ನೋಡಿರಿ
ದೇಶಕ್ಕಿಂತಲೂ ಹೆಚ್ಚಾಯ್ತಾ ವೈಯಕ್ತಿಕ ವಿಚಾರ? – ವಿರಾಟ್ ಕೊಹ್ಲಿ ಬಗ್ಗೆ ಪರ ವಿರೋಧದ ಚರ್ಚೆ
ಭಾರತ ಹಾಗೂ ಇಂಗ್ಲೆಂಡ್ ನಡುವಣ ಮೂರನೇ ಟೆಸ್ಟ್ ಪಂದ್ಯ ಫೆಬ್ರವರಿ 15 ರಂದು ರಾಜ್‌ಕೋಟ್ನ ಸೌರಾಷ್ಟ್ರ ಕ್ರಿಕೆಟ್ ಅಸೋಸಿಯೇಷನ್ ಕ್ರೀಡಾಂಗಣದಲ್ಲಿ ಶುರುವಾಗಲಿದೆ. ಈ ನಡುವೆ ಇಂಗ್ಲೆಂಡ್ ವಿರುದ್ಧ ಇನ್ನುಳಿದ ಮೂರು ಟೆಸ್ಟ್ ಮ್ಯಾಚ್ಗಳಿಗೆ ಟೀಂ ಇಂಡಿಯಾದ ಸ್ಕ್ವಾಡ್ ಅನೌನ್ಸ್ ಆಗಿದೆ. ಹಾಗೆಯೇ ತಂಡದಲ್ಲಿ ಕೆಲ ಮಹತ್ವದ ಬದಲಾವಣೆಗಳು ಕೂಡ ಆಗಿವೆ. ವಿರಾಟ್ ಕೊಹ್ಲಿ ಸೇರಿದಂತೆ ಕೆಲ ಪ್ರಮುಖ ಆಟಗಾರರ ವಿಚಾರದಲ್ಲೂ ಬಿಗ್ ಅಪ್ಡೇಟ್ ಆಗಿದೆ.
ಇದನ್ನೂ ಓದಿ: ಇಂಗ್ಲೆಂಡ್ ವಿರುದ್ಧದ ಕೊನೆಯ ಮೂರು ಟೆಸ್ಟ್ ಪಂದ್ಯಗಳಿಗೆ ಟೀಮ್ ಪ್ರಕಟ – ಸ್ಟಾರ್ ಆಟಗಾರ ವಿರಾಟ್ ಕೊಹ್ಲಿ ಅಲಭ್ಯ
ವಿರಾಟ್ ಕೊಹ್ಲಿ ಇಂಗ್ಲೆಂಡ್ ವಿರುದ್ಧದ ಇಡೀ ಸೀರಿಸ್ನಿಂದಲೇ ಔಟ್ ಆಗಿರುವ ವಿಚಾರ ಅಭಿಮಾನಿಗಳಂತೂ ಬೇಸರದ ಸಂಗತಿ. ಪಸ್ಟ್ ಎರಡು ಟೆಸ್ಟ್ ಮ್ಯಾಚ್ಗಳನ್ನ ಆಡಿರಲಿಲ್ಲ. ಇನ್ನುಳಿದ ಮೂರೂ ಟೆಸ್ಟ್ ಮ್ಯಾಚ್ಗಳನ್ನ ಕೂಡ ಕೊಹ್ಲಿ ಆಡೋದಿಲ್ಲ. ಪರ್ಸನಲ್ ರೀಸನ್ನಿಂದಾಗಿ ಕೊಹ್ಲಿ ಇಡೀ ಸೀರಿಸ್ನ್ನೇ ಮಿಸ್ ಮಾಡಿಕೊಂಡಿದ್ದಾರೆ. ಮೂರೂ ಟೆಸ್ಟ್ ಮ್ಯಾಚ್ಗಳಲ್ಲೂ ಆಡೋದಿಲ್ಲ ಅಂತಾ ವಿರಾಟ್ ಕೊಹ್ಲಿ ಬಿಸಿಸಿಐಗೆ ಮಾಹಿತಿ ನೀಡಿದ್ದಾರೆ. ಮೂರು, ನಾಲ್ಕು ಮತ್ತು ಐದನೇ ಟೆಸ್ಟ್ಗೆ ಕೊಹ್ಲಿ ಕಮ್ಬ್ಯಾಕ್ ಮಾಡ್ತಾರೆ ಅಂತಾ ಆರಂಭದಲ್ಲಿ ಹೇಳಲಾಗಿತ್ತು. ನಂತರ 5ನೇ ಟೆಸ್ಟ್ ವೇಳೆಗೆ ಟೀಮ್ ಜಾಯಿನ್ ಆಗಬಹುದು ಅಂತಾನೂ ಸುದ್ದಿಯಾಯ್ತು. ಈಗ ನೋಡಿದ್ರೆ ಇಡೀ ಸೀರಿಸ್ನಲ್ಲೇ ವಿರಾಟ್ ಕೊಹ್ಲಿ ಆಡ್ತಾ ಇಲ್ಲ. ಕೊಹ್ಲಿ ನೀಡಿರೋ ಆ ಪರ್ಸನಲ್ ರೀಸನ್ ಏನು ಅನ್ನೋದು ಯಾರಿಗೂ ಗೊತ್ತಿಲ್ಲ. ಪರ್ಸನಲ್ ರೀಸನ್ ಏನೇ ಇರಬಹುದು ಅದನ್ನ ಪ್ರಶ್ನಿಸೋ ಅವಶ್ಯಕತೆ ಕೂಡ ಇಲ್ಲ. ಎಲ್ಲರಿಗೂ ಅವರವರ ಲೈಫ್ನಲ್ಲಿ ಪ್ರೈವಸಿ ಅಂತಾ ಇರುತ್ತೆ. ಅದನ್ನ ರೆಸ್ಪೆಕ್ಟ್ ಮಾಡಲೇಬೇಕಾಗುತ್ತೆ.
ಆದ್ರೆ ಇಲ್ಲೊಂದಷ್ಟು ಪರ ವಿರೋಧದ ಚರ್ಚೆ ಕೂಡ ಶುರುವಾಗಿದೆ. ದೇಶಕ್ಕಾಗಿ ಆಡೋವಾಗ ಕೆಲ ಪರ್ಸನಲ್ ವಿಚಾರಗಳನ್ನ ಸ್ಯಾಕ್ರಿಫೈಸ್ ಮಾಡಬೇಕಲ್ವಾ? ಒಂದು, ಎರಡು ಟೆಸ್ಟ್ನಲ್ಲಿ ಆಡದೆ ಇರೋದು ಓಕೆ. ಬಟ್ ಇಡೀ ಸೀರಿಸ್ನಿಂದಲೇ ಹೊರಗುಳಿಯೋದು. ಅದ್ರಲ್ಲೂ ಇಂಗ್ಲೆಂಡ್ನಂಥಾ ಮೇನ್ ಟೀಮ್ ಜೊತೆಗಿನ ಸೀರಿಸ್ನಲ್ಲಿ ಒಂದೇ ಒಂದು ಮ್ಯಾಚ್ ಕೂಡ ಆಡದೆ ಇರೋದು ಎಷ್ಟು ಸರಿ ಅಂತಾನೂ ಒಂದಷ್ಟು ಚರ್ಚೆಗಳಾಗ್ತಾ ಇದೆ. ಬಟ್ ಇಲ್ಲಿ ಒಂದು ಸಂಗತಿಯನ್ನ ತಿಳಿದುಕೊಳ್ಳಲೇಬೇಕಾಗುತ್ತೆ. ಕಳೆದ 15 ವರ್ಷಗಳ ಕ್ರಿಕೆಟ್ ಕೆರಿಯರ್ನಲ್ಲಿ ವಿರಾಟ್ ಕೊಹ್ಲಿ ಇದೇ ಮೊದಲ ಬಾರಿಗೆ ಹೋಮ್ ಸೀರಿಸ್ನಲ್ಲಿ ಆಡ್ತಾ ಇಲ್ಲ. ಈ ಹಿಂದೆ ಭಾರತದಲ್ಲಿ ನಡೆದ ಎಲ್ಲಾ ಟೆಸ್ಟ್ ಸೀರಿಸ್ಗಳಲ್ಲೂ ಕೊಹ್ಲಿ ಆಡಿದ್ರು. ಹೀಗಾಗಿ ದೇಶಕ್ಕಾಗಿ ಆಡೋವಾಗ ಪರ್ಸನಲ್ ರೀಸನ್ಗಳನ್ನ ಪುಶ್ ಮಾಡಬಾರದು ಅಂತಾ ಹೇಳುವವರು ಈ ವಿಚಾರವನ್ನ ಅರ್ಥ ಮಾಡಿಕೊಳ್ಳಲೇಬೇಕಾಗುತ್ತೆ. ಟೀಂ ಇಂಡಿಯಾಗೆ ವಿರಾಟ್ ಕೊಹ್ಲಿಯ ಕಾಂಟ್ರಿಬ್ಯೂಷನ್ ಮತ್ತು ಡೆಡಿಕೇಶನ್ನನ್ನ ಪ್ರಶ್ನೆ ಮಾಡೋಕೆ ಸಾಧ್ಯವೇ ಇಲ್ಲ. ಈ ಬಾರಿ ಏನೊ ಇಂಪಾರ್ಟೆಂಟ್ ರೀಸನ್ ಇರಬಹುದೋ ಏನೊ. ವಿರಾಟ್ ಕೊಹ್ಲಿ ಆಡೋ ಮೈಂಡ್ಸೆಟ್ನಲ್ಲಿ ಇಲ್ಲದೆ ಇರಬಹುದು. ಕಂಪ್ಲೀಟ್ ಆಗಿ ಗೇಮ್ ಮೇಲೆ ಫೋಕಸ್ ಮಾಡೋಕೆ ಆಗದಂಥಾ ಸ್ವಿಚ್ಯುವೇಶನ್ನಲ್ಲಿರಬಹುದು. ಅದೇನೇ ಕಾರಣ ಇರಲಿ, ಮೆಂಟಲಿ ಫಿಟ್ ಆಗಿಲ್ಲಾಂದ್ರೆ ಆಡೋದು ಕೂಡ ಒಳ್ಳೆಯದಲ್ಲ. ಅದ್ರಿಂದ ಇಡೀ ಟೀಮ್ಗೆ ಎಫೆಕ್ಟ್ ಆಗೋ ಸಾಧ್ಯತೆ ಇರುತ್ತೆ. ಹೀಗಾಗಿಯೇ ವಿರಾಟ್ ಕೊಹ್ಲಿಯ ಡಿಸೀಶನ್ನನ್ನ ಬಿಸಿಸಿಐ ರೆಸ್ಪೆಕ್ಟ್ ಮಾಡಿದೆ. ನಾವು ಎಲ್ಲಾ ರೀತಿಯಲ್ಲೂ ಕೊಹ್ಲಿಗೆ ಸಪೋರ್ಟ್ ಮಾಡ್ತೀವಿ ಅಂತಾ ಬಿಸಿಸಿಐ ಕೂಡ ಕ್ಲೀಯರ್ ಆಗಿ ಹೇಳಿದೆ.
ಕೇವಲ ವಿರಾಟ್ ಕೊಹ್ಲಿ ಮಾತ್ರವಲ್ಲ ಶ್ರೇಯಸ್ ಅಯ್ಯರ್ ಕೂಡ ಮುಂದಿನ ಮೂರೂ ಟೆಸ್ಟ್ ಮ್ಯಾಚ್ಗಳನ್ನ ಆಡೋದಿಲ್ಲ. ಶ್ರೇಯಸ್ ಅಯ್ಯರ್ ಬ್ಯಾಕ್ಪೇನ್ಗೆ ಒಳಗಾಗಿದ್ದು, ಇಡೀ ಸೀರಿಸ್ನಿಂದಲೇ ಔಟಾಗಿದ್ದಾರೆ. ಶ್ರೇಯಸ್ ಅಯ್ಯರ್ ಈಗ ಬೆಂಗಳೂರಿನ ಎನ್ಸಿಎಗೆ ರೀಚ್ ಆಗಿದ್ದು, ಅಲ್ಲಿ ಅವರನ್ನ ಮಾನಿಟರ್ ಮಾಡಲಾಗ್ತಿದೆ. ಇನ್ನು ಇಂಜ್ಯೂರಿಗೊಳಗಾಗಿ ಸೆಕೆಂಡ್ ಟೆಸ್ಟ್ನಲ್ಲಿ ಆಡದೆ ಇದ್ದ ಕೆಎಲ್. ರಾಹುಲ್ ಮತ್ತು ರವೀಂದ್ರ ಜಡೇಜಾರನ್ನ ಉಳಿದ ಮೂರು ಟೆಸ್ಟ್ಗಳಿಗಾಗಿ ಟೀಮ್ಗೆ ಪಿಕ್ ಮಾಡಲಾಗಿದೆ. ಆದ್ರೆ ಇವರಿಬ್ಬರಿಗೂ ಒಂದು ಕಂಡೀಷನ್ ಅಪ್ಲೈ ಆಗುತ್ತೆ. ಬಿಸಿಸಿಐ ಮೆಡಿಕಲ್ ಟೀಮ್ನಿಂದ ಫಿಟ್ನೆಸ್ ಕ್ಲೀಯರೆನ್ಸ್ ಸಿಕ್ಕರಷ್ಟೇ ಕೆಎಲ್ ರಾಹುಲ್ ಮತ್ತು ರವೀಂದ್ರ ಜಡೇಜರನ್ನ ಅಖಾಡಕ್ಕಿಳಿಸಲಾಗುತ್ತೆ. ಇಲ್ಲಾಂದ್ರೆ ಬೇರೆ ಪ್ಲೇಯರ್ಗಳನ್ನ ರಿಪ್ಲೇಸ್ ಮಾಡಲಾಗುತ್ತೆ.
ಹಾಗೆಯೇ ಉತ್ತರಪ್ರದೇಶದ ಸ್ಪಿನ್ನರ್ ಸೌರಬ್ ಕುಮಾರ್ರನ್ನ 2ನೇ ಟೆಸ್ಟ್ ವೇಳೆಗೆ ಸ್ಕ್ವಾಡ್ಗೆ ಪಿಕ್ ಮಾಡಲಾಗಿತ್ತು. ಆದ್ರೀಗ ಅವರನ್ನ ಮತ್ತೆ ರಿಲೀಸ್ ಮಾಡಿದ್ದಾರೆ. ರಣಜಿ ಟೂರ್ನಿ ನಡೀತಾ ಇದ್ದು, ಹೀಗಾಗಿ ಉತ್ತರಪ್ರದೇಶದ ಪರ ಆಡೋಕೆ ವಾಪಸ್ ಆಗ್ತಿದ್ದಾರೆ. ಸೆಕೆಂಡ್ ಟೆಸ್ಟ್ನಲ್ಲಿ ಹೇಗೂ ಆವರನ್ನ ಆಡಿಸಿರಲಿಲ್ಲ. ಮುಂದಿನ ಮೂರೂ ಟೆಸ್ಟ್ ಮ್ಯಾಚ್ಗಳನ್ನ ಸೌರಬ್ರನ್ನ ಆಡಿಸೋದು ಡೌಟೇ. ಹೀಗಾಗಿ ಮತ್ತೆ ರಣಜಿ ಆಡೋಕೆ ವಾಪಸ್ ಕಳುಹಿಸಲಾಗಿದೆ.
ಇವೆಲ್ಲದರ ಮಧ್ಯೆ ರೋಹಿತ್ ಶರ್ಮಾ ತಮ್ಮ ಕ್ಯಾಪ್ಟನ್ಸಿ ಸೀಕ್ರೆಟ್ ಬಗ್ಗೆ ಮಾತನಾಡಿದ್ದಾರೆ. ಒಬ್ಬ ಲೀಡರ್ ಆಗಿ ಟೀಮ್ ಮೇಟ್ಗಳ ಮೇಲೆ, ಪ್ರತಿಯೊಬ್ಬ ಇಂಡಿವಿಜ್ಯುವಲ್ ಪ್ಲೇಯರ್ಸ್ಗಳ ಮೇಲೆ ನಂಬಿಕೆ ಇಟ್ಟುಕೊಳ್ಳೋದು ತುಂಬಾ ಮುಖ್ಯ. ಯಾರದ್ದು ಏನೇ ರೋಲ್ ಇರಲಿ, ಅವರನ್ನ ಎನ್ಕರೇಜ್ ಮಾಡಿ, ಕಾನ್ಫಿಡೆನ್ಸ್ ನೀಡೋದು ಕ್ಯಾಪ್ಟನ್ ಕೆಲಸ. ತಂಡದ ಸಕ್ಸಸ್ಗೆ ಪ್ರತಿಯೊಬ್ಬ ಆಟಗಾರನ ಕಾಂಟ್ರಿಬ್ಯೂಷನ್ ಕೂಡ ತುಂಬಾ ಕ್ರೂಶಿಯಲ್ ಆಗಿರುತ್ತೆ. ಹೀಗಾಗಿ ನಾನು ಎಲ್ಲರ ಜೊತೆಗೂ ಪರ್ಸನಲ್ ಆಗಿ ಎಂಗೇಜ್ಮೆಂಟ್ ಇಟ್ಕೋತೀನಿ. ಸಪರೇಟ್ ಆಗಿ ಡಿಸ್ಕಸ್ ಮಾಡ್ತೀನಿ. ಟೀಮ್ನ ರಿಕ್ವೈರ್ಮೆಂಟ್ಗೆ ತಕ್ಕಂತೆ ಅವರ ರೋಲ್ ಏನು ಅನ್ನೋದನ್ನ ವಿವರಿಸ್ತೀನಿ. ಅದ್ರಲ್ಲೂ ಚಾಲೆಂಜಿಂಗ್ ಪರಿಸ್ಥಿತಿ ಬಂದರೆ ಆಟಗಾರರ ಮೇಲೆ ಹೆಚ್ಚಿನ ರೀತಿಯಲ್ಲಿ ನಂಬಿಕೆ ಇಡುವುದು ಮುಖ್ಯ ಅಂತಾ ರೋಹಿತ್ ಶರ್ಮಾ ಹೇಳಿದ್ದಾರೆ. ಅಂತೂ ಇಂಗ್ಲೆಂಡ್ ವಿರುದ್ಧದ ಸೀರಿಸ್ನ್ನ ಹೇಗಾದ್ರೂ ಮಾಡಿ ಗೆಲ್ಲಲೇಬೇಕು ಅನ್ನೋ ಹಠದಲ್ಲಿ ಕ್ಯಾಪ್ಟನ್ ಇದ್ದಾರೆ.
