ನೋಡಿರಿ
ಬೀಚ್‌ನಲ್ಲಿ ಪತ್ತೆಯಾದ ನಿಗೂಢ ವಸ್ತುವಿನ ರಹಸ್ಯ ಕೊನೆಗೂ ಬಹಿರಂಗ – ಚಂದ್ರಯಾನ-3 ರಾಕೆಟ್ ಅವಶೇಷ!
ಕೆಲ ದಿನಗಳ ಹಿಂದೆ ಆಸ್ಟ್ರೇಲಿಯಾದ ಸಮುದ್ರ ತೀರವೊಂದರಲ್ಲಿ ಸಿಲಿಂಡರ್ ಮಾದರಿಯ ನಿಗೂಢ ವಸ್ತುವೊಂದು ಪತ್ತೆಯಾಗಿತ್ತು. ಈ ನಿಗೂಢ ವಸ್ತು ಭಾರತದ ಚಂದ್ರಯಾನ – 3 ನ ಅವಶೇಷ ಆಗಿರಬಹುದು.. ಅಲ್ಲದೆ, ಈ ವಸ್ತುವು ಮಿಲಿಟರಿ ಮೂಲವನ್ನು ಹೊಂದಿರಬಹುದು ಅಥವಾ ಮಲೇಷ್ಯಾ ಏರ್‌ಲೈನ್ಸ್‌ ವಿಮಾನ MH370 ನ ಕಣ್ಮರೆಗೆ ಸಂಬಂಧಿಸಿರಬಹುದು ಎಂದು ನೆಟ್ಟಿಗರು ಭಾವಿಸಿದ್ದರು. ಇದೀಗ ಕೊನೆಗೂ ಈ ನಿಗೂಢ ವಸ್ತುವಿನ ಸೀಕ್ರೆಟ್ ಬಯಲಾಗಿದೆ.
ಇದನ್ನೂ ಓದಿ: ಆಸ್ಟ್ರೇಲಿಯಾ ಸಮುದ್ರ ತೀರದಲ್ಲಿ ಬಿದ್ದೇ ಬಿಡ್ತಾ ಚಂದ್ರಯಾನ-3 ತುಣುಕು..?
ಸಮುದ್ರ ತೀರದಲ್ಲಿ ಸಿಕ್ಕ ಈ ವಸ್ತು ಸಾಕಷ್ಟು ಚರ್ಚೆಗೆ ಗ್ರಾಸವಾಗಿತ್ತು. ಈ ವಸ್ತು ಎಲ್ಲಿಂದ ಬಂತು.. ಈ ವಸ್ತುವಿನ ರಹಸ್ಯ ಏನು ಅಂತಾ ಎಲ್ಲರೂ ತಲೆಕೆಡಿಸಿಕೊಂಡಿದ್ದರು. ಇದೀಗ ಈ ವಸ್ತು ಭಾರತದ ಚಂದ್ರಯಾನ-3 ರಾಕೆಟ್ನಿಂದ ಪ್ರತ್ಯೇಕಗೊಂಡ ಅವಶೇಷದ ಒಂದು ಭಾಗ ಅಂತಾ ಆಸ್ಟ್ರೇಲಿಯಾದ ಬಾಹ್ಯಾಕಾಶ ಸಂಸ್ಥೆ ಎಎಸ್ಎ ಸ್ಪಷ್ಟಪಡಿಸಿದೆ.
ರಾಕೆಟ್ ಉಡಾವಣೆಯಾದ ಬಳಿಕ ಹಂತ ಹಂತವಾಗಿ ಅದರ ಕೆಲ ಭಾಗಗಳು ಪ್ರತ್ಯೇಕವಾಗುತ್ತಾ ಸಾಗುತ್ತೆ. 3ನೇ ಸ್ಟೇಜ್ನಲ್ಲಿ ಪ್ರತ್ಯೇಕಗೊಂಡ ರಾಕೆಟ್ನ ಭಾಗ ಆಸ್ಟ್ರೇಲಿಯಾ ಸಮುದ್ರ ಪ್ರದೇಶದ ಮೇಲೆ ಬಿದ್ದಿದೆ. ಈಗ ಇದು ದಡ ಸೇರಿಕೊಂಡಿದೆ ಅಂತಾ ಆಸ್ಟ್ರೇಲಿಯಾ ಬಾಹ್ಯಾಕಾಶ ವಿಜ್ಞಾನಿಗಳು ಹೇಳಿದ್ದಾರೆ. ಆದರೆ ಈ ಮಾಹಿತಿಯನ್ನ ನಮ್ಮ ಬಾಹ್ಯಾಕಾಶ ಸಂಸ್ಥೆ ಇಸ್ರೋ ಮಾತ್ರ ಇದುವರೆಗೂ ಖಚಿತಪಡಿಸಿಲ್ಲ.
