ನೋಡಿರಿ
ಮೊದಲ ದಿನ ಭಾರತದ ಬೌಲರ್ಸ್ ಮೋಡಿ – ಇಂಗ್ಲೆಂಡ್ನ ಒಂದು ರನ್ ಕಟ್ ಮಾಡಿದ್ದು ಯಾಕೆ?
ಇಂಡಿಯಾ VS ಇಂಗ್ಲೆಂಡ್ ನಡುವಿನ ಫಸ್ಟ್ ಟೆಸ್ಟ್ ಮ್ಯಾಚ್ನ ಮೊದಲ ದಿನದಾಟದಲ್ಲಿ ಟೀಂ ಇಂಡಿಯಾವೇ ಡಾಮಿನೇಟ್ ಮಾಡಿದೆ. ಬೌಲಿಂಗ್ ಮತ್ತು ಬ್ಯಾಟಿಂಗ್ ಎರಡರಲ್ಲೂ ರೋಹಿತ್ ಪಡೆ ಟಾಪ್ ಕ್ಲಾಸ್ ಪರ್ಫಾಮೆನ್ಸ್ ನೀಡಿದೆ. ಫಸ್ಟ್ ಮ್ಯಾಚ್ನ ಫಸ್ಟ್ ಡೇನೆ ಇಂಗ್ಲೆಂಡ್ಗೆ ಅರ್ಥವಾಗಿರುತ್ತೆ. ಈ ಸೀರಿಸ್ ಗೆಲ್ಲೋದು ಈಸಿ ಇಲ್ಲ ಅನ್ನೋದು. ಭಾರತದ ಪಿಚ್ಗಳಲ್ಲಿ ನಮ್ಮ ಟೀಮ್ನ್ನ ಮಣಿಸೋದು ಅದು ಯಾವುದೇ ಟೀಮ್ಗೇ ಆದ್ರೂ ಅತ್ಯಂತ ಟಫೆಸ್ಟ್ ಟಾಸ್ಕ್ ಆಗಿರುತ್ತೆ. ಈಗ ಇಂಗ್ಲೆಂಡ್ಗೆ ಮತ್ತೊಮ್ಮೆ ಇದ್ರ ಎಕ್ಸ್ಪೀರಿಯನ್ಸ್ ಆಗ್ತಾ ಇದೆ. ಈ ಎಪಿಸೋಡ್ನಲ್ಲಿ ಇಂಡಿಯಾ-ಇಂಗ್ಲೆಂಡ್ ಮ್ಯಾಚ್ನ ಡೇ-1 ಬಗ್ಗೆ ಕಂಪ್ಲೀಟ್ ಮಾಹಿತಿ ಇಲ್ಲಿದೆ.
ಇದನ್ನೂ ಓದಿ: ಐಪಿಎಲ್ ಟೂರ್ನಿಯಲ್ಲಿ ಸ್ಟ್ರಾಂಗ್ ಟೀಮ್ ಯಾವುದು? – ಬೆಸ್ಟ್ ಪ್ಲೇಯರ್ಸ್ ಯಾವ ಟೀಮ್‌ನಲ್ಲಿದ್ದಾರೆ?
ಹೈದರಾಬಾದ್ ಗ್ರೌಂಡ್ನಲ್ಲಿ ಫಸ್ಟ್ ಮ್ಯಾಚ್ನಲ್ಲಿ ಟಾಸ್ ಗೆದ್ದ ಇಂಗ್ಲೆಂಡ್ ಬ್ಯಾಟಿಂಗ್ ಚೂಸ್ ಮಾಡಿಕೊಳ್ತು. ಇಂಗ್ಲೆಂಡ್ ಓಪನರ್ಸ್ಗಳಾದ ಜ್ಯಾಕ್ ಕ್ರೌವ್ಲೆ ಮತ್ತು ಬೆನ್ ಡಕೆಟ್ ಚೆನ್ನಾಗಿಯೇ ಆಡ್ತಿದ್ರು. ಈ ವೇಳೆ ಕ್ಯಾಪ್ಟನ್ ರೋಹಿತ್ ಶರ್ಮಾ ಸ್ಮಾರ್ಟ್ ಡಿಸೀಶನ್ ತಗೊಳ್ತಾರೆ. ಟೀಂ ಇಂಡಿಯಾದ ಪ್ರಮುಖ ಅಸ್ತ್ರ ಸ್ಪಿನ್ನರ್ಸ್ಗಳನ್ನ ಅಖಾಡಕ್ಕಿಳಿಸ್ತಾರೆ. ಆರ್.ಅಶ್ವಿನ್ ಮತ್ತು ರವೀಂದ್ರ ಜಡೇಜಾಗೆ ಬೌಲಿಂಗ್ ನೀಡ್ತಾರೆ. ಆರ್.ಅಶ್ವಿನ್ರಿಂದ ಭಾರತಕ್ಕೆ ಫಸ್ಟ್ ಬ್ರೇಕ್ ಥ್ರೂ ಸಿಗುತ್ತೆ. ಇಂಗ್ಲೆಂಡ್ ಸ್ಕೋರ್ 55 ರನ್ಗಳಾಗಿದ್ದ ಡಕೆಟ್ರನ್ನ ಅಶ್ವಿನ್ LBW ಬಲೆಗೆ ಕೆಡವುತ್ತಾರೆ. ಬಳಿಕ ಶುರುವಾಯ್ತು ನೋಡಿ. ಇಂಗ್ಲೆಂಡ್ನ ಫಾಲ್ ಆಫ್ ವಿಕೆಟ್ಸ್. 58 ರನ್ಗೆ ಮತ್ತೊಂದು ವಿಕೆಟ್ ಬೀಳುತ್ತೆ. ರವೀಂದ್ರ ಜಡೇಜಾ 2ನೇ ವಿಕೆಟ್ ತೆಗೀತಾರೆ. ನಂತರ ಬಂದ ಬ್ಯಾಟ್ಸ್ಮನ್ಗಳೆಲ್ಲಿ ಯಾರೂ ಕೂಡ ಕ್ರೀಸ್ನಲ್ಲಿ ಗಟ್ಟಿಯಾಗಿ ನಿಂತು ಆಡೋ ಪ್ರಯತ್ನವೇ ಮಾಡೋದಿಲ್ಲ. ಬ್ರಿಟೀಷರ ಪರೇಡ್ ಕಂಟಿನ್ಯೂ ಆಗುತ್ತೆ. 155 ರನ್ಗಳಾಗುವಷ್ಟರ ವೇಳೆಗೆ ಇಂಗ್ಲೆಂಡ್ನ 7 ವಿಕೆಟ್ಗಳು ಪತನವಾಗುತ್ತೆ. ಈ ವೇಳೆ ಇಂಗ್ಲೆಂಡ್ನ ಆಧಾರವಾಗಿ ನಿಂತಿರೋದು ಕ್ಯಾಪ್ಟನ್ ಬೆನ್ ಸ್ಟೋಕ್ಸ್. 6 ನೇ ಆರ್ಡರ್ನಲ್ಲಿ ಬ್ಯಾಟಿಂಗ್ಗೆ ಇಳಿದ ಬೆನ್ಸ್ಟೋಕ್ಸ್ ತಮ್ಮ ಬೇಸ್ಬಾಲ್ ಸ್ಟೈಲ್ನಲ್ಲಿ ಬ್ಯಾಟ್ ಬೀಸೋಕೆ ಶುರು ಮಾಡ್ತಾರೆ. ಯಾಕಂದ್ರೆ ಬೆನ್ಸ್ಟೋಕ್ಸ್ ಬಳಿ ಬೇರೆ ಆಪ್ಷನೇ ಇರಲಿಲ್ಲ. ಫುಲ್ ಫ್ಲೆಡ್ಜ್ ಬ್ಯಾಟ್ಸ್ಮನ್ಗಳು ಅಂತಾ ನಾನ್ಸ್ಟ್ರೈಕ್ ಎಂಡ್ನಲ್ಲಿ ಯಾರೂ ಇರಲಿಲ್ಲ. ಸೋ ಸ್ಟೋಕ್ಸ್ ಅಗ್ರೆಸ್ಸಿವ್ ಆಗಿಯೇ ಸ್ಕೋರ್ ಮಾಡೋಕೆ ಶುರು ಮಾಡ್ತಾರೆ. ಕೇವಲ 80 ಬಾಲ್ಗಳಲ್ಲಿ 70 ರನ್ ಗಳಿಸಿದ್ರು. 6 ಬೌಂಡರಿ, 3 ಸಿಕ್ಸರ್. ಫೈನಲಿ 64.3 ಓವರ್ಗಳಲ್ಲಿ ಇಂಗ್ಲೆಂಡ್ 246 ರನ್ಗಳಿಗೆ ಆಲೌಟ್ ಆಯ್ತು. ಬಟ್ ಇಲ್ಲೊಂದು ಇಂಟ್ರೆಸ್ಟಿಂಗ್ ಡೆವಲಪ್ಮೆಂಟ್ ಆಗಿದೆ. ಇಂಗ್ಲೆಂಡ್ನ ಟೋಟಲ್ ಸ್ಕೋರ್ನಿಂದ ಒಂದು ರನ್ನನ್ನ ಮೈನಸ್ ಮಾಡಲಾಗಿತ್ತು. 1 ರನ್ ಮೈನಸ್ ಆಗಿದ್ರಿಂದ ಇಂಗ್ಲೆಂಡ್ ಸ್ಕೋರ್ 246 ರನ್ ಆಗಿದೆ. ಇಲ್ಲಾಂದ್ರೆ 247 ರನ್ ಆಗ್ತಿತ್ತಷ್ಟೇ.. ಬಟ್ ಕ್ರಿಕೆಟ್ನಲ್ಲಿ ಒಂದೊಂದು ರನ್ ಕೂಡ ಇಂಪಾರ್ಟೆಂಟ್. ಇಂಗ್ಲೆಂಡ್ ಸ್ಕೋರ್ನಿಂದ ಆ ಒಂದು ರನ್ನನ್ನ ಮೈನಸ್ ಮಾಡಿದ್ಯಾಕೆ?
ಆಗಿದ್ದಿಷ್ಟೇ, ಬೆನ್ಸ್ಟೋಕ್ಸ್ ಮತ್ತು ರೆಹಾನ್ ಅಹ್ಮದ್ ಬ್ಯಾಟಿಂಗ್ ಮಾಡ್ತಿದ್ರು.. ಈ ವೇಳೆ ಜಸ್ಪ್ರಿತ್ ಬುಮ್ರಾ ಕ್ರೀಸ್ನಲ್ಲಿದ್ದ ರೆಹಾನ್ಗೆ ಫುಲ್ಟಾಸ್ ಬಾಲ್ ಎಸೀತಾರೆ. ಅದನ್ನ ರೆಹಾನ್ ಆನ್ಸೈಡ್ ಬಿಹೈಂಡ್ ದಿ ಸ್ಕ್ವಾರ್ಗೆ ಫ್ಲಿಕ್ ಮಾಡ್ತಾರೆ. ಫೀಲ್ಡರ್ ಮೊಹಮ್ಮದ್ ಸಿರಾಜ್ ಬಾಲ್ ಕಲೆಕ್ಟ್ ಮಾಡಿ ಸೀದಾ ಥ್ರೋ ಮಾಡ್ತಾರೆ, ಬಟ್ ಆ ಥ್ರೋ ವಿಕೆಟ್ ಬಳಿ ಬರೋದಿಲ್ಲ. ತುಂಬಾ ವೈಡ್ ಥ್ರೋ ಆಗಿದ್ರಿಂದ ಯಾರಿಗೂ ಬಾಲ್ನ್ನ ಕಲೆಕ್ಟ್ ಮಾಡೋಕೆ ಆಗೋದಿಲ್ಲ. ಬಾಲ್ ಸೀದಾ ಬೌಂಡರಿ ಲೈನ್ ದಾಟುತ್ತೆ. ಓವರ್ ಥ್ರೋಗೆ ಬೌಂಡರಿ ಹೋಗುತ್ತೆ. ಫಸ್ಟ್ಗೆ ಇಂಗ್ಲೆಂಡ್ ಟೀಮ್ ಮತ್ತು ರೆಹಾನ್ಗೆ ಒಟ್ಟು 6 ರನ್ ನೀಡಲಾಗುತ್ತೆ. ಎರಡು ರನ್ ಓಡಿದ್ದಕ್ಕೆ ಮತ್ತು ಓವರ್ಥ್ರೋ ಬೌಂಡರಿ. ಟೋಟಲ್ 6 ರನ್ಸ್. ಬಟ್ ಕೆಲ ಕ್ಷಣಗಳಲ್ಲೇ ಅಂಪೈರ್ ತಮ್ಮ ಡಿಸೀಶನ್ನನ್ನ ರಿವರ್ಸ್ ಮಾಡಿ 5 ರನ್ಗಳನ್ನಷ್ಟೇ ನೀಡ್ತಾರೆ. ಯಾಕಂದ್ರೆ ಫೀಲ್ಡರ್ ಬಾಲ್ ಥ್ರೋ ಮಾಡೋ ಮುನ್ನವೇ ಇಬ್ಬರೂ ಬ್ಯಾಟ್ಸ್ಮನ್ಗಳು ಎರಡನೇ ರನ್ಗೆ ಓಡೋ ವೇಳೆ ಪರಸ್ಪರ ಪಾಸ್ ಆಗಿರಲಿಲ್ಲ. ಅಂದ್ರೆ ಫಸ್ಟ್ ಪುಲ್ಟಾಸ್ ಬಾಲ್ಗೆ ಫ್ಲಿಕ್ ಮಾಡಿ ಒಂದು ರನ್ ಓಡ್ತಾರೆ. ಬಟ್ 2ನೇ ರನ್ನನ್ನ ಫಿಲ್ಡರ್ ಬಾಲ್ ಕಲೆಕ್ಟ್ ಮಾಡಿ ಥ್ರೋ ಮಾಡೋ ವೇಳೆಗೆ ಇಬ್ಬರೂ ಬ್ಯಾಟ್ಸ್ಮನ್ಗಳು ಪಾಸ್ ಆಗಬೇಕಿತ್ತು. ಹೀಗಾಗಿ 2ನೇ ರನ್ ಇಲ್ಲಿ ಕೌಂಟ್ ಆಗಿಲ್ಲ.
ಇದನ್ನ ಇನ್ನಷ್ಟು ಅರ್ಥ ಮಾಡಿಕೊಳ್ಳೋಕೆ ಈಗ ಎಂಸಿಸಿ ರೂಲ್ಸ್ನಲ್ಲಿ ಏನಿದೆ ಅನ್ನೋದರ ವಿವರಣೆ ಇಲ್ಲಿದೆ. ಓವರ್ಥ್ರೋಗೆ ಎಂಸಿಸಿ ರೂಲ್ ನಂಬರ್ 19.8 ಅಪ್ಲೈ ಆಗುತ್ತೆ. ರೂಲ್ ನಂಬರ್ 19.8 ಪ್ರಕಾರ ಓವರ್ಥ್ರೋನಿಂದ ಬೌಂಡರಿ ಹೋಯ್ತು ಅಂದ್ರೆ ಅದಕ್ಕೂ ಮುನ್ನ ಬ್ಯಾಟ್ಸ್ಮನ್ಗಳು ಫೀಲ್ಡರ್ ಬಾಲ್ ಥ್ರೋ ಮಾಡೋ ಮುನ್ನವೇ, ಅಥವಾ ಬಾಲ್ ಥ್ರೋ ಮಾಡೋ ವೇಳೆಗಾಗಲೇ ಸೆಕೆಂಡ್ ರನ್ಗೆ ಪರಸ್ಪರ ಕ್ರಾಸ್ ಆಗಿರಬೇಕು. ಇಲ್ಲಿ ಸ್ಟ್ರೈಕ್ನಲ್ಲಿದ್ದ ರೆಹಾನ್ ಒಂದು ರನ್ ಓಡಿ ಎರಡನೇ ರನ್ ತೆಗೆಯೋ ವೇಳೆಗೆ ಇನ್ನೊಂದು ಎಂಡ್ನಿಂದ ಓಡಿ ಬರ್ತಿದ್ದ ಬೆನ್ಸ್ಟೋಕ್ರನ್ನ ಕ್ರಾಸ್ ಮಾಡಿಯಾಗಬೇಕಿತ್ತು. ಬಟ್ ಇಬ್ಬರೂ ಕ್ರಾಸ್ ಆಗಿಲ್ಲ. ಅಷ್ಟೊತ್ತಿಗಾಗಲೇ ಫೀಲ್ಡರ್ ಸಿರಾಜ್ ಬಾಲ್ ಥ್ರೋ ಮಾಡಿಯಾಗಿತ್ತು. ಹೀಗಾಗಿ ರೆಹಾನ್ ಮತ್ತು ಬೆನ್ಸ್ಟೋಕ್ಸ್ ಸೆಕೆಂಡ್ ರನ್ ಕೌಂಟ್ ಆಗಿಲ್ಲ. ಈ ಸಂದರ್ಭದಲ್ಲಿ ಕಾಮೆಂಟ್ರೇಟರ್ ಹರ್ಷ ಭೋಗ್ಲೆ 2019ರ ವರ್ಲ್ಡ್ಕಪ್ ಫೈನಲ್ನಲ್ಲಾದ ಇನ್ಸಿಡೆಂಟ್ನ್ನ ನೆನಪಿಸಿಕೊಂಡಿದ್ದಾರೆ. ಆಗ ಇಂಗ್ಲೆಂಡ್ನ ಬ್ಯಾಟ್ಸ್ಮನ್ಗಳು ಸೆಕೆಂಡ್ ರನ್ಗೆ ಪರಸ್ಪರ ಕ್ರಾಸ್ ಆಗದಿದ್ರೂ ಓವರ್ಥ್ರೋನಲ್ಲಿ ಬಾಲ್ ಬೌಂಡರಿ ಹೋಗುತ್ತಲೇ ಅಂಪೈರ್ 6 ರನ್ ಕೊಟ್ಟಿದ್ರು. ಮ್ಯಾಚ್ ಮುಗಿದ ಬಳಿಕ ಈ ಬಗ್ಗೆ ಭಾರಿ ಚರ್ಚೆ ಕೂಡ ಆಗಿತ್ತು. ಯಾಕಂದ್ರೆ ಅಂದು ಎಸಿಸಿ ರೂಲ್ ನಂಬರ್ 19.8ನ್ನ ಅಂಪೈರ್ಗಳು ಫಾಲೋನೆ ಮಾಡಿರಲಿಲ್ಲ. ಆದ್ರೆ ಈ ಬಾರಿ ಅಂಪೈರ್ ಇಂಗ್ಲೆಂಡ್ ಟೀಮ್ನ ಒಂದು ರನ್ ಕಟ್ ಮಾಡಿದ್ದಾರೆ.
ಇನ್ನು ಫಸ್ಟ್ ಟೆಸ್ಟ್ ಮ್ಯಾಚ್ನ ಫಸ್ಟ್ ಇನ್ನಿಂಗ್ಸ್ನಲ್ಲಿ ಟೀಂ ಇಂಡಿಯಾದ ಬೌಲರ್ಸ್ಗಳು ಬಗ್ಗೆಯೂ ಒಂದಷ್ಟು ಹೇಳಲೇಬೇಕು. ಇಲ್ಲಿ ಆಟ ಆಡಿರೋದೆ ನಮ್ಮ ಸ್ಪಿನ್ನರ್ಸ್ಗಳು. ರವೀಂದ್ರ ಜಡೇಜ ಮತ್ತು ರವಿಚಂದ್ರನ್ ಅಶ್ವಿನ್ ತಲಾ 3 ವಿಕೆಟ್ಗಳನ್ನ ಪಡೆದಿದ್ದಾರೆ. ಅಶ್ವಿನ್ ಅಂತೂ 21 ಓವರ್ ಬೌಲ್ ಮಾಡಿ ಕೇವಲ 68 ರನ್ ಕೊಟ್ಟಿದ್ದಾರಷ್ಟೇ. ಮತ್ತೊಬ್ಬ ಸ್ಪಿನ್ನರ್ ಅಕ್ಸರ್ ಪಟೇಲ್ ಕೂಡ 2 ವಿಕೆಟ್ ಪಡೆದ್ರು. ಜಸ್ಪ್ರಿತ್ ಬುಮ್ರಾ ಕೂಡ 2 ವಿಕೆಟ್ ಕಬಳಿಸಿದ್ದಾರೆ. ಟೋಟಲಿ ನಮ್ಮ ಸ್ಪಿನ್ನರ್ಸ್ಗಳು ಈ ಸೀರಿಸ್ನಲ್ಲಿ ಡಾಮಿನೇಟ್ ಮಾಡುವ ಎಲ್ಲಾ ಮುನ್ಸೂಚನೆಯನ್ನೂ ಕೊಟ್ಟಿದ್ದಾರೆ. ಸೆಕೆಂಡ್ ಇನ್ನಿಂಗ್ಸ್ ವೇಳೆಗಂತೂ ಬಾಲ್ ಇನ್ನಷ್ಟು ಟರ್ನ್ ಆಗುತ್ತೆ. ಇಂಗ್ಲೆಂಡ್ ಬ್ಯಾಟ್ಸ್ಮನ್ಗಳು ಸ್ಪಿನ್ನರ್ಸ್ಗಳ ಎದುರಿಸೋಕೆ ಇನ್ನಷ್ಟು ವರ್ಕೌಟ್ ಮಾಡಬೇಕಿದೆ.
ಇಂಗ್ಲೆಂಡ್ ಆಲೌಟ್ ಆದ ಬಳಿಕ ಫಸ್ಟ್ ಡೇನೇ ಟೀಂ ಇಂಡಿಯಾದ ಬ್ಯಾಟಿಂಗ್ ಕೂಡ ಶುರುವಾಗಿತ್ತು. ಎಲ್ಲರೂ ರೋಹಿತ್ ಶರ್ಮಾ ಬ್ಯಾಟಿಂಗ್ ನೋಡ್ಬೇಕು ಅಂತಾನೆ ಸ್ಟೇಡಿಯಂಗೆ ಬಂದಿದ್ರು. ರೋಹಿತ್ ಕ್ರೀಸ್ಗೆ ಬಂದು ನಿಲ್ಲುತ್ತಲೇ ಅಭಿಮಾನಿಯೊಬ್ಬ ಸೆಕ್ಯೂರಿಟಿ ಬ್ರೀಚ್ ಮಾಡಿ, ಗ್ರೌಂಡ್ಗೆ ಓಡಿಕೊಂಡು ಬಂದು ರೋಹಿತ್ ಶರ್ಮಾ ಕಾಲಿಗೆ ನಮಸ್ಕರಿಸಿದ್ದಾನೆ. ಆ್ಯಕ್ಚುವಲಿ ಹೈದರಾಬಾದ್ನಲ್ಲಿ ರೋಹಿತ್ ಹೆಚ್ಚು ಫ್ಯಾನ್ಸ್ ಇದ್ದಾರೆ. ರೋಹಿತ್ ಮೂಲತ: ತೆಲುಗಿನವರೇ ಆಗಿದ್ದಾರೆ. ಬಟ್ ರೋಹಿತ್ ಶರ್ಮಾರ ಬಿಗ್ ಇನ್ನಿಂಗ್ಸ್ ನೋಡೋಕೆ ಫ್ಯಾನ್ಸ್ಗೆ ಅವಕಾಶ ಸಿಕ್ಕಿಲ್ಲ. ಆರಂಭದಲ್ಲಿ ಕೆಲ ಹೊತ್ತು ಯಶಸ್ವಿ ಜೈಸ್ವಾಲ್ರದ್ದೇ ಅಬ್ಬರ ಇತ್ತು. ಜೈಸ್ವಾಲ್ ಅಂತೂ ಫಸ್ಟ್ ಬಾಲ್ಗೆ ಬೌಂಡರಿ ಹೊಡೆದ್ರು. ಸ್ಟಾರ್ಟಿಂಗ್ನಿಂದಲೇ ಅಟ್ಯಾಕಿಂಗ್ ಬ್ಯಾಟಿಂಗ್ ಮಾಡಿದ್ರು. ಇಂಗ್ಲೆಂಡ್ ಬ್ಯಾಟಿಂಗ್ ವೇಳೆ ರೋಹಿತ್ ಬೇಗನೆ ಸ್ಪಿನ್ನರ್ಸ್ಗಳನ್ನ ಇಳಿಸಿದಂತೆ, ಬೆನ್ಸ್ಟೋಕ್ಸ್ ಕೂಡ ತಮ್ಮ ಸ್ಪಿನ್ನರ್ ಕೈಗೆ ಆರಂಭದಲ್ಲೇ ಬೌಲಿಂಗ್ ಕೊಟ್ರು. ಬಟ್ ಜೈಸ್ವಾಲ್ ಸ್ಪಿನ್ನರ್ನ್ನ ಕೂಡ ಬಿಟ್ಟಿಲ್ಲ. ಅವರಿಗೂ ಸರಿಯಾಗಿಯೇ ಚಚ್ಚಿದ್ರು. ಬಳಿಕ ರೋಹಿತ್ ಶರ್ಮಾ ಕೂಡ 3 ಬೌಂಡರಿ ಹೊಡೆದ್ರು. ಬಟ್ ಹೆಚ್ಚು ಹೊತ್ತು ನಿಲ್ಲಲಿಲ್ಲ. ಕ್ಯಾಚ್ ಕೊಟ್ಟು ಔಟಾದ್ರು. ಬಟ್ ಯಶಸ್ವಿ ಜೈಸ್ವಾಲ್ ಕೇವಲ 70 ಬಾಲ್ಗಳಲ್ಲಿ 9 ಬೌಂಡರಿ 3 ಸಿಕ್ಸರ್ನೊಂದಿಗೆ 76 ರನ್ಗಳಿಸಿ ನಾಟ್ಔಟ್ ಆಗಿದ್ರು. ಶುಬ್ಮನ್ ಗಿಲ್ ಕೂಡ 14 ರನ್ ಗಳಿಸಿ ಫಸ್ಟ್ ಡೇ ಮ್ಯಾಚ್ ಅಂತ್ಯವಾಗೋ ವೇಳೆಗೆ ಕ್ರೀಸ್ನಲ್ಲಿದ್ರು. ಬಟ್ ಬೆನ್ಸ್ಟೋಕ್ಸ್ ಕ್ಯಾಪ್ಟನ್ಸಿ ಮಾತ್ರ ತುಂಬಾನೆ ಖರಾಬ್ ಆಗಿತ್ತು. ಯಾಕಂದ್ರೆ ಈಗಾಗ್ಲೇ ಮೂರು ರಿವ್ಯೂಗಳನ್ನ ಕಳೆದುಕೊಂಡಿದ್ದಾರೆ. ಅವರ ಕೈಯಲ್ಲಿ ಇನ್ಯಾವ ರಿವ್ಯೂ ಕೂಡ ಉಳಿದಿಲ್ಲ. LBW ಅಲ್ಲದಿದ್ರೂ ರಿವ್ಯೂ ತಗೊಂಡ್ರು. ಬ್ಯಾಟ್ಗೆ ಬಾಲ್ ಟಿಪ್ ಆಗಿದೇ ಇದ್ರೂ ರಿವ್ಯೂ ತಗೊಂಡ್ರು. ಅಂತೂ ಟೀಂ ಇಂಡಿಯಾದ ಬೆನ್ ಸ್ಟೋಕ್ಸ್ ದೊಡ್ಡ ಗಿಫ್ಟೇ ಕೊಟ್ಟಿದ್ದಾರೆ.
