ತಿರುಪತಿಯಲ್ಲಿ ವೈಕುಂಠದ್ವಾರ ದರ್ಶನಕ್ಕೆ ಸಿದ್ಧತೆ – ‘ಅಂಗ ಪ್ರದಕ್ಷಿಣಂ’ ಸೇವೆಗೆ ಟಿಕೆಟ್ ವಿತರಣೆ ಆರಂಭ

ತಿರುಪತಿ: ತಿರುಮಲ ತಿರುಪತಿ ದೇವಸ್ಥಾನದಲ್ಲಿ 2023ರ ಜನವರಿ 1ರಿಂದ 14ರವರೆಗೆ ವೈಕುಂಠ ದ್ವಾರ ದರ್ಶನ ಮತ್ತು ಇತರ ಉತ್ಸವಗಳು ನಡೆಯಲಿವೆ. ಹೀಗಾಗಿ ‘ಅಂಗ ಪ್ರದಕ್ಷಿಣಂ’ಗೆ ಸಂಬಂಧಿಸಿದ ಟಿಕೆಟ್‌ಗಳ ವಿತರಣೆ ಆರಂಭವಾಗಿದೆ. ಡಿಸೆಂಬರ್ 29ರಿಂದ ಭಕ್ತರು ತಿರುಪತಿ ತಿರುಮಲ ದೇವಸ್ಥಾನದ ಅಧಿಕೃತ ವೆಬ್‌ಸೈಟ್‌ನಲ್ಲಿ ಆನ್‌ಲೈನ್‌ ಟಿಕೆಟ್‌ಗಳನ್ನು ಪಡೆಯಬಹುದು. 2023ರ ಜನವರಿ 1ರಿಂದ 14ರವರೆಗೆ ವೈಕುಂಠ ದ್ವಾರ ದರ್ಶನ ಮತ್ತು ಇತರ ಉತ್ಸವಗಳು ನಡೆಯಲಿವೆ. 2023ರ ಜನವರಿ 28ರಂದು ತಿರುಮಲದಲ್ಲಿ ರಥ ಸಪ್ತಮಿ ಆಚರಣೆಯ ಹಿನ್ನೆಲೆಯಲ್ಲಿ ಅಂಗ ಪ್ರದಖಿನಾಮ ಕೋಟಾದ ಟಿಕೆಟ್‌ಗಳು ಲಭ್ಯವಿರುವುದಿಲ್ಲ ಎಂದು ಟಿಟಿಡಿ ಸ್ಪಷ್ಟಪಡಿಸಿದೆ.

ಇದನ್ನೂ ಓದಿ: ಭಾರತದ ಸಿರಪ್ ಸೇವಿಸಿ ಉಜ್ಬೇಕಿಸ್ತಾನದಲ್ಲಿ 18 ಮಕ್ಕಳು ಬಲಿ!

ಅಂಗ ಎಂದರೆ ಇಡೀ ದೇಹ, ಪ್ರದಕ್ಷಿಣಂ ಎಂದರೆ ದೇವಸ್ಥಾನವನ್ನು ಸುತ್ತುವ ಪ್ರಕ್ರಿಯೆಯನ್ನು ಸೂಚಿಸುತ್ತದೆ. ದೇಹದ ಉರುಳುಸೇವೆ ಮಾಡುತ್ತಾ ವೆಂಕಟೇಶ್ವರನನ್ನು ಸುತ್ತುವ ಈ ಸೇವೆಯನ್ನು ಭಕ್ತರು ಪವಿತ್ರ ಸೇವೆ ಎಂದು ಪರಿಗಣಿಸುತ್ತಾರೆ. ಇನ್ನು ಭಕ್ತರು ಟಿಕೆಟ್ ಪಡೆಯಲು ಕೆಲವೊಂದು ಷರತ್ತುಗಳೂ ಇದೆ. ಭಕ್ತರು ಆಧಾರ್ ಕಾರ್ಡ್ ಮತ್ತು ತಮ್ಮ ಪೂರ್ವ-ಬುಕ್ ಮಾಡಿದ ಟಿಕೆಟ್‌ನ್ನು ತೆಗೆದುಕೊಂಡು ಹೋಗಬೇಕು. ಟಿಕೆಟ್ ಅನ್ನು ಹಿಂದಿನ ದಿನದಂದು ತೆಗೆದುಕೊಳ್ಳಬೇಕು. ಅಂದರೆ ನೀವು ಸೇವೆ ಮಾಡುವ ಹಿಂದಿನ ದಿನದಂದು ಟಿಕೆಟ್ ಪಡೆಯಬೇಕು. ಪ್ರತಿ ಭಕ್ತರಿಗೆ ನಿಗದಿತ ಸಮಯದ ಅಂತರದೊಂದಿಗೆ ಮಹಿಳೆಯರು ಮತ್ತು ಪುರುಷರು ಪ್ರತ್ಯೇಕವಾಗಿ ಪ್ರವೇಶಿಸಲು ದೇವಾಲಯದಲ್ಲಿ ಅನುಮತಿ ನೀಡಲಾಗುತ್ತದೆ.

ಈ ಬಾರಿ ಇನ್ನೂ ಒಂದು ವಿಶೇಷ ನಿಯಮವಿದೆ. ತಿರುಪತಿ ದೇವಾಲಯಕ್ಕೆ ಪೂಜೆಗೆ ಬರುವ ಎಲ್ಲಾ ಯಾತ್ರಾರ್ಥಿಗಳು ಸಾಂಪ್ರದಾಯಿಕ ಉಡುಪುಗಳನ್ನು ಧರಿಸಬೇಕು.