ನೋಡಿರಿ
ನಾಗರಹಾವಿಗೆ ಡೀಸೆಲ್‌ ಎರಚಿ ವಿಕೃತಿ ಮೆರೆದ – ಒಂದೇ ವಾರದಲ್ಲಿ ಆತನಿಗೆ ಕಾಡಿತು ಸರ್ಪದೋಷ!
ನಾಗರ ಹಾವಿಗೆ ಹೊಡೆದರೆ, ತೊಂದರೆ ಕೊಟ್ಟರೆ ಹಾವುಗಳು ನಮ್ಮ ಮೇಲೆ ದ್ವೇಷ ಸಾಧಿಸುತ್ತವೆ. ನಾಗದೋಷ ಬರುತ್ತದೆ ಎಂದು ಜನರ ನಂಬಿಕೆ. ಹೀಗಾಗಿ ನಾಗ ಎಂಬ ಹೆಸರಿಗೇ ಅಂಥ ಒಂದು ಭಯಭೀತಿಯ ಭಾವನೆ ಸುತ್ತಿಕೊಂಡಿದೆ. ನಾಗರಹಾವು ಕಂಡಾಗ ಅನೇಕರು ಭಯಬೀಳುತ್ತಾರೆ. ಹಾವು ಇದೆ ಎಂದು ಗೊತ್ತಾದಾಗ ಆ ಪ್ರದೇಶಕ್ಕೆ ಹೋಗಲು ಹೆದರುತ್ತಾರೆ. ಇಲ್ಲೊಂದು ವಿಚಿತ್ರ ಘಟನೆ ನಡೆದಿದೆ. ಇಲ್ಲೊಬ್ಬ ನಾಗರಹಾವಿಗೆ ಡೀಸೆಲ್‌ ಎರಚಿದ್ದು, ಬಳಿಕ ಆತನೇ ಅಸ್ವಸ್ಥಗೊಂಡು ತಾನೂ ಆಸ್ಪತ್ರೆಗೆ ದಾಖಲಾಗಿರುವ ಘಟನೆ ನಡೆದಿದೆ.
ಇದನ್ನೂ ಓದಿ: ಹಸಿವಾಯ್ತು ಎಂದು ಮುಳ್ಳುಹಂದಿಯನ್ನೇ ತಿಂದ ಹಾವು! – ಆಮೇಲೆ ಏನಾಯ್ತು ಗೊತ್ತಾ?
ದಕ್ಷಿಣ ಕನ್ನಡ ಜಿಲ್ಲೆಯ ಕಿನ್ನಿಗೋಳಿಯಲ್ಲಿ ಈ ವಿಚಿತ್ರ ಘಟನೆ ನಡೆದಿದೆ. ಬಹುಮಹಡಿ ಕಟ್ಟಡದ ಸಮೀಪ ಕಳೆದ ವಾರ ನಾಗರ ಹಾವೊಂದು ಕಂಡುಬಂದಿದೆ. ಇದನ್ನು ಕಂಡ ಕಟ್ಟಡದ ಕಾವಲುಗಾರ ನಾಗರ ಹಾವಿಗೆ ಡೀಸೆಲ್‌ ಎರಚಿದ್ದು, ಉರಿಯಿಂದ ನಾಗರ ಹಾವು ಒದ್ದಾಡಿತ್ತು. ಇದನ್ನು ಕಂಡ ಸ್ಥಳೀಯರು ಉರಗ ರಕ್ಷಕ ಯತೀಶ್‌ ಕಟೀಲು ಅವರಿಗೆ ತಿಳಿಸಿದ್ದಾರೆ. ಬಳಿಕ ಅವರು ಸ್ಥಳಕ್ಕೆ ಆಗಮಿಸಿ ಹಾವನ್ನು ರಕ್ಷಣೆ ಮಾಡಿ ಶ್ಯಾಂಪ್‌ ಮೂಲಕ ಮೈ ತೊಳೆದು ಸಹಜ ಸ್ಥಿತಿಗೆ ತಂದು ಅನಂತರ ಕಾಡಿಗೆ ಬಿಟ್ಟಿದ್ದಾರೆ.
ಇನ್ನೊಂದು ಅಚ್ಚರಿಯ ಘಟನೆ ಎಂದರೆ, ನಾಗರಹಾವಿಗೆ ಡೀಸೆಲ್‌ ಎರಚಿದ ಕಾರ್ಮಿಕ ಒಂದು ವಾರ ಕಳೆಯುವಷ್ಟರಲ್ಲಿ ಅಸ್ವಸ್ಥನಾಗಿದ್ದಾನೆ. ಆತ ಮೈಉರಿಯಿಂದ ಬಳಲುತ್ತಿದ್ದು ಆಸ್ಪತ್ರೆಗೆ ದಾಖಲಾಗಿದ್ದಾನೆ ಎಂದು ವರದಿಯಾಗಿದೆ.
