ನೋಡಿರಿ
ಐಪಿಎಲ್ ಅಖಾಡದ ಸಾರ್ವಕಾಲಿಕ ಶ್ರೇಷ್ಠ ತಂಡ ಕಟ್ಟಿದ ಫ್ಯಾನ್ಸ್ – ಗ್ರೇಟೆಸ್ಟ್ ಟೀಂ ಕ್ಯಾಪ್ಟನ್ ಮಹೇಂದ್ರ ಸಿಂಗ್ ಧೋನಿ
ಐಪಿಎಲ್ಗೆ ಈಗಾಗ್ಲೇ ಕೌಂಟ್ಡೌನ್ ಶುರುವಾಗಿದೆ. ಕ್ರಿಕೆಟ್ ಫ್ಯಾನ್ಸ್ ಫೋಕಸ್ ಈಗ ಐಪಿಎಲ್ನತ್ತ ಶಿಫ್ಟ್ ಆಗ್ತಿದೆ. ಐಪಿಎಲ್ ಅಭಿಮಾನಿಗಳು ಯಾವಾಗಲೂ ಆಲ್ಟೈಮ್ ಬೆಸ್ಟ್ ಟೀಮ್ ಯಾವುದು? ಐಪಿಎಲ್ನ ಆಲ್ಟೈಮ್ ಬೆಸ್ಟ್ ಕ್ಯಾಪ್ಟನ್ ಯಾರು? ಆಲ್ಟೈಮ್ ಬೆಸ್ಟ್ ಬ್ಯಾಟ್ಸ್ಮನ್ ಯಾರು? ಬೌಲರ್ ಯಾರು? ಈ ರೀತಿ ಹಲವು ಡಿಬೇಟ್ಗಳನ್ನ ಮಾಡ್ತಿರ್ತಾರೆ. ಇಂಥಾ ಸಂದರ್ಭದಲ್ಲೇ ಐಪಿಎಲ್ನ ಆಲ್ ಟೈಮ್ ಗ್ರೇಟೆಸ್ಟ್ ಟೀಮ್ ಲಿಸ್ಟ್ನ್ನ ರಿಲೀಸ್ ಮಾಡಲಾಗಿದೆ. ಮಾಜಿ ಕ್ರಿಕೆಟರ್ಸ್ಗಳಾದ ವಾಸಿಮ್ ಅಕ್ರಂ, ಮ್ಯಾಥ್ಯೂ ಹೇಡನ್, ಟಾಮ್ ಮೂಡಿ, ಡೇಲ್ ಸ್ಟೈಯ್ನ್ ಹಾಗೆಯೇ ಸುಮಾರು 70 ಮಂದಿ ಸ್ಪೋರ್ಟ್ಸ್ ಜರ್ನಲಿಸ್ಟ್ಗಳ ಒಪೀನಿಯನ್ ತಗೊಂಡು ಐಪಿಎಲ್ನ ಆಲ್ಟೈಮ್ ಗ್ರೇಟೆಸ್ಟ್ ಟೀಮ್ಗೆ ಪ್ಲೇಯರ್ಸ್ಗಳನ್ನ ಸೆಲೆಕ್ಟ್ ಮಾಡಲಾಗಿದೆ. ಈ ಟೀಮ್ನಲ್ಲಿ ಒಟ್ಟು 15 ಮಂದಿ ಆಟಗಾರರಿದ್ದಾರೆ. ಹಾಗೆಯೇ ಈ ಟೀಮ್ಗೆ ಒಬ್ಬ ಕ್ಯಾಪ್ಟನ್ನನ್ನ ಕೂಡ ನೇಮಕ ಮಾಡಲಾಗಿದೆ.
ಇದನ್ನೂ ಓದಿ: BAZBALLಗೆ ರೋಹಿತ್ ಕೌಂಟರ್! – ಸೋತರೂ ಮೀಸೆ ಮಣ್ಣಾಗಿಲ್ಲ ಅಂತಿದ್ದಾರೆ ಆಂಗ್ಲರು
ಐಪಿಎಲ್ ಆರಂಭವಾಗಿ 16 ವರ್ಷಗಳಾಗಿದೆ. 2008ರಿಂದ ನಿರಂತರವಾಗಿ ಐಪಿಎಲ್ ಟೂರ್ನಿ ನಡೀತಿದೆ. ಒಟ್ಟು 10 ಟೀಮ್ಗಳು ಪ್ರತಿ ವರ್ಷ ಟ್ರೋಫಿಗಾಗಿ ಸೆಣಸಾಡ್ತಿವೆ. ಆರಂಭದಲ್ಲಿ 8 ಟೀಮ್ಗಳಿದ್ವು. ಇದಾದ್ಮೇಲೆ 10 ಟೀಮ್ಗಳಾಯ್ತು. ಐಪಿಎಲ್ ಅನ್ನೋದು ವನ್ ಆಪ್ ದಿ ಮೋಸ್ಟ್ ಪಾಪ್ಯುಲರ್ ಮತ್ತು ಸಕ್ಸಸ್ಫುಲ್ ಫ್ರಾಂಚೈಸಿ ಟೂರ್ನಿಯಾಗಿದೆ. ಕ್ರಿಕೆಟ್ನಲ್ಲಂತೂ ಐಪಿಎಲ್ಗೆ ಸಮಾನವಾದ ಇನ್ನೊಂದು ಫ್ರಾಂಚೈಸಿ ಟೂರ್ನಿ ಇಡೀ ಜಗತ್ತಿನಲ್ಲೇ ಇಲ್ಲ. ಹಾಗೆಯೇ ಹಾಗೆಯೇ ಜಾಗತಿಕ ಕ್ರೀಡಾ ವಲಯದಲ್ಲಿ ಫುಟ್ಬಾಲ್ ಬಳಿಕ ಅತ್ಯಂತ ದೊಡ್ಡ ಮಟ್ಟದಲ್ಲಿ, ಅತೀ ವೇಗವಾಗಿ ಬೆಳೆಯುತ್ತಿರುವ ಫ್ರಾಂಚೈಸಿ ಟೂರ್ನಿ ಅಂದ್ರೆ ಅದು ಐಪಿಎಲ್. ಹೀಗಾಗಿ ಐಪಿಎಲ್ನ ಈ ಮೆಗಾ ಸಕ್ಸಸ್ನ್ನ ಸೆಲೆಬ್ರೇಟ್ ಮಾಡೋದಕ್ಕಾಗಿಯೇ ಈಗ ಐಪಿಎಲ್ ಆಲ್ಟೈಮ್ ಗ್ರೇಟೆಸ್ಟ್ ಟೀಮ್ನ್ನ ರಿಲೀಸ್ ಮಾಡಲಾಗಿದೆ. ಫೈನ್..ಈಗ ಈ ಆಲ್ಟೈಮ್ ಗ್ರೇಟೆಸ್ಟ್ ಟೀಮ್ನಲ್ಲಿ ಯಾರೆಲ್ಲಾ ಇದ್ದಾರೆ? ಕ್ಯಾಪ್ಟನ್ ಯಾರು? ಓಪನರ್ಸ್ಗಳು ಯಾರು? ಬ್ಯಾಟಿಂಗ್ ಮತ್ತು ಬೌಲಿಂಗ್ ಲೈನ್ಅಪ್ನಲ್ಲಿ ಯಾಱರಿದ್ದಾರೆ ಅನ್ನೋದನ್ನ ನೋಡ್ತಾ ಹೋಗೋಣ.
ವಿರಾಟ್ ಕೊಹ್ಲಿ & ಡೇವಿಡ್ ವಾರ್ನರ್ ಓಪನರ್ಸ್!
ಐಪಿಎಲ್ ಆಲ್ಟೈಮ್ ಗ್ರೇಟೆಸ್ಟ್ ಟೀಮ್ನಲ್ಲಿ ಆರ್ಸಿಬಿಯ ವಿರಾಟ್ ಕೊಹ್ಲಿ ಮತ್ತು ದೆಹಲಿ ಕ್ಯಾಪಿಟಲ್ಸ್ನ ಡೇವಿಡ್ ವಾರ್ನರ್ ಸೆಲೆಕ್ಟ್ ಆಗಿದ್ದಾರೆ. ಹಾಗೆಯೇ ಇವರಿಬ್ಬರನ್ನೂ ಓಪನಿಂಗ್ ಬ್ಯಾಟ್ಸ್ಮನ್ಗಳಾಗಿ ಪಿಕ್ ಮಾಡಲಾಗಿದೆ. ಆರ್ಸಿಬಿ ಪರ ವಿರಾಟ್ ಕೊಹ್ಲಿ ವನ್ ಆಫ್ ದಿ ಮೋಸ್ಟ್ ಸಕ್ಸಸ್ಫುಲ್ ಬ್ಯಾಟ್ಸ್ಮನ್. ಇನ್ನು ಡೇವಿಡ್ ವಾರ್ನರ್ ಅಂತೂ ಐಪಿಎಲ್ ಮತ್ತು ಆಸ್ಟ್ರೇಲಿಯಾ ಪರವೂ ಓಪನಿಂಗ್ ಬ್ಯಾಟ್ಸ್ಮನ್ ಆಗಿಯೇ ಕ್ರೀಸ್ಗಿಳೀತಾರೆ.
3ನೇ ಕ್ರಮಾಂಕದಲ್ಲಿ ಕ್ರಿಸ್ ಗೇಲ್ ಬ್ಯಾಟಿಂಗ್!
ಇನ್ನು ಮೂರನೇ ಕ್ರಮಾಂಕದಲ್ಲಿ ಯುನಿವರ್ಸಲ್ ಬಾಸ್, ಆರ್ಸಿಬಿಯ ಮಾಜಿ ಕ್ರಿಕೆಟಿಗ, ವೆಸ್ಟ್ಇಂಡೀಸ್ ದೈತ್ಯ ಕ್ರೀಸ್ ಗೇಲ್ರನ್ನ ಸೆಲೆಕ್ಟ್ ಮಾಡಲಾಗಿದೆ. ಕ್ರೀಸ್ ಗೇಲ್ ಕೂಡ ಓಪನಿಂಗ್ ಬ್ಯಾಟ್ಸ್ಮನೇ ಆಗಿದ್ರು. ನಿಮಗೆ ಗೊತ್ತಿರೋ ಹಾಗೆ ಆರ್ಸಿಬಿಯಲ್ಲಿ ಆಡೋವಾಗಲೂ ಗೇಲ್ ಓಪನಿಂಗ್ ಬರ್ತಿದ್ರು. ಬಟ್ ಆಲ್ಟೈಮ್ ಗ್ರೇಟೆಸ್ಟ್ ಐಪಿಎಲ್ ಟೀಮ್ನಲ್ಲಿ ಕ್ರಿಸ್ಗೇಲ್ರನ್ನ 3ನೇ ಆರ್ಡರ್ ಬ್ಯಾಟ್ಸ್ಮನ್ ಆಗಿ ಎಕ್ಸ್ಪರ್ಟ್ಗಳು ಪಿಕ್ ಮಾಡಿದ್ದಾರೆ.
ಮಿಡ್ಲ್ ಆರ್ಡರ್ ಬ್ಯಾಟ್ಸ್ ಮನ್ ಗಳು ಯಾರೆಲ್ಲಾ?
ಐಪಿಎಲ್ ಆಲ್ಟೈಮ್ ಗ್ರೇಟೆಸ್ಟ್ ಟೀಮ್ನ ಮಿಡ್ಲ್ ಆರ್ಡರ್ ಬ್ಯಾಟಿಂಗ್ ಲೈನ್ಅಪ್ ನಿಜಕ್ಕೂ ಇಂಟ್ರೆಸ್ಟಿಂಗ್ ಆಗಿದೆ. ಚೆನ್ನೈ ಸೂಪರ್ ಕಿಂಗ್ಸ್ನಲ್ಲಿ ಆಡ್ತಾ ಇದ್ದ ಸುರೇಶ್ ರೈನಾ, ಎಬಿಡಿ ವಿಲಿಯರ್ಸ್, ಸೂರ್ಯಕುಮಾರ್ ಯಾದವ್ ಮತ್ತು ಎಂ.ಎಸ್.ಧೋನಿ ಮಿಡ್ಲ್ ಆರ್ಡರ್ ಬ್ಯಾಟ್ಸ್ಮನ್ಗಳಾಗಿದ್ದಾರೆ. ಆಫ್ಕೋಸ್ ಎಂ.ಎಸ್.ಧೋನಿ ಗ್ರೇಟೆಸ್ಟ್ ಟೀಮ್ನ ವಿಕೆಟ್ ಕೀಪರ್ ಕೂಡ ಆಗಿದ್ದಾರೆ. ನಿಮಗೆ ಗೊತ್ತಿರೋ ಹಾಗೆ ಸುರೇಶ್ ರೈನಾ, ಎಬಿಡಿ ವಿಲಿಯರ್ಸ್ ಮತ್ತು ಸೂರ್ಯಕುಮಾರ್ ಯಾದವ್ ಈ ಮೂವರು ಐಪಿಎಲ್ನಲ್ಲಿ ಕ್ಲಿಕ್ ಆದಂಥಾ ಮಿಡ್ಲ್ ಆರ್ಡರ್ ಬ್ಯಾಟ್ಸ್ಮನ್ಗಳು. ಎಬಿಡಿ ವಿಲಿಯರ್ಸ್ ಅಂತೂ ಆರ್ಸಿಬಿಯ ಬೆನ್ನೆಲುಬಾಗಿದ್ರು.
ಗ್ರೇಟೆಸ್ಟ್ ಟೀಂ ಆಲ್ರೌಂಡರ್ಸ್ ಯಾರು?
ಟಿ20 ಫಾರ್ಮೆಟ್ನ್ನ ಆಲ್ರೌಂಡರ್ಸ್ ಎಷ್ಟು ಇಂಪಾರ್ಟೆಂಟ್ ಅನ್ನೋದು ನಿಮಗೂ ಗೊತ್ತೇ ಇದೆ. ಹೀಗಾಗಿ ಐಪಿಎಲ್ ಆಲ್ಟೈಮ್ ಬೆಸ್ಟ್ ಟೀಮ್ಗೂ ವರ್ಲ್ಡ್ ಕ್ಲಾಸ್ ಆಲ್ರೌಂಡರ್ಸ್ಗಳನ್ನ ಪಿಕ್ ಮಾಡಲಾಗಿದೆ. ಈಗ ಮುಂಬೈ ಇಂಡಿಯನ್ಸ್ ಕ್ಯಾಪ್ಟನ್ ಆಗಿರೋ ಹಾರ್ದಿಕ್ ಪಾಂಡ್ಯ, ಚೆನ್ನೈ ಸೂಪರ್ ಕಿಂಗ್ಸ್ನ ರವೀಂದ್ರ ಜಡೇಜ ಮತ್ತು ಮುಂಬೈ ಇಂಡಿಯನ್ಸ್ ಮಾಜಿ ಪ್ಲೇಯರ್ ಮತ್ತೊಬ್ಬ ವಿಂಡೀಸ್ ದೈತ್ಯ ಕಿರಾನ್ ಪೊಲ್ಲಾರ್ಡ್ ಒಟ್ಟು ಮೂವರು ಆಲ್ರೌಂಡರ್ಸ್ಗಳನ್ನ ಟೀಮ್ಗೆ ಸೆಲೆಕ್ಟ್ ಮಾಡಲಾಗಿದೆ. ಐಪಿಎಲ್ನಲ್ಲಿ ಹಾರ್ದಿಕ್ ಪಾಂಡ್ಯ ಯಾವಾಗಲೂ ಒಬ್ಬ ಬೆಸ್ಟ್ ಆಲ್ರೌಂಡರ್ ಆಗಿ ಪರ್ಫಾಮ್ ಮಾಡಿದ್ರು. ಇನ್ನು ರವೀಂದ್ರ ಜಡೇಜ ಅಂತೂ ಕೇಳೋದೆ ಬೇಡ. ಧೋನಿ ಟೀಮ್ನ ಕೀ ಪ್ಲೇಯರ್. ಮ್ಯಾಚ್ ವಿನ್ನರ್. 2023ರಲ್ಲೂ ರವೀಂದ್ರ ಜಡೇಜ ಹೊಡೆದ ವಿನ್ನಿಂಗ್ ಶಾಟ್ ನಿಮಗೆ ನೆನಪು ಇದ್ದೇ ಇರುತ್ತೆ. ಹಾಗೆಯೇ ಟೀಂ ಇಂಡಿಯಾ ಪರವೂ ಬೆಸ್ಟ್ ಪರ್ಫಾಮೆನ್ಸ್ ನೀಡ್ತಾ ಇದ್ದಾರೆ. ಐಸಿಸಿ ಱಂಕಿಂಗ್ನಲ್ಲೂ ನಂಬರ್-1 ಆಲ್ರೌಂಡರ್ ಆಗಿದ್ದಾರೆ. ಇನ್ನು ಕಿರನ್ ಪೊಲ್ಲಾರ್ಡ್ ಕೂಡ ಮುಂಬೈ ಇಂಡಿಯನ್ಸ್ಗೆ ಹಲವು ಮ್ಯಾಚ್ಗಳನ್ನ ಗೆಲ್ಲಿಸಿಕೊಟ್ಟಿದ್ರು.
ಗ್ರೇಟೆಸ್ಟ್ ಟೀಂ ಸ್ಪಿನ್ನರ್ಸ್ ಗಳು ಯಾರೆಲ್ಲಾ?
ಐಪಿಎಲ್ ಆಲ್ಟೈಮ್ ಗ್ರೇಟೆಸ್ಟ್ ಟೀಮ್ಗೆ ಮೂವರು ಸ್ಪಿನ್ನರ್ಸ್ಗಳನ್ನ ಪಿಕ್ ಮಾಡಲಾಗಿದೆ. ಸದ್ಯ ಗುಜರಾತ್ ಟೈಟಾನ್ಸ್ನಲ್ಲಿರೋ ಆಪ್ಘನ್ ಸ್ಪಿನ್ನರ್ ರಶೀದ್ ಖಾನ್, ವೆಸ್ಟ್ಇಂಡೀಸ್ ಮೂಲದ ಸುನಿಲ್ ನರೇನ್ ಮತ್ತು ಈಗ ರಾಜಸ್ಥಾನ್ ರಾಯಲ್ಸ್ ಪರ ಆಡ್ತಾ ಇರೋ ಯುಜುವೇಂದ್ರ ಚಹಾಲ್ರನ್ನ ಐಪಿಎಲ್ ಆಲ್ಟೈಮ್ ಗ್ರೇಟೆಸ್ಟ್ ಟೀಮ್ನ ಸ್ಪಿನ್ ಸ್ಕ್ವಾಡ್ಗೆ ಸೇರಿಸಿಕೊಳ್ಳಲಾಗಿದೆ.
ಗ್ರೇಟೆಸ್ಟ್ ಟೀಂ ಫಾಸ್ಟ್ ಬೌಲರ್ಸ್ ಯಾರು?
ಇನ್ನು ಐಪಿಎಲ್ ಆಲ್ಟೈಮ್ ಗ್ರೇಟೆಸ್ಟ್ ಟೀಮ್ನ ಫಾಸ್ಟ್ ಬೌಲರ್ಸ್ಗಳ ವಿಚಾರಕ್ಕೆ ಬರೋದಾದ್ರೆ ಜಸ್ಪ್ರಿತ್ ಬುಮ್ರಾ ಮತ್ತು ಲಸಿತ್ ಮಲಿಂಗಾ ಇವರಿಬ್ಬರೂ ಯುನಾನಿಮಸ್ ಆಗಿ ಚೂಸ್ ಮಾಡಲಾಗಿದೆ. ಬುಮ್ರಾ ಈಗಲೂ ಕೂಡ ಮುಂಬೈ ಇಂಡಿಯನ್ಸ್ನಲ್ಲೇ ಇದ್ದಾರೆ. ಲಸಿತ್ ಮಲಿಂಗಾ ಕೂಡ ಈ ಹಿಂದೆ ಮುಂಬೈ ಇಂಡಿಯನ್ಸ್ನಲ್ಲೇ ಆಡಿದ್ರು. ಇನ್ನು ಮತ್ತೊಬ್ಬ ಮೀಡಿಯಮ್ ಪೇಸ್ ಬೌಲರ್ ಹಾರ್ದಿಕ್ ಪಾಂಡ್ಯ ಕೂಡ ಸ್ಕ್ವಾಡ್ನಲ್ಲಿದ್ದಾರೆ. ಹೀಗಾಗಿ ಮುಂಬೈ ಇಂಡಿಯನ್ಸ್ನ ಮೂವರು ಪ್ಲೇಯರ್ಸ್ಗಳು ಐಪಿಎಲ್ ಆಲ್ಟೈಮ್ ಗ್ರೇಟೆಸ್ಟ್ ಟೀಮ್ಗೆ ಸೆಲೆಕ್ಟ್ ಆಗಿದ್ದಾರೆ.
ಗ್ರೇಟೆಸ್ಟ್ ಟೀಂ ಕ್ಯಾಪ್ಟನ್ ಯಾರು?
ವನ್ ಆ್ಯಂಡ್ ಓನ್ಲಿ ಎಂ.ಎಸ್.ಧೋನಿ.. ಚೆನ್ನೈ ಸೂಪರ್ ಕಿಂಗ್ಸ್ನ್ನ ಐದು ಬಾರಿ ಚಾಂಪಿಯನ್ ಆಗಿಸಿದ ಧೋನಿಗೆ ಐಪಿಎಲ್ ಆಲ್ಟೈಮ್ ಗ್ರೇಟೆಸ್ಟ್ ಟೀಮ್ ಕ್ಯಾಪ್ಟನ್ಸಿ ಪಟ್ಟ ಕಟ್ಟಲಾಗಿದೆ. ನಾಯಕತ್ವ ವಿಚಾರದಲ್ಲಿ ಇಬ್ಬರ ಬಗ್ಗೆ ಚರ್ಚೆಯಾಗಿತ್ತು. ರೋಹಿತ್ ಶರ್ಮಾ ಮತ್ತು ಎಂ.ಎಸ್. ಧೋನಿ. ಫೈನಲಿ ಎಲ್ಲಾ ಎಕ್ಸ್ಪರ್ಟ್ಗಳು ಸೇರಿ ಧೋನಿಯನ್ನೇ ಕ್ಯಾಪ್ಟನ್ ಆಗಿ ಚೂಸ್ ಮಾಡಿದ್ರು. ಅಫ್ಕೋಸ್ ಧೋನಿ ಇದಕ್ಕೆ ಡಿಸರ್ವ್ಡ್ ಕೂಡ. ವರ್ಲ್ಡ್ ಕ್ರಿಕೆಟ್ನಲ್ಲೇ ಬೆಸ್ಟ್ ಕ್ಯಾಪ್ಟನ್ ಯಾರು ಅಂತಾ ಬಂದಾಗ ಧೋನಿ ಹೆಸರು ಯಾವಾಗಲೂ ಮುಂಚೂಣಿಯಲ್ಲೇ ಇರುತ್ತೆ. ಅದು ಬೇರೆ 2023ರಲ್ಲಿ, ಕಳೆದ ವರ್ಷವೇ ಧೋನಿ ಐದನೇ ಬಾರಿಗೆ ಚೆನ್ನೈಯನ್ನ ಚಾಂಪಿಯನ್ ಆಗಿಸಿದ್ರು. ಹೀಗಿರುವಾಗ ಐಪಿಎಲ್ ಆಲ್ಟೈಮ್ ಗ್ರೇಟೆಸ್ಟ್ ಟೀಮ್ನ ಕ್ಯಾಪ್ಟನ್ ಆಗಿ ಧೋನಿಯನ್ನೇ ಚೂಸ್ ಮಾಡಿರೋದ್ರಲ್ಲಿ ಯಾವುದೇ ಆಶ್ಚರ್ಯ ಇಲ್ಲ.
