ನೋಡಿರಿ
ಟೀಮ್ ಇಂಡಿಯಾ ಪ್ಲ್ಯಾನ್ ವರ್ಕೌಟ್ ಆಗುತ್ತಿಲ್ಲ ಯಾಕೆ ? – ರೋಹಿತ್ ಶರ್ಮಾ ಮತ್ತು ಕೊಹ್ಲಿ ಎಡವುತ್ತಿರುವುದು ಎಲ್ಲಿ?
ರೋಹಿತ್ ಶರ್ಮಾ & ವಿರಾಟ್ ಕೊಹ್ಲಿ ವಂಡೇ ವರ್ಲ್ಡ್ಕಪ್ ವೇಳೆಯೂ ಇಬ್ಬರೂ ಗ್ರೌಂಡ್ನಲ್ಲಿ ಡಿಸ್ಕಸ್ ಮಾಡಿ ಡಿಫರೆಂಟ್ ಸ್ಟ್ರಾಟಜಿ ಮಾಡಿದ್ದರು. ಅದೇ ರೀತಿ ಸೌತ್ ಆಫ್ರಿಕಾ ವಿರುದ್ಧದ ಟೆಸ್ಟ್ ಮ್ಯಾಚ್ ವೇಳೆಯೂ ಅಷ್ಟೇ, ಬೌಲಿಂಗ್ ಸಂದರ್ಭದಲ್ಲಿ ಇಬ್ಬರೂ ಆಗಾಗ ಚರ್ಚೆ ನಡೆಸಿ, ಹೊಸ ಪ್ಲ್ಯಾನ್ ಮಾಡ್ತಾನೆ ಇದ್ರು. ಆದರೂ ಟೀಮ್ ಇಂಡಿಯಾ ಟೆಸ್ಟ್ ಇತಿಹಾಸದಲ್ಲೇ ಕಳಪೆ ದಾಖಲೆ ಬರೆದಿದೆ.
ಇದನ್ನೂ ಓದಿ: ಭಾರತ ಮತ್ತು ದಕ್ಷಿಣ ಆಫ್ರಿಕಾ ನಡುವಿನ ಎರಡನೇ ಟೆಸ್ಟ್ ಪಂದ್ಯ – ಗೆಲ್ಲಲೇ ಬೇಕಾದ ಅನಿವಾರ್ಯತೆಯಲ್ಲಿ ಟೀಮ್ ಇಂಡಿಯಾ
ಬೌಲಿಂಗ್ ಚೇಂಜ್, ಫೀಲ್ಡಿಂಗ್ ಸೆಟ್ ವೇಳೆ ಕ್ಯಾಪ್ಟನ್ ರೋಹಿತ್ ಶರ್ಮಾ, ಕಿಂಗ್ ಕೊಹ್ಲಿಯಿಂದ ಸಲಹೆ ಪಡೆದುಕೊಳ್ಳುತ್ತಲೇ ಇದ್ದರು. ಅದರಲ್ಲೂ ಯಾವಾಗಲೂ ಸ್ಲಿಪ್ನಲ್ಲಿ ಫೀಲ್ಡಿಂಗ್ ಮಾಡೋ ರೋಹಿತ್ ಶರ್ಮಾ ಹೆಲ್ಮೆಟ್ ಹಾಕ್ಕೊಂಡು ಶಾರ್ಟ್ಲೆಗ್ನಲ್ಲಿ ನಿಂತಿದ್ರು. ಎಸ್ಪೆಷಲಿ ಡೀನ್ ಎಲ್ಗರ್ ಬ್ಯಾಟಿಂಗ್ ಮಾಡೋವಾಗ. ಇದು ಡೀನ್ ಎಲ್ಗರ್ಗೆ ಅಂತಾ ರೋಹಿತ್ ಮಾಡಿದ ಸ್ಟ್ರ್ಯಾಟಜಿಯಾಗಿತ್ತು. ಯಾಕಂದ್ರೆ ಡೀನ್ ಎಲ್ಗರ್ ತುಂಬಾ ಚೆನ್ನಾಗಿ ಲೆಗ್ಸೈಡ್ನತ್ತ ಫ್ಲಿಕ್ ಶಾಟ್ಸ್ ಆಡ್ತಾರೆ. ಹೀಗಾಗಿ ರೋಹಿತ್ ಶಾರ್ಟ್ ಲೆಗ್ನಲ್ಲಿ ನಿಂತು ಎಲ್ಗರ್ ಆಫ್ಸೈಡ್ನತ್ತವೇ ಆಡುವಂತೆ ಪ್ರೆಷರ್ ಬಿಲ್ಡ್ ಮಾಡಿದ್ದರು. ರೋಹಿತ್ ಶಾರ್ಟ್ಲೆಗ್ನಲ್ಲಿ ನಿಂತ ಬಳಿಕ ಎಲ್ಗರ್ಗೂ ಫ್ಲಿಕ್ ಶಾಟ್ ಹೊಡೆಯೋಕೆ ಸಾಧ್ಯವಾಗಿಲ್ಲ. ಇನ್ನು ವಿರಾಟ್ ಕೊಹ್ಲಿ ಕೂಡ ಅಷ್ಟೇ, ಸೌತ್ ಆಫ್ರಿಕಾ ಮಾರ್ಕೊ ಜಾನ್ಸನ್ ಬ್ಯಾಟಿಂಗ್ ಮಾಡ್ತಿದ್ದಾಗ ಒಂದು ಪ್ಲ್ಯಾನ್ ಮಾಡ್ತಾರೆ. ಬೌಲಿಂಗ್ಗೆ ಇಳಿದಿದ್ದ ಮೊಹಮ್ಮದ್ ಸಿರಾಜ್ಗೆ ವಿಕೆಟ್ನಿಂದ ಆಚೆಗೆ ಔಟ್ ಸ್ವಿಂಗ್ ಬಾಲ್ ಎಸೆಯುವಂತೆ ಸಿಗ್ನಲ್ ಕೊಡ್ತಾರೆ. ಕೊಹ್ಲಿ ಕೊಟ್ಟ ಸೂಚನೆಯಂತೆಯೇ ಸಿರಾಜ್ ಬಾಲ್ ಎಸೀತಾರೆ. ಬ್ಯಾಟ್ನ ಎಡ್ಜಿಗೆ ತಗುಲಿ ಜಾನ್ಸನ್ ಔಟಾಗ್ತಾರೆ. ಕ್ರೆಡಿಟ್ ಗೋಸ್ ಟು ಕೊಹ್ಲಿ & ಸಿರಾಜ್.
ಇನ್ನು ಟೀಂ ಇಂಡಿಯಾ ಫೀಲ್ಡಿಂಗ್ ವಿಚಾರಕ್ಕೆ ಬಂದಾಗ ಯಶಸ್ವಿ ಜೈಸ್ವಾಲ್ ಬಗ್ಗೆ ಹೇಳಲೇಬೇಕು. ಬ್ಯಾಟಿಂಗ್ನಲ್ಲಿ ಕ್ಲಿಕ್ ಆಗಿದಿದ್ರೂ ಕೂಡ ಸ್ಲಿಪ್ ಫಿಲ್ಡಿಂಗ್ನಲ್ಲಿ ಮಾತ್ರ ಜೈಸ್ವಾಲ್ ಕಮಾಲ್ ಮಾಡಿದ್ರು. ಆ್ಯಡನ್ ಮಾಕ್ರಮ್ರ ಕ್ಯಾಚ್ನ್ನಂತೂ ಅದ್ಭುತವಾಗಿ ಹಿಡಿದಿದ್ದರು. ಅಂತೂ ಟೀಂ ಇಂಡಿಯಾಗೆ ಒಬ್ಬ ಬೆಸ್ಟ್ ಸ್ಲಿಪ್ ಫೀಲ್ಡರ್ ಸಿಕ್ಕಿರೋದಂತೂ ಹೌದು. ಶುಬ್ಮನ್ ಗಿಲ್ ಮತ್ತು ಯಶಸ್ವಿ ಜೈಸ್ವಾಲ್ ಇಬ್ಬರೂ ಹೈಟ್ ಆಗಿದ್ದು, ತುಂಬಾ ಚೆನ್ನಾಗಿ ಡೈವ್ ಕೂಡ ಮಾಡ್ತಾರೆ.. ಸ್ಲಿಪ್ ಫೀಲ್ಡಿಂಗ್ಗೆ ಇಬ್ಬರೂ ಹೇಳಿ ಮಾಡಿಸಿದಂತಿದ್ದಾರೆ.
ಅದೇನೇ ಇದ್ದರೂ, ಟೆಸ್ಟ್ ಕ್ರಿಕೆಟ್ ಇತಿಹಾಸದಲ್ಲೇ ಮೂಡಿಬಂದ ಅತ್ಯಂತ ಕಳಪೆ ದಾಖಲೆಗಳನ್ನು ಟೀಮ್ ಇಂಡಿಯಾದ ಈಗಿನ ಆಟಗಾರರು ಮಾಡಿದ್ದಾರೆ. ಅಂದರೆ 147 ವರ್ಷಗಳ ಟೆಸ್ಟ್ ಇತಿಹಾಸದಲ್ಲಿ ಯಾವುದೇ ತಂಡದ 7 ಬ್ಯಾಟರ್ಗಳು ಸೊನ್ನೆಯೊಂದಿಗೆ ಪೆವಿಲಿಯನ್ಗೆ ಮರಳಿರಲಿಲ್ಲ. ಇದೀಗ 2522 ಟೆಸ್ಟ್ ಪಂದ್ಯಗಳ ಬಳಿಕ ಟೀಮ್ ಇಂಡಿಯಾದ 7 ಬ್ಯಾಟರ್ಗಳು ಸೊನ್ನೆ ಸುತ್ತುವ ಮೂಲಕ ಅತ್ಯಂತ ಕಳಪೆ ದಾಖಲೆಯನ್ನು ತಮ್ಮದಾಗಿಸಿಕೊಂಡಿದ್ದಾರೆ.
