ಆರ್ ಎಸ್ ಎಸ್ ನಾಯಕರನ್ನು ಟಾರ್ಗೆಟ್ ಮಾಡಿದ್ಯಾ ಉಗ್ರ ಸಂಘಟನೆ? – ಲಿಸ್ಟ್ ನಲ್ಲಿ ಯಾರ್ಯಾರ ಹೆಸರು?

ಪಾಕಿಸ್ತಾನ ಮೂಲದ ಲಷ್ಕರ್-ಎ-ತೊಯ್ಬಾ ಉಗ್ರ ಸಂಘಟನೆ 30 ಮಂದಿ ಆರ್​​ಎಸ್​ಎಸ್​​ ನಾಯಕರನ್ನು ಟಾರ್ಗೆಟ್ ಮಾಡಿದೆ. ಕಾಶ್ಮೀರದಲ್ಲಿರುವ ದಿ ರೆಸಿಸ್ಟೆಂಟ್​ ಫ್ರಂಟ್ ಅನ್ನುವ ಲಷ್ಕರ್​ ಬೆಂಬಲಿತ ಉಗ್ರ ಸಂಘಟನೆ ಆರ್​​ಎಸ್​ಎಸ್​ ನಾಯಕರನ್ನು ಹತ್ಯೆಗೈಯ್ಯಲು ಸಂಚು ರೂಪಿಸಿದ್ದು, ತನ್ನ ಟಾರ್ಗೆಟ್​ ಲಿಸ್ಟ್​ನಲ್ಲಿರುವ ಮಂದಿಯ ಹೆಸರನ್ನ ಕೂಡ ಬಹಿರಂಗಗೊಳಿಸಿದೆ.

ಇದನ್ನೂ ಓದಿ: ಚೀನಾದಿಂದ ಮತ್ತೊಂದು ಕುತಂತ್ರ – ಅರುಣಾಚಲದಲ್ಲಿ ಊರುಗಳ ಹೆಸರು ಬದಲಿಸಿದ್ದೇಕೆ?

ಜಮ್ಮು-ಕಾಶ್ಮೀರದಲ್ಲಿ ಆರ್​​ಎಸ್​ಎಸ್​ ಸಂಘಟನೆಯಲ್ಲಿ ಗುರುತಿಸಿಕೊಂಡಿರುವ ಮುಸ್ಲಿಂ ಸಮುದಾಯದ ನಾಯಕರನ್ನೇ ಕೊಲ್ಲೋಕೆ ಉಗ್ರರು ಸಂಚು ಹೂಡಿದ್ದಾರೆ. ಆದರೆ ಉಗ್ರರು ಈ ಟಾರ್ಗೆಟ್​ ಲಿಸ್ಟ್​ನಲ್ಲಿ ಆರ್​​ಎಸ್​ಎಸ್​ನ ಯಾವುದೇ ಉನ್ನತ ಮಟ್ಟದ ನಾಯಕರ ಹೆಸರು ಉಲ್ಲೇಖವಾಗಿಲ್ಲ.

ಏಪ್ರಿಲ್​ 1ರಂದು ಆರ್​​ಎಸ್​ಎಸ್​ ಮುಖ್ಯಸ್ಥ ಮೋಹನ್ ಭಾಗವತ್ ತಮ್ಮ ಭಾಷಣದಲ್ಲಿ ಅಖಂಡ ಭಾರತದ ಮರು ನಿರ್ಮಾಣದ ಬಗ್ಗೆ ಮಾತನಾಡಿದ್ದರು. ಇದರ ಬೆನ್ನಲ್ಲೇ ಲಷ್ಕರ್ ಬೆಂಬಲಿತ ಕಾಶ್ಮೀರಿ ಉಗ್ರ ಸಂಘಟನೆ ಆರ್​ಎಸ್​ಎಸ್​ ನಾಯಕರನ್ನ ಹತ್ಯೆಗೈಯ್ಯೋದಾಗಿ ಬೆದರಿಕೆ ಒಡ್ಡಿದೆ.