ನೋಡಿರಿ
ವಿಶ್ವಕಪ್ನ ಹೀರೋ ಶಮಿ ಮುಂದಿನ ಟಿ-20 ವಿಶ್ವಕಪ್‌ನಲ್ಲಿ ಆಡ್ತಾರಾ? – ಸೆಲೆಕ್ಷನ್ ಕಮಿಟಿಯ ಲೆಕ್ಕಾಚಾರವೇನು?
ವರ್ಲ್ಡ್ಕಪ್ ಮುಗಿದ ಮೇಲೆ ಈಗ ಟೀಂ ಇಂಡಿಯಾ 2024ರಲ್ಲಿ ನಡೆಯೋ ಟಿ-20 ವಿಶ್ವಕಪ್ ಗೆ ತಯಾರಿ ಮಾಡುತ್ತಿದೆ. ಒಂದು ಸ್ಟ್ರಾಂಗ್ ಟಿ-20 ತಂಡವನ್ನ ಕಟ್ಟಲು ಭರದ ಸಿದ್ಧತೆ ನಡೆಯುತ್ತಿದೆ. ಆಸ್ಟ್ರೇಲಿಯಾ ವಿರುದ್ಧದ ಟಿ-20 ಸೀರಿಸ್ನ್ನು ಭಾರತ ಗೆದ್ದಿದೆ. ಆದರೆ, ಈ ಸೀರಿಸ್ನಿಂದ ಸ್ಪಷ್ಟವಾಗಿರೋ ಅಂಶ ಏನಂದರೆ, ಟೀಂ ಇಂಡಿಯಾದ ಬೌಲಿಂಗ್ ಇನ್ನಷ್ಟು ಶಾರ್ಪ್ ಆಗಲೇಬೇಕಿದೆ. ವಂಡೇ ವರ್ಲ್ಡ್ಕಪ್ನಲ್ಲಿ ಬೌಲಿಂಗ್ ಡಿಪಾರ್ಟ್ಮೆಂಟ್ ಅತ್ಯಂತ ಸ್ಟ್ರಾಂಗ್ ಆಗಿತ್ತು. ಬೌಲರ್ಸ್ಗಳೇ ನಿಜವಾದ ಹೀರೋಗಳಾಗಿದ್ರು. ಅದ್ರಲ್ಲೂ ಮೊಹಮ್ಮದ್ ಶಮಿ ಬಗ್ಗೆಯಂತೂ ಹೇಳಬೇಕಾದ ಅವಶ್ಯಕತೆಯೇ ಇಲ್ಲ. ಆದ್ರೆ ವಿಶ್ವಕಪ್ನ ಹೀರೋ ಶಮಿ ಮುಂದಿನ ಟಿ-20 ವರ್ಲ್ಡ್ಕಪ್ನಲ್ಲಿ ಆಡ್ತಾರಾ? ಇಲ್ವಾ ಅನ್ನೋ ಪ್ರಶ್ನೆ ಈಗ ಎದ್ದಿದೆ. ಈ ಬಗ್ಗೆ ವಿವರವಾದ ಮಾಹಿತಿ ಇಲ್ಲಿದೆ.
ಇದನ್ನೂ ಓದಿ: ನೋವಿನ ಬದುಕು ನುಂಗಿ ವಿಶ್ವಕಪ್‌ನಲ್ಲಿ ಶಮಿ ಶ್ರೇಷ್ಠ ಸಾಧನೆ -ಟೀಮ್ ಇಂಡಿಯಾ ಗೆಲುವಿನ ರೂವಾರಿ ಶಮಿ
ಕ್ಯಾಪ್ಟನ್ ರೋಹಿತ್ ಶರ್ಮಾ ಮತ್ತು ವಿರಾಟ್ ಕೊಹ್ಲಿಯ ಟಿ-20 ಕೆರಿಯರ್ ಬಗ್ಗೆ ಕುತೂಹಲ ಇರುವಾಗಲೇ ಮೊಹಮ್ಮದ್ ಶಮಿ ಕೂಡಾ ಆಡುತ್ತಾರಾ ಇಲ್ಲವಾ ಎಂಬ ಪ್ರಶ್ನೆ ಎದುರಾಗಿದೆ. ಯಾಕೆಂದರೆ ಶಮಿ ಕೂಡ ಟೀಂ ಇಂಡಿಯಾ ಪರ ಲಾಸ್ಟ್ ಟಿ-20 ಮ್ಯಾಚ್ನ್ನ ಆಡಿರೋದು 2022ರ ವರ್ಲ್ಡ್ಕಪ್ನಲ್ಲೇ. ಈಗ ದಕ್ಷಿಣ ಆಫ್ರಿಕಾ ವಿರುದ್ಧದ ಟಿ-20 ಸೀರಿಸ್ನಲ್ಲಿ ಕೂಡ ಶಮಿ ಆಡುತ್ತಿಲ್ಲ. ಆದರೆ, ಇಂಡಿಯನ್ ಟಿ-20 ಟೀಂನ ಈಗಿನ ಬೌಲಿಂಗ್ ಲೈನ್ಅಪ್ ನೋಡಿದಾಗ ಮುಂದಿನ ವರ್ಲ್ಡ್ಕಪ್ಗೆ ಶಮಿಯಂತಾ ಬೌಲರ್ ತಂಡಕ್ಕೆ ಅತ್ಯಂತ ಅನಿವಾರ್ಯ ಅಂತಾ ಅನ್ನಿಸುತ್ತಿದೆ. ಶಮಿ ಅಂದಕೂಡಲೇ ಎಲ್ಲರಿಗೂ ನೆನಪಾಗೋದು ವರ್ಲ್ಡ್ಕಪ್ನ ಪರ್ಫಾಮೆನ್ಸ್. ಈ ಪ್ರದರ್ಶನದ ಆಧಾರದ ಮೇಲೆಯೇ ಶಮಿಯನ್ನ ನೆಕ್ಟ್ಸ್ ಟಿ-20 ವರ್ಲ್ಡ್ಕಪ್ ಟೀಂಗೂ ತೆಗೆದುಕೊಳ್ಳೋಕೆ ಅಗೋದೆ ಇಲ್ಲ. ಏಕದಿನ, ಟೆಸ್ಟ್ನಲ್ಲಿ ಬೌಲಿಂಗ್ ಮಾಡೋ ರೀತಿಯೇ ಬೇರೆ. ಟಿ-20ಯಲ್ಲಿ ಬೌಲರ್ಸ್ಗೆ ಎದುರಾಗೋ ಚಾಲೆಂಜೇ ಬೇರೆ. ಯಾಕಂದ್ರೆ, ಟಿ-20ಯಲ್ಲಿ ಒಬ್ಬ ಬೌಲರ್ಗೆ ಒಂದು ಮ್ಯಾಚ್ನಲ್ಲಿ ಬೌಲ್ ಮಾಡೋಕೆ ಸಾಧ್ಯವಾಗೋದು 4 ಓವರ್‌ಗಳು ಮಾತ್ರ. ಈ ನಾಲ್ಕು ಓವರ್ಗಳಲ್ಲೇ ಆತ ವಿಕೆಟ್ ತೆಗೀಬೇಕು. ರನ್ ಕೂಡ ಕಂಟ್ರೋಲ್ ಮಾಡಬೇಕು. ಟೀಂ ಇಂಡಿಯಾದಲ್ಲಿ ಈಗ ಇರೋ ಸೀನಿಯರ್ ಬೌಲರ್ಸ್ಗಳ ಪೈಕಿ ಜಸ್ಪ್ರಿತ್ ಬುಮ್ರಾ ಮಾತ್ರ ಟಿ-20 ಫಾರ್ಮೆಟ್ನಲ್ಲಿ ಕ್ಲಿಕ್ ಆಗಿದ್ದಾರೆ. ಟಿ-20ಯಲ್ಲೂ ಎಕ್ಸ್ಪರ್ಟ್ ಬೌಲರ್ ಆಗಿದ್ದಾರೆ. ಆದ್ರೆ ಮೊಹಮ್ಮದ್ ಶಮಿ ಇದುವರೆಗೂ ಟಿ-20ಯಲ್ಲಿ ಅಷ್ಟೊಂದು ಎಫೆಕ್ಟಿವ್ ಬೌಲರ್ ಆಗಿಲ್ಲ. ಟಿ-20 ಫಾರ್ಮೆಟ್ನಲ್ಲಿ ಶಮಿಯ ಟ್ರ್ಯಾಕ್ ರೆಕಾರ್ಡ್ ಹೇಗಿದೆ ಅನ್ನೋದರ ವಿವರ ಹೀಗಿದೆ.
- ಟೀಂ ಇಂಡಿಯಾ ಪರ 23 ಮ್ಯಾಚ್ಗಳನ್ನಾಡಿರುವ ಶಮಿ
- 23 ಪಂದ್ಯಗಳಲ್ಲಿ ಒಟ್ಟು 24 ವಿಕೆಟ್ ಪಡೆದಿರುವ ಶಮಿ
- ಮೊಹಮ್ಮದ್ ಶಮಿಯ ಬೆಸ್ಟ್ ಸ್ಪೆಲ್ ಅಂದ್ರೆ 3/15
- ಐಪಿಎಲ್ನಲ್ಲಿ 110 ಮ್ಯಾಚ್ಗಳನ್ನ ಅಡಿರುವ ಶಮಿ
- 110 ಮ್ಯಾಚ್ಗಳಲ್ಲಿ 127 ವಿಕೆಟ್ ಪಡೆದಿರುವ ಶಮಿ
- ಐಪಿಎಲ್ನಲ್ಲಿ ಶಮಿಯ ಬೆಸ್ಟ್ ಸ್ಪೆಲ್ ಅಂದ್ರೆ 4/11
ಇದು ಟಿ-20 ಕ್ರಿಕೆಟ್ನಲ್ಲಿ ಮೊಹಮ್ಮದ್ ಶಮಿಯ ಟ್ರ್ಯಾಕ್ ರೆಕಾರ್ಡ್. ಇಂಡಿಯನ್ ಟಿ-20 ಟೀಮ್ನಲ್ಲಿ ಶಮಿಯನ್ನ ಫುಲ್ ಟೈಮ್ ಪ್ಲೇಯರ್ ಆಗಿ ಪರಿಗಣಿಸಿಲ್ಲ ಅನ್ನೋದಕ್ಕೆ ಅವರು ಆಡಿರೋ ಮ್ಯಾಚ್ಗಳೇ ಸಾಕ್ಷಿ.
ಹಾಗಿದ್ರೆ ವಂಡೇ ವಿಶ್ವಕಪ್ನ ಹೀರೋ ಶಮಿಯನ್ನ ಮುಂದಿನ ಟಿ-20 ವರ್ಲ್ಡ್ಕಪ್ ಟೀಂಗೆ ಸೆಲೆಕ್ಟ್ ಮಾಡೋದೆ ಇಲ್ವಾ? ಶಮಿ ಟಿ-20 ಕೆರಿಯರ್ ವಿಚಾರದಲ್ಲಿ ಸೆಲೆಕ್ಷನ್ ಕಮಿಟಿಯ ಲೆಕ್ಕಾಚಾರವೇನು ಅನ್ನೋದು ಇಲ್ಲಿರುವ ಇನ್ನೊಂದು ಪ್ರಶ್ನೆ. ಇದಕ್ಕೆ ಉತ್ತರ ಐಪಿಎಲ್.. ಯೆಸ್.. ಮುಂದಿನ ಐಪಿಎಲ್ ಟೂರ್ನಿ ಮೊಹಮ್ಮದ್ ಶಮಿಯ ಟಿ-20 ಕೆರಿಯರ್ನ್ನ ನಿರ್ಧರಿಸಲಿದೆ. ಅಮೆರಿಕ ಮತ್ತು ವೆಸ್ಟ್ಇಂಡೀಸ್ನಲ್ಲಿ ನಡೆಯೋ ಟಿ-20 ವಿಶ್ವಕಪ್ಗೂ ಮುನ್ನ ಐಪಿಎಲ್ ಟೂರ್ನಿ ನಡೆಯುತ್ತೆ. ಒಂದು ವೇಳೆ ಐಪಿಎಲ್ನಲ್ಲಿ ಶಮಿ ಕ್ಲಿಕ್ ಆದ್ರೂ ಅಂದ್ರೆ, ಟಿ-20 ವರ್ಲ್ಡ್ಕಪ್ ಸ್ಕ್ವಾಡ್ಗೆ ಶಮಿಯನ್ನ ಸೆಲೆಕ್ಟ್ ಮಾಡುವ ಪ್ಲ್ಯಾನ್ನಲ್ಲಿ ಟೀಂ ಇಂಡಿಯಾ ಸಲೆಕ್ಷನ್ ಕಮಿಟಿ ಇದೆ. ಒಂದು ವೇಳೆ ಐಪಿಎಲ್ನಲ್ಲಿ ಶಮಿ ಕಡೆಯಿಂದ ನಿರೀಕ್ಷೆಗೆ ತಕ್ಕ ಪರ್ಫಾಮೆನ್ಸ್ ಬಂದಿಲ್ಲ ಅಂದ್ರೆ ಟಿ-20 ವರ್ಲ್ಡ್ಕಪ್ಗೆ ಅವರನ್ನ ಪಿಕ್ ಮಾಡೋದು ಅನುಮಾನ.
ಆದ್ರೆ ಇಲ್ಲಿ ಇನ್ನೊಂದು ವಿಚಾರವನ್ನ ಹೇಳಲೇಬೇಕು. ಈ ಹಿಂದಿನ ಐಪಿಎಲ್ ಟೂರ್ನಿಯಲ್ಲಿ ಮೊಹಮ್ಮದ್ ಶಮಿ ಟಾಪ್ ವಿಕೆಟ್ ಟೇಕರ್ ಆಗಿದ್ರು. ಗುಜರಾತ್ ಟೈಟಾನ್ಸ್ನಲ್ಲಿರೋ ಶಮಿ ಕಳೆದ ಐಪಿಎಲ್ನಲ್ಲಿ 17 ಮ್ಯಾಚ್ಗಳಲ್ಲಿ ಒಟ್ಟು 28 ವಿಕೆಟ್ಗಳನ್ನ ಕಬಳಿಸಿದ್ರು. ಒಟ್ಟು 5 ಬಾರಿ ಒಂದೇ ಮ್ಯಾಚ್ನಲ್ಲಿ 3 ವಿಕೆಟ್ಗಳನ್ನ ಪಡೆದಿದ್ರು. ಇಡೀ ಟೂರ್ನಿಯಲ್ಲೇ ಶಮಿ ಹೈಯೆಸ್ಟ್ ವಿಕೆಟ್ ಟೇಕರ್ ಆಗಿದ್ರು. ಜೊತೆಗೆ ಅತ್ಯಂತ ಇಕಾನಮಿ ಬೌಲರ್ ಆಗಿದ್ರು. ಹೀಗಾಗಿ ಮುಂದಿನ ಐಪಿಎಲ್ನಲ್ಲೂ ಮೊಹಮ್ಮದ್ ಶಮಿಯಿಂದ ಇದೇ ರೀತಿಯ ಪರ್ಫಾಮೆನ್ಸ್ ಬಂದ್ರೆ ಟಿ-20 ವರ್ಲ್ಡ್ಕಪ್ನಲ್ಲೂ ಆಡಬಹುದು. ಹೀಗಾಗಿ ಐಪಿಎಲ್ ಅಕ್ಷರಶ: ಶಮಿಯ ಟಿ-20 ಕೆರಿಯರ್ನ್ನ ನಿರ್ಧರಿಸೋದ್ರಲ್ಲಿ ಡೌಟೇ ಇಲ್ಲ.
ಇನ್ನು ಸದ್ಯಕ್ಕಂತೂ ಮೊಹಮ್ಮದ್ ಟೆಸ್ಟ್ ಕ್ರಿಕೆಟ್ನತ್ತ ಫೋಕಸ್ ಮಾಡಿದ್ದಾರೆ. ವೈಟ್ ಬಾಲ್ ಕ್ರಿಕೆಟ್ನಲ್ಲಿ ಸ್ವಲ್ಪ ಟೈಮ್ ದೂರ ಉಳಿಯೋಕೆ ನಿರ್ಧರಿಸಿದ್ದಾರೆ. ದಕ್ಷಿಣ ಆಫ್ರಿಕಾ ವಿರುದ್ಧ ಟೆಸ್ಟ್ ಸೀರಿಸ್ನಲ್ಲಿ ಮಾತ್ರ ಶಮಿ ಆಡ್ತಾ ಇದ್ದಾರೆ. ಮುಂದಿನ ದಿನಗಳಲ್ಲಿ ಟೀಂ ಇಂಡಿಯಾ ಒಟ್ಟು 7 ಪ್ರಮುಖ ಟೆಸ್ಟ್ ಮ್ಯಾಚ್ಗಳನ್ನ ಆಡಲಿದೆ. ಇಂಗ್ಲೆಂಡ್ ವಿರುದ್ಧ ಒಟ್ಟು 5 ಟೆಸ್ಟ್ ಮ್ಯಾಚ್ಗಳು ನಡೆಯಲಿದೆ. ಹೀಗಾಘಿ ಟೆಸ್ಟ್ ಸೀರಿಸ್ಗಳನ್ನ ಆಡೋದೆ ಶಮಿಯ ಮೇನ್ ಫೋಕಸ್ ಆಗಿದೆ. ಇವೆಲ್ಲದ್ರ ಮಧ್ಯೆ ಮೊಹಮ್ಮದ್ ಶಮಿಯ ಕಾಲಿಗೆ ಇಂಜ್ಯೂರಿಯಾಗಿದ್ದು, ಸದ್ಯ ಟ್ರೀಟ್ಮೆಂಟ್ ಪಡೀತಾ ಇದ್ದಾರೆ. ಒಂದು ವೇಳೆ ಕಂಪ್ಲೀಟ್ ಫಿಟ್ ಆದ್ರು ಅಂದ್ರೆ ಮಾತ್ರ ದಕ್ಷಿಣ ಆಫ್ರಿಕಾ ವಿರುದ್ಧ ಟೆಸ್ಟ್ ಸೀರಿಸ್ನಲ್ಲಿ ಆಡ್ತಾರೆ. ಇಲ್ಲಾಂದ್ರೆ ಅದನ್ನೂ ಮಿಸ್ ಮಾಡಿಕೊಳ್ಳಬಹುದು. ಅಂತೂ ಟೀಂ ಇಂಡಿಯಾದ ಮೂವರು ಸೀನಿಯರ್ ಕ್ರಿಕೆಟರ್ಸ್ಗಳ ಟಿ-20 ಕೆರಿಯರ್ ಬಗ್ಗೆ ಈಗ ಸಾಕಷ್ಟು ಸುದ್ದಿಗಳು ಹರಿದಾಡ್ತಾ ಇವೆ. ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ ಮತ್ತು ಮೊಹಮ್ಮದ್ ಶಮಿ.. ಈ ಮೂವರು ಕೂಡ ವಂಡೇ ವರ್ಲ್ಡ್ಕಪ್ನಲ್ಲಿ ಟೀಂ ಇಂಡಿಯಾದ ಮೂರು ಕಂಬಗಳಂತಿದ್ರು. ಆದ್ರೀಗ ಟಿ-20 ವರ್ಲ್ಡ್ಕಪ್ನಲ್ಲೂ ಆಡ್ತಾರಾ ಅನ್ನೋದೆ ಈಗಿರುವ ಪ್ರಶ್ನೆ.
