ಸೆಮಿಫೈನಲ್ ಪಂದ್ಯದಲ್ಲಿ ವಿಶ್ವದಾಖಲೆ ಬರೆಯುತ್ತಾರಾ ವಿರಾಟ್ ಕೊಹ್ಲಿ – ದಾಖಲೆಯ ಶತಕಕ್ಕೆ ಕಾಯುತ್ತಿದ್ದಾರೆ ರನ್ ಮೆಷಿನ್ ಫ್ಯಾನ್ಸ್

ವಿರಾಟ್ ಕೊಹ್ಲಿ ಅಂದ ತಕ್ಷಣ ಈಗ ಮೊದಲಿಗೆ ನೆನಪಾಗೋದೆ 50ನೇ ಸೆಂಚೂರಿ. ಕೊಹ್ಲಿ ದಾಖಲೆಯ ಶತಕಕ್ಕಾಗಿ ಎಲ್ಲರೂ ಕಾಯ್ತಾ ಇದ್ದಾರೆ. ಇದೇ ವರ್ಲ್ಡ್ಕಪ್ನಲ್ಲಿ ಟೀಂ ಇಂಡಿಯಾ ರನ್ ಮಷಿನ್ ವರ್ಲ್ಡ್ ರೆಕಾರ್ಡ್ ಮಾಡುವ ನಿರೀಕ್ಷೆ ಇದೆ. ಆದ್ರೆ ವಿರಾಟ್ ಕೊಹ್ಲಿ ಮುಂದೆ ಇದೊಂದೇ ವಿಶ್ವದಾಖಲೆಯ ಚಾನ್ಸ್ ಇರೋದಲ್ಲ. ಹೈಯೆಸ್ಟ್ ಸೆಂಚೂರಿ ರೆಕಾರ್ಡ್ ಜೊತೆಗೆ ಇನ್ನೊಂದಷ್ಟು ದಾಖಲೆಗಳನ್ನ ತಮ್ಮ ಹೆಸರಿಗೆ ಬರೆಯುವ ಅವಕಾಶವೂ ವಿರಾಟ್ ಕೊಹ್ಲಿ ಮುಂದಿದೆ. ಕೊಹ್ಲಿ ಬ್ರೇಕ್ ಮಾಡಲಿರುವ ರೆಕಾರ್ಡ್ಗಳ ಸರಮಾಲೆ ಯಾವುದೆಲ್ಲಾ ಅನ್ನೋ ಬಗ್ಗೆ ವಿವರ ಇಲ್ಲಿದೆ.

ಇದನ್ನೂ ಓದಿ: ವಿಶ್ವಕಪ್ ಟೂರ್ನಿಯಲ್ಲಿ ಅತಿ ಹೆಚ್ಚು ರನ್‌ಗಳಿಸಿದ ವಿರಾಟ್ ಕೊಹ್ಲಿ – ರನ್ ಮೆಷಿನ್ ಚೇಸಿಂಗ್ ಸ್ಟೈಲ್ ಹೇಗಿದೆ?

ಈ ಬಾರಿಯ ವರ್ಲ್ಡ್ಕಪ್ನಲ್ಲೇ ವಿರಾಟ್ ಕೊಹ್ಲಿಗೆ ಐದು ರೆಕಾರ್ಡ್ಗಳನ್ನ ಬ್ರೇಕ್ ಮಾಡುವ ಅಪಾರ್ಚ್ಯುನಿಟಿ ಇದೆ.

ನಂ.1: ಮೊಟ್ಟ ಮೊದಲ ಬಾರಿಗೆ 50ನೇ ಶತಕ!

ವಿರಾಟ್ ಕೊಹ್ಲಿ ಈಗಾಗ್ಲೇ 49 ಸೆಂಚೂರಿ ಹೊಡೆದು ಸಚಿನ್ಗೆ ಸಮಾನರಾಗಿ ನಿಂತಿದ್ದಾರೆ. ಇನ್ನೊಂದು ಶತಕ ಬಾರಿಸಿದರೂ ಕೂಡಾ ಕಿಂಗ್ ಕೊಹ್ಲಿ ಹೊಸ ವಿಶ್ವದಾಖಲೆ ಬರೆಯುತ್ತಾರೆ. ಇದುವರೆಗೂ ಅಂತಾರಾಷ್ಟ್ರೀಯ ವಂಡೇ ಕ್ರಿಕೆಟ್ನಲ್ಲಿ 50 ಸೆಂಚೂರಿಗಳನ್ನ ಯಾವೊಬ್ಬ ಬ್ಯಾಟ್ಸ್ಮನ್ ಕೂಡ ಹೊಡೆದಿಲ್ಲ. ಹೀಗಾಗಿ ಇದು ವಿರಾಟ್ ಕೊಹ್ಲಿ ಹೆಸರಿಗೆ ಸೇರ್ಪಡೆಯಾಗಲಿರುವ ಅತ್ಯಂತ ದೊಡ್ಡ ದಾಖಲೆಯಾಗಿದೆ. ಮುಂದಿನ ಕೆಲ ವರ್ಷಗಳಿಗಂತೂ ಈ ದಾಖಲೆಯಲ್ಲಿ ಬ್ರೇಕ್ ಮಾಡೋಕೆ ಇನ್ಯಾರಿಂದಲೂ ಸಾಧ್ಯವಿಲ್ಲ.

ನಂ.2: ವಿಶ್ವಕಪ್ ನಲ್ಲಿ ಅತೀ ಹೆಚ್ಚು ರನ್ ಗಳಿಸಿದ ಆಟಗಾರ!

ಇಲ್ಲೂ ವಿರಾಟ್ ಕೊಹ್ಲಿಗೆ ಹೊಸ ದಾಖಲೆಯನ್ನ ಬರೆಯುವ ಅವಕಾಶ ಇದೆ. ನ್ಯೂಜಿಲ್ಯಾಂಡ್ ವಿರುದ್ಧದ ಸೆಮಿಫೈನಲ್ ಪಂದ್ಯಕ್ಕೂ ಮುನ್ನ ಈ ಬಾರಿಯ ವರ್ಲ್ಡ್ಕಪ್ನಲ್ಲಿ ವಿರಾಟ್ ಕೊಹ್ಲಿ 594 ರನ್ ಗಳಿಸಿ, ಹೈಯೆಸ್ಟ್ ಸ್ಕೋರರ್ ಲಿಸ್ಟ್ನಲ್ಲಿ ನಂಬರ್-1 ಪೊಸೀಷನ್ನಲ್ಲಿ ಇದ್ದರು. ಒಂದೇ ವರ್ಲ್ಡ್ಕಪ್ನಲ್ಲಿ ಅತೀ ಹೆಚ್ಚು ಸ್ಕೋರ್ ಮಾಡಿದ ದಾಖಲೆ ಸೃಷ್ಟಿಸೋಕೆ ವಿರಾಟ್ಗೆ ಇನ್ನು 80 ರನ್ಗಳ ಅವಶ್ಯಕತೆ ಇದೆ ಅಷ್ಟೇ. 2003ರ ವಿಶ್ವಕಪ್ನಲ್ಲಿ ಸಚಿನ್ ತೆಂಡೂಲ್ಕರ್ ಬರೋಬ್ಬರಿ 673 ರನ್ ಹೊಡೆದಿದ್ರು. ಹೀಗಾಗಿ ಈ ವಿಶ್ವಕಪ್ನಲ್ಲಿ ಇನ್ನೊಂದು ಸೆಂಚೂರಿ ಹೊಡೆದ್ರೂ ಸಾಕು ಸಚಿನ್ ಹೆಸರಲ್ಲಿರೋ ಮತ್ತೊಂದು ರೆಕಾರ್ಡ್ ಕೂಡ ಕೊಹ್ಲಿ ಪಾಲಾಗಲಿದೆ.

ನಂ.3: ಎರಡನೇ ಬಾರಿ ವಿಶ್ವಕಪ್ ಗೆಲ್ತಾರಾ ಕೊಹ್ಲಿ?

ಇಲ್ಲೂ ಒಂದು ರೆಕಾರ್ಡ್ ಬರೆಯುವ ಚಾನ್ಸ್ ವಿರಾಟ್ ಕೊಹ್ಲಿಗೆ ಇದೆ. ಇದುವರೆಗೆ ಭಾರತದ ಯಾವೊಬ್ಬ ಪ್ಲೇಯರ್ ಕೂಡ ಎರಡು ಬಾರಿ ಏಕದಿನ ವರ್ಲ್ಡ್ಕಪ್ ಗೆದ್ದಿಲ್ಲ. ಆದ್ರೆ ವಿರಾಟ್ ಕೊಹ್ಲಿಗೆ ಈ ಸಾಧನೆ ಮಾಡಬಹುದು. ಯಾಕಂದ್ರೆ, 2011ರ ವರ್ಲ್ಡ್ಕಪ್ ಟೀಂನಲ್ಲಿ ವಿರಾಟ್ ಕೊಹ್ಲಿ ಇದ್ರು. 12 ವರ್ಷಗಳ ಹಿಂದೆ ತಮ್ಮ ಮೊದಲ ವರ್ಲ್ಡ್ಕಪ್ ಟೂರ್ನಿಯಲ್ಲೇ ವಿರಾಟ್ ಟ್ರೋಫಿ ಎತ್ತಿ ಹಿಡಿದಿದ್ರು. ಇದೀಗ 2ನೇ ಬಾರಿಗೆ ವಿಶ್ವಕಪ್ ಗೆಲ್ಲುವ ಅವಕಾಶ ವಿರಾಟ್ ಕೊಹ್ಲಿಗೆ ಇದೆ. ಒಂದು ವೇಳೆ ಟೀಂ ಇಂಡಿಯಾ ಈ ಬಾರಿ ವರ್ಲ್ಡ್ಕಪ್ ಗೆದ್ರೆ ಈ ಸಾಧನೆಯನ್ನ ಮಾಡಿದ ಮೊದಲ ಭಾರತೀಯರಾಗ್ತಾರೆ. ಜೊತೆಗೆ ಆರ್. ಅಶ್ವಿನ್ ಕೂಡ ಇದ್ದಾರೆ. ಅಶ್ವಿನ್ ಕೂಡ 2011 ವರ್ಲ್ಡ್ಕಪ್ ಟೀಂನಲ್ಲಿದ್ರು. ಆದ್ರೆ ಇಡೀ ಟೂರ್ನಿಯಲ್ಲಿ ಎರಡು ಮ್ಯಾಚ್ಗಳಲ್ಲಷ್ಟೇ ಆಡಿದ್ದರು.

ನಂ.4: ಸ್ವದೇಶದಲ್ಲಿ 2 ಬಾರಿ ವಿಶ್ವಕಪ್ ಗೆದ್ದ ಸಾಧನೆ!

ಈ ಬಾರಿ ಟೀಂ ಇಂಡಿಯಾ ವರ್ಲ್ಡ್ಕಪ್ ಗೆದ್ರೆ ವಿರಾಟ್ ಕೊಹ್ಲಿ ಮಾತ್ರವಲ್ಲ ಭಾರತೀಯ ಕ್ರಿಕೆಟ್ ಹೊಸ ವಿಶ್ವದಾಖಲೆಯನ್ನ ಕೂಡ ಬರೆಯಲಿದೆ. ಇದುವರೆಗೆ ಸ್ವದೇಶದಲ್ಲಿ ಯಾವುದೇ ಕ್ರಿಕೆಟರ್ ಮತ್ತು ಯಾವುದೇ ಟೀಂ ಎರಡು ಬಾರಿ ವರ್ಲ್ಡ್ಕಪ್ ಗೆದ್ದಿಲ್ಲ. ಆಸ್ಟ್ರೇಲಿಯಾ 5 ಬಾರಿ ವರ್ಲ್ಡ್ಕಪ್ ಗೆದ್ರೂ ಕೂಡ ತನ್ನದೇ ನೆಲದಲ್ಲಿ ಎರಡು ಬಾರಿ ವಂಡೇ ವಿಶ್ವಕಪ್ ಗೆದ್ದಿಲ್ಲ. 2015ರಲ್ಲಿ ಮಾತ್ರ ಆಸ್ಟ್ರೇಲಿಯಾದಲ್ಲೇ ಆಸಿಸ್ ಟೀಂ ಚಾಂಪಿಯನ್ ಆಗಿತ್ತು. 2019ರಲ್ಲಿ ಇಂಗ್ಲೆಂಡ್ ತನ್ನದೇ ನೆಲದಲ್ಲಿ ಮೊದಲ ಬಾರಿ ವರ್ಲ್ಡ್ಕಪ್ ಗೆದ್ದಿತ್ತು. ಆದ್ರೆ ಇನ್ನೊಂದು ರೆಕಾರ್ಡ್ ಮಾಡುವ ಅಪಾರ್ಚ್ಯುನಿಟಿ ಟೀಂ ಇಂಡಿಯಾಗೆ ಇದೆ. ಈ ಬಾರಿ ಭಾರತ ವಿಶ್ವಕಪ್ ಗೆದ್ರೆ ತನ್ನದೇ ನೆಲದಲ್ಲಿ 2 ಬಾರಿ ವರ್ಲ್ಡ್ಗೆದ್ದ ಮೊದಲ ಟೀಂ ಎನ್ನಿಸಿಕೊಳ್ಳುತ್ತೆ. ಜೊತೆಗೆ ವಿರಾಟ್ ಕೊಹ್ಲಿ ಹೆಸರಿಗೂ ಈ ದಾಖಲೆ ಸೇರಿಕೊಳ್ಳುತ್ತದೆ.

ನಂ.5: ವರ್ಲ್ಡ್ ಕಪ್ ನಲ್ಲಿ ಸೆಕೆಂಡ್ ಹೈಯೆಸ್ಟ್ ಸ್ಕೋರರ್ ಕೊಹ್ಲಿ?

ಈ ವರ್ಲ್ಡ್ಕಪ್ ಟೂರ್ನಿಯಲ್ಲೇ ವಿರಾಟ್ ಕೊಹ್ಲಿಗೆ ಸೆಕೆಂಡ್ ಹೈಯೆಸ್ಟ್ ಸ್ಕೋರ್ ಮಾಡಿದ ಬ್ಯಾಟ್ಸ್ಮನ್ ಅನ್ನೋ ರೆಕಾರ್ಡ್ ಕೂಡ ಮಾಡಬಹುದು. ಅಂದ್ರೆ ಆಸ್ಟ್ರೇಲಿಯಾದ ಮಾಜಿ ಕ್ಯಾಪ್ಟನ್ ರಿಕ್ಕಿ ಪಾಂಟಿಂಗ್ ದಾಖಲೆಯನ್ನ ಕೊಹ್ಲಿ ಬ್ರೇಕ್ ಮಾಡಬಹುದು. ರಿಕ್ಕಿ ಪಾಂಟಿಂಗ್ 46 ವಿಶ್ವಕಪ್ ಮ್ಯಾಚ್ಗಳಲ್ಲಿ ಒಟ್ಟು 1,743 ರನ್ ಗಳಿಸಿದ್ರು. ವಿರಾಟ್ ಕೊಹ್ಲಿ 35 ವಂಡೇ ವರ್ಲ್ಡ್ಕಪ್ ಮ್ಯಾಚ್ಗಳಲ್ಲಿ 1,624 ರನ್ ಗಳಿಸಿದ್ದಾರೆ. ಪಾಂಟಿಂಗ್ ರೆಕಾರ್ಡ್ ಬ್ರೇಕ್ ಮಾಡೋಕೆ ಕೊಹ್ಲಿಗೆ ಇನ್ನು ಬೇಕಿರೋದು 119 ರನ್ಗಳು ಮಾತ್ರ. ಆದ್ರೆ ವಿಶ್ವಕಪ್ನಲ್ಲಿ ಅತೀ ಹೆಚ್ಚು ರನ್ ಗಳಿಸಿದ ಆಟಗಾರ ಅಂದ್ರೆ ಅದು ಸಚಿನ್ ತೆಂಡೂಲ್ಕರ್ ಮಾತ್ರ. 45 ವರ್ಲ್ಡ್ಕಪ್ ಮ್ಯಾಚ್ಗಳಲ್ಲಿ ಸಚಿನ್ ಒಟ್ಟು 2,278 ರನ್ ಗಳಿಸಿದ್ದಾರೆ. ಹೀಗಾಗಿ ಈ ಬಾರಿಯ ವರ್ಲ್ಡ್ಕಪ್ನಲ್ಲಿ ಒಟ್ಟು ದಾಖಲೆಗಳನ್ನ ಬ್ರೇಕ್ ಮಾಡುವ ಅವಕಾಶ ವಿರಾಟ್ ಕೊಹ್ಲಿಗೆ ಇದೆ.