ಶಿವಣ್ಣನ ಮನೆಗೆ ಆಗಮಿಸಿದ ಟಾಲಿವುಡ್ ಸ್ಟಾರ್ –ತೆಲುಗು ನಟ ನಾನಿಗೆ ಶಿವಣ್ಣನ ಅಪ್ಪುಗೆ

ಟಾಲಿವುಡ್ ಸ್ಟಾರ್ ನಾನಿ ಅಭಿನಯದ ಚಿತ್ರ ಹಾಯ್ ನಾನ್ನ ಡಿಸೆಂಬರ್ 7ರಂದು ರಿಲೀಸ್ ಆಗಲಿದೆ. ಈ ಸಿನಿಮಾ ಪ್ರಚಾರದ ಕಾರ್ಯದಲ್ಲಿ ನಾನಿ ಬ್ಯುಸಿಯಾಗಿದ್ದಾರೆ. ಮಂಗಳವಾರ ಬೆಂಗಳೂರಿನಲ್ಲಿ ‘ಹಾಯ್ ನಾನ್ನ’ ಸಿನಿಮಾದ ಸುದ್ದಿಗೋಷ್ಠಿ ಇದೆ. ಇದಕ್ಕಾಗಿ ಬೆಂಗಳೂರಿಗೆ ಆಗಮಿಸಿದ ನಾನಿ ನಟ ಶಿವರಾಜ್​ಕುಮಾರ್ ಅವರ ನಿವಾಸಕ್ಕೆ ಆಗಮಿಸಿ ಶಿವಣ್ಣನ ಜೊತೆ ಕಾಲ ಕಳೆದಿದ್ದಾರೆ.

ಇದನ್ನೂ ಓದಿ: Ghost ಸಿನಿಮಾದಲ್ಲಿ ಇಷ್ಟವಾದ್ರು ಶಿವಣ್ಣ – ಶಿವರಾಜ್ ಕುಮಾರ್ ಗ್ಯಾಂಗ್​ಸ್ಟರ್ ಲುಕ್ ಗೆ ಫ್ಯಾನ್ಸ್ ಫಿದಾ

ಬೆಂಗಳೂರಿಗೆ ಆಗಮಿಸುವ ಪರಭಾಷೆಯ ಅನೇಕ ಸ್ಟಾರ್​ಗಳು ಶಿವರಾಜ್​ಕುಮಾರ್ ಅವರನ್ನು ಭೇಟಿ ಮಾಡುತ್ತಾರೆ. ಟಾಲಿವುಡ್ ಸ್ಟಾರ್ ಸಿಂಪಲ್ ನಾನಿ ಅವರು ಶಿವಣ್ಣನ ನಿವಾಸಕ್ಕೆ ಮಂಗಳವಾರ ಆಗಮಿಸಿದರು. ನಾನಿ ಹಾಗೂ ಮೃಣಾಲ್ ಠಾಕೂರ್ ಅವರು ‘ಹಾಯ್ ನಾನ್ನ’ ಸಿನಿಮಾದಲ್ಲಿ ಒಟ್ಟಾಗಿ ನಟಿಸಿದ್ದಾರೆ. ಈ ಚಿತ್ರ ಡಿಸೆಂಬರ್ 7ರಂದು ರಿಲೀಸ್ ಆಗುತ್ತಿದೆ. ಈ ಸಿನಿಮಾದ ಪ್ರಚಾರ ಕಾರ್ಯದಲ್ಲಿ ನಾನಿ ಅವರು ಭಾಗಿ ಆಗಿದ್ದಾರೆ. ಮಂಗಳವಾರ ಬೆಂಗಳೂರಿನಲ್ಲಿ ‘ಹಾಯ್ ನಾನ್ನ’ ಸಿನಿಮಾದ ಸುದ್ದಿಗೋಷ್ಠಿ ಇದೆ. ಈ ಹಿನ್ನೆಲೆಯಲ್ಲಿ ಡಿಸೆಂಬರ್ 4ರಂದು ನಾನಿ ಅವರು ಬೆಂಗಳೂರಿಗೆ ಆಗಮಿಸಿದ್ದರು. ಮಂಗಳವಾರ ಬೆಳಗ್ಗೆ ಶಿವಣ್ಣನ ಮನೆಗೆ ಆಗಮಿಸಿದ ನಾನಿ ಕೆಲಹೊತ್ತು ಹರಟೆ ಹೊಡೆಯುತ್ತಾ ಕಾಲ ಕಳೆದರು.

ಶಿವರಾಜ್​ಕುಮಾರ್ ಹಾಗೂ ನಾನಿ ಮಧ್ಯೆ ಒಳ್ಳೆಯ ಗೆಳೆತನ ಇದೆ. ಶಿವಣ್ಣ ಅವರು ಪ್ರೀತಿಯಿಂದ ಅಪ್ಪುಗೆ ಕೊಟ್ಟು ನಾನಿಯನ್ನು ಸ್ವಾಗತಿಸಿದ್ದಾರೆ. ಇಬ್ಬರೂ ಉಭಯಕುಶಲೋಪರಿ ಮಾತನಾಡಿದ್ದಾರೆ. ‘ಹಾಯ್​ ನಾನ್ನ’ ಸಿನಿಮಾ ಕುರಿತು ನಾನಿ ಹಾಗೂ ಶಿವಣ್ಣ ಮಾತನಾಡಿದ್ದಾರೆ. ಶಿವರಾಜ್​ಕುಮಾರ್ ಅವರು ನಾನಿಯ ಸಿನಿಮಾಗೆ ಆಲ್​ ದಿ ಬೆಸ್ಟ್ ಹೇಳಿದ್ದಾರೆ. ಗೀತಾ ಶಿವರಾಜ್​ಕುಮಾರ್, ಶಿವರಾಜ್​ಕುಮಾರ್, ಸಚಿವ ಮಧು ಬಂಗಾರಪ್ಪ ಹಾಗೂ ನಾನಿ ಅವರು ಒಟ್ಟಾಗಿ ನಿಂತು ಕ್ಯಾಮೆರಾಗೆ ಪೋಸ್ ನೀಡಿದ್ದಾರೆ.