ನೋಡಿರಿ
500 ದಶಲಕ್ಷ ಡಾಲರ್ ಖರ್ಚು.. ಎರಡು ತಿಂಗಳ ಆಯಸ್ಸು! – ಕರಗುವ ನಗರಕ್ಕೆ ಚೀನಾ ಇಷ್ಟೆಲ್ಲಾ ದುಡ್ಡು ಸುರಿಯೋದೇಕೆ?
ಚೀನಾ ದೇಶ ಒಂದು ನಗರವನ್ನು ನಿರ್ಮಾಣ ಮಾಡಿದೆ. ಇದಕ್ಕೆ ಚೀನಾ ಖರ್ಚು ಮಾಡಿರೋದು ಬರೋಬ್ಬರಿ 500 ದಶಲಕ್ಷ ಡಾಲರ್ಗಳನ್ನು.. ಈ ನಗರವನ್ನು ಬಹಳ ಶ್ರದ್ಧೆಯಿಂದ ನಿರ್ಮಿಸುತ್ತಿರುವ ಚೀನಾ ಇದಕ್ಕಾಗಿ ಬರೋಬ್ಬರಿ 7 ಸಾವಿರಕ್ಕೂ ಹೆಚ್ಚು ಕಾರ್ಮಿಕರನ್ನು ಬಳಸಿಕೊಂಡಿದೆ. ಹಾಗಿದ್ದರೂ ಈ ಸುಂದರ ನಗರದ ಆಯಸ್ಸು ಕೇವಲ ಎರಡೇ ಎರಡು ತಿಂಗಳು ಮಾತ್ರ.. ಹಾಗಿದ್ದರೆ ಎರಡೇ ತಿಂಗಳು ಆಯಸ್ಸಿರುವ ನಗರವನ್ನು ಚೀನಾ ನಿರ್ಮಿಸಿರುವುದು ಯಾಕೆ ಎಂಬ ಇಂಟರೆಸ್ಟಿಂಗ್ ಮಾಹಿತಿ ಇಲ್ಲಿದೆ.
ಇದನ್ನೂ ಓದಿ: ಲಕ್ಷದ್ವೀಪಕ್ಕೆ ಟ್ರಿಪ್ ಗೆ ಪ್ಲಾನ್ ಮಾಡಿದ್ದರೆ ಮಾಡಬೇಕಾಗಿದ್ದೇನು? – ಲಕ್ಷದ್ವೀಪವನ್ನ ತಲುಪೋದು ಹೇಗೆ?
ಒಂದು ನಗರ ನಿರ್ಮಾಣ ಅಂದರೆ ಸುಲಭದ ಮಾತಲ್ಲ.. ಅದರಲ್ಲೂ ಕಮ್ಯುನಿಸ್ಟ್ ದೇಶ ಚೀನಾ ಇದೊಂದು ನಗರವನ್ನು ಬಹಳ ಶ್ರದ್ಧೆಯಿಂದ ಕಟ್ಟಿದೆ.. ಆದ್ರೆ ಚೀನಾದ ಹರ್ಬಿನ್ ನಲ್ಲಿ ನಿರ್ಮಾಣ ಆಗ್ತಿರುವಈ ನಗರದ ಆಯಸ್ಸು ಮಾತ್ರ ಎರಡೇ ತಿಂಗಳು. ಎರಡೇ ತಿಂಗಳು ಮಾತ್ರ ಉಳಿಯುವ ಈ ನಗರವನ್ನು ಚೀನಾ ಪ್ರತಿವರ್ಷ ನಿರ್ಮಾಣ ಮಾಡುತ್ತಿದೆ.. ಯಾಕಂದ್ರೆ ಇದರಲ್ಲಿ ಚೀನಾ ಕೋಟಿ ಕೋಟಿ ಆದಾಯ ಗಳಿಸುತ್ತಿದೆ.. ಚೀನಾದ ಹರ್ಬಿನ್ ನಲ್ಲಿರುವ ಐಸ್ ಮತ್ತು ಸ್ನೋ ವರ್ಲ್ಡ್ ವಿಶ್ವದ ಅತಿ ದೊಡ್ಡ ಚಳಿಗಾಲದ ಆಕರ್ಷಣೆಗಳಲ್ಲಿ ಒಂದಾಗಿದೆ. ಇಡೀ ಐಸ್ ಸಿಟಿಯನ್ನು 500 ಮಿಲಿಯನ್ ಡಾಲರ್ಗಳಷ್ಟು ವೆಚ್ಚದಲ್ಲಿ ಒಂದು ತಿಂಗಳಲ್ಲಿ ನಿರ್ಮಿಸಲಾಗಿದೆ ಮತ್ತು ಅದು ಎರಡು ತಿಂಗಳಲ್ಲಿ ಕರಗಲಿದೆ.
300 ಫುಟ್ಬಾಲ್ ಗ್ರೌಂಡ್‌ಗಳಷ್ಟು ವಿಶಾಲವಾದ ಐಸ್ ಸಿಟಿಯಲ್ಲಿ ಹೆಪ್ಪುಗಟ್ಟಿದ ಗಗನಚುಂಬಿ ಕಟ್ಟಡಗಳು, ವಿಶ್ವ ಪ್ರಸಿದ್ಧ ಐತಿಹಾಸಿಕ ಸ್ಮಾರಕಗಳು, ಜಗತ್ತಿನ ಎಲ್ಲ ಪ್ರಮುಖ ಆಕರ್ಷಣೆಗಳನ್ನು ಐಸ್ನಿಂದ ಮಾಡಲಾಗಿದೆ. ನಗರದ ತುಂಬಾ ವಿಸ್ತಾರವಾದ ಮಂಜುಗಡ್ಡೆ ಮತ್ತು ಹಿಮದ ಶಿಲ್ಪಗಳಿದ್ದು, ಇದೊಂದು ವಿಂಟರ್ ವಂಡರ್ ಲ್ಯಾಂಡ್‌ನಂತೆ ನಿರ್ಮಾಣವಾಗಿದೆ. ಐಸ್ ಸಿಟಿಯು ಐಸ್ ಮತ್ತು ಸ್ನೋ ವರ್ಲ್ಡ್ ಅನ್ನು ಸಹ ಹೊಂದಿದೆ. ಇದು ಪ್ರಕಾಶಮಾನವಾದ ಐಸ್ ಶಿಲ್ಪಗಳು, ಐಸ್ ಸ್ಲೈಡ್ಗಳು ಮತ್ತು ವಿವಿಧ ಚಳಿಗಾಲದ ಚಟುವಟಿಕೆಗಳನ್ನು ಹೊಂದಿರುವ ಬೃಹತ್ ಉದ್ಯಾನವನವಾಗಿದೆ.ಈ ಐಸ್ ಕಟ್ಟಡಗಳನ್ನು ನಿರ್ಮಿಸಲು 15 ದಿನಗಳಲ್ಲಿ 148 ಎಕರೆಗಳಲ್ಲಿ 7000 ಕಾರ್ಮಿಕರು 1,13,000 ಘನ ಮೀಟರ್ ಮಂಜುಗಡ್ಡೆಯನ್ನು ಕತ್ತರಿಸಿ, ಕೆತ್ತಿದ್ದಾರೆ.
ಹರ್ಬಿನ್ ಐಸ್ ಸಿಟಿಯು ಸುಮಾರು 7,000 ಉದ್ಯೋಗಿಗಳು, ಕೆಲಸಗಾರರು, ಶಿಲ್ಪಿಗಳು ಮತ್ತು ಸ್ಟ್ರಕ್ಚರಲ್ ಇಂಜಿನಿಯರ್ಗಳನ್ನು ನೇಮಿಸಿಕೊಂಡಿದೆ. ಹರ್ಬಿನ್ ಹಬ್ಬವು ಪ್ರತಿ ವರ್ಷ ಪ್ರಪಂಚದಾದ್ಯಂತ ಸರಾಸರಿ 18 ದಶಲಕ್ಷ ಪ್ರವಾಸಿಗರನ್ನು ಆಕರ್ಷಿಸುತ್ತದೆ. ಕೇವಲ ಎರಡೇ ತಿಂಗಳಲ್ಲಿ ಕರಗಿ ಹೋಗುವ ಈ ನಗರಕ್ಕೆ ಚೀನಾ ಅಷ್ಟೆಲ್ಲಾ ಕಾಸು ಖರ್ಚು ಮಾಡೋದು ಸುಮ್ಮನೇ ಅಲ್ಲ.. ಚೀನಾ ಈ ಕರಗುವ ನಗರದಿಂದ 4.4 ಬಿಲಿಯನ್ ಡಾಲರ್ಗಳಷ್ಟು ಆದಾಯ ಗಳಿಸುತ್ತದೆ. ಈ ಕಾರಣದಿಂದಲೇ ಕರಗುವ ನಗರವನ್ನು ಚೀನಾ ಪ್ರತಿ ವರ್ಷ ಉತ್ಸಾಹದಿಂದ ನಿರ್ಮಿಸುತ್ತದೆ.
ಇಷ್ಟೊಂದು ಸುಂದರ ನಗರ ಎರಡೇ ತಿಂಗಳಲ್ಲಿ ಕರಗುತ್ತದೆ ಎಂಬ ಕಾರಣದಿಂದ ಕೆಲ ನೆಟ್ಟಿಗರು ತಮಾಷೆಯಾಗಿ ಚೀನಾ ಮಾಲ್ ಹೆಚ್ಚು ಸಮಯ ಇರಲ್ಲ ಎಂದು ಕಾಲೆಳೆಯುತ್ತಿರುತ್ತಾರೆ. ಆದರೆ ಪ್ರವಾಸೋದ್ಯಮದ ಮೂಲಕ ಹೇಗೆ ಆದಾಯವನ್ನು ಹೆಚ್ಚಿಸಿಕೊಳ್ಳಲು ಸಾಧ್ಯವಿದೆ ಎನ್ನುವುದನ್ನು ಚೀನಾ ಈ ಐಸ್ ಸಿಟಿಯ ಮೂಲಕ ಜಗತ್ತಿಗೇ ತೋರಿಸುತ್ತಿದೆ.. 500 ಮಿಲಿಯನ್ ಡಾಲರ್ ಹಾಕಿ, 4.4 ಬಿಲಿಯನ್ ಡಾಲರ್ ತೆಗೆಯಬಹುದೆಂದರೆ ಇದು ಬೇರೆಲ್ಲದಕ್ಕಿಂತ ಲಾಭದಾಯಕ ಬ್ಯುಸಿನೆಸ್ ಎನ್ನುವುದರಲ್ಲಿ ಅನುಮಾನವೇ ಇಲ್ಲ.
