ನೋಡಿರಿ
ಟೆಸ್ಟ್ನಲ್ಲಿ ರೋಹಿತ್ ಎವರೇಜ್ ಕ್ಯಾಪ್ಟನ್ ಎಂದಿದ್ಯಾಕೆ? – ಎರಡನೇ ಟೆಸ್ಟ್ ಆಡಲ್ವಾ ವಿರಾಟ್ ಕೊಹ್ಲಿ?
ವಿರಾಟ್ ಕೊಹ್ಲಿ ಇಂಗ್ಲೆಂಡ್ ವಿರುದ್ಧ ಇಡೀ ಸೀರಿಸ್ನ್ನೇ ಆಡ್ತಾ ಇಲ್ವಾ? ಫಸ್ಟ್ ಎರಡು ಮ್ಯಾಚ್ಗಳನ್ನ ಆಡಲ್ಲ ಎಂದಿರೋ ಕೊಹ್ಲಿ, ಕೊನೆಯ ಮೂರು ಟೆಸ್ಟ್ಗೂ ಟೀಂನ್ನ ಜಾಯಿನ್ ಆಗೋದಿಲ್ವಾ? ಹಾಗೆಯೇ ಮಾಜಿ ಕ್ರಿಕೆಟಿಗರೊಬ್ಬರು ರೋಹಿತ್ ಶರ್ಮಾರದ್ದು ಎವರೇಜ್ ಕ್ಯಾಪ್ಟನ್ಸಿ ಎಂದಿದ್ದಾರೆ. ರೋಹಿತ್ಗಿಂತ ಕೊಹ್ಲಿಯೇ ಬೆಸ್ಟ್ ಕ್ಯಾಪ್ಟನ್ ಎಂದಿದ್ದಾರೆ. ಅವರು ಹೇಳಿಕೆ ಹಿಂದೆ ಇರುವ ಉದ್ದೇಶವೇನು ಎಂಬ ಬಗ್ಗೆ ವಿವರ ಇಲ್ಲಿದೆ.
ಇದನ್ನೂ ಓದಿ: ಕಾಯುತ್ತಿದ್ದ ದಿನಗಳು ಬಂದೇ ಬಿಟ್ಟಿತು – ಟೀಮ್ ಇಂಡಿಯಾ ತಂಡದಲ್ಲಿ ಸ್ಥಾನ ಪಡೆದ ಸರ್ಫರಾಜ್ ಖಾನ್
ಇಂಗ್ಲೆಂಡ್ ವಿರುದ್ಧದ ಫಸ್ಟ್ ಟೆಸ್ಟ್ ಮ್ಯಾಚ್ನಲ್ಲಿ ಕೊಹ್ಲಿ ಆಡಿಲ್ಲ. ಸೆಕೆಂಡ್ ಟೆಸ್ಟ್ನಲ್ಲೂ ಆಡ್ತಾ ಇಲ್ಲ. ಬಟ್ ಉಳಿದ ಮೂರು ಟೆಸ್ಟ್ ಮ್ಯಾಚ್ಗಳಲ್ಲಿ ಆಡ್ತಾರೆ ಅನ್ನೋದು ಕೂಡ ಗ್ಯಾರಂಟಿ ಇಲ್ಲ. ಯಾಕಂದ್ರೆ ಈ ಬಗ್ಗೆ ಬಿಸಿಸಿಐ ಮಹತ್ವದ ಮಾಹಿತಿಯೊಂದನ್ನ ಕೊಟ್ಟಿದೆ. ವಿರಾಟ್ ಕೊಹ್ಲಿ ಮೊದಲ ಎರಡು ಮ್ಯಾಚ್ಗಳಲ್ಲಿ ಆಡೋಕೆ ಆಗೋದಿಲ್ಲ ಅಂತಷ್ಟೇ ಬಿಸಿಸಿಐಗೆ ಇನ್ಫಾರ್ಮ್ ಮಾಡಿದ್ರಂತೆ. ಹಾಗಂತಾ ಉಳಿದ ಮೂರು ಮ್ಯಾಚ್ಗಳಿಗೆ ಕಮ್ಬ್ಯಾಕ್ ಮಾಡ್ತೀನಿ ಅನ್ನೋ ಬಗ್ಗೆ ಕೊಹ್ಲಿ ಯಾವುದೇ ಮಾಹಿತಿಯನ್ನ ಕೊಟ್ಟಿಲ್ವಂತೆ. ಕೊಹ್ಲಿ ಮೂರನೇ ಟೆಸ್ಟ್ಗೆ ಅವೈಲೆಬಲ್ ಇದ್ದಾರಾ? ಇಲ್ವಾ? ಅನ್ನೋ ಬಗ್ಗೆ ಬಿಸಿಸಿಐಗೂ ಯಾವುದೇ ಕ್ಲ್ಯಾರಿಟಿ ಇಲ್ಲ. ಈಗಾಗ್ಲೇ ಕೊಹ್ಲಿ ಆಬ್ಸೆನ್ಸ್ನಲ್ಲಿ ಟೀಂ ಇಂಡಿಯಾ ಫಸ್ಟ್ ಮ್ಯಾಚ್ನ್ನ ಸೋತಾಗಿದೆ. ಕೊನೆಯ ಮೂರು ಟೆಸ್ಟ್ ಮ್ಯಾಚ್ಗಳಲ್ಲಾದ್ರೂ ವಿರಾಟ್ ಕೊಹ್ಲಿ ಆಡಲಿ ಅಂತಾನೆ ಎಲ್ಲರೂ ಕಾಯ್ತಾ ಇದ್ದಾರೆ. ಒಂದು ವೇಳೆ ಲಾಸ್ಟ್ ಮೂರು ಟೆಸ್ಟ್ ಮ್ಯಾಚ್ಗಳಿಗೂ ಕೊಹ್ಲಿ ಅವೈಲೇಬಲ್ ಇಲ್ಲಾಂದ್ರೆ ಟೀಂ ಇಂಡಿಯಾಗೆ ದೊಡ್ಡ ಹೊಡೆತ ಬೀಳೋದ್ರಲ್ಲಿ ಡೌಟೇ ಇಲ್ಲ.
ಈ ನಡುವೆ ಟೆಸ್ಟ್ನಲ್ಲಿ ರೋಹಿತ್ ಶರ್ಮಾ ಕ್ಯಾಪ್ಟನ್ಸಿ ಬಗ್ಗೆ ಈಗ ಒಂದಷ್ಟು ಚರ್ಚೆಗಳು ಶುರುವಾಗಿವೆ. ಇಂಗ್ಲೆಂಡ್ ವಿರುದ್ಧದ ಫಸ್ಟ್ ಟೆಸ್ಟ್ ಸೋಲಿನ ಬಳಿಕ ಟೆಸ್ಟ್ ಕ್ಯಾಪ್ಟನ್ಸಿಗೆ ರೋಹಿತ್ಗಿಂತ ವಿರಾಟ್ ಕೊಹ್ಲಿಯೇ ಬೆಟರ್ ಅಂತಾ ಒಂದಷ್ಟು ಮಂದಿ ಹೇಳ್ತಾ ಇದ್ದಾರೆ. ಇಂಗ್ಲೆಂಡ್ ಟೀಮ್ನ ಮಾಜಿ ನಾಯಕ ಮೈಕಲ್ ವಾನ್ ಕೂಡ ಈ ಬಗ್ಗೆ ಮಾತನಾಡಿದ್ದು, ಒಂದು ವೇಳೆ ವಿರಾಟ್ ಕೊಹ್ಲಿ ಕ್ಯಾಪ್ಟನ್ ಆಗಿರ್ತಿದ್ರೆ ಇಂಗ್ಲೆಂಡ್ ವಿರುದ್ಧದ ಫಸ್ಟ್ ಟೆಸ್ಟ್ನಲ್ಲಿ ಭಾರತ ಸೋಲ್ತಾ ಇರಲಿಲ್ಲ ಅಂತಾ ಮೈಕಲ್ ವಾನ್ ಹೇಳಿದ್ದಾರೆ. ಫಸ್ಟ್ ಇನ್ನಿಂಗ್ಸ್ನಲ್ಲಿ 190 ರನ್ಗಳ ಲೀಡ್ ಪಡೆದುಕೊಂಡ್ರೂ ಟೀಂ ಇಂಡಿಯಾ ಮ್ಯಾಚ್ ಸೋತಿದೆ. ಸೆಕೆಂಡ್ ಇನ್ನಿಂಗ್ಸ್ನಲ್ಲಿ ಇಂಗ್ಲೆಂಡ್ ಬ್ಯಾಟಿಂಗ್ ಮಾಡೋ ವೇಳೆ ಕ್ಯಾಪ್ಟನ್ ಆಗಿ ರೋಹಿತ್ ಶರ್ಮಾ ಕಂಪ್ಲೀಟ್ ಸ್ವಿಚ್ ಆಫ್ ಆಗಿದ್ರು. ಒಂದು ವೇಳೆ ವಿರಾಟ್ ಕೊಹ್ಲಿ ಕ್ಯಾಪ್ಟನ್ ಆಗಿರ್ತಿದ್ರೆ ಹೀಗಾಗ್ತಾ ಇರಲಿಲ್ಲ. ಟೆಸ್ಟ್ ಫಾರ್ಮೆಟ್ನಲ್ಲಿ ಇಂಡಿಯನ್ ಕ್ರಿಕೆಟ್ ಟೀಮ್ ಕೊಹ್ಲಿ ಕ್ಯಾಪ್ಟನ್ಸಿಯನ್ನ ತುಂಬಾನೆ ಮಿಸ್ ಮಾಡಿಕೊಳ್ತಿದೆ ಅಂತಾ ಮೈಕಲ್ ವಾನ್ ಹೇಳಿದ್ದಾರೆ. ಅಷ್ಟೇ ಅಲ್ಲ, ಟೆಸ್ಟ್ನಲ್ಲಿ ವಿರಾಟ್ ಕೊಹ್ಲಿಯೇ ಬೆಸ್ಟ್ ಕ್ಯಾಪ್ಟನ್. ಬಟ್ ರೋಹಿತ್ ಶರ್ಮಾ ಕ್ಯಾಪ್ಟನ್ಸಿ ಎವರೇಜ್ ಆಗಿದ್ಯಷ್ಟೇ. ಓಲಿ ಪಾಪ್ ನಿರಂತರವಾಗಿ ಸ್ವೀಪ್ ಶಾಟ್ಸ್ಗಳನ್ನ ಹೊಡೀತಿದ್ರೂ ರೋಹಿತ್ ಶರ್ಮಾ ಮಾತ್ರ ಕ್ಲೂಲೆಸ್ ಆಗಿದ್ರು ಅಂತಾ ಮೈಕಲ್ ವಾನ್ ಹೇಳಿದ್ದಾರೆ.
