ತಲೆ ಮೇಲೆ ಮತ್ತೊಬ್ಬನನ್ನು ಉಲ್ಟಾ ಹೊತ್ತು ಮೆಟ್ಟಿಲೇರಿದ ಯುವಕ- ವೈರಲ್ ವಿಡಿಯೋ…

ತಾವೇನಾದರೊಂದು ಸಾಹಸ ಮಾಡಬೇಕೆಂದು ಕೆಲ ಯುವಕರು ಹಾತೊರೆಯುತ್ತಾರೆ. ಅದಕ್ಕಾಗಿ ನಾನಾ ರೀತಿಯ ಸರ್ಕಸ್ ಮಾಡಿ ಎಲ್ಲರ ಗಮನ ತಮ್ಮತ್ತ ಸೆಳೆಯುವಂತೆ ಮಾಡುತ್ತಾರೆ. ಹೀಗೆ ಎಲ್ಲರನ್ನೂ ನಿಬ್ಬೆರಗಾಗಿಸುವ ಸಾಕಷ್ಟು ದೃಶ್ಯಗಳು ಸದಾ ಸೋಶಿಯಲ್ ಮೀಡಿಯಾದಲ್ಲಿ ಕಾಣಸಿಗುತ್ತವೆ. ಈ ಎಲ್ಲಾ ದೃಶ್ಯಗಳು ಬಹುಬೇಗ ನೆಟ್ಟಿಗರ ಗಮನ ಸೆಳೆಯುವಲ್ಲಿಯೂ ಯಶಸ್ವಿಯಾಗುತ್ತವೆ. ಅಂತಹದ್ದೇ ದೃಶ್ಯವೊಂದು ವೈರಲ್ ಆಗುತ್ತಿದ್ದು, ನೆಟ್ಟಿಗರ ಹುಬ್ಬೇರುವಂತೆ ಮಾಡಿದೆ.

ಇದನ್ನೂ ಓದಿ: ಕರ್ನಾಟಕದಲ್ಲಿ ಸಿಗುತ್ತೆ 24 ಕ್ಯಾರೆಟ್ ಚಿನ್ನದ ದೋಸೆ!: ಬೆಲೆ ಮಾತ್ರ ಕೇವಲ ಸಾವಿರ ರೂ…

ವೈರಲ್ ಆದ ವಿಡಿಯೊವೊಂದರಲ್ಲಿ ಯುವಕನೊಬ್ಬ ಮತ್ತೊಬ್ಬ ಯುವಕನನ್ನು ತಲೆ ಮೇಲೆ ಉಲ್ಟಾ ಹೊತ್ತುಕೊಂಡು ಮೆಟ್ಟಿಲನ್ನೇರಿದ್ದಾರೆ. ಇವರಿಬ್ಬರ ಬ್ಯಾಲೆನ್ಸಿಂಗ್ ಕೌಶಲ್ಯ ಎಲ್ಲರನ್ನೂ ನಿಬ್ಬೆರಗಾಗಿಸಿದ್ದು, ಈ ವಿಡಿಯೋ ಸಾಕಷ್ಟು ವೈರಲ್ ಆಗುತ್ತಿದೆ.

ರೆಡ್ಡಿಟ್ ಖಾತೆಯಲ್ಲಿ ಈ ವಿಡಿಯೋ ಫೋಸ್ಟ್ ಮಾಡಿದ್ದು, ಯುವಕನೊಬ್ಬರು ಇನ್ನೊಬ್ಬರನ್ನು ತನ್ನ ತಲೆ ಮೇಲೆ ಉಲ್ಟಾ ಹಿಡಿದುಕೊಳ್ಳುವ ದೃಶ್ಯದ ಮೂಲಕ ಈ ಕ್ಲಿಪ್ ಶುರುವಾಗುತ್ತದೆ. ಹೀಗೆ ಯುವಕನನ್ನು ಉಲ್ಟಾ ಹಿಡಿದುಕೊಂಡ ವ್ಯಕ್ತಿ ಬಳಿಕ ಬ್ಯಾಲೆನ್ಸ್ ಮಾಡುತ್ತಲೇ ಮೆಟ್ಟಿಲನ್ನೇರುತ್ತಾ ಸಾಗುತ್ತಾರೆ. ಹಾಗಂತ, ಇವರು ಒಂದೆರಡು ಮೆಟ್ಟಿಲನ್ನೇರುವುದಲ್ಲ. ಹಲವು ಮೆಟ್ಟಿಲನ್ನು ಈ ಯುವಕ ಸರಾಗವಾಗಿ ಏರುತ್ತಿರುವ ದೃಶ್ಯವನ್ನು ಕಂಡು ನೆಟ್ಟಿಗರು ಕೊಂಡಾದಿದ್ದಾರೆ.