಲಾ ಉಭಯ ತಂಡಗಳು ಮೈದಾನದಲ್ಲಿ ಸೆಣಸಾಟ ನಡೆಸಲಿವೆ. ಭಾರತದ ಕಾಲಮಾನದ ಪ್ರಕಾರ ಮುಂಜಾನೆ 4.30ಕ್ಕೆ ಟಾಸ್ ಪ್ರೊಸೀಜರ್ಸ್ ನಡೆದ್ರೆ 5 ಗಂಟೆಯಿಂದ ಪಂದ್ಯ ಸ್ಟಾರ್ಟ್ ಆಗುತ್ತೆ. ವಿಶ್ವಟೆಸ್ಟ್ ಚಾಂಪಿಯನ್​ಶಿಪ್ ಫೈನಲ್​ ಟಿಕೆಟ್​ಗಾಗಿ ಕಾಯ್ತಿರೋ ಎರಡೂ ತಂಡಗಳ ಭವಿಷ್ಯವನ್ನ ಗುರುವಾರದಿಂದ ಶುರುವಾಗಲಿರುವ ಪಂದ್ಯ ಡಿಸೈಡ್ ಮಾಡುತ್ತೆ.

2023ರಿಂದ 2025ರ ಡಬ್ಲ್ಯೂಟಿಸಿ ಸೈಕಲ್​ನಲ್ಲಿ ಹಲವು ತಂಡಗಳು ಈಗಾಗ್ಲೇ ರೇಸ್​ನಿಂದ ಹೊರಬಿದ್ದಿವೆ. ಟಾಪ್ ತ್ರಿನಲ್ಲಿರೋ ರಾಷ್ಟ್ರಗಳಿಗೆ ಫೈನಲ್ ಪಂದ್ಯವನ್ನಾಡೋ ಚಾನ್ಸಸ್ ಇದೆ. ಸದ್ಯ ಪಾಯಿಂಟ್ಸ್ ಟೇಬಲ್ ನಲ್ಲಿ ಸೌತ್ ಆಫ್ರಿಕಾ ಮೊದಲ ಸ್ಥಾನದಲ್ಲಿದೆ. ಸೌತ್ ಆಫ್ರಿಕಾ ತಂಡವು ವಿಶ್ವಟೆಸ್ಟ್ ಚಾಂಪಿಯನ್ ಶಿಪ್ ಸೈಕಲ್​ನ 10 ಪಂದ್ಯಗಳನ್ನ ಆಡಿದೆ. ಅದ್ರಲ್ಲಿ 6 ಮ್ಯಾಚ್​ಗಳನ್ನ ವಿನ್ ಆಗಿದ್ರೆ 3 ಪಂದ್ಯಗಳನ್ನ ಸೋಲನ್ನ ಕಂಡಿದೆ. ಇನ್ನು 1 ಮ್ಯಾಚ್ ಡ್ರಾನಲ್ಲಿ ಅಂತ್ಯ ಕಂಡಿದೆ. ಹೀಗಾಗಿ ಸೌತ್ ಆಫ್ರಿಕಾ ಪಡೆ 63.330 ಪರ್ಸೆಂಟೇಜ್​ನೊಂದಿಗೆ ಪಾಯಿಂಟ್ಸ್ ಟೇಬಲ್​ನಲ್ಲಿ ಅಗ್ರಸ್ಥಾನದಲ್ಲಿದೆ.

ಇದನ್ನೂ ಓದಿ : ICU ಸೇರಿದ ವಿನೋದ್ ಕಾಂಬ್ಳಿ – ಅಹಂ.. ಹೆಂಡ.. ಹೆಣ್ಣು.. ನೆತ್ತಿಗೇರಿ ಬದುಕೇ ಹಾಳಾಗಿತಾ?

ಇನ್ನು ಪಾಯಿಂಟ್ಸ್ ಟೇಬಲ್​ನಲ್ಲಿ ಕಾಂಗರೂ ಪಡೆ ಎರಡನೇ ಸ್ಥಾನದಲ್ಲಿದೆ. ಡಬ್ಲ್ಯೂಟಿಸಿ ರೇಸ್ ನಲ್ಲಿ  15 ಪಂದ್ಯಗಳಲ್ಲಿ ಕಣಕ್ಕಿಳಿದಿರುವಂಥ ಆಸ್ಟ್ರೇಲಿಯಾ 9 ಪಂದ್ಯಗಳನ್ನ ಗೆದ್ದಿದೆ. ಹಾಗೇ ನಾಲ್ಕು ಪಂದ್ಯಗಳನ್ನ ಕೈಚೆಲ್ಲಿಕೊಂಡಿದೆ. ಇನ್ನು 2 ಪಂದ್ಯಗಳಲ್ಲಿ ಡ್ರಾ ಕಂಡಿದೆ. ಈ ಪ್ರಕಾರ ಪ್ಯಾಟ್ ಕಮಿನ್ಸ್ ನೇತೃತ್ವದ ಆಸ್ಟ್ರೇಲಿಯಾ ತಂಡ 58.890 ಶೇಕಡಾವಾರುವಿನೊಂದಿಗೆ ದ್ವಿತೀಯ ಸ್ಥಾನವನ್ನ ಪಡ್ಕೊಂಡಿದೆ. ಇನ್ನು ಆಸ್ಟ್ರೇಲಿಯಾಗೆ ಮತ್ತೊಂದು ಪ್ಲಸ್ ಪಾಯಿಂಗ್ ಕೂಡ ಇದೆ. ಭಾರತದ ವಿರುದ್ಧದ ಎರಡು ಟೆಸ್ಟ್ ಪಂದ್ಯಗಳು ಮುಗಿದ ಬಳಿಕ ಡಬ್ಲ್ಯೂಟಿಸಿ ಸೈಕಲ್​ನಲ್ಲಿ ಲಂಕಾ ವಿರುದ್ಧ ಇನ್ನೂ ಎರಡು ಪಂದ್ಯಗಳನ್ನ ಆಡಲಿದೆ. ಸೋ ಅಲ್ಲಿಗೆ ಆಸ್ಟ್ರೇಲಿಯಾಗೆ ರೇಸ್​ನಲ್ಲಿ ಉಳಿಯೋಕೆ ಮತ್ತಷ್ಟು ಅವಕಾಶ ಸಿಗುತ್ತೆ.

ಕಳೆದ ಎರಡು ಬಾರಿಯೂ ಫೈನಲ್ ಟಿಕೆಟ್ ಗಿಟ್ಟಿಸಿಕೊಂಡಿದ್ದ ಭಾರತ ಈ ಸಲ ಇನ್ನೂ ಕೂಡ ಫೈನಲ್​ನಲ್ಲಿ ಭಾಗಿಯಾಗೋದು ಅಧಿಕೃತವಾಗಿಲ್ಲ. ಸದ್ಯ ಪಾಯಿಂಟ್ಸ್ ಟೇಬಲ್​ನಲ್ಲಿ 3ನೇ ಪ್ಲೇಸ್​ನಲ್ಲಿರೋ ಭಾರತ ಡಬ್ಲ್ಯೂಟಿಸಿ ಸೈಕಲ್​ನಲ್ಲಿ 17 ಪಂದ್ಯಗಳನ್ನ ಆಡಿದೆ. ಅದ್ರಲ್ಲಿ 9 ಪಂದ್ಯಗಳನ್ನ ಗೆದ್ದಿದ್ದು 6ರಲ್ಲಿ ಸೋಲು ಕಂಡಿದೆ. 2 ಮ್ಯಾಚ್ ಡ್ರಾ ಆಗಿವೆ. ಈ ಮೂಲಕ 55.880 ಪರ್ಸೆಂಟೇಜ್​ನೊಂದಿಗೆ ಮೂರನೇ ಸ್ಥಾನದಲ್ಲಿದೆ. ಸೋ ಟಾಪ್ 2 ರೇಸ್​ಗೆ ಬರಬೇಕು ಅಂದ್ರೆ ಮುಂದಿನ ಎರಡು ಪಂದ್ಯಗಳ ರಿಸಲ್ಟ್ ಮೇಲೆ ಡಿಪೆಂಡ್ ಆಗುತ್ತೆ.

ಭಾರತ ಕಳೆದ ಎರಡೂ ಆವೃತ್ತಿಗಳಲ್ಲೂ ಫೈನಲ್ ತಲುಪಿದ್ರೂ ಕಪ್ ಗೆಲ್ಲೋಕೆ ಆಗಿಲ್ಲ. 2019-21ರ ಸೈಕಲ್​ನಲ್ಲಿ ನ್ಯೂಜಿಲೆಂಡ್ ತಂಡ ಭಾರತವನ್ನ ಮಣಿಸಿ ಚಾಂಪಿಯನ್ ಆಗಿತ್ತು. ಇನ್ನು 2021-23ರ ಸೈಕಲ್​ನಲ್ಲಿ ಆಸ್ಟ್ರೇಲಿಯಾ ತಂಡ ಭಾರತವನ್ನ ಸೋಲಿಸಿ ಚಾಂಪಿಯನ್ ಆಗಿ ಮೆರೆದಿತ್ತು. ಬಟ್ ಈ ಸಲ ಟೀಂ ಇಂಡಿಯಾ ಫೈನಲ್ ತಲುಪೋದೇ ಇನ್ನೂ ಕನ್ಫರ್ಮ್ ಆಗಿಲ್ಲ. ಬಟ್ ಹಂಗಂತ ಫೈನಲ್ ಆಡೋಕೆ ಸಾಧ್ಯನೇ ಇಲ್ಲ ಅಂತಾ ಏನಿಲ್ಲ. ಮುಂದಿನ ಎರಡು ಪಂದ್ಯಗಳ ಮೇಲೆ ಡಿಪೆಂಡ್ ಆಗ್ಬೇಕು ಅಷ್ಟೇ.