ನೋಡಿರಿ
ಸತತ ಗೆಲುವು ಕಂಡಿರುವ ಟೀಂ ಇಂಡಿಯಾ ಸೀಕ್ರೆಟ್ ಏನು? – ಭಾರತ ತಂಡದ ಪ್ಲಸ್ ಮತ್ತು ಮೈನಸ್ ಯಾವುದು ಗೊತ್ತಾ?
ಈ ಬಾರಿಯ ವರ್ಲ್ಡ್ಕಪ್ನಲ್ಲಿ ಟೀಂ ಇಂಡಿಯಾ ಇದುವರೆಗೂ ಟಾಪ್ ಕ್ಲಾಸ್ ಪರ್ಫಾಮೆನ್ಸ್ ನೀಡ್ತಾ ಬಂದಿದೆ. ಆಡಿರುವ ಎಲ್ಲಾ 5 ಮ್ಯಾಚ್ಗಳನ್ನ ಕೂಡ ಗೆದ್ದುಕೊಂಡು ಪಾಯಿಂಟ್ಸ್ ಟೇಂಬಲ್ನಲ್ಲಿ ನಂಬರ್-1 ಪೊಸೀಷನ್ನಲ್ಲಿದೆ. ವಿಶ್ವಕಪ್ ಗೆಲ್ಲೋಕೆ ಟೀಂ ಇಂಡಿಯಾ ಫೇವರೇಟ್ ಅನ್ನೋದ್ರಲ್ಲಿ ಯಾವುದೇ ಡೌಟ್ ಇಲ್ಲ. ಆದ್ರೂ ಒಂದು ವಿಚಾರದಲ್ಲಿ ಮಾತ್ರ ಟೀಂ ಇಂಡಿಯಾ ಬಗ್ಗೆ ಒಂದಷ್ಟು ಟೆನ್ಷನ್ಗಳಿವೆ. ಟೀಂ ಇಂಡಿಯಾ ಗೆಲುವಿನ ಸೀಕ್ರೆಟ್ ಮತ್ತು ತಂಡಕ್ಕೆ ಪ್ಲಸ್ ಪಾಯಿಂಟ್ ಆಗಿರುವ ಕೆಲ ವಿಚಾರಗಳ ಬಗ್ಗೆ ಇಲ್ಲಿದೆ ಮಾಹಿತಿ.
ಇದನ್ನೂ ಓದಿ: ಟೀಮ್ ಇಂಡಿಯಾ ಆಟಗಾರರ ಭಾರತ ಪರ್ಯಟನೆ – ಸ್ಟೇಡಿಯಂಗಳು ಫುಲ್ ಹೌಸ್ ಆಗಲು ಕ್ರಿಕೆಟರ್ಸ್ ಟೂರ್..!
ವರ್ಲ್ಡ್ಕಪ್ನಲ್ಲಿ ಈವರೆಗೆ ಆಡಿರುವ ಎಲ್ಲಾ ಐದು ಪಂದ್ಯಗಳನ್ನು ಗೆದ್ದ ಖುಷಿಯಲ್ಲಿದೆ ಟೀಮ್ ಇಂಡಿಯಾ. ಪ್ರತಿ ಪಂದ್ಯವನ್ನು ಕೂಡ ಗೆದ್ದಿರುವುದರಿಂದ ಟೀಂ ಇಂಡಿಯಾ ಪ್ಲೇಯರ್ಸ್ ಫುಲ್ ಕಾನ್ಫಿಡೆನ್ಸ್ನಲ್ಲಿದ್ದಾರೆ. ಆಡಿರುವ ಎಲ್ಲಾ ಐದೂ ಮ್ಯಾಚ್ಗಳಲ್ಲೂ ಟೀಂ ಇಂಡಿಯಾ ಮೊದಲು ಬೌಲಿಂಗ್ ಮಾಡಿದೆ. ಬಳಿಕ ಚೇಸಿಂಗ್ ಮಾಡುವ ಮೂಲಕ ಗೆದ್ದಿದೆ. ಚೇಸಿಂಗ್ ಮೂಲಕವೇ ಎಲ್ಲಾ ಪಂದ್ಯಗಳನ್ನ ಗೆದ್ದುಕೊಂಡು ಬಂದಿದೆ. ಇದು ಪ್ಲಸ್ ಪಾಯಿಂಟ್ ಅನ್ನೋದು ಒಂದು ಕಡೆಯಾದ್ರೆ, ಇಲ್ಲೇ ಇನ್ನೊಂದು ನೆಗೆಟಿವ್ ಪಾಯಿಂಟ್ ಕೂಡ ಇದೆ. ಯಾಕೆಂದರೆ, ಈ ಬಾರಿಯ ವರ್ಲ್ಡ್ಕಪ್ನಲ್ಲಿ ಟೀಂ ಇಂಡಿಯಾ ಮೊದಲು ಬ್ಯಾಟಿಂಗ್ ಮಾಡಿ ಎದುರಾಳಿ ತಂಡಕ್ಕೆ ಟಾರ್ಗೆಟ್ ಕೊಟ್ಟಿಲ್ಲ. ಬಳಿಕ ಬೌಲಿಂಗ್ನಲ್ಲಿ ಡಿಫೆಂಡ್ ಮಾಡಿ ಒಂದೇ ಒಂದು ಪಂದ್ಯವನ್ನ ಗೆದ್ದಿಲ್ಲ. ಮೊದಲು ಬೌಲಿಂಗ್ ನಂತ್ರ ಚೇಸಿಂಗ್ ಮೂಲಕವೇ ಎಲ್ಲಾ ಮ್ಯಾಚ್ಗಳನ್ನೂ ಭಾರತೀಯ ತಂಡ ಗೆದ್ದಿದೆ. ಹೀಗಾಗಿ ಮುಂದಿನ ಪಂದ್ಯಗಳಲ್ಲಾದ್ರೂ ಟೀಂ ಇಂಡಿಯಾ ಮೊದಲು ಬ್ಯಾಟಿಂಗ್ ಮಾಡಿ, ನಂತರ ಬೌಲಿಂಗ್ ಮೂಲಕ ಎದುರಾಳಿಗಳನ್ನ ಕಟ್ಟಿ ಹಾಕಬೇಕಿದೆ. ಯಾಕಂದ್ರೆ ಮೊದಲು ಬ್ಯಾಟಿಂಗ್ ಮಾಡಿ ನಂತ್ರ ಬೌಲಿಂಗ್ನಲ್ಲಿ ಡಿಫೆಂಡ್ ಮಾಡೋದು ಕೂಡ ದೊಡ್ಡ ಮಟ್ಟಿಗಿನ ಚಾಲೆಂಜ್. ಇದುವರೆಗೆ ನಾವು ಆಡಿರುವ ಬಹುತೇಕ ಪಿಚ್ಗಳು ಫಸ್ಟ್ ಬೌಲಿಂಗ್, ಸೆಕೆಂಡ್ ಬ್ಯಾಟಿಂಗ್ಗೆ ಫೇವರ್ ಆಗಿತ್ತು. ಹೀಗಾಗಿ ಟಾಸ್ ಗೆದ್ದಾಗಲೆಲ್ಲಾ ಮ್ಯಾಚ್ ಗೆಲ್ಲಬೇಕಾದ ದೃಷ್ಟಿಯಿಂದ ಟೀಂ ಇಂಡಿಯಾ ಮೊದಲು ಬೌಲಿಂಗ್ ಆಯ್ಕೆ ಮಾಡಿಕೊಂಡಿತ್ತು. ಆದ್ರೆ ಸೆಮಿಫೈನಲ್ ಎಂಟ್ರಿ ಹಂತದಲ್ಲಿರುವ ಆಸ್ಟ್ರೇಲಿಯಾ, ದಕ್ಷಿಣ ಆಫ್ರಿಕಾ ಮತ್ತು ನ್ಯೂಜಿಲ್ಯಾಂಡ್ ಈ ಮೂರೂ ತಂಡಗಳು ಚೇಸಿಂಗ್ ಮಾಡಿಯೂ ಮ್ಯಾಚ್ಗಳನ್ನ ಗೆದ್ದಿವೆ.. ಮೊದಲು ಬ್ಯಾಟಿಂಗ್ ಮಾಡಿ, ನಂತ್ರ ಬೌಲಿಂಗ್ನಲ್ಲೂ ಡಿಫೆಂಡ್ ಮಾಡಿಯೂ ಪಂದ್ಯಗಳನ್ನ ಗೆದ್ದಿವೆ. ಆದ್ರೆ ಟೀಂ ಇಂಡಿಯಾ ಒಂದೇ ಒಂದು ಮ್ಯಾಚ್ನಲ್ಲಿ ಸೆಕೆಂಡ್ ಇನ್ನಿಂಗ್ಸ್ನಲ್ಲಿ ಬೌಲಿಂಗ್ನಲ್ಲಿ ಡಿಫೆಂಡ್ ಮಾಡಿ ಗೆದ್ದಿಲ್ಲ. ಇದು ವರ್ಲ್ಡ್ಕಪ್ ಟೂರ್ನಿಯಲ್ಲಿ ಈಗಿನವರೆಗೆ ಟೀಂ ಇಂಡಿಯಾದ ಸಣ್ಣ ಡ್ರಾ ಬ್ಯಾಕ್. ಹಾಗಂತಾ ಫಸ್ಟ್ ಬ್ಯಾಟಿಂಗ್ ಮಾಡಿ ಬಳಿಕ ಬೌಲಿಂಗ್ ಡಿಫೆಂಡ್ ಮಾಡಿಕೊಳ್ಳುವ ಸಾಮರ್ಥ್ಯ ನಮ್ಮ ಆಟಗಾರರಿಗೆ ಇಲ್ಲ ಅಂತಲ್ಲ. ಆದರೆ, ಈ ಟೂರ್ನಿಯಲ್ಲಿ ಇದುವರೆಗೆ ಎದುರಿಸದ ಚಾಲೆಂಜ್ನ್ನ ಟೀಂ ಇಂಡಿಯಾ ಮುಂದಿನ ಪಂದ್ಯಗಳಲ್ಲೂ ಫೇಸ್ ಮಾಡಲೇಬೇಕಿದೆ. ಟಾಸ್ ಗೆದ್ದರೆ ಮೊದಲು ಬ್ಯಾಟಿಂಗ್ ಮಾಡಿ, ಬಳಿಕ ಬೌಲಿಂಗ್ ಮಾಡಿ ಮ್ಯಾಚ್ ಗೆಲ್ಲಬೇಕಿದೆ.
ಯಾಕಂದ್ರೆ ಫಸ್ಟ್ ಬ್ಯಾಟಿಂಗ್ ಮಾಡುವ ಚಾಲೆಂಜ್ ಸೆಮಿಫೈನಲ್ನಲ್ಲಿ ಬೇಕಾದ್ರೂ ಎದುರಾಗಬಹುದು.. ಫೈನಲ್ಗೆ ಎಂಟ್ರಿಯಾದ್ರೆ ಅಲ್ಲಿ ಬೇಕಾದ್ರೂ ಟಾಸ್ ಸೋತು ನಮಗೆ ಫಸ್ಟ್ ಬ್ಯಾಟಿಂಗ್ ಮಾಡೋ ಪರಿಸ್ಥಿತಿ ಬರಬಹುದು. ಫಸ್ಟ್ ಬ್ಯಾಟಿಂಗ್ ಮಾಡೋವಾಗ ಬ್ಯಾಟ್ಸ್ಮನ್ಗಳ ಮನಸ್ಥಿತಿಯೇ ಬೇರೆ ಇರುತ್ತೆ. ಚೇಸಿಂಗ್ ಮಾಡೋ ವೇಳೆ ಮೆಂಟಾಲಿಟಿಯೇ ಡಿಫರೆಂಟ್ ಆಗಿರುತ್ತೆ. ಬೌಲರ್ಸ್ಗಳಿಗೂ ಅಷ್ಟೇ.. ಹೀಗಾಗಿ ಸೆಮಿಫೈನಲ್ನಲ್ಲೋ ಅಥವಾ ಫೈನಲ್ನಲ್ಲೋ ಸಡನ್ ಆಗಿ ಫಸ್ಟ್ ಬ್ಯಾಟಿಂಗ್ ಮಾಡೋ ಪರಿಸ್ಥಿತಿ ಬಂದ್ರೆ ಟೀಂ ಮೇಲೆ, ಪ್ಲೇಯರ್ಸ್ಗಳ ಮೇಲಿನ ಒತ್ತಡ ಕೂಡ ಸಹಜವಾಗಿಯೇ ಹೆಚ್ಚಾಗುತ್ತೆ. ಹೀಗಾಗಿ ಸೆಮಿಫೈನಲ್ಗೂ ಮುನ್ನ ಟೀಂ ಇಂಡಿಯಾ ಮೊದಲು ಬ್ಯಾಟಿಂಗ್ ಮಾಡಿ, ನಂತ್ರ ಬೌಲಿಂಗ್ ಮಾಡಿದ್ರೆ ಆಗ ಇಲ್ಲೂ ನಮ್ಮ ಆಟಗಾರರ ಸಾಮರ್ಥ್ಯ ಏನು ಅನ್ನೋದು ಪ್ರೂವ್ ಆಗುತ್ತೆ. ಚೇಸಿಂಗ್ ವೇಳೆ ಗೆದ್ದೇ ಗೆಲ್ತಾರೆ ಅನ್ನೋ ಕಾನ್ಫಿಡೆನ್ಸ್ ಈಗಾಗ್ಲೇ ಎಲ್ಲರಿಗೂ ಬಂದಾಗಿದೆ. ಸೆಕೆಂಡ್ ಬೌಲಿಂಗ್ ಮಾಡೋವಾಗಲು ಇದೇ ಕಾನ್ಫಿಡೆನ್ಸ್ ತಂಡಕ್ಕೆ ಬೇಕಿದೆ.
