ಮೊಹಮ್ಮದ್ ಶಮಿಯನ್ನ ಬಂಧಿಸುವಂತೆ ಸುಪ್ರೀಂಕೋರ್ಟ್ ಮೆಟ್ಟಿಲೇರಿದ ಪತ್ನಿ..!

ಟೀಮ್ ಇಂಡಿಯಾ ಕ್ರಿಕೆಟರ್ ಮೊಹಮ್ಮದ್ ಶಮಿಯನ್ನ ಬಂಧಿಸುವಂತೆ ಪತ್ನಿಯೇ ಸುಪ್ರೀಂಕೋರ್ಟ್​ ಮೆಟ್ಟಿಲೇರಿದ್ದಾರೆ. ಖ್ಯಾತ ಕ್ರಿಕೆಟಿಗ ಮೊಹಮ್ಮದ್ ಶಮಿ ವಿರುದ್ಧ ಪತ್ನಿ ಹಸೀನ್ ಜಹಾನ್ ಗಂಭೀರ ಆರೋಪ ಮಾಡಿದ್ದಾರೆ. ಪತ್ನಿಗೆ ದೌರ್ಜನ್ಯವೆಸಗಿದ ಪ್ರಕರಣದಡಿ ಶಮಿ ವಿರುದ್ಧ ಪಶ್ಚಿಮ ಬಂಗಾಳದಲ್ಲಿ ಅರೆಸ್ಟ್ ವಾರಂಟ್ ಹೊರಡಿಸಲಾಗಿತ್ತು. ಆದ್ರೆ ಅರೆಸ್ಟ್ ವಾರಂಟ್ ವಿರುದ್ಧ ಶಮಿ ಕೋರ್ಟ್ ಮೆಟ್ಟಿಲೇರಿದ್ದರು. ಕೊಲ್ಕತ್ತಾ ಹೈಕೋರ್ಟ್​ ಶಮಿ ವಿರುದ್ಧ ಅರೆಸ್ಟ್​ ವಾರಂಟ್​ಗೆ ತಡೆ ಒಡ್ಡಿತ್ತು.

ಇದನ್ನೂ ಓದಿ:  ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ಲಕ್ನೋ ಸೂಪರ್ ಜೈಂಟ್ಸ್ ಪಂದ್ಯಕ್ಕೆ ಮಳೆರಾಯನ ಅಡ್ಡಿ..!

ಶಮಿ ಪತ್ನಿ ಹಸೀನ್ ಜಹಾನ್, ಕೊಲ್ಕತ್ತಾ ಹೈಕೋರ್ಟ್ ತೀರ್ಪನ್ನ ಪ್ರಶ್ನಿಸಿ ಸುಪ್ರೀಂಕೋರ್ಟ್​ ಗೆ ಅರ್ಜಿ ಸಲ್ಲಿಸಿದ್ದಾರೆ. ಶಮಿ ವಿರುದ್ಧದ ಅರೆಸ್ಟ್ ವಾರಂಟ್​ಗೆ ನೀಡಿರುವ ತಡೆಯನ್ನ ಹಿಂಪಡೆಯುವಂತೆ ಮನವಿ ಮಾಡಿದ್ದಾರೆ. ಅಷ್ಟೇ ಅಲ್ಲ, ವರದಕ್ಷಿಣೆಗಾಗಿ ಶಮಿ ನಿರಂತರವಾಗಿ ಪೀಡಿಸ್ತಿದ್ರು. ಇತರೆ ಮಹಿಳೆಯರ ಜೊತೆ ಅಕ್ರಮ ಸಂಬಂಧ ಹೊಂದಿದ್ರು. ವೇಶ್ಯೆಗಳ ಬಳಿ ಹೋಗ್ತಿದ್ರು. ಟೀಂ ಇಂಡಿಯಾ ಜೊತೆ ಟೂರ್ ಹೋದ ಸಂದರ್ಭದಲ್ಲಿ ಬಿಸಿಸಿಐ ನಿಗದಿಪಡಿಸಿದ ಹೋಟೆಲ್​ ರೂಮ್​ಗೆ ಮಹಿಳೆಯರನ್ನ ಕರೆಸಿಕೊಳ್ತಿದ್ರು. ಈಗಲೂ ಅದನ್ನೇ ಮಾಡ್ತಿದ್ದಾರೆ ಅಂತಾ ಶಮಿ ಪತ್ನಿ ಗಂಭೀರ ಆರೋಪ ಮಾಡಿದ್ದಾರೆ.