ನೋಡಿರಿ
INDಗೆ ಬ್ಯಾಕ್ ಟು ಬ್ಯಾಕ್ ಫೈಟ್ – WI, AUS, SA ಸರಣಿ ಫಿಕ್ಸ್
2026ರ ವಿಶ್ವಕಪ್ ಗೆ ಮಾಸ್ಟರ್ ಪ್ಲ್ಯಾನ್!
ಭಾರತ ಮತ್ತು ಇಂಗ್ಲೆಂಡ್ ನಡುವಿನ ಐದು ಪಂದ್ಯಗಳ ಟೆಸ್ಟ್ ಸರಣಿ ಮುಗಿದ ಬೆನ್ನಲ್ಲೇ ಭಾರತದ ಮುಂದಿನ ವೇಳಾಪಟ್ಟಿ ಬಗ್ಗೆ ಫ್ಯಾನ್ಸ್ ತಲೆ ಕೆಡಿಸಿಕೊಂಡಿದ್ದಾರೆ. ಬಟ್ ಆಗಸ್ಟ್ ತಿಂಗಳು ಅಂದ್ರೆ ಈ ತಿಂಗಳಲ್ಲಿ ಟೀಂ ಇಂಡಿಯಾದ ಯಾವುದೇ ಪಂದ್ಯಗಳು ನಡೆಯೋದಿಲ್ಲ. ಯಾಕಂದ್ರೆ ನಿಗದಿತ ವೇಳಾಪಟ್ಟಿಯಂತೆ ಆಗಸ್ಟ್ನಲ್ಲಿ ನಡೆಯಬೇಕಿದ್ದ ಭಾರತ ಮತ್ತು ಬಾಂಗ್ಲಾದೇಶ್ ನಡುವಣ ಸರಣಿಯನ್ನು ಈಗಾಗಲೇ ರದ್ದುಗೊಳಿಸಲಾಗಿದೆ. ಹೀಗಾಗಿ ಈ ತಿಂಗಳಲ್ಲಿ ಯಾವುದೇ ಪಂದ್ಯ ನಡೆಯೋದಿಲ್ಲ. ಭಾರತದ ಪಂದ್ಯಗಳನ್ನ ನೋಡ್ಬೇಕು ಅಂದ್ರೆ ಏಷ್ಯಾಕಪ್ ಟೂರ್ನಿವರೆಗೂ ಕಾಯಲೇಬೇಕು.
ಇದನ್ನೂ ಓದಿ : ರಾಜ್ಯದ 5 ಜಿಲ್ಲೆಗಳಲ್ಲಿ ವರುಣನ ಆರ್ಭಟ – ಎಲ್ಲೆಲ್ಲಿ ಭಾರಿ ಮಳೆಯಾಗಲಿದೆ?
2025ರ ಏಷ್ಯಾಕಪ್ ಟೂರ್ನಿ ಸೆಪ್ಟೆಂಬರ್ 9 ರಿಂದ ಶುರುವಾಗಲಿದ್ದು ಟೀಮ್ ಇಂಡಿಯಾ ಮತ್ತೆ ತನ್ನ ಅಭಿಯಾನ ಆರಂಭಿಸಲಿದೆ. ಏಷ್ಯಾಕಪ್ನಲ್ಲಿ ಭಾರತ ತಂಡವು ಸೆಪ್ಟೆಂಬರ್ 10 ರಂದು ತನ್ನ ಮೊದಲ ಪಂದ್ಯವನ್ನ ಯುಎಇ ವಿರುದ್ಧ ಆಡಲಿದೆ. ಬಳಿಕ ಸೆಪ್ಟೆಂಬರ್ 14ಕ್ಕೆ ಭಾರತ ಮತ್ತು ಪಾಕಿಸ್ತಾನ ನಡುವಿನ ಪಂದ್ಯ ನಿಗದಿ ಮಾಡಲಾಗಿದೆ. ಆದ್ರೆ ಭಾರತ ಈ ಮ್ಯಾಚ್ ಆಡುತ್ತಾ ಅನ್ನೋದೇ ಡೌಟ್ ಇದೆ. ಯಾಕಂದ್ರೆ ಪೆಹಲ್ಗಾಮ್ ಅಟ್ಯಾಕ್ ಬಳಿಕ ಎರಡೂ ರಾಷ್ಟ್ರಗಳ ನಡುವಿನ ಉದ್ವಿಘ್ನತೆ ಜಾಸ್ತಿಯಾಗಿದೆ. ಡಬ್ಲ್ಯೂಸಿಎಲ್ನಲ್ಲಿ ಯುವರಾಜ್ ಸಿಂಗ್ ನಾಯಕತ್ವದ ಟೀಂ ಇಂಡಿಯಾ ಪಾಕ್ ವಿರುದ್ಧ ಪಂದ್ಯಗಳನ್ನ ಆಡಿರಲಿಲ್ಲ. ಇನ್ನು ಏಷ್ಯಾಕಪ್ನಲ್ಲಿ ಮೂರನೇ ಪಂದ್ಯ ಒಮಾನ್ ವಿರುದ್ಧ ಸೆಪ್ಟೆಂಬರ್ 19ಕ್ಕೆ ನಡೆಯಲಿದೆ. ಸೆಪ್ಟೆಂಬರ್ 28ಕ್ಕೆ ಫೈನಲ್ ಮ್ಯಾಚ್ ಇರುತ್ತೆ. ಸೋ ಇದಿಷ್ಟು ಏಷ್ಯಾಕಪ್ ಟೂರ್ನಿ ಡೀಟೇಲ್ಸ್. ಈ ಟೂರ್ನಿ ಆದ್ಮೇಲೆ ಭಾರತ ವೆಸ್ಟ್ ಇಂಡೀಸ್ ಮತ್ತು ಆಸ್ಟ್ರೇಲಿಯಾ ವಿರುದ್ಧ ಸರಣಿಗಳನ್ನ ಆಡಲಿದೆ.
ಅಕ್ಟೋಬರ್ ನಿಂದ ಮತ್ತೆ ವಾರ್!
ದಿನಾಂಕ ಮಾದರಿ ಪಂದ್ಯ ಎದುರಾಳಿ
ಅ. 2 &10 ಟೆಸ್ಟ್ 2 ವೆಸ್ಟ್ ಇಂಡೀಸ್
ಅ.19, 23, 25 ಏಕದಿನ 3 ಆಸ್ಟ್ರೇಲಿಯಾ
ಅ.29, 31, ನ. 2, 6, 8 ಟಿ-20 5 ಆಸ್ಟ್ರೇಲಿಯಾ
ನ. 14, 22 ಟೆಸ್ಟ್ 2 ಸೌತ್ ಆಫ್ರಿಕಾ
ನ. 30, ಡಿ. 3, 6 ಏಕದಿನ 3 ಸೌತ್ ಆಫ್ರಿಕಾ
ಡಿ. 9, 11, 14, 17, 19 ಟಿ-20 5 ಸೌತ್ ಆಫ್ರಿಕಾ
ಬಳಿಕ 2026ರ ಜನವರಿಯಲ್ಲಿ ನ್ಯೂಜಿಲೆಂಡ್ ವಿರುದ್ಧ ತವರಿನಲ್ಲೇ ಐದು ಪಂದ್ಯಗಳ ಟಿ-20ಐ ಸರಣಿ ಹಾಗೇ ಮೂರು ದಿನಗಳ ಏಕದಿನ ಸರಣಿ ಆಡಲಿದೆ. ನ್ಯೂಝಿಲೆಂಡ್ ವಿರುದ್ಧದ ಟಿ20 ಸರಣಿ ಬಳಿಕ ಭಾರತ ತಂಡವು ಟಿ20 ವಿಶ್ವಕಪ್ಗೆ ಕಸರತ್ತು ನಡೆಸಲಿದೆ. ಶ್ರೀಲಂಕಾ-ಭಾರತದಲ್ಲಿ ನಡೆಯಲಿರುವ 2026ರ ಟಿ20 ವಿಶ್ವಕಪ್ ಫೆಬ್ರವರಿ ಮತ್ತು ಮಾರ್ಚ್ ನಡುವೆ ನಡೆಯೋ ಚಾನ್ಸಸ್ ಇದೆ. ಆ ಬಳಿಕ ಐಪಿಎಲ್ ಹಬ್ಬ ಶುರುವಾಗಲಿದೆ.
