World Cupಗೆ ಕೈ ಕೊಟ್ರಾ ಕೊಹ್ಲಿ? – ಮೊದಲ ಪಂದ್ಯದಲ್ಲಿ ಆಡ್ತಿಲ್ಲ ಯಾಕೆ?
ಅಮೆರಿಕದಲ್ಲಿ ವಿರಾಟ್ ಗಿರೋ ಸವಾಲೇನು?

ಕ್ರಿಕೆಟ್ ಲೋಕದ ಲೆಜೆಂಡರಿ ಬ್ಯಾಟ್ಸ್ಮನ್ ವಿರಾಟ್ ಕೊಹ್ಲಿ ರನ್ ಮಷಿನ್ ಅನ್ನೋದ್ರಲ್ಲಿ ನೋ ಡೌಟ್. ಅದು ಐಪಿಎಲ್ಲೇ ಆಗಿರಲಿ ಅಥವಾ ಐಸಿಸಿ ಟೂರ್ನಮೆಂಟ್ಗಳೇ ಇರಲಿ. ಕೊಹ್ಲಿ ಕ್ರೀಸ್ನಲ್ಲಿ ಇರುವಷ್ಟು ಹೊತ್ತೂ ಟೀಂ ಇಂಡಿಯಾ ಗೆಲುವಿಗೆ ಹತ್ತಿರವಾಗ್ತಿದೆ ಅಂತಾನೇ ಅರ್ಥ. ಇದೀಗ ಮುಂಬರೋ ಟಿ20 ವಿಶ್ವಕಪ್ನಲ್ಲೂ ವಿರಾಟ್ ಮೇಲೆ ಬೆಟ್ಟದಷ್ಟು ನಿರೀಕ್ಷೆಗಳಿವೆ. ಆದರೆ ಐಪಿಎಲ್ ಆರೆಂಜ್ ಕ್ಯಾಪ್ ವಿನ್ನರ್, ಅದೇ ಖದರ್ ಅನ್ನ ಚುಟುಕು ದಂಗಲ್ನಲ್ಲಿ ರಿಪೀಟ್ ಮಾಡ್ತಾರಾ ಅನ್ನೋ ಅನುಮಾನ ಕಾಡ್ತಿದೆ. ಯಾಕಂದ್ರೆ ಈಗಾಗ್ಲೇ ಕ್ಯಾಪ್ಟನ್ ರೋಹಿತ್ ಶರ್ಮಾ ಆ್ಯಂಡ್ ಗ್ಯಾಂಗ್ನ ಅನೇಕ ಆಟಗಾರರು ಟಿ20 ವಿಶ್ವಕಪ್ ಆಡಲು ಅಮೇರಿಕಾಗೆ ತೆರಳಿದ್ದಾರೆ. ಆದರೆ ವಿಶ್ರಾಂತಿ ಬಯಸಿರೋ ಕೊಹ್ಲಿ ಮೊದಲ ಬ್ಯಾಚ್ ಜೊತೆ ಪ್ರಯಾಣಿಸಿಲ್ಲ. ಈ ತಿಂಗಳಾಂತ್ಯದಲ್ಲಿ ಅಮೆರಿಕಾಗೆ ಫ್ಲೈಟ್ ಏರಲಿದ್ದಾರೆ ಎಂದು ಹೇಳಲಾಗ್ತಿದೆ. ಕೊಹ್ಲಿಯ ಇದೇ ನಿರ್ಧಾರ ಈಗ ಟೀಂ ಇಂಡಿಯಾಗೆ ಆತಂಕ ತಂದಿದೆ.

ಇದನ್ನೂ ಓದಿ: ಸುಧಾಕರ್‌ಗೆ ಒಂದು ವೋಟ್‌ ಜಾಸ್ತಿ ಬಂದ್ರೂ ಶಾಸಕ ಸ್ಥಾನಕ್ಕೆ ರಾಜೀನಾಮೆ -ಪ್ರದೀಪ್ ಈಶ್ವರ್

ಅಮೆರಿಕದಲ್ಲಿ ಕೊಹ್ಲಿ ಫ್ಲಾಪ್ ಶೋ!

ಜೂನ್ 1 ರಂದು ಬಾಂಗ್ಲಾ ವಿರುದ್ಧ ಅಭ್ಯಾಸ ಪಂದ್ಯ ನಡೆಯಲಿದ್ದು, ವಿರಾಟ್ ಆಡುವುದು ಅನುಮಾನ ಎನ್ನಲಾಗ್ತಿದೆ. ಹಾಗೇನಾದ್ರೂ ಕೊಹ್ಲಿ ವಾರ್ಮ್ಅಪ್ ಮ್ಯಾಚ್ ತಪ್ಪಿಸಿಕೊಂಡ್ರೆ ಬಿಗ್ ಲಾಸ್ ಆಗಲಿದೆ. ಯಾಕಂದ್ರೆ ಮೆಗಾ ಬ್ಯಾಟಲ್ಗೂ ಮುನ್ನ ಭಾರತ ಆಡುವುದು ಏಕೈಕ ಅಭ್ಯಾಸ ಪಂದ್ಯ ಮಾತ್ರ. ಇದನ್ನ ಬಿಟ್ರೆ ನೇರವಾಗಿ ಜೂನ್ 5 ರಂದು ಐರ್ಲೆಂಡ್ ವಿರುದ್ಧ ಅಖಾಡಕ್ಕೆ ಧುಮುಕಲಿದೆ. ಕೊಹ್ಲಿ ಸಿದ್ಧತೆ ನಡೆಸದೇ ಏಕ್ದಮ್ ವಿಶ್ವಕಪ್ ಆಡಿದ್ರೆ ಪರ್ಫಾಮೆನ್ಸ್ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರಬಹುದು. ಹಾಗೇ ಭಾರತ ತಂಡ ಗುಂಪು ಹಂತದ 4 ಪಂದ್ಯಗಳನ್ನ ಅಮೆರಿಕಾದಲ್ಲೇ ಆಡಲಿದೆ. ಆದ್ರೆ ಅಮೆರಿಕ ನೆಲದಲ್ಲಿ ಕೊಹ್ಲಿ ಫರ್ಫಾಮೆನ್ಸ್ ಕಳಪೆಯಾಗಿದೆ. ಕೊಹ್ಲಿ ಅಮೆರಿಕಾದಲ್ಲಿ ಈವರೆಗೆ 4 ಪಂದ್ಯಗಳನ್ನ ಆಡಿದ್ದು, ಬರೀ 63 ರನ್ ಅಷ್ಟೇ ಬಾರಿಸಿದ್ದಾರೆ. ಅದಕ್ಕಾಗಿ 61 ಎಸೆತ ತೆಗೆದುಕೊಂಡಿದ್ದಾರೆ. ಇನ್ನು ಬ್ಯಾಟಿಂಗ್ ಎವರೇಜ್ 21 ಆಗಿದೆ. ಕಿಂಗ್ ಕೊಹ್ಲಿ ವೃತ್ತಿ ಜೀವನದಲ್ಲಿ ಎರಡು ಬಾರಿ ಅಮೆರಿಕಾ ಪ್ರವಾಸ ಕೈಗೊಂಡಿದ್ದಾರೆ. ಎರಡೂ ಪ್ರವಾಸದಲ್ಲಿ ಅತಿಕೆಟ್ಟ ಆಟವಾಡಿದ್ದಾರೆ. 2016ರ ಮೊದಲ ಪ್ರವಾಸದಲ್ಲಿ ಕೊಹ್ಲಿ 1 ಇನ್ನಿಂಗ್ಸ್ ಆಡಿ ಬರೀ 16 ರನ್ ಗಳಿಸಲಷ್ಟೇ ಶಕ್ತರಾಗಿದ್ರು. 2019 ರಲ್ಲೂ 2 ಇನ್ನಿಂಗ್ಸ್ ಆಡಿ ಕೇವಲ 47 ರನ್ ಗಳಿಸಿ ನಿರಾಸೆ ಮೂಡಿಸಿದ್ರು.

ಹೀಗಾಗಿ ಐಪಿಎಲ್ನಲ್ಲಿ ಮಿಂಚಿದ್ದ ಕಿಂಗ್ ವಿರಾಟ್ ಕೊಹ್ಲಿಗೆ ಮುಂಬರೋ ಟಿ20 ವಿಶ್ವಕಪ್ ಅಂತೂ ಸುಲಭವಿಲ್ಲ. 17ನೇ ಐಪಿಎಲ್ನ ರನ್ರಾಜನ ಮುಂದೆ ಬಿಗ್ ಚಾಲೆಂಜಸ್ಗಳಿವೆ. ವೈಫಲ್ಯ ಮೆಟ್ಟಿ ನಿಲ್ಲೋದ್ರ ಜೊತೆ ಅಮೆರಿಕಾ ಕಂಡಿಷನ್ಗೆ ಹೊಂದಿಕೊಳ್ಳಬೇಕಾದ ಸವಾಲಿದೆ. ಕೊಹ್ಲಿ ಮಾತ್ರವಲ್ಲದೆ ಐಪಿಎಲ್ ಗುಂಗಲ್ಲಿದ್ದ ಟೀಂ ಇಂಡಿಯಾದ ಎಲ್ಲಾ ಆಟಗಾರರಿಗೂ ಸೇಮ್ ಸಿಚುಯೇಶನ್ ಇದೆ. ಇದನ್ನೆಲ್ಲಾ ಮೆಟ್ಟಿ ಹೇಗೆ ಪರ್ಫಾಮ್ಸ್ ಮಾಡ್ತಾರೆ ಅನ್ನೋದನ್ನ ಕಾದು ನೋಡ್ಬೇಕಿದೆ.