ನೋಡಿರಿ
ಧೋನಿ & ಫಾಫ್ IPL ಸೀನಿಯರ್ಸ್ – 40+ ವಯಸ್ಸಲ್ಲೂ ಹೇಗಿದೆ ಪರ್ಫಾಮೆನ್ಸ್?
18ನೇ ಸೀಸನ್ 10 ಹಿರಿಯ ಆಟಗಾರರು
10 ಫ್ರಾಂಚೈಸಿಗಳು.. 220 ಆಟಗಾರರು.. 2025ರ ಐಪಿಎಲ್ಗೆ ಬಲಿಷ್ಠ ತಂಡಗಳನ್ನ ಕಟ್ಟಿರೋ ಮಾಲೀಕರು ಟೂರ್ನಿ ಆರಂಭಕ್ಕಾಗಿಯೇ ಕಾಯ್ತಿದ್ದಾರೆ. ಐಪಿಎಲ್ ಹರಾಜಿನಲ್ಲಿ ಸಿಕ್ಕಾಪಟ್ಟೆ ಸದ್ದು ಮಾಡಿದ ಹೆಸ್ರು ವೈಭವ್ ಸೂರ್ಯವಂಶಿ. 13 ವರ್ಷದ ಸೂರ್ಯವಂಶಿಯನ್ನ 1.10 ಕೋಟಿಗೆ ರಾಜಸ್ತಾನ ರಾಜಲ್ಸ್ ತಂಡ ಖರೀದಿ ಮಾಡಿದೆ. ಅತೀ ಕಿರಿಯ ವಯಸ್ಸಿನ ಆಟಗಾರ ಅನ್ನೋ ಕಾರಣಕ್ಕೆ ಸೂರ್ಯವಂಶಿ ಬಗ್ಗೆ ಸಾಕಷ್ಟು ಚರ್ಚೆ ನಡೆಸಿತ್ತು. ಹಾಗೇ ಐಪಿಎಲ್ ಅಖಾಡದಲ್ಲಿ ಹಿರಿಯರೂ ಕೂಡ ಇದ್ದಾರೆ. ಹಾಗಾದ್ರೆ ಸೀನಿಯರ್ ಪ್ಲೇಯರ್ಸ್ ಯಾರ್ಯಾರು? ಯಾವ ತಂಡಗಳ ಪರ ಕಣಕ್ಕಿಳಿಯಲಿದ್ದಾರೆ? ಅವ್ರ ಪರ್ಫಾಮೆನ್ಸ್ ಹೇಗಿದೆ ಅನ್ನೋ ಮಾಹಿತಿ ಇಲ್ಲಿದೆ.
ಇದನ್ನೂ ಓದಿ:ಪ್ಲಾಸ್ಟಿಕ್ ಸರ್ಜರಿ ಮಾಡಿಸಿದ್ರಾ ಪುಷ್ಪ? – ಅಲ್ಲು ಅರ್ಜುನ್‌ ಸಕ್ಸಸ್‌ ಸೀಕ್ರೆಟ್‌ ರಿವೀಲ್
2025ರ ಐಪಿಎಲ್ ಟೂರ್ನಿ ಹಿಂದೆಂದಿಗಿಂತ್ಲೂ ಬಾರೀ ಕುತೂಹಲ ಮೂಡಿಸಿದೆ. ಹರಾಜಿಗೂ ಮುನ್ನ ಒಟ್ಟಾರೆ 46 ಆಟಗಾರರನ್ನ ರಿಟೇನ್ ಮಾಡಿಕೊಂಡಿದ್ದ ಫ್ರಾಂಚೈಸಿಗಳು ಹರಾಜಿನಲ್ಲಿ 182 ಪ್ಲೇಯರ್ಸ್ನ ಖರೀದಿ ಮಾಡಿದ್ರು. ಈ ಮೂಲಕ ತಮ್ಮ ತಮ್ಮ ತಂಡಗಳಿಗೆ ಬೇಕಾದ ಆಟಗಾರರನ್ನ ಖರೀದಿ ಮಾಡಿದ್ರು. ಈ ಟೀಮ್ಗಳಲ್ಲಿ ಒಂದಷ್ಟು ಸೀನಿಯರ್ಸ್ ಕೂಡ ಇದ್ದಾರೆ.
18ನೇ ಆವೃತ್ತಿಯ ಸೀನಿಯರ್ ಪ್ಲೇಯರ್ ಎಂಎಸ್ ಧೋನಿ!
ಕಳೆದ ಮೂರ್ನಾಲ್ಕು ಸೀಸನ್ಗಳು ಮುಕ್ತಾಯದ ಹೊತ್ತಲ್ಲಿ ಮಹೇಂದ್ರ ಸಿಂಗ್ ಧೋನಿ ಹೆಸರು ಮುನ್ನಲೆಗೆ ಬರುತ್ತೆ. ಇದೇ ಲಾಸ್ಟ್ ಸೀಸನ್, ಇದೇ ಲಾಸ್ಟ್ ಸೀಸನ್ ಎಂದು ಚರ್ಚೆ ನಡೆಯುತ್ತೆ. ಬಟ್ ಧೋನಿ ಮಾತ್ರ ತಮ್ಮ ಐಪಿಎಲ್ ಕರಿಯರ್ನ ಮುಂದುವರಿಸಿದ್ದಾರೆ. ಐಪಿಎಲ್ನ ಮೋಸ್ಟ್ ಸೀನಿಯರ್ ಪ್ಲೇಯರ್ ಆಗಿದ್ದಾರೆ. ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಮಾಜಿ ನಾಯಕ ಧೋನಿ ಐಪಿಎಲ್ 2025 ರಲ್ಲಿ ಭಾಗವಹಿಸುವ ಅತ್ಯಂತ ಹಿರಿಯ ಕ್ರಿಕೆಟಿಗರಾಗಿದ್ದಾರೆ. ಧೋನಿಯ ವಯಸ್ಸು 43 ವರ್ಷ 5 ತಿಂಗಳು. ಈ ಬಾರಿಯೂ ಅಭಿಮಾನಿಗಳು ಧೋನಿಯವ್ರನ್ನ ಹಳದಿ ಜರ್ಸಿಯಲ್ಲಿ ನೋಡಲಿದ್ದಾರೆ.
ಆರ್ ಸಿಬಿ ಮಾಜಿ ನಾಯಕ ಫಾಫ್ ಡುಪ್ಲೆಸಿಸ್ ಕೂಡ ಸೀನಿಯರ್!
ಕಳೆದ ಮೂರು ಆವೃತ್ತಿಗಳಿಂದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವನ್ನ ಲೀಡ್ ಮಾಡಿದ್ದ ಫಾಫ್ ಡುಪ್ಲೆಸಿಸ್ರನ್ನ ಫ್ರಾಂಚೈಸಿ ಹರಾಜಿಗೂ ಮುನ್ನ ರಿಲೀಸ್ ಮಾಡಿತ್ತು. ಹರಾಜಿನಲ್ಲಿ ಫಾಫ್ ಡು ಪ್ಲೆಸಿಸ್ ಅವರನ್ನು ಡೆಲ್ಲಿ ಕ್ಯಾಪಿಟಲ್ಸ್ 2 ಕೋಟಿ ರೂಪಾಯಿಗೆ ಖರೀದಿಸಿದೆ. 40 ವರ್ಷ 5 ತಿಂಗಳು ವಯಸ್ಸಿನ ಡು ಪ್ಲೆಸಿಸ್ ಎರಡನೇ ಹಿರಿಯ ಕ್ರಿಕೆಟಿಗರಾಗಿದ್ದಾರೆ. ಐಪಿಎಲ್ನಲ್ಲಿ 145 ಪಂದ್ಯಗಳನ್ನು ಆಡಿರುವ ಅನುಭವಿ ಕ್ರಿಕೆಟಿಗ 4,571 ರನ್ ಗಳಿಸಿದ್ದಾರೆ.
ಆಲ್ ರೌಂಡರ್ ಆರ್.ಅಶ್ವಿನ್ ಗೆ 38 ವರ್ಷ!
ಐಪಿಎಲ್ 2025 ರ ಮೆಗಾ ಹರಾಜಿನಲ್ಲಿ ಭಾರತದ ಹಿರಿಯ ಆಲ್ರೌಂಡರ್ ರವಿಚಂದ್ರನ್ ಅಶ್ವಿನ್ ಅವರನ್ನು ಚೆನ್ನೈ ಸೂಪರ್ ಕಿಂಗ್ಸ್ 9.75 ಕೋಟಿ ರೂಪಾಯಿಗೆ ಖರೀದಿಸಿದೆ. ಅಶ್ವಿನ್ ವಯಸ್ಸು 38 ವರ್ಷ 2 ತಿಂಗಳು. ಅಶ್ವಿನ್ ಐಪಿಎಲ್ನಲ್ಲಿ ಬೇರೆ ಬೇರೆ ಟೀಮ್ಗಳ ಪರ ಆಡಿದ್ದಾರೆ,ಲಾಸ್ಟ್ ಸೀಸನ್ನಲ್ಲಿ ರಾಜಸ್ಥಾನ್ ತಂಡದ ಪ್ರಮುಖ ಆಟಗಾರರಾಗಿದ್ದರು. ಈ ಬಾರಿ ಅಶ್ವಿನ್ ತಮ್ಮ ತವರು ತಂಡ ಸಿಎಸ್ಕೆಗೆ ತೆರಳಿದ್ದಾರೆ.
ಐಪಿಎಲ್ ನಲ್ಲಿ 5 ಟ್ರೋಫಿ ಗೆದ್ದ ರೋಹಿತ್ ಶರ್ಮಾ ಕೂಡ ಸೀನಿಯರ್!
ಐಪಿಎಲ್ 2025ಕ್ಕೆ ಮುಂಚಿತವಾಗಿ ಮುಂಬೈ ಇಂಡಿಯನ್ಸ್ ಮಾಜಿ ನಾಯಕ ರೋಹಿತ್ ಶರ್ಮಾ ಅವರನ್ನು 16.3 ಕೋಟಿ ರೂ.ಗೆ ಉಳಿಸಿಕೊಳ್ಳಲಾಗಿದೆ. ಮುಂಬೈಯನ್ನು ಐದು ಐಪಿಎಲ್ ಪ್ರಶಸ್ತಿಗಳಿಗೆ ಮುನ್ನಡೆಸಿದ ರೋಹಿತ್ ಲೀಗ್ನಲ್ಲಿ 257 ಪಂದ್ಯಗಳನ್ನು ಆಡಿದ್ದಾರೆ ಮತ್ತು 6,628 ರನ್ ಗಳಿಸಿದ್ದಾರೆ. ರೋಹಿತ್ ವಯಸ್ಸು 37 ವರ್ಷ 7 ತಿಂಗಳು. ಸೀನಿಯರ್ಸ್ ಲಿಸ್ಟ್ನಲ್ಲಿ ರೋಹಿತ್ ಕೂಡ ಇದ್ದಾರೆ.
ಹಿರಿಯರ ಪಟ್ಟಿಯಲ್ಲಿ ಇಂಗ್ಲೆಂಡ್ ಆಟಗಾರ ಮೊಯಿನ್ ಅಲಿ!
ಇಂಗ್ಲೆಂಡ್ ಅನುಭವಿ ಆಲ್ರೌಂಡರ್ ಮೊಯಿನ್ ಅಲಿ ಅವರನ್ನು ಕೋಲ್ಕತಾ ನೈಟ್ ರೈಡರ್ಸ್ 2 ಕೋಟಿ ರೂ.ಗೆ ಖರೀದಿಸಿದೆ. 67 ಐಪಿಎಲ್ ಪಂದ್ಯಗಳನ್ನಾಡಿರುವ ಅಲಿ 1162 ರನ್ ಹಾಗೂ 35 ವಿಕೆಟ್ ಕಬಳಿಸಿದ್ದಾರೆ. ಮೊಯೀನ್ ಅಲಿಯ ವಯಸ್ಸು 37 ವರ್ಷ 5 ತಿಂಗಳು.
ಮುಂಬೈ ಪರ ಕಣಕ್ಕಿಳಿಯಲಿದ್ದಾರೆ ಕರಣ್ ಶರ್ಮಾ!
ಐಪಿಎಲ್ 2025 ರ ಮೆಗಾ ಹರಾಜಿನಲ್ಲಿ ಕರಣ್ ಶರ್ಮಾ ಅವರನ್ನು ಮುಂಬೈ ಇಂಡಿಯನ್ಸ್ 50 ಲಕ್ಷ ರೂ.ಗೆ ಖರೀದಿಸಿದೆ. ಕರಣ್ ಶರ್ಮಾ ವಯಸ್ಸು 37 ವರ್ಷ 1 ತಿಂಗಳು. ಐಪಿಎಲ್ 2025 ರಲ್ಲಿ ಮಾರಾಟವಾಗಿರುವ ಆರನೇ ಹಿರಿಯ ಆಟಗಾರರಾಗಿದ್ದಾರೆ. ಕರಣ್ ಶರ್ಮಾ ಐಪಿಎಲ್ನಲ್ಲಿ ಈವರೆಗೆ 84 ಪಂದ್ಯಗಳನ್ನು ಆಡಿದ್ದಾರೆ. ಐಪಿಎಲ್ ನಲ್ಲಿ ಒಟ್ಟು 350 ರನ್ ಮತ್ತು 76 ವಿಕೆಟ್ ಪಡೆದಿದ್ದಾರೆ.
ವೆಸ್ಟ್ ಇಂಡೀಸ್ ನ ರಸೆಲ್ ಕೂಡ ಸೀನಿಯರ್!
ಕೋಲ್ಕತಾ ನೈಟ್ ರೈಡರ್ಸ್ ತಂಡವು ವೆಸ್ಟ್ ಇಂಡೀಸ್ನ ಸ್ಟಾರ್ ಆಲ್ರೌಂಡರ್ ಆಂಡ್ರೆ ರಸೆಲ್ ಅವರನ್ನು ಹರಾಜಿಗೂ ಮುನ್ನವೇ ಉಳಿಸಿಕೊಂಡಿದೆ. ಐಪಿಎಲ್ನಲ್ಲಿ 126 ಪಂದ್ಯಗಳನ್ನು ಆಡಿರುವ ರಸೆಲ್ 2,484 ರನ್ ಮತ್ತು 115 ವಿಕೆಟ್ಗಳನ್ನು ಪಡೆದಿದ್ದಾರೆ. ಅವರ ವರ್ಷ 37 ವರ್ಷ.
ಕೆಕೆಆರ್ ಪರವೇ ಕಣಕ್ಕಿಳಿಯುತ್ತಿರೋ ನರೇನ್ ಕೂಡ ಹಿರಿಯ ಆಟಗಾರ!
ಸುನಿಲ್ ನರೈನ್ ಐಪಿಎಲ್ 2011 ರಲ್ಲಿ ಪದಾರ್ಪಣೆ ಮಾಡಿದಾಗಿನಿಂದಲೂ ಕೋಲ್ಕತಾ ನೈಟ್ ರೈಡರ್ಸ್ ಪರ ಐಪಿಎಲ್ ಆಡುತ್ತಿದ್ದಾರೆ. ಐಪಿಎಲ್ 2025 ರ ಮೆಗಾ ಹರಾಜಿಗೆ ಮುಂಚಿತವಾಗಿ ಆಲ್ರೌಂಡರ್ ಅನ್ನು ಕೆಕೆಆರ್ ಉಳಿಸಿಕೊಂಡಿದೆ. ಲೀಗ್ನಲ್ಲಿ 176 ಪಂದ್ಯಗಳನ್ನು ಆಡಿರುವ ನರೈನ್ 1534 ರನ್ ಗಳಿಸಿದ್ದು, 180 ವಿಕೆಟ್ ಪಡೆದಿದ್ದಾರೆ. ಐಪಿಎಲ್ 2024 ರಲ್ಲಿ, ಓಪನರ್ ಆಗಿ ಕಣಕ್ಕಿಳಿದು ಯಶಸ್ವಿಯಾಗಿದ್ದರು. ಲಾಸ್ಟ್ ಸೀಸನ್ನಲ್ಲಿ ಶತಕ ಕೂಡ ಸಿಡಿಸಿದ್ರು. ನರೈನ್ ವಯಸ್ಸು 36 ವರ್ಷ 6 ತಿಂಗಳು.
ವಿವಿಧ ತಂಡಗಳ ಪಣ ಕಣಕ್ಕಿಳಿದಿದ್ದಾರೆ ಅಜಿಂಕ್ಯಾ ರಹಾನೆ!
2008ರ ಐಪಿಎಲ್ನಿಂದ ಮುಂಬೈ, ರಾಜಸ್ಥಾನ್, ಕೆಕೆಆರ್, ಸಿಎಸ್ಕೆ ಪರ ಆಡಿದ್ದ ಅಜಿಂಕ್ಯಾ ರಹಾನೆಯನ್ನ ಈ ಬಾರೀ ಕೆಕೆಆರ್ ಖರೀದಿಸಿದೆ. ರಹಾನೆ ಐಪಿಎಲ್ ಆಡುತ್ತಿರುವ 9ನೇ ಹಿರಿಯ ಆಟಗಾರ. ರಹಾನೆಗೆ 36 ವರ್ಷ 6 ತಿಂಗಳು. 185 ಐಪಿಎಲ್ ಪಂದ್ಯಗಳನ್ನಾಡಿರುವ ರಹಾನೆ, 4642 ರನ್ಗಳಿಸಿದ್ದಾರೆ. 2 ಶತಕ, 30 ಅರ್ಧಶತಕ ಸಿಡಿಸಿದ್ದಾರೆ.
ಗುಜರಾತ್ ಟೈಟನ್ಸ್ ಪರ ಕಣಕ್ಕಿಳಿಯಲಿದ್ದಾರೆ ಇಶಾಂತ್ ಶರ್ಮಾ!
ಇಶಾಂತ್ ಶರ್ಮಾ ವಯಸ್ಸು 36 ವರ್ಷ 3 ತಿಂಗಳು.ಈ ಬಾರಿ ಗುಜರಾತ್ ಟೈಟಾನ್ಸ್ ಅವರಿಗೆ 75 ಲಕ್ಷ ರೂ.ಗೆ ನೀಡಿ ಖರೀದಿಸಿದೆ. ಐಪಿಎಲ್ 2025 ರಲ್ಲಿ ಭಾಗವಹಿಸುವ ಅತ್ಯಂತ ಹಿರಿಯ ಕ್ರಿಕೆಟಿಗರ ಪಟ್ಟಿಯಲ್ಲಿ ಇಶಾಂತ್ 10 ನೇ ಸ್ಥಾನದಲ್ಲಿದ್ದಾರೆ. ಐಪಿಎಲ್ನಲ್ಲಿ 110 ಪಂದ್ಯಗಳನ್ನಾಡಿ 92 ವಿಕೆಟ್ ಕಬಳಿಸಿದ್ದಾರೆ. ಒಟ್ನಲ್ಲಿ ವಯಸ್ಸು ಅನ್ನೋದು ಜಸ್ಟ್ ನಂಬರ್ ಅಷ್ಟೇ. ಆಟಕ್ಕಲ್ಲ ಎನ್ನುತ್ತಲೇ ಐಪಿಎಲ್ನಲ್ಲಿ ಇವ್ರೆಲ್ಲಾ ಅದ್ಭುತ ಪ್ರದರ್ಶನ ನೀಡ್ತಿದ್ದಾರೆ. ಹಾಗೇ ಫ್ರಾಂಚೈಸಿಗಳ ನಂಬಿಕೆಯನ್ನೂ ಉಳಿಸಿಕೊಂಡಿದ್ದಾರೆ.
