ನೋಡಿರಿ
ಟಿ-20 & ODI ಸೀರಿಸ್ ಆಡಲ್ಲ ವಿರಾಟ್ ಕೊಹ್ಲಿ – ರೋಹಿತ್ ಶರ್ಮಾ ಮುಂದಿನ ಟಿ-20 ವರ್ಲ್ಡ್ಕಪ್ ಆಡೋದು ಡೌಟ್.. !
ಟೀಂ ಇಂಡಿಯಾ ದಕ್ಷಿಣ ಆಫ್ರಿಕಾ ಸೀರಿಸ್ನತ್ತ ಚಿತ್ತ ನೆಟ್ಟಿದೆ. ಹೆಡ್ ಕೋಚ್ ಆಗಿ ರಾಹುಲ್ ದ್ರಾವಿಡ್ ಅವರೇ ಮುಂದುವರೆಯಲಿದ್ದಾರೆ. ಆದರೆ, ತಂಡದ ಇಬ್ಬರು ಸೀನಿಯರ್ ಆಟಗಾರರ ನಿರ್ಧಾರ ಟೀಂ ಇಂಡಿಯಾಗೆ ತುಂಬಾನೆ ಎಫೆಕ್ಟ್ ಆಗ್ತಾ ಇದೆ. ರೋಹಿತ್ ಶರ್ಮಾ ಮತ್ತು ವಿರಾಟ್ ಕೊಹ್ಲಿ ನಿಲುವು ಟೀಮ್ ಇಂಡಿಯಾ ಮೇಲೆ ಯಾವ ರೀತಿ ಪರಿಣಾಮ ಬೀರಲಿದೆ? ಎಂಬ ಬಗ್ಗೆ ವಿವರವಾದ ಮಾಹಿತಿ ಇಲ್ಲಿದೆ.
ಇದನ್ನೂ ಓದಿ:ಐಷಾರಾಮಿ ಆಫ್ ರೋಡ್ ಕಾರು ಖರೀದಿಸಿದ ಧೋನಿ – ಹೊಸ ಕಾರಿಗೆ ಸಿಕ್ತು ಧೋನಿಯ ಫೆವರೇಟ್ ನಂಬರ್
ಡಿಸೆಂಬರ್ 10ರಿಂದ ದಕ್ಷಿಣ ಆಫ್ರಿಕಾದಲ್ಲಿ ಟೀಂ ಇಂಡಿಯಾ ಮೂರು ಟಿ-20, ಮೂರು ಏಕದಿನ ಮತ್ತು ಎರಡು ಟೆಸ್ಟ್ ಮ್ಯಾಚ್ಗಳ ಸರಣಿಯನ್ನ ಆಡಲಿದೆ. ಆದ್ರೆ ಟಿ-20 ಮತ್ತು ಏಕದಿನ ಸರಣಿಯಲ್ಲಿ ವಿರಾಟ್ ಕೊಹ್ಲಿ ಆಡುವುದಿಲ್ಲ. ಕೇವಲ ಟೆಸ್ಟ್ ಸೀರಿಸ್ ಮಾತ್ರ ಆಡಲು ವಿರಾಟ್ ಕೊಹ್ಲಿ ನಿರ್ಧರಿಸಿದ್ದಾರೆ. ವಂಡೇ ಮತ್ತು ಟಿ-20ಯಿಂದ ದೂರವುಳಿಯೋಕೆ ತೀರ್ಮಾನಿಸಿದ್ದಾರೆ. ಈ ಬಗ್ಗೆ ಕೊಹ್ಲಿ ಈಗಾಗ್ಲೇ ಬಿಸಿಸಿಐಗೆ ಕೂಡ ಮಾಹಿತಿ ನೀಡಿದ್ದಾರೆ. ಇನ್ನು ವಿರಾಟ್ ಕೊಹ್ಲಿ ಏನು ಕೇವಲ ದಕ್ಷಿಣ ಆಫ್ರಿಕಾ ಸೀರಿಸ್ ಮಾತ್ರವಲ್ಲ ಇನ್ನೂ ಒಂದಷ್ಟು ಟಿ-20 ಮತ್ತು ವಂಡೇ ಮ್ಯಾಚ್ಗಳನ್ನ ಆಡದೆ ಇರೋಕೆ ನಿರ್ಧರಿಸಿದ್ದಾರೆ. ಸದ್ಯ ಕೊಹ್ಲಿ ತಾನು ದಕ್ಷಿಣ ಆಫ್ರಿಕಾ ವಿರುದ್ಧ ವಂಡೇ, ಟಿ-20 ಆಡಲ್ಲ ಅಂತಷ್ಟೇ ಹೇಳಿದ್ದಾರೆ. ಆದ್ರೆ ಕೊಹ್ಲಿ ಟಿ-20 ಮತ್ತು ಏಕದಿನ ಸರಣಿಯಿಂದ ದೀರ್ಘಕಾಲ ಬ್ರೇಕ್ ತೆಗೆದುಕೊಳ್ಳುವ ಬಗ್ಗೆಯೂ ಮುನ್ಸೂಚನೆ ನೀಡಿದ್ದಾರೆ. ಸದ್ಯಕ್ಕೆ ನಾನು ಯಾವುದೇ ಏಕದಿನ, ಟಿ-20 ಸೀರಿಸ್ಗೆ ಲಭ್ಯವಿಲ್ಲ ಅನ್ನೋದಾಗಿ ಬಿಸಿಸಿಐಗೆ ತಿಳಿಸಿದ್ದಾರೆ. ಹೀಗಾಗಿ ಕೇವಲ ದಕ್ಷಿಣ ಆಫ್ರಿಕಾ ಸೀರಿಸ್ನಲ್ಲಿ ಮಾತ್ರವಲ್ಲ ಜನವರಿಯಲ್ಲಿ ಭಾರತದಲ್ಲೇ ನಡೆಯುವ ಅಫ್ಘಾನಿಸ್ತಾನ ವಿರುದ್ಧದ ಟಿ-20 ಸೀರಿಸ್ನಲ್ಲೂ ಕೂಡ ಆಡೋದು ಅನುಮಾನವೇ.
ಹಾಗಿದ್ರೆ ವಿರಾಟ್ ಕೊಹ್ಲಿಯ ಈ ತೀರ್ಮಾನಕ್ಕೆ ಕಾರಣ ಏನು ಅನ್ನೋದು ಇಲ್ಲಿರುವ ಪ್ರಶ್ನೆ. ವಿರಾಟ್ ಕೊಹ್ಲಿ ಈಗ ಕಂಪ್ಲೀಟ್ ಆಗಿ ಟೆಸ್ಟ್ ಕ್ರಿಕೆಟ್ನತ್ತ ಫೋಕಸ್ ಮಾಡ್ತಿದ್ದಾರೆ. ಟಿ-20 ಮತ್ತು ವಂಡೇಗಿಂತೂ ಕೊಹ್ಲಿ ಹೆಚ್ಚು ಇಷ್ಟ ಪಡುವ ಫಾರ್ಮೆಟ್ ಅಂದ್ರೆ ಅದು ಟೆಸ್ಟ್ ಕ್ರಿಕೆಟ್. ಟೆಸ್ಟ್ನಲ್ಲಿ ಇದುವರೆಗೆ ವಿರಾಟ್ ಕೊಹ್ಲಿ ಒಟ್ಟು 29 ಶತಕಗಳನ್ನ ಬಾರಿಸಿದ್ದಾರೆ. ಸಚಿನ್ ತೆಂಡೂಲ್ಕರ್ 51 ಸೆಂಚೂರಿ ಹೊಡೆದಿದ್ದಾರೆ. ಈಗಾಗ್ಲೇ ವಂಡೇ ಕ್ರಿಕೆಟ್ನಲ್ಲಿ ಸಚಿನ್ ಸೆಂಚೂರಿ ರೆಕಾರ್ಡ್ನ್ನ ಕೊಹ್ಲಿ ಬ್ರೇಕ್ ಮಾಡಿಯಾಗಿದೆ. ಇನ್ನು ನಿರಂತರವಾಗಿ ವಂಡೆ ಮತ್ತು ಟಿ-20ಯನ್ನ ಆಡ್ತಾನೆ ಇದ್ದಿದ್ರಿಂದ, ಹೆಚ್ಚು ಪ್ರೆಷರ್ನಲ್ಲೇ ಇದ್ದಿದ್ರಿಂದಾಗಿ ಕೊಹ್ಲಿ ಟಿ-20 ಮತ್ತು ವಂಡೇ ಫಾರ್ಮೆಂಟ್ನಿಂದ ಸದ್ಯಕ್ಕೆ ದೂರ ಉಳಿಯೋಕೆ ನಿರ್ಧರಿಸಿದ್ದಾರೆ. ಇನ್ನು 2024ರಲ್ಲಿ ನಡೆಯೋ ಟಿ-20 ವರ್ಲ್ಡ್ಕಪ್ ಕೊಹ್ಲಿ ಆಡ್ತಾರಾ ಅನ್ನೋದು ಕೂಡ ಗ್ಯಾರಂಟಿ ಇಲ್ಲ. ಈ ಬಗ್ಗೆ ಸಾಕಷ್ಟು ಕನ್ಫ್ಯೂಷನ್ಗಳಿವೆ. ಟಿ-20 ವರ್ಲ್ಡ್ಕಪ್ನಲ್ಲಿ ಆಡ್ಬೇಕಾ, ಬೇಡ್ವಾ ಅನ್ನೋದು ನಿಮ್ಮ ನಿರ್ಧಾರಕ್ಕೆ ಬಿಟ್ಟಿದ್ದು ಅಂತಾ ಬಿಸಿಸಿಐ ಕೂಡ ವಿರಾಟ್ ಕೊಹ್ಲಿ ಮತ್ತು ರೋಹಿತ್ ಶರ್ಮಾಗೆ ಮೆಸೇಜ್ ಪಾಸ್ ಮಾಡಿದೆ.
ಯಾವಾಗ ವಿರಾಟ್ ಕೊಹ್ಲಿ ಟಿ-20 ಮತ್ತು ವಂಡೇ ಸೀರಿಸ್ಗಳನ್ನ ಆಡದೆ ಇರೋಕೆ ತೀರ್ಮಾನಿಸಿದ್ರೋ, ಎಸ್ಪೆಷಲಿ ಟಿ-20ಗೆ ಕೊಹ್ಲಿ ಗುಡ್ಬೈ ಹೇಳ್ತಾರಾ ಅನ್ನೋ ರೂಮರ್ಸ್ ಕೂಡ ಸ್ಪ್ರೆಡ್ ಆಗ್ತಿದೆ. ಈ ಬಗ್ಗೆ ಸಚಿನ್ ತೆಂಡೂಲ್ಕರ್ ಕೂಡ ಮಾತನಾಡಿದ್ದು, ವಿರಾಟ್ ಕೊಹ್ಲಿಗೆ ಇನ್ನಷ್ಟು ಟಿ-20 ಮತ್ತು ವಂಡೇ ಕ್ರಿಕೆಟ್ ಅಡೋ ಸಾಮರ್ಥ್ಯ ಇದೆ. ನಿವೃತ್ತಿ ಘೋಷಿಸುವ ಟೈಮ್ ಇನ್ನೂ ಬಂದಿಲ್ಲ ಅಂತಾ ಸಚಿನ್ ಹೇಳಿದ್ದಾರೆ. ಹೀಗಾಗಿ ಸದ್ಯಕ್ಕಂತೂ ಕೊಹ್ಲಿ ವಂಡೇ ಫಾರ್ಮೆಟ್ನಿಂದಾಗಲಿ, ಟಿ-20ಯಿಂದಾಗಲಿ ರಿಟೈರ್ ಆಗೋ ಸಾಧ್ಯತೆಯೇ ಇಲ್ಲ ಅಂತಾನೆ ಹೇಳಬಹುದು.
ಇನ್ನು ಕ್ಯಾಫ್ಟನ್ ರೋಹಿತ್ ಶರ್ಮಾ ಬಗ್ಗೆಯೂ ಸಾಕಷ್ಟು ಸುದ್ದಿಗಳು ಹರಿದಾಡ್ತಿವೆ. ರೋಹಿತ್ ಶರ್ಮಾ ಕೂಡ ಮುಂದಿನ ಟಿ-20 ವರ್ಲ್ಡ್ಕಪ್ನಲ್ಲಿ ಆಡ್ತಾರೆ ಅನ್ನೋದು ಇನ್ನೂ ಗ್ಯಾರಂಟಿ ಇಲ್ಲ. 2022ರಲ್ಲಿ ಟಿ-20 ವರ್ಲ್ಡ್ಕಪ್ ಸೆಮಿಫೈನಲ್ನಲ್ಲಿ ಸೋತ ಬಳಿಕ ಇದುವರೆಗೂ ಟೀಂ ಇಂಡಿಯಾ ಪರವಾಗಿ ರೋಹಿತ್ ಶರ್ಮಾ ಒಂದೇ ಒಂದು ಟಿ-20 ಮ್ಯಾಚ್ ಆಡಿಲ್ಲ. ಇದೀಗ ದಕ್ಷಿಣ ಆಫ್ರಿಕಾ ವಿರುದ್ಧದ ಸೀರಿಸ್ನಲ್ಲಿ ಕೂಡ ಆಡೋದು ಡೌಟೇ. ಆದ್ರೂ ಕೂಡ ಸೌತ್ ಆಫ್ರಿಕಾ ಸೀರಿಸ್ನಲ್ಲಿ ಟೀಂನ್ನ ಲೀಡ್ ಮಾಡುವಂತೆ ಬಿಸಿಸಿಐ ಮನವಿ ಮಾಡುವ ಸಾಧ್ಯತೆ ಇದೆ. ಯಾಕಂದ್ರೆ ಆಲ್ರೌಂಡರ್ ಹಾರ್ದಿಕ್ ಪಾಂಡ್ಯಾ ಇನ್ನೂ ಕಂಪ್ಲೀಟ್ ಫಿಟ್ ಆಗಿಲ್ಲ. ದಕ್ಷಿಣ ಆಫ್ರಿಕಾ ವಿರುದ್ಧ ಟಿ-20 ಸೀರಿಸ್ನಲ್ಲಿ ಪಾಂಡ್ಯಾ ಆಡೋದಿಲ್ಲ. ಹೀಗಾಗಿ ರೋಹಿತ್ ಶರ್ಮಾರನ್ನೇ ಅಪ್ರೋಚ್ ಆಗುವ ಸಾಧ್ಯತೆ ಇದೆ. ಒಂದು ವೇಳೆ ದಕ್ಷಿಣ ಆಫ್ರಿಕಾ ವಿರುದ್ಧ ಟಿ-20 ಸೀರಿಸ್ಗೆ ರೋಹಿತ್ ಕ್ಯಾಪ್ಟನ್ ಆಗಿರಲ್ಲ ಅಂದ್ರೆ ಕೆಎಲ್ ರಾಹುಲ್ ಅಥವಾ ಸೂರ್ಯಕುಮಾರ್ ಯಾದವ್ಗೆ ಕ್ಯಾಪ್ಟನ್ಸಿ ಸಿಗುವ ಸಾಧ್ಯತೆ ಇದೆ.
