ಉಲ್ಟಾ ನಿಂತು ಕಾಲ್ಬೆರಳಿನಲ್ಲಿ ಬಿಲ್ಲು ಗುರಿಯಿಟ್ಟ ತರುಣಿ – ಎಂಥಾ ಗುರಿ…

ಚಳಿಗಾಲ ಆರಂಭವಾಗುತ್ತಿದ್ದಂತೆ ಜಗತ್ತಿನ ಹಲವೆಡೆ ಹಿಮ ಸುರಿಯುತ್ತದೆ. ಈ ರಮಣೀಯ ದೃಶ್ಯಗಳನ್ನು ಕಣ್ತುಂಬಿಕೊಳ್ಳಲೆಂದು ಅನೇಕರು ಹಿಮ ಪ್ರದೇಶಗಳಿಗೆ ತೆರಳುತ್ತಾರೆ. ಅಲ್ಲದೇ ಈ ದಟ್ಟ ಹಿಮದ ರಾಶಿಯಲ್ಲಿ ಹಲವರು ಏನೇನೋ ಸಾಹಸಗಳನ್ನು ಮಾಡುತ್ತಿರುತ್ತಾರೆ. ಈ ದೃಶ್ಯಗಳು ಆಗಾಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿರುತ್ತದೆ. ಇದೀಗ ತರುಣಿಯೊಬ್ಬಳ ವಿಡಿಯೋವೊಂದು ಭಾರಿ ವೈರಲ್ ಆಗುತ್ತಿದೆ.

ಇದನ್ನೂ ಓದಿ: ಸೈಕಲ್ ಬಿಡುತ್ತಲೇ ಸ್ಕಿಪ್ಪಿಂಗ್… ಭಲೇ… ಭಲೇ.. ಏನ್ ಬ್ಯಾಲೆನ್ಸ್..!

ವೈರಲ್ ಆದ ವಿಡಿಯೋದಲ್ಲಿ ತರುಣಿ ಹಿಮನಾಡಿನಲ್ಲಿ ಬಿಲ್ಲು, ಬಾಣಗಳನ್ನು ಹಿಡಿದುಕೊಂಡಿದ್ದಾಳೆ. ಬಳಿಕ ಬಾಣಕ್ಕೆ ಲೈಟರ್ನಿಂದ ಬೆಂಕಿ ಹೊತ್ತಿಸುತ್ತಾಳೆ. ನಂತರ ಹ್ಯಾಂಡ್ಸ್ಟ್ಯಾಂಡ್ ಮೇಲೆ ತಲೆಕೆಳಗಾಗಿ ನಿಲ್ಲುತ್ತಾಳೆ. ಕಾಲಬೆರಳಿನಲ್ಲಿ ಹಿಡಿದುಕೊಂಡ ಬಾಣವನ್ನು ಗುರಿ ಇಟ್ಟು ಹೊಡೆಯುತ್ತಾಳೆ.

ಒರಿಸ್ಸಾ ಕೆಲ್ಲಿ ಎಂಬ ಇನ್ ಸ್ಟಾಗ್ರಾಂ ಖಾತೆಯಲ್ಲಿ ಈ ವಿಡಿಯೋವನ್ನು ಶೇರ್ ಮಾಡಿದ್ದು, ಈಕೆಯ ಜಾಣ್ಮೆಯನ್ನು ನೋಡಿದ ನೆಟ್ಟಿಗರು ಬೆರಗಾಗುತ್ತಿದ್ದಾರೆ. ಈಗಾಗಲೇ ಈ ವಿಡಿಯೋವನ್ನು ಮೂರು ಮಿಲಿಯನ್ ಜನರು ನೋಡಿದ್ದಾರೆ. ಕತ್ತಲೆಯಲ್ಲಿ ನನ್ನ ಕಾಲುಗಳಿಗೆ ಸಾಕ್ಸ್ ಹಾಕಿಕೊಳ್ಳುವಲ್ಲಿ ಗೊಂದಲವಾಗುತ್ತದೆ. ಆದರೆ ಈಕೆ ಮಾತ್ರ ಅದ್ಭುತ!. ಹೆಣ್ಣು ಎಂದರೆ ಹೀಗಿರಬೇಕು. ಜಾಣ್ಮೆಯೊಂದಿಗೆ ಉನ್ಮಾದವೂ ನಿಮ್ಮಲ್ಲಿ ಮೇಳೈಸಿದೆ ಎಂದು ನೆಟ್ಟಿಗರು ಕೊಂಡಾಡಿದ್ದಾರೆ.