ವಿಮಾನದಲ್ಲಿ ತೆಂಗಿನಕಾಯಿ, ಹಣ್ಣು, ಮಾಂಸ ಕೊಂಡೊಯ್ಯಲು ಅವಕಾಶವಿಲ್ಲ – ಪ್ರಯಾಣಿಕರಿಗೆ ಇಲ್ಲಿದೆ ಅವಶ್ಯಕ ಮಾಹಿತಿ

ವಿಮಾನಯಾನ ಎನ್ನುವುದು ಹಲವರ ಪಾಲಿಗೆ ಒಂದು ಮರೆಯಲಾಗದ ಅನುಭವ. ಎಷ್ಟೋ ಜನರ ಪಾಲಿಗೆ ಅದೊಂದು ಕನಸು. ವಾಸ್ತವವಾಗಿ, ವಿಮಾನದಲ್ಲಿ ಪ್ರಯಾಣ ಮಾಡುವುದು ಅಷ್ಟು ಸುಲಭವಲ್ಲ. ಪ್ರತಿ ಪ್ರಯಾಣಿಕರು ವಿಮಾನಯಾನ ಸಂಸ್ಥೆಗಳಿಗೆ ಸಂಬಂಧಿಸಿದ ಕೆಲವು ನಿಯಮಗಳನ್ನು ಅನುಸರಿಸಬೇಕು. ವಿಮಾನದಲ್ಲಿ ಪ್ರಯಾಣಿಸುವವರಿಗೆ ವಿಮಾನದಲ್ಲಿ ಏನನ್ನು ಕೊಂಡೊಯ್ಯಬೇಕು ಮತ್ತು ಯಾವುದನ್ನು ಕೊಂಡೊಯ್ಯಬಾರದು ಎಂದು ತಿಳಿದಿರುವುದು ಅತಿಮುಖ್ಯ. ಅಂತಹ ನಿಷೇಧ ಹೇರಿರುವ ವಸ್ತುಗಳಲ್ಲಿ ತೆಂಗಿನ ಕಾಯಿ ಕೂಡ ಒಂದಾಗಿದೆ. ಅಷ್ಟಕ್ಕೂ ಯಾವೆಲ್ಲಾ ವಸ್ತುಗಳು ವಿಮಾನದಲ್ಲಿ ಒಯ್ಯುವುದನ್ನು ನಿಷೇಧ ಹೇರಲಾಗಿದೆ ಅನ್ನೋ ಮಾಹಿತಿ ಇಲ್ಲಿದೆ.

ಇದನ್ನೂ ಓದಿ : ಹಿಮಾಚಲ ಪ್ರದೇಶದಲ್ಲಿ ಮತ್ತಷ್ಟು ಹೆಚ್ಚಾಗಲಿದೆ ಮಳೆಯ ಆರ್ಭಟ – ರಸ್ತೆ ನಿರ್ಮಾಣ ನಿಯಮದಲ್ಲಿ ಬದಲಾವಣೆ ಮಾಡಿದ ಸರ್ಕಾರ

ಸಾಮಾನ್ಯವಾಗಿ ತೆಂಗಿನಕಾಯಿ ಅನೇಕ ಧಾರ್ಮಿಕ ಆಚರಣೆಗಳಿಗೆ, ಪೂಜೆ ಪಾಠಗಳಲ್ಲಿ ಬಳಸಲಾಗುತ್ತದೆ. ಹಾಗೂ ಅಡುಗೆಗಂತೂ ಇರಲೇಬೇಕು ಬಿಡಿ. ತೆಂಗಿನಕಾಯಿ ಇಲ್ಲದ ಯಾವುದೇ ಪೂಜೆ ಅಪೂರ್ಣವೆಂದು ಪರಿಗಣಿಸಲಾಗುತ್ತದೆ. ಆದರೆ ನೀವು ವಿಮಾನದಲ್ಲಿ ಪ್ರಯಾಣಿಸುತ್ತಿದ್ದರೆ, ನಿಮ್ಮೊಂದಿಗೆ ತೆಂಗಿನಕಾಯಿಯನ್ನು ತೆಗೆದುಕೊಂಡು ಹೋಗಲು ಸಾಧ್ಯವಿಲ್ಲ. ಹೌದು, ನೀವು ಓದುತ್ತಿರುವುದು ಸರಿಯಾಗಿದೆ. ವಿಮಾನ ಪ್ರಯಾಣದ ಸಮಯದಲ್ಲಿ ತೆಂಗಿನಕಾಯಿಯನ್ನು ನಿಷೇಧಿಸಲಾಗಿದೆ. ಹೀಗೆ ತೆಂಗಿನಕಾಯಿಯನ್ನ ವಿಮಾನದಲ್ಲಿ ತೆಗೆದುಕೊಂಡು ಹೋಗದೇ ಇರಲು ಕಾರಣವೇನಿರಬಹುದು? ವಾಸ್ತವವಾಗಿ, ಒಣ ತೆಂಗಿನಕಾಯಿ ಸುಡುವ ವಸ್ತುವಾಗಿದೆ. ಆದ್ದರಿಂದ ಅದನ್ನು ಚೆಕ್ ಇನ್ ಬ್ಯಾಗೇಜ್‌ನಲ್ಲಿ ಸಾಗಿಸಲು ಅನುಮತಿಸಲಾಗುವುದಿಲ್ಲ.

ವಿಮಾನದಲ್ಲಿ ಕೇವಲ ತೆಂಗಿನ ಕಾಯಿ ಒಯ್ಯುವುದನ್ನು ಮಾತ್ರ ನಿಷೇಧಿಸಿಲ್ಲ. ಬದಲಾಗಿ ಸಿಗರೇಟ್, ತಂಬಾಕು, ಗಾಂಜಾ, ಹೆರಾಯಿನ್ ಮತ್ತು ಮದ್ಯದಂತಹ ಅಮಲು ಪದಾರ್ಥಗಳನ್ನು ಸಾಗಿಸುವುದನ್ನು ನಿಷೇಧಿಸಲಾಗಿದೆ. ಹಾಗೇ ಅನೇಕ ವಿಮಾನಗಳಲ್ಲಿ, 100 ಮಿಲಿಗಿಂತ ಹೆಚ್ಚಿನ ದ್ರವವನ್ನು ಸಾಗಿಸಲು ಅನುಮತಿ ನೀಡಲಾಗುವುದಿಲ್ಲ. ಇವುಗಳ ಜೊತೆಗೆ ಚೂಪಾದ ವಸ್ತುಗಳು, ಪೆಪ್ಪರ್ ಸ್ಪ್ರೇ ಮತ್ತು ಸ್ಟಿಕ್‌ಗಳಂತಹ ಆತ್ಮರಕ್ಷಣೆಯ ವಸ್ತುಗಳನ್ನು ಸಹ ವಿಮಾನದಲ್ಲಿ ಅನುಮತಿಸಲಾಗುವುದಿಲ್ಲ. ಇಂತಹ ವಸ್ತುಗಳು ಇತರರಿಗೆ ಹಾನಿ ಮಾಡುವ ಸಾಧನಗಳಾಗಿದ್ದು, ವಿಮಾನದಲ್ಲಿ ನಿಷೇಧಿಸಲಾಗಿದೆ. ಇನ್ನು ಚೂಪಾದ ವಸ್ತುಗಳೆಂದರೆ, ರೇಜರ್‌ಗಳು, ಬ್ಲೇಡ್‌ಗಳು, ನೇಲ್ ಫೈಲರ್‌ಗಳು ಮತ್ತು ನೇಲ್ ಕಟರ್‌ಗಳನ್ನು ಸಹ ಬ್ಯಾಗೇಜ್ ಚೆಕ್-ಇನ್‌ನಲ್ಲಿ ತೆಗೆದುಹಾಕಲಾಗುತ್ತದೆ.

ಇನ್ನು ಕೊಳೆಯುವ ಆಹಾರ ಪದಾರ್ಥಗಳನ್ನು ವಿಮಾನದಲ್ಲಿ ಅನುಮತಿಸುವುದಿಲ್ಲ. ಹೌದು, ಹಣ್ಣುಗಳು, ಮೀನು, ಮಾಂಸ, ತರಕಾರಿ ಮುಂತಾದ ಪದಾರ್ಥಗಳನ್ನು ಸಾಗಿಸಲು ಯಾವುದೇ ಅನುಮತಿ ಇಲ್ಲ. ಅವುಗಳನ್ನು ಸಾಗಿಸಿದರೂ ಸಹ, ಚೆಕ್-ಇನ್‌ನಲ್ಲಿ ಅವುಗಳನ್ನು ವಶಪಡಿಸಿಕೊಳ್ಳಲಾಗುತ್ತದೆ. ವಿಮಾನಗಳಲ್ಲಿ ಬೇಸ್‌ಬಾಲ್ ಬ್ಯಾಟ್, ಸ್ಕೀ ಪೋಲ್‌ಗಳು, ಬಿಲ್ಲು ಮತ್ತು ಬಾಣ, ಹಾಕಿ ಸ್ಟಿಕ್, ಗಾಲ್ಫ್ ಕ್ಲಬ್‌ನಂತಹ ಕ್ರೀಡಾ ಸಾಮಗ್ರಿಗಳೊಂದಿಗೆ ಸಹ ನೀವು ಪ್ರಯಾಣಿಸಲು ಸಾಧ್ಯವಿಲ್ಲ. ಹಾಗೆಯೇ, ಲೈಟರ್, ಬೆಂಕಿಕಡ್ಡಿ, ತೆಳ್ಳಗಿನ, ಬಣ್ಣದಂತಹ ವಸ್ತುಗಳು ಬಹುಬೇಗ ಬೆಂಕಿ ಹತ್ತಿಕೊಳ್ಳುವ ಅಪಾಯವಿರುತ್ತದೆ.