ನೋಡಿರಿ
ಸ್ವರ್ಗಕ್ಕೆ ದಾರಿ ತೋರಿಸಿದ ಕಾಮಾನದಿ..! – ಇದು ರಿಯಲ್ ದೃಶ್ಯ ವೈಭವ..!
ಜಲ, ನೆಲ ಸೇರಿದಂತೆ ಪ್ರಕೃತಿಯಲ್ಲೂ ಅನೇಕ ವಿಸ್ಮಯಗಳು ನಡೆಯುತ್ತವೆ. ಕೆಲವೊಮ್ಮೆ ಆ ವಿಸ್ಮಯಗಳು ನಮ್ಮನ್ನೂ ಕೂಡಾ ಅಚ್ಚರಿಗೊಳಿಸುತ್ತದೆ. ಇದೀಗ ಅಂಥದ್ದೇ ವಿಸ್ಮಯವನ್ನು ನದಿಯೊಂದು ಸೃಷ್ಟಿಸಿದೆ. ನದಿಯೊಂದು ಬೆರಗುಗೊಳಿಸುವಂತೆ ಕಂಡುಬಂದಿದ್ದು, ಇದೀಗ ಈ ವಿಡಿಯೋ ಫುಲ್ ವೈರಲ್ ಆಗಿದೆ.
ಇದನ್ನೂ ಓದಿ: ಆಸ್ಟ್ರೇಲಿಯಾ ಸಮುದ್ರ ತೀರದಲ್ಲಿ ಬಿದ್ದೇ ಬಿಡ್ತಾ ಚಂದ್ರಯಾನ-3 ತುಣುಕು..?
ಈ ವಿಡಿಯೋ ಕ್ಲಿಪ್ ನಲ್ಲಿ ರಷ್ಯಾದ ಪೆರ್ಮ್ ಪ್ರದೇಶದಲ್ಲಿನ ಕಾಮಾ ನದಿಯ ಮೇಲ್ಮೈನಲ್ಲಿ ಹೊಳೆಯುವ ಚಿನ್ನದ ಜಲಧಾರೆಯು ಕಂಡು ಬಂದಿದೆ. ಈ ದೃಶ್ಯವನ್ನು ಹತ್ತಿರದ ದೋಣಿಗಳಲ್ಲಿ ಇರುವವರು ಸೆರೆಹಿಡಿದಿದ್ದಾರೆ. ಜುಲೈ 13, 2023 ರಂದು ಸೆರೆಹಿಡಿಯಲಾದ ಈ ವಿಡಿಯೊದಲ್ಲಿ ಎತ್ತರದ ಗೋಲ್ಡನ್ ವಾಟರ್‌ಸ್ಪೌಟ್ ಗೋಚರಿಸುತ್ತದೆ. ಇದು ನದಿಯ ಮೇಲ್ಮೈಯಿಂದ ಆಕಾಶವನ್ನು ತಲುಪಿದ್ದು, ಇದು ನಿಜವಾಗಿಯೂ ವಿಸ್ಮಯ ಮೂಡಿಸುತ್ತಿದೆ. ಈ ದೃಶ್ಯ ಹೀಗೆ ನೋಡಿದರೆ ಸ್ವರ್ಗದಿಂದ ಭೂಮಿಗೆ ನದಿ ಇಳಿದುಬಂದಂತೆ ಭಾಸವಾಗುತ್ತಿದೆ.
A little about nature and the difference of mentality. Kama River. Perm region. July 13, 2023. pic.twitter.com/AaWTHqrnCR
— Zlatti71 (@djuric_zlatko) July 17, 2023
ವಾಟರ್‌ಸ್ಪೌಟ್ ಎಂದರೆ ಅದು ಒಂದು ರೀತಿಯ ಸುಂಟರಗಾಳಿಯಾಗಿದೆ. ಇದು ಕಾಲಮ್ ಅಥವಾ ಸೈಕ್ಲೋನ್‌ನಂತೆ ಗಾಳಿಯಲ್ಲಿ ತಿರುಗುತ್ತಿರುವಾಗ ನೀರು ಮೇಲಕ್ಕೆ ಏರುತ್ತದೆ. ಸಾಮಾನ್ಯವಾಗಿ ಇದು ಸಮುದ್ರದ ಮೇಲ್ಮೈಯಲ್ಲಿ ರೂಪುಗೊಳ್ಳುತ್ತದೆ. ಹೆಚ್ಚಾಗಿ ಇದು ಉಷ್ಣ ವಲಯ ಪ್ರದೇಶದಲ್ಲಿ ರೂಪುಗೊಳ್ಳುತ್ತದೆ.
