ನೋಡಿರಿ
ಸುಂದರ ಹುಡುಗಿಯರಿಗೆ ಗಾಳ, ಪ್ರೀತಿ ಹೆಸರಲ್ಲಿ ಲೈಂಗಿಕ ದೌರ್ಜನ್ಯ – ಪ್ರೇಯಸಿಯರ ಕೈಗೆ ರೆಡ್‌ಹ್ಯಾಂಡ್ ಆಗಿ ಸಿಕ್ಕಿಬಿದ್ದ ಕಾಮುಕ ಪ್ರೇಮಿ
ನೆಟ್ಟಗೆ ಕೆಲಸ ಮಾಡಿ ಬದುಕು ಕಟ್ಟಿಕೊಳ್ಳುವ ಬದಲು ಒಬ್ಬ ಯುವಕ ಹೆಣ್ಣು ಮಕ್ಕಳಿಗೆ ಪ್ರೀತಿ ಪ್ರೇಮದ ಹೆಸರಲ್ಲಿ ದಾಹ ತೀರಿಸಿಕೊಂಡು ಹಣ, ಚಿನ್ನವನ್ನು ಎಗರಿಸುತ್ತಿದ್ದ. ಒಂದು ಪ್ರೀತಿ ಓಕೆ. ಪದೇ ಪದೇ ಪ್ರೀತಿ ಹೆಸರಲ್ಲಿ ಹೆಣ್ಣು ಮಕ್ಕಳನ್ನು ವಂಚಿಸಲು ಹೋದರೆ ಅನುಮಾನ ಬರದೇ ಇರುತ್ತಾ. ಆತನ ಆಟಕ್ಕೆ ಈಗ ಹುಡುಗಿಯರೇ ತಕ್ಕ ಪಾಠ ಕಲಿಸಿದ್ದಾರೆ. ಪ್ರೀತಿ ಹೆಸರಲ್ಲಿ ಅಮಾನುಷವಾಗಿ ವರ್ತಿಸಿದ ಆ ಪಾಪಿ ಈಗ ಪೊಲೀಸರ ವಶದಲ್ಲಿದ್ದಾನೆ.
ಇದನ್ನೂ ಓದಿ: ಮದುವೆ ಒಪ್ಪಂದಕ್ಕೆ ಒಪ್ಪದ ಶಿಕ್ಷಕಿ – ಕಿಡ್ನ್ಯಾಪ್‌ ಮಾಡಿದ ಕಿಡಿಗೇಡಿಗಳು!
ಸಕಲೇಶಪುರ ಪಟ್ಟಣದ ಕುಶಾಲನಗರ ಬಡಾವಣೆಯ ನಿವಾಸಿ ಶರತ್‌ಗೆ ಪ್ರೀತಿ ಮಾಡಿ ಮೋಸ ಮಾಡೋದೇ ಚಟವಾಗಿತ್ತು. ಪ್ರೀತಿ ಮಾಡಲು ಸುಂದರ ಹುಡುಗಿಯರೇ ಈತನಿಗೆ ಬೇಕು. ನೈಸ್ಆಗಿ ಮಾತನಾಡುತ್ತಾ, ಸ್ನೇಹ ಮಾಡುತ್ತಾನೆ. ನಂತರ ಶುರುವಾಗುವುದೇ ಪ್ರೀತಿ. ಆಮೇಲೆ ಸೀದಾ ಲೈಂಗಿಕ ತೃಷೆ ತೀರಿಸಿಕೊಳ್ಳುತ್ತಾನೆ. ನಂತರ ಹಣ, ಒಡವೆ ದೋಚಿ ಹಿಂಸೆ ಕೊಡಲು ಶುರುಮಾಡುತ್ತಾನೆ. ಹೀಗೆ ಮಾಡಲು ಹೋಗಿ ಡೈರೆಕ್ಟ್ ಆಗಿ ತಗ್ಲಾಕ್ಕೊಂಡಿದ್ದಾನೆ ಶರತ್. ಈತ ಒಬ್ಬಳು ಯುವತಿಯ ಜೊತೆ ಪ್ರೀತಿ ಗೀತಿ ಎಂದು ಪ್ರೇಮ ಕಾಮದ ಆಟ ಮುಗಿಸಿದ್ದ. ನಂತರ ಇನ್ನೊಬ್ಬ ಹುಡುಗಿ ಜೊತೆ ಪ್ರೀತಿಯ ನಾಟಕವಾಡುತ್ತಿದ್ದ. ಆದರೆ, ಆ ಯುವತಿಗೆ ಶರತ್ ಮೇಲೆ ಏನೋ ಅನುಮಾನ ಬಂದಿದೆ. ಹೀಗಾಗಿ ಶರತ್ ಆ ಯುವತಿಯನ್ನು ನಂಬಿಸಲು ವೀಡಿಯೋ ಕಾಲ್ ಮಾಡಿದ್ದಾನೆ. ತನ್ನ ಪ್ರೀತಿಯನ್ನು ಸಾಬೀತು ಮಾಡಲು ಪ್ರೇಯಸಿಗೆ ವಿಡಿಯೋ ಕಾಲ್ ಮಾಡಿ ಹಳೆ ಪ್ರೇಯಸಿ ಮೇಲೆ ಮಾರಣಾಂತಿಕವಾಗಿ ಹಲ್ಲೆ ನಡೆಸಿದ್ದಾನೆ. ಹಲ್ಲೆ ನಡೆಸುವಾಗ ಪ್ರೇಯಸಿ ಜೊತೆ ವಿಡಿಯೋ ಕಾಲ್ ನಲ್ಲೇ ಇದ್ದ. ತನ್ನದೇ ಮನೆಯಲ್ಲಿ ಮೂರು ವರ್ಷದಿಂದ ಈತನ ಪ್ರೀತಿಯನ್ನು ನಂಬಿಕೊಂಡು ತನ್ನ ಸರ್ವಸ್ವವನ್ನೇ ಒಪ್ಪಿಸಿದ ಯುವತಿಗೆ ನೇಣು ಬಿಗಿಯಲು ಈತ ಮುಂದಾಗಿದ್ದಾನೆ. ಈತನ ದೌರ್ಜನ್ಯವನ್ನು ಹೊಸ ಪ್ರೇಯಸಿ ರೆಕಾರ್ಡ್ ಮಾಡಿಕೊಂಡಿದ್ದಾಳೆ. ಹಲ್ಲೆ ಮಾಡಿದ ವೀಡಿಯೋ ಆಧರಿಸಿ ಹಳೇ ಪ್ರೇಯಸಿ ಮತ್ತು ಹೊಸ ಪ್ರೇಯಸಿ ಪೊಲೀಸರಿಗೆ ದೂರು ನೀಡಿದ್ದಾರೆ. ಶರತ್ ಪ್ರೀತಿಯ ಬಣ್ಣವನ್ನು ಬಯಲು ಮಾಡಿದ್ದಾರೆ. ಸಕಲೇಶಪುರ ಗ್ರಾಮಾಂತರ ಹಾಗೂ ನಗರ ಠಾಣೆಯಲ್ಲಿ ಪ್ರತ್ಯೇಕ ದೂರು ದಾಖಲಾಗಿದೆ. ವಿಪರ್ಯಾಸವೆಂದರೆ ಶರತ್, ಮೂರು ವರ್ಷಗಳಿಂದ ಪ್ರೀತಿಸುವ ನಾಟಕವಾಡಿ ಲೈಂಗಿಕ ದೌರ್ಜನ್ಯ ಎಸಗಿದ್ದನು. ತನ್ನ ಪ್ರೀತಿಯ ಬಲೆಗೆ ಬಿದ್ದ ಬಳಿಕ ಹಣ, ಒಡವೆ ಪಡೆದು ವಂಚಿಸುತ್ತಿದ್ದನು. ಒಬ್ಬ ಯುವತಿಯನ್ನ ಪ್ರೀತಿಸುವಾಗಲೇ ಮತ್ತೊಬ್ಬಳಿಗೆ ಗಾಳ ಹಾಕುತ್ತಿದ್ದನು. ವಂಚಕನ ಮೋಸದ ಬಗ್ಗೆ ಅನುಮಾನಗೊಂಡ ಯುವತಿ ಪ್ರಶ್ನೆ ಮಾಡಿದಾಗ ಅವಳನ್ನು ನಂಬಿಸಲು ಹೋಗಿ ಮತ್ತೊಬ್ಬಳ ಮೇಲೆ ಹಲ್ಲೆ ನಡೆಸಿದ್ದಾನೆ. ನವಂಬರ್ 29 ರಂದು ಶರತ್‌ನನ್ನು ಸಕಲೇಶಪುರ ಗ್ರಾಮಾಂತರ ಪೊಲೀಸರು ಬಂಧಿಸಿದ್ದಾರೆ.
