ನೋಡಿರಿ
ಭಾರತದಲ್ಲೇ ವಿರುಷ್ಕಾ ಮಗಳಿಗೆ ಶಿಕ್ಷಣ – ವಮಿಕಾ ಸ್ಕೂಲ್‌ ಫೀಸ್‌ ಇಷ್ಟೊಂದಾ?
ಇಂಡಿಯಾದಲ್ಲೇ ಕೊಹ್ಲಿ ಫ್ಯಾಮಿಲಿ!!
ವಿರಾಟ್‌ ಕೊಹ್ಲಿ ಹಾಗೂ ಅನುಷ್ಕಾ ಶರ್ಮಾ ಸದ್ಯ ವಿದೇಶದಲ್ಲೇ ನೆಲೆಸಿದ್ದಾರೆ.. ಕಳೆದ ಕೆಲವು ತಿಂಗಳಿನಿಂದ ಲಂಡನ್‌ನಲ್ಲೇ ಕಾಲ ಕಳಿತಾ ಇದ್ದಾರೆ.. ಕಿಂಗ್‌ ಕೊಹ್ಲಿ ನಿವೃತ್ತಿ ಬಳಿಕ ತಮ್ಮ ಫ್ಯಾಮಿಲಿಯೊಂದಿಗೆ ಲಂಡನ್‌ನಲ್ಲೇ ಸೆಟಲ್‌ ಆಗ್ತಾರೆ.. ಹೀಗಾಗಿ ಅಲ್ಲೇ ಮನೆ ಕೂಡ ಮಾಡ್ಕೊಂಡಿದ್ದಾರೆ ಅನ್ನೋ ಸುದ್ದಿ ದೇಶದಾದ್ಯಂತ ಹಲ್‌ಚಲ್‌ ಸೃಷ್ಟಿಸಿತ್ತು.. ಇದು ವಿರುಷ್ಕಾ ಫ್ಯಾನ್ಸ್‌ ಗೂ ಸಿಕ್ಕಾಪಟ್ಟೆ ಬೇಸರ ಮೂಡಿಸಿತ್ತು.. ಆದ್ರೀಗ ಕಿಂಗ್‌ ಕೊಹ್ಲಿ ಅಭಿಮಾನಿಗಳಿಗೆ ಗುಡ್‌ನ್ಯೂಸ್‌ವೊಂದಿದೆ.. ವಿರುಷ್ಕಾ ಜೋಡಿ ಭಾರತಕ್ಕೆ ಬರೋ ಬಗ್ಗೆ ಸುಳಿವೊಂದು ಸಿಕ್ಕಿದೆ.. ಮಗಳ ಸಲುವಾಗಿ ವಿರಾಟ್‌ ಕೊಹ್ಲಿ ದಂಪತಿ ಭಾರತದಲ್ಲೇ ನೆಲೆಸ್ತಾರಾ ಅನ್ನೋ ಕುತೂಹಲ ಕೂಡ ಮೂಡಿದೆ.. ಏನಿದು ಹೊಸ ಸಮಾಚಾರ.. ವಿರುಷ್ಕಾ ಜೋಡಿ ಭಾರತಲ್ಲೇ ನೆಲೆಸ್ತಾರ ಅನ್ನೋ ಮಾಹಿತಿ ಇಲ್ಲಿದೆ.
ಇದನ್ನೂ ಓದಿ: ಭಾರತದಲ್ಲಿ ಎಷ್ಟಿದೆ ವಕ್ಫ್ ಆಸ್ತಿ? – ಆಸ್ತಿ ನಿಜವಾಗಿಯೂ ಯಾರದ್ದು?
ವಿರಾಟ್‌ ಕೊಹ್ಲಿ ಹಾಗೂ ಅನುಷ್ಕಾ ಶರ್ಮಾ ಸದ್ಯ ಲಂಡನ್ನೇ ಲೈಫ್‌ ಲೀಡ್‌ ಮಾಡ್ತಾ ಇದ್ದಾರೆ.. ಭಾರತದಲ್ಲಿ ಟೂರ್ನಿ ಇದ್ದಾಗ ಬರ್ತಾರೆ.. ಮ್ಯಾಚ್‌ ಮುಗಿತಾ ಇದ್ದಂತೆ ಬ್ಯಾಗ್‌ ಪ್ಯಾಕ್‌ ಮಾಡ್ಕೊಂಡು ಸೀದಾ ಲಂಡನ್‌ ಗೆ ಹೋಗ್ತಾರೆ.. ಇದನ್ನ ಅದೆಷ್ಟೋ ಮಂದಿ ಟೀಕೆ ಮಾಡಿದ್ದು ಇದೆ.. ದುಡ್ಡು, ಹೆಸ್ರು ಮಾಡೋದಿಕ್ಕೆ ಭಾರತ ಬೇಕು.. ಜೀವನ ಮಾಡೋದಿಕ್ಕೆ ಭಾರತ ಬೇಡ್ವಾ ಅಂತಾ ಅನೇಕರು ಪ್ರಶ್ನೆ ಮಾಡಿದ್ರು.. ಈ ಟೀಕೆಗೆ ಕಿಂಗ್‌ ಕೊಹ್ಲಿ ಕೂಲ್‌ ಆಗೇ ಕೆಲ ಸಂದರ್ಶನದಲ್ಲಿ ಆನ್ಸರ್‌ ಮಾಡಿದ್ರು.. ತಾವು ಕೂಡ ಜನಸಾಮಾನ್ಯರಂತೆ ಜೀವನ ನಡೆಸ್ಬೇಕು.. ಲಂಡನ್‌ʼನಲ್ಲಿ ಸೆಲೆಬ್ರಿಟಿಯಲ್ಲದ ಜೀವನಶೈಲಿಯನ್ನು ಅನುಭವಿಸುತ್ತಿದ್ದೇನೆ.. ಆ ಕಾರಣಕ್ಕಾಗಿಯೇ ಅಲ್ಲಿ ನೆಲೆಸಿದ್ದೇವೆ ಅಂತಾ ಹೇಳಿದ್ರು.. ಆದ್ರೆ ಫ್ಯಾನ್ಸ್‌ ಮಾತ್ರ ತಮ್ಮ ವಿರುಷ್ಕಾ ಜೋಡಿ ಭಾರತಕ್ಕೆ ಬರೋದನ್ನೇ ಕಾಯ್ತಾ ಇದ್ದಾರೆ.. ಇದೀಗ ಕೊನೆಗೂ ಫ್ಯಾನ್ಸ್‌ಗೆ ಗುಡ್‌ನ್ಯೂಸ್‌ ಒಂದು ಸಿಕ್ಕಿದೆ.. ವಿರುಷ್ಕಾ ಜೋಡಿ ಶೀಘ್ರದಲ್ಲೇ ಭಾರತಕ್ಕೆ ಬರೋ ಮುನ್ಸೂಚನೆ ಸಿಕ್ಕಿದೆ..
ಹೌದು.. ಇಷ್ಟು ದಿನ ಮಕ್ಕಳಿಗಾಗಿ ವಿರುಷ್ಕಾ ಜೋಡಿ ಲಂಡನ್‌ ನಲ್ಲಿ ನೆಲೆಸಿದ್ರು.. ಇದೀಗ ಮಕ್ಕಳ ಭವಿಷ್ಯದ ದೃಷ್ಠಿಯಿಂದ ಭಾರತಕ್ಕೆ ಬರ್ತಿದ್ದಾರೆ.. ಮಗಳು ವಮಿಕಾಳನ್ನು ಅನುಷ್ಕಾ ಶರ್ಮಾ ಹಾಗೂ ವಿರಾಟ್‌ ಕೊಹ್ಲಿ ಭಾರತದ ಒಂದು ಪ್ರತಿಷ್ಠಿತ ಶಾಲೆಗೆ ಅಡ್ಮಿಶನ್‌ ಮಾಡಿಸಿದ್ದಾರೆ ಎಂದು ಹೇಳಲಾಗುತ್ತಿದೆ. ಅದಕ್ಕಾಗೇ ಈಗಾಗಲೇ ಮುಂಗಡ ದಾಖಲಾತಿಯನ್ನು ದಂಪತಿ ಮಾಡಿಸಿದ್ದಾರೆ ಎನ್ನಲಾಗುತ್ತಿದೆ.
ಬಾಲಿವುಡ್ ಲೈಫ್‌ ಹೊಸ ವರದಿಯ ಪ್ರಕಾರ, ಇತ್ತೀಚೆಗಷ್ಟೇ ಮೂರು ವರ್ಷಕ್ಕೆ ಕಾಲಿಟ್ಟಿರುವ ವಾಮಿಕಾ ಶೀಘ್ರದಲ್ಲೇ ಶಾಲೆಗೆ ಸೇರಲಿದ್ದಾರೆ. ಮುಂಬೈನ ಹೆಸರಾಂತ ಧೀರೂಭಾಯಿ ಅಂಬಾನಿ ಇಂಟರ್‌ನ್ಯಾಶನಲ್ ಸ್ಕೂಲ್‌ನಲ್ಲಿ ನರ್ಸರಿಗೆ ಅಡ್ಮಿಶನ್‌ ಮಾಡಿಸಿಕೊಂಡಿದ್ದಾರೆ ಎಂದು ಹೇಳಲಾಗಿದೆ. ಹೀಗಾಗಿಯೇ ವಿರುಷ್ಕಾ ದಂಪತಿ ಭಾರತದತ್ತ ಬರಲು ತಯಾರಿ ನಡೆಸಿದ್ದಾರೆ ಎಂದು ಹೇಳಲಾಗ್ತಿದೆ.. ಆದ್ರೆ ಯಾವಾಗ ಈ ದಂಪತಿ ಭಾರತಕ್ಕೆ ಬರಲಿದ್ದಾರೆ ಎಂಬ ಅಧಿಕೃತ ಮಾಹಿತಿ ಸಿಕ್ಕಿಲ್ಲ..
ಅಂದ್ಹಾಗೆ ಧೀರೂಭಾಯಿ ಅಂಬಾನಿ ಇಂಟರ್‌ನ್ಯಾಶನಲ್ ಸ್ಕೂಲ್‌ ಸೆಲೆಬ್ರಿಟಿಗಳ ಮಕ್ಕಳ ಶಿಕ್ಷಣ ಸಂಸ್ಥೆ ಅಂತಾನೇ ಫೇಮಸ್‌ ಆಗಿದೆ.. ಸೆಲೆಬ್ರಿಟಿಗಳ ಮಕ್ಕಳೇ ಈ ಸ್ಕೂಲ್‌ ನಲ್ಲಿ ಓದುತ್ತಿರೋದ್ರಿಂದ ಸ್ಕೂಲ್‌ ಫೀಜ್‌ ಕೂಡ ದುಬಾರಿಯಾಗಿದೆ. ಇಲ್ಲಿ ಎಲ್‌ಕೆಜಿ ಓದುವ ಮಕ್ಕಳಿಗೆ 1.7 ಲಕ್ಷ ಫೀಜ್‌ ಇದೆ.. ಉತ್ತಮ ಗುಣಮಟ್ಟದ ಶಿಕ್ಷಣವನ್ನು ಇಲ್ಲಿ ನೀಡಲಾಗುತ್ತದೆ. ಈ ಶಾಲೆಯಲ್ಲಿ ಐಶ್ವರ್ಯಾ ರೈ ಬಚ್ಚನ್ ಮತ್ತು ಅಭಿಷೇಕ್ ಬಚ್ಚನ್, ಅಮೀರ್ ಖಾನ್ ಮತ್ತು ಕಿರಣ್ ರಾವ್, ಶಾರುಖ್ ಖಾನ್ ಮತ್ತು ಗೌರಿ ಖಾನ್, ಹೃತಿಕ್ ರೋಷನ್ ಮತ್ತು ಇತರ ಸೆಲೆಬ್ರಿಟಿಗಳ ಮಕ್ಕಳು ಓದುತ್ತಿದ್ದಾರೆ. ಇದೀಗ ವಿರುಷ್ಕಾ ಜೋಡಿ ಕೂಡ ವಮಿಕಾಳನ್ನ ಇದೇ ಸ್ಕೂಲ್‌ ನಲ್ಲಿ ಓದಿಸಲಿದ್ದಾರೆ ಎನ್ನಲಾಗುತ್ತಿದೆ.
