ನೋಡಿರಿ
ಬಿಗ್‌ಬಾಸ್ ಮನೆಗೆ ಮರಳಿ ಬಂದ ವರ್ತೂರು ಸಂತೋಷ್ – ಉಳಿದ ಸ್ಪರ್ಧಿಗಳಿಂದ ಇಲ್ಲಿ ಇರಲು ವರ್ತೂರು ಅರ್ಹರಲ್ಲ ಎಂಬ ಅಭಿಪ್ರಾಯ
ಹುಲಿ ಉಗುರು ಪ್ರಕರಣದಲ್ಲಿ ಜೈಲು ಸೇರಿದ್ದ ಬಿಗ್‌ಬಾಸ್ ಸ್ಪರ್ಧಿ ವರ್ತೂರು ಸಂತೋಷ್ ಅವರು ಜಾಮೀನು ಪಡೆದು ಹೊರ ಬಂದಿದ್ದಾರೆ. ವರ್ತೂರು ಸಂತೋಷ್ ಈಗ ಮತ್ತೆ ಬಿಗ್‌ಬಾಸ್ ಮನೆಯನ್ನು ಪ್ರವೇಶ ಮಾಡಿದ್ದಾರೆ. ಈ ವೇಳೆ ಸಹ ಸ್ಪರ್ಧಿಗಳು ನಡೆದುಕೊಂಡ ರೀತಿ ವರ್ತೂರು ಸಂತೋಷ್ಗೆ ನಿಜವಾಗಲೂ ಶಾಕ್ ನೀಡಿದೆ.
ಇದನ್ನೂ ಓದಿ: ಡ್ರೋನ್ ಪ್ರತಾಪ್ ಮೇಲೆ ಮುಗಿಬಿದ್ದ ಸ್ಪರ್ಧಿಗಳು – ಬಿಗ್‌ಬಾಸ್ ಮನೆಯಲ್ಲಿ ಮತ್ತೆ ವರ್ತೂರು ಸಂತೋಷ್ ಹವಾ?
ಎರಡು ವಾರಗಳ ಕಾಲ ಬಿಗ್‌ಬಾಸ್ ಮನೆಯಲ್ಲಿ ಹವಾ ಸೃಷ್ಟಿಸಿದ್ದರು ಹಳ್ಳಿಕಾರ್ ಸಂತೋಷ್. ರೈತ ಬಂಗಾರದ ಬೆಳೆ ತೆಗೆದರೆ ಬಂಗಾರವೇ ಮನೆ ತುಂಬುತ್ತೆ ಅನ್ನೋದನ್ನು ತೋರಿಸಿಕೊಟ್ಟವರು ವರ್ತೂರು ಸಂತೋಷ್. ಆದರೆ, ಅವರ ಕತ್ತಿನಲ್ಲಿ ಇದ್ದ ಹುಲಿ ಉಗುರಿನ ಲಾಕೆಟ್ ನಿಂದಾಗಿ ಅರಣ್ಯ ಇಲಾಖೆಯವರು ಸ್ಪರ್ಧಿಯಾಗಿದ್ದರೂ ಕೂಡಾ ವಶಕ್ಕೆ ಪಡೆದು ಬಂಧಿಸಿದ್ದರು. ನಂತರ 14 ದಿನಗಳ ನ್ಯಾಯಾಂಗ ಬಂಧನ ಎದುರಿಸಬೇಕಾಯ್ತು. ಇದಾದ ನಂತರ ಜಾಮೀನು ಪಡೆದು ಹೊರ ಬಂದಿದ್ದರು. ಈ ಜಾಮೀನಿನ ಷರತ್ತಿನಲ್ಲಿ ವರ್ತೂರು ಸಂತೋಷ್ ಬಿಗ್ ಬಾಸ್ ಮನೆಗೆ ಹೋಗಬಾರದು ಎನ್ನುವ ವಿಚಾರ ಇಲ್ಲ. ಹೀಗಾಗಿ, ವರ್ತೂರು ಸಂತೋಷ್ ಮರಳಿ ಬಿಗ್‌ಬಾಸ್ ಮನೆಗೆ ಬಂದಿದ್ದಾರೆ.
ವರ್ತೂರು ಸಂತೋಷ್ ಬಿಗ್ ಬಾಸ್ ಮನೆ ಒಳಗೆ ಬರುತ್ತಿದ್ದಂತೆ ಉಳಿದ ಸ್ಪರ್ಧಿಗಳು ಅಚ್ಚರಿ ಜೊತೆಗೆ ಖುಷಿಯಾದಂತೆ ನಟಿಸಿದ್ದಾರೆ. ನಂತರ ಒಬ್ಬರಿಗಿಂತ ಒಬ್ಬರು ಪೈಪೋಟಿಗೆ ಇಳಿದಂತೆ ನಾಮಿನೇಷನ್ ಮಾಡಿದ್ದಾರೆ. ಅಷ್ಟೇ ಅಲ್ಲ ಒಂದು ವಾರ ಎಲ್ಲಿಗೆ ಹೋಗಿದ್ದೀರಿ. ಏನು ವಿಚಾರ ಎಂದು ಪ್ರಶ್ನೆಗಳ ಮೇಲೆ ಪ್ರಶ್ನೆ ಕೇಳಿದ್ದಾರೆ. ‘ಬಿಸ್ನೆಸ್ ವಿಚಾರಕ್ಕೆ ಹೊರಗೆ ಹೋಗಿದ್ದೆಯೋ ಅಥವಾ ಆರೋಗ್ಯದ ಸಮಸ್ಯೆ ಕಾಡಿತ್ತೋ’ ಎಂದು ವಿನಯ್ ಕೇಳಿದರು. ‘ನಿಮ್ಮ ಚಿನ್ನವನ್ನು ತೆಗೆದುಕೊಂಡು ಹೋದರೆ’ ಎಂದು ನಮ್ರತಾ ಪ್ರಶ್ನಿಸಿದ್ದಾರೆ. ಈ ವೇಳೆ ಬಿಗ್ ಬಾಸ್ ನಾಮಿನೇಷನ್ ವಿಚಾರ ಎಳೆದು ತಂದರು. ಸಂತೋಷ್ ಅವರು ನಾಮಿನೇಷನ್ ಆಗಬೇಕೋ ಅಥವಾ ಬೇಡವೋ’ ಎನ್ನುವ ಪ್ರಶ್ನೆಯನ್ನು ಅನೇಕರು ಕೇಳಿದರು. ಇದಕ್ಕೆ ಮನೆ ಮಂದಿ ಉತ್ತರಿಸಿದ್ದಾರೆ. ‘ನಾವು ಒಂದು ವಾರ ಸ್ಟ್ರಗಲ್ ಮಾಡಿದ್ದೇವೆ. ಇದಕ್ಕೆ ಸಂತೋಷ್ ಅವರ ಕೊಡುಗೆ ಇರಲಿಲ್ಲ. ಹೀಗಾಗಿ ಅವರು ನಾಮಿನೇಟ್ ಆಗಬೇಕು’ ಎಂದು ಬಹುತೇಕರು ತಮ್ಮ ಅಭಿಪ್ರಾಯ ಹೊರ ಹಾಕಿದ್ದಾರೆ. ಹೀಗಾಗಿ, ಅವರು ನಾಮಿನೇಟ್ ಆಗೋದು ಬಹುತೇಕ ಖಚಿತ ಎನ್ನಲಾಗುತ್ತಿದೆ. ಈ ಮೂಲಕ ದೊಡ್ಮನೆಯಲ್ಲಿ ಇರಲು ವರ್ತೂರು ಸಂತೋಷ್ ಅರ್ಹರಲ್ಲ ಎಂಬರ್ಥದಲ್ಲಿ ಉಳಿದ ಸ್ಪರ್ಧಿಗಳು ಪರೋಕ್ಷವಾಗಿ ವರ್ತೂರು ಸಂತೋಷ್ ಬಗ್ಗೆ ನಿಲುವು ತಳೆದಿದ್ದಾರೆ.
