18ನೇ ಬಾರಿ ಮದುವೆಗೆ ಸಿದ್ಧನಾದ ಖ್ಯಾತ ನಟ – ಇನ್ಸ್ ಟಾಗ್ರಾಂನಲ್ಲಿ ವಿಡಿಯೋ ಹಂಚಿಕೊಂಡ ಹೀರೋ

ಈಗಂತೂ ಸಿನಿಮಾಗಳಿಗಿಂತ ಧಾರಾವಾಹಿ ನಟ, ನಟಿಯರೇ ಹೆಚ್ಚು ಚಿರಪರಿಚಿತರಾಗಿರುತ್ತಾರೆ. ದಿನನಿತ್ಯ ಪ್ರಸಾರವಾಗುವ ಸೀರಿಯಲ್ ಗಳಲ್ಲಿ ತಮ್ಮ ನೆಚ್ಚಿನ ನಟ, ನಟಿಯರನ್ನ ಇಷ್ಟ ಪಡುತ್ತಾರೆ. ಆದರೆ ಇದೀಗ ಧಾರಾವಾಹಿಗಳಲ್ಲೇ ಲಕ್ಷಾಂತರ ಅಭಿಮಾನಿಗಳನ್ನ ಹೊಂದಿರುವ ಆ ನಟ ಈಗ 18ನೇ ಮದುವೆಗೆ ಸಿದ್ಧವಾಗಿದ್ದಾರೆ. ಈ ಸುದ್ದಿಯನ್ನ ಸ್ವತಃ ತಾವೇ ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ : ನಟಿ ಆಲಿಯಾ ಭಟ್ ‘ಬ್ಲೌಸ್’ ಹಾಕಿಲ್ವಾ ? –ಈ ‘ಅಶ್ಲೀಲ’ ಫೋಟೋದ ಅಸಲಿ ವಿಚಾರ ಏನು ಗೊತ್ತಾ?

ಸಿನಿಮಾ ನಟ ನಟಿಯರು ಮದುವೆಯಾಗುವುದು, ವಿಚ್ಛೇದನ ನೀಡುವುದು, ಲಿವ್ ಇನ್ ರಿಲೇಷನ್ ಶಿಪ್ ನಲ್ಲಿ ಇರೋದು, 2ನೇ 3ನೇ ಪತ್ನಿಯಾಗಿ ಹೋಗೋದು, ಡಿವೋರ್ಸ್ ಕೊಡದೇ ಮತ್ತೊಂದು ಸಂಬಂಧ ಹೊಂದುವುದು ಇವೆಲ್ಲಾ ಮಾಮೂಲೇ ಬಿಡಿ. ಸಂಬಂಧಗಳಿಗೆ ಬೆಲೆಯೇ ಇಲ್ಲ ಎನ್ನುವ ಮಟ್ಟಿಗೆ ದಾಂಪತ್ಯ ಜೀವನ ಬಂದು ನಿಂತಿದ್ದು, ಇದಕ್ಕೆ ಚಿತ್ರತಾರೆಯರ ಬದುಕು ತಾಜಾ ಉದಾಹರಣೆಯಂತಿದೆ. ಇದೀಗ ಹಲವು ಹಿಂದಿ ಧಾರಾವಾಹಿಗಳ ಮೂಲಕ ಜನಪ್ರಿಯರಾಗಿರುವ ನಟ ನಕುಲ್ ಮೆಹ್ತಾ 18ನೇ ಬಾರಿಗೆ  ಮದುಮಗನಾಗಲು ರೆಡಿಯಾಗಿದ್ದಾರೆ.

ನಟ ನಕುಲ್ ಮೆಹ್ತಾ ಹಿಂದಿ ಧಾರಾವಾಹಿ ಪ್ರಿಯರಿಗೆ ಬಹು ಚಿರಪರಿಚಿತ ಮುಖ. ಬಡೇ ಅಚ್ಛೇ ಲಗ್ತೇ ಹೈ, ಇಷ್ಕ್ಬಾಜ್, ಪ್ಯಾರ್ ಕಾ ದರ್ದ್ ಹೈ ಮೀಠಾ, ದಿಲ್ ಬೋಲೆ ಓಬಿರಾಯ್ ಸೇರಿದಂತೆ ಹಲವಾರು ಧಾರಾವಾಹಿಗಳಲ್ಲಿ ನಟಿಸಿ ಸಕತ್ ಫೇಮಸ್ ಆಗಿರೋ ನಟ ಈಗ ಮದುವೆಯ ವಿವಾದದಲ್ಲಿ ಸಿಲುಕಿದ್ದಾರೆ. ಏಕೆಂದರೆ ಅವರಿಗೆ ಇದಾಗಲೇ 17 ಮದುವೆಯಾಗಿದ್ದು 18ನೇ ಮದುವೆಗೆ ಸಿದ್ಧರಾಗಿದ್ದಾರೆ. ಕುತೂಹಲದ ಸಂಗತಿ ಎಂದರೆ ಈ ಕುರಿತು ಅವರೇ ತಮ್ಮ ಇನ್ಸ್ಟಾಗ್ರಾಮ್ ನಲ್ಲಿ ಈ ವಿಷಯವನ್ನು ಬಹಿರಂಗಪಡಿಸಿದ್ದು, ತಾವು 18ನೇ ಮದುವೆಯಾಗುತ್ತಿರುವುದಕ್ಕೆ ಕಾರಣವನ್ನೂ ನೀಡಿದ್ದಾರೆ, ಜೊತೆಗೆ 17 ಮದುವೆಯಾಗಿರುವುದಕ್ಕೆ ಬೇಸರವನ್ನೂ ವ್ಯಕ್ತಪಡಿಸಿದ್ದಾರೆ!

ಅಷ್ಟಕ್ಕೂ ಬಡೇ ಅಚ್ಚೆ ಲಗ್ತೆ ಹೈ ಖ್ಯಾತಿಯ ನಕುಲ್ ಮೆಹ್ತಾ ನಿಜ ಜೀವನದಲ್ಲಿ ಮದುವೆಯಾಗಿರುವುದು ಒಂದು ಬಾರಿ ಮಾತ್ರ. 18 ಬಾರಿ ಮದುವೆಯಾಗಿರುವುದು ಧಾರಾವಾಹಿಗಳಲ್ಲಿ! ಸಿನಿಮಾ ಕಲಾವಿದರು ಎಂದರೆ ಪಾತ್ರಗಳಿಗೆ ತಕ್ಕಂತೆ ಬಣ್ಣ ಹಚ್ಚಿ ನಟನೆ ಮಾಡಬೇಕು. ಪರದೆ ಮೇಲೆ ಕಣ್ಣೀರು, ನಗು, ಸಂಸಾರ, ಅಪ್ಪ, ಅಮ್ಮ, ಮದುವೆ ಎಂದು ನಟನೆ ಮಾಡುತ್ತಾರೆ. ಈಗ ನಕುಲ್ ತಮ್ಮ ಧಾರಾವಾಹಿಯ ಅನುಭವವನ್ನು ಹಂಚಿಕೊಂಡಿದ್ದಾರೆ. ವಾಸ್ತವವಾಗಿ, ಟಿವಿ ನಟ ನಕುಲ್ ಮೆಹ್ತಾ ಅವರು ತಮ್ಮ ಜೀವನದಲ್ಲಿ 17 ಬಾರಿ ವರ ಆಗಿದ್ದಾರೆ. ಅವರ 18ನೇ ಮದುವೆಗೆ ಸಿದ್ಧತೆ ನಡೆಯುತ್ತಿದೆ ಎಂದು ಇನ್ಸ್ಟಾಗ್ರಾಂ ಖಾತೆಯಲ್ಲಿ ವೀಡಿಯೋವನ್ನು ಹಂಚಿಕೊಳ್ಳುವ ಮೂಲಕ ಬಹಿರಂಗಪಡಿಸಿದ್ದಾರೆ. ಇಲ್ಲಿಯವರೆಗೆ ತೆರೆಮೇಲೆ 17 ಬಾರಿ ಮದುವೆಯಾಗಿದ್ದೇನೆ. ನಿಜ ಜೀವನದಲ್ಲಿ 1 ಬಾರಿ ಮದುವೆಯಾಗಿದ್ದೇನೆ. ನಾನು ಎಷ್ಟು ಬಾರಿ ಅಂತ ಮದುವೆಯಾಗಲಿ ಎಂದು ವಿಡಿಯೋದಲ್ಲಿ ಹೇಳಿದ್ದಾರೆ.

ಅಂದಹಾಗೆ, ನಿಜ ಜೀವನದಲ್ಲಿ ನಕುಲ್ ಮೆಹ್ತಾ 2012ರಲ್ಲಿ ಜಾನಕಿ ಪರೇಖ್ ಅವರನ್ನು ವಿವಾಹವಾಗಿದ್ದಾರೆ. ಈ ದಂಪತಿಗೆ ಮುದ್ದಾದ ಮಗನಿದ್ದಾನೆ. ಅವರು ತೆಲುಗು ಚಲನಚಿತ್ರಗಳು ಮತ್ತು ಹಲವಾರು ವೆಬ್ ಸರಣಿಗಳಲ್ಲಿ ಕೆಲಸ ಮಾಡಿದ್ದಾರೆ. ಅವರು ನಿರ್ಮಾಪಕರೂ ಹೌದು. ಈಗ ಧಾರಾವಾಹಿ ‘ಬಡೆ ಅಚ್ಚೆ ಲಗ್ತೆ ಹೇ ಸೀಸನ್ 3’ ನಲ್ಲಿ 18ನೇ ಬಾರಿ ಮದುಮಗನಾಗಿ ಕಾಣಿಸಿಕೊಂಡಿದ್ದಾರೆ. ಈ ಧಾರಾವಾಹಿಯಲ್ಲಿ ತಮ್ಮ ಮತ್ತು ನಟಿ ದಿಶಾ ಪರ್ಮಾರ್ (Disha Parmar) ಅವರ ಮದುವೆಯ ದೃಶ್ಯ ಅಂದರೆ ರಾಮ್ ಮತ್ತು ಪ್ರಿಯಾ ಅವರ ವಿವಾಹದ ದೃಶ್ಯ ಚಿತ್ರೀಕರಣ ನಡೆಯುತ್ತಿದೆ. ಮತ್ತೆ ಮತ್ತೆ ಮದುಮಗ ಎಂದು ಬೇಸರದಿಂದ ಹೇಳಿದ್ದಾರೆ. ನಟ-ನಟಿಯರು ನಿರ್ದೇಶಕರ ಕೈಗೊಂಬೆಗಳು. ಪಾತ್ರಗಳಿಗೆ ತಕ್ಕಂತೆ ಬಣ್ಣ ಹಚ್ಚಿ ನಟನೆ ಮಾಡಬೇಕು ಎಂದಿರುವ ನಟ, ನಾನು ಫ್ರೀ ಇದ್ದರೆ ಸಾಕು ನಿರ್ದೇಶಕರು ಮದುಮಗನಾಗ್ತಿಯಾ ಅಂತ ಕೇಳಿ, ಒಂದು ಸ್ಕ್ರಿಪ್ಟ್ ರೆಡಿ ಮಾಡಿ ಬಿಡುತ್ತಾರೆ ಎಂದು ತಮಾಷೆಯಾಗಿ ಹೇಳಿದ್ದಾರೆ. ಇವರ ಈ ವಿಡಿಯೋಗೆ ಸಕತ್ ಕಮೆಂಟ್ ಗಳು ಬರುತ್ತಿವೆ.