ನೋಡಿರಿ
ಕೋಳಿ ಹೇಳುತ್ತಾ ಅಪರಾಧದ ಸಾಕ್ಷಿ? – ದಿನದ 24 ಗಂಟೆ ಕೋಳಿಗೆ ಪೊಲೀಸ್ರಿಂದ ವಿಐಪಿ ಭದ್ರತೆ!
ಭಾರತದಲ್ಲಿ ರಾಜಕಾರಣಿಗಳಿಗೆ, ಸೆಲೆಬ್ರಿಟಿಗಳಿಗೆ, ಶ್ರೀಮಂತರಿಗೆ ಮತ್ತು ಜೀವ ಬೆದರಿಕೆ ಇರುವ ವ್ಯಕ್ತಿಗಳಿಗೆ ಪೊಲೀಸರು Z+ ಭದ್ರತೆ ಒದಗಿಸುತ್ತಾರೆ. ಆದ್ರೆ ಇಲ್ಲಿ ಒಂದು ಕೋಳಿಗೆ ಪೊಲೀಸರು ವಿಐಪಿ ಭದ್ರತೆ ನೀಡಿದ್ದಾರೆ. ಅರೆ ಕೋಳಿಗ್ಯಾಕೆ ಸೆಕ್ಯೂಟಿರಿ ಅಂತಾ ನಿಮಗೆ ಅನ್ನಿಸಬಹುದು..? ಕೋಳಿಗೆ ಯಾಕೆ ಭದ್ರೆತೆ ನೀಡಲಾಗುತ್ತಿದೆ ಅನ್ನೋ ಮಾಹಿತಿ ಇಲ್ಲಿದೆ.
ಇದನ್ನೂ ಓದಿ: ಜ್ಞಾನವಾಪಿ ಮಸೀದಿ ಪ್ರಕರಣಕ್ಕೆ ಸಂಬಂಧಿಸಿ ಕೋರ್ಟ್‌ನಿಂದ ಐತಿಹಾಸಿಕ ತೀರ್ಪು – ಮಸೀದಿಯ ನೆಲಮಾಳಿಗೆಯಲ್ಲಿ ಪೂಜೆಗೆ ಅವಕಾಶ!
ಕೋರ್ಟ್‌ಗೆ ಬರುವ ಕೆಲವೊಂದು ಪ್ರಕರಣಗಳು ಚಿತ್ರ ವಿಚಿತ್ರವಾಗಿರುತ್ತವೆ. ಅಂತದ್ದೇ ಅಚ್ಚರಿಯ ಘಟನೆಯೊಂದು ಪಂಜಾಬ್ನ ಬಟಿಂಡಾದಲ್ಲಿ ನಡೆದಿದೆ. ಈ ಪ್ರಕರಣದಲ್ಲಿ ಕೋಳಿಯೇ ಮುಖ್ಯ ಸಾಕ್ಷಿಯಾಗಿದ್ದು, ಪೊಲೀಸರು ವಿಐಪಿ ಭದ್ರತೆ ನೀಡುತ್ತಿದ್ದಾರೆ. ಟೈಮಿಗೆ ಸರಿಯಾಗಿ ಆಹಾರ ನೀರು ನೀಡಿ ದಿನದ 24ಗಂಟೆಯೂ ಆರೈಕೆ ಮಾಡ್ತಿದ್ದಾರೆ. ಅಷ್ಟಕ್ಕೂ ಸಾಮಾನ್ಯ ಕೋಳಿವೊಂದಕ್ಕೆ ವಿಐಪಿ ಟ್ರೀಟ್ಮೆಂಟ್ ನೀಡುತ್ತಿರುವುದರ ಹಿಂದೆ ರೋಚಕ ಕಥೆ ಇದೆ.
ಕರ್ನಾಟಕದ ಕೆಲ ಭಾಗಗಳಲ್ಲಿ ಕದ್ದು ಮುಚ್ಚಿ ನಡೆಸುವ ಕೋಳಿ ಕಾಳಗ ಪಂಜಾಬ್ನಲ್ಲೂ ಫೇಮಸ್ ಆಗಿದೆ. ಕಾಕ್ಫೈಟ್ ಎಂದೇ ಜನಪ್ರಿಯವಾಗಿರುವ ಈ ಕೋಳಿ ಕಾಳಗವನ್ನು ಬಟಿಂಡಾ ಜಿಲ್ಲೆಯ ಬಳ್ಳುವಾನ ಗ್ರಾಮದಲ್ಲಿ ಆಯೋಜಿಸಲಾಗಿತ್ತು. ಆದ್ರೆ ಕೋಳಿಗಳ ಕಾಳಗವನ್ನು ನಡೆಸುವುದು ಕಾನೂನು ಬಾಹಿರವಾಗಿದ್ದು, ಅಕ್ರಮವಾಗಿ ನಡೆಸಿದ್ದ ಈ ಕಾಳಗದಲ್ಲಿ ಸುಮಾರು 200ಕ್ಕೂ ಹೆಚ್ಚು ಜನ ಭಾಗವಹಿಸಿದ್ದರು. ಈ ಸುದ್ದಿ ತಿಳಿದ ಪೊಲೀಸರು ಕಾಳಗದ ಅಡ್ಡೆ ಮೇಲೆ ದಾಳಿ ಮಾಡಿ ಓರ್ವ ವ್ಯಕ್ತಿ, ಒಂದು ಕೋಳಿ ಹಾಗೂ 12 ಟ್ರೋಫಿಗಳನ್ನು ವಶಪಡಿಸಿಕೊಂಡಿದ್ದರು. ಬಳಿಕ ಬಂಧಿತ ಓರ್ವ ಆರೋಪಿ, ಕೋಳಿ ಹಾಗೂ 12 ಟ್ರೋಫಿಗಳನ್ನು ಪೊಲೀಸರು ಕೋರ್ಟ್ ಮುಂದೆ ಹಾಜರುಪಡಿಸಿದ್ದರು. ಈ ಪ್ರಕರಣದಲ್ಲಿ ಆರೋಪಿಗಳ ವಿರುದ್ಧ ಕೋಳಿಯನ್ನೇ ಸಾಕ್ಷಿಯನ್ನಾಗಿ ಬಳಸಿಕೊಳ್ಳಲಾಗುವುದು ಎಂದು ಪೊಲೀಸರು ತಿಳಿಸಿದ್ದಾರೆ. ಹೀಗಾಗಿ ಆರೋಪಿಗಳು ಸಾಕ್ಷ್ಯವನ್ನ ನಾಶಪಡಿಸುವ ಸಾಧ್ಯತೆ ಇದು ಎಂದು ಪೊಲೀಸ್ ಠಾಣೆ ಆವರಣದಲ್ಲಿ ಕೋಳಿಗೆ ಸೂಕ್ತ ಭದ್ರತೆಯನ್ನು ಪಂಜಾಬ್ ಪೊಲೀಸರು ಒದಗಿಸುತ್ತಿದ್ದಾರೆ. ಬಹುಶಃ ಆ ಕೋಳಿ ಅದೃಷ್ಟ ಚೆನ್ನಾಗಿತ್ತು ಅನ್ಸುತ್ತೆ. ಹೀಗಾಗಿ ಪೊಲೀಸ್ರ ಕೈಗೆ ಸಿಕ್ಕಿ ವಿಐಪಿ ಭದ್ರತೆ ಪಡೀತಿದೆ. ಇಲ್ದಿದ್ರೆ ಯಾರದ್ದಾದ್ರೂ ಮನೆಯಲ್ಲಿ ಇಷ್ಟೊತ್ತಿಗೆ ಸಾಂಬಾರೋ, ಫ್ರೈಯೋ ಆಗಿ ಜನರ ಹೊಟ್ಟೆ ಸೇರಿರುತ್ತಿತ್ತು.
