ನೋಡಿರಿ
ಬಿಸಿಲ ಝಳದಿಂದ ತಪ್ಪಿಸಿಕೊಳ್ಳಲು ಮಾಸ್ಟರ್ ಪ್ಲಾನ್ – ಕಾರಿಗೆ ಸಗಣಿ ಲೇಪಿಸಿದ ವೈದ್ಯ!
ಮಧ್ಯಪ್ರದೇಶ: ಬೇಸಿಗೆ ಧಗೆ ಇಡೀ ದೇಶವನ್ನು ತತ್ತರಿಸುವಂತೆ ಮಾಡಿದೆ. ಬಿಸಿಲಿನ ತಾಪದಿಂದಾಗಿ ಮನೆಯಿಂದ ಹೊರಬರಲಾಗದ ಸ್ಥಿತಿ ನಿರ್ಮಾಣವಾಗಿದೆ. ವಾಹನಗಳಲ್ಲಿ ಸಂಚರಿಸುವಾಗ ಜನ ಸೆಖೆಯಿಂದ ತಪ್ಪಿಸಿಕೊಳ್ಳಲು ಎಸಿಗಳ ಮೊರೆ ಹೋಗುತ್ತಿದ್ದಾರೆ. ಆದ್ರೆ ಹೆಚ್ಚು ಹೊತ್ತು ಎಸಿ ಬಳಿ ಕುಳಿತುಕೊಳ್ಳುವುದರಿಂದ ಅನಾರೋಗ್ಯಕ್ಕೆ ತುತ್ತಾಗುವ ಸಾಧ್ಯತೆ ಹೆಚ್ಚಾಗಿರುತ್ತದೆ. ಇಲ್ಲೊಬ್ಬ ವೈದ್ಯರು ಬಿಸಿಲಿನ ತಾಪದಿಂದ ತಪ್ಪಿಸಿಕೊಳ್ಳಲು ಹೊಸ ಉಪಾಯವೊಂದನ್ನು ಮಾಡಿದ್ದಾರೆ.
ಇದನ್ನೂ ಓದಿ: ಮಹಾರಾಷ್ಟ್ರ ಭೂಷಣ್’ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮ – ಬಿಸಿಲಿನ ತಾಪಕ್ಕೆ ಬಲಿಯಾದವರ ಸಂಖ್ಯೆ 13 ಕ್ಕೆ ಏರಿಕೆ
ಮಧ್ಯಪ್ರದೇಶದ ಸಾಗರ್ ಜಿಲ್ಲೆಯ ತಿಲಕಗಂಜ್ ವಾರ್ಡ್‌ನ ನಿವಾಸಿ, ಹೋಮಿಯೋಪತಿ ವೈದ್ಯ ಸುಶೀಲ್ ಸಾಗರ್ ಬಿಸಿಲಿನ ಝಳದಿಂದ ತಪ್ಪಿಸಿಕೊಳ್ಳಲು ಹೊಸ ಪ್ಲಾನ್ ಮಾಡಿದ್ದಾರೆ. ತಮ್ಮ ಕಾರಿಗೆ ಹಸುವಿನ ಸಗಣಿ ಪದರವನ್ನು ಲೇಪಿಸಿಕೊಂಡು ಬಿಸಿಲಿನ ಬೇಗೆಯಿಂದ ಮುಕ್ತಿ ಪಡೆದಿದ್ದಾರೆ. ಹೀಗೆ ಮಾಡುವುದರಿಂದ ಕಾರಿನಲ್ಲಿ ತಂಪು ಉಳಿಯುತ್ತದೆ ಎಂದು ತಿಲಕಗಂಜ್ ಹೇಳಿದ್ದಾರೆ.
ಹಸುವಿನ ಸಗಣಿಯನ್ನು ನೆಲದ ಮೇಲೆ ಹೇಗೆ ಅನ್ವಯಿಸಲಾಗುತ್ತದೆಯೋ ಅದೇ ರೀತಿ ಸಗಣಿಯನ್ನು ತಮ್ಮ ಕಾರಿನ ಮೇಲೆ ಲೇಪಿಸಬೇಕು. ಇದನ್ನು ನೀರಿನಿಂದ ಸಂರಕ್ಷಿಸಿದರೆ ಅದು ಒಮ್ಮೆ ಲೇಪಿತವಾಗಿ ಸುಮಾರು ಎರಡು ತಿಂಗಳವರೆಗೆ ಇರುತ್ತದೆ. ಬೇಸಿಗೆಯಲ್ಲಿ ಎಸಿ ಆನ್ ಮಾಡಿದಾಗ ಕಾರು ತಣ್ಣಗಾಗಲು ಕೆಲವು ನಿಮಿಷಗಳನ್ನು ತೆಗೆದುಕೊಳ್ಳುತ್ತದೆ. ಆದರೆ ಈ ಕಾರಣದಿಂದಾಗಿ ಕಾರು ತಕ್ಷಣವೇ ತಂಪಾಗುತ್ತದೆ. ಎಸಿ ಅಲರ್ಜಿ ಇರುವವರು ಹಸುವಿನ ಸಗಣಿಯನ್ನು ಕಾರಿಗೆ ಹಚ್ಚುವುದರಿಂದ ಕಾರಿನೊಳಗೆ ಸಾಮಾನ್ಯ ತಾಪಮಾನವನ್ನು ಕಾಪಾಡಿಕೊಳ್ಳಲು ಒಂದು ಮಾರ್ಗವಾಗಿದೆ. ಹಸುವಿನ ಸಗಣಿ ಶಾಖ ನಿರೋಧಕವಾಗಿದೆ ಮತ್ತು ಇದು ಕಾರಿನೊಳಗೆ ಶಾಖ ಬರಲು ಅನುಮತಿಸುವುದಿಲ್ಲ. ಕಾರು ಒಳಗಿನಿಂದ ತಂಪಾಗಿರುತ್ತದೆ ಅಂತಾ ಹೇಳಿದ್ದಾರೆ.
ಬೇಸಿಗೆಯಲ್ಲಿ ಸಾಮಾನ್ಯವಾಗಿ ಕಾರಿನ ಮೇಲಿನ ಶೀಟ್ ಶಾಖವನ್ನು ಸೆಳೆಯುತ್ತದೆ ಮತ್ತು ಕಾರಿನೊಳಗೆ ತಾಪಮಾನವನ್ನು ಹೆಚ್ಚಿಸುತ್ತದೆ. ಹಸುವಿನ ಸಗಣಿ ಲೇಪನ ಮಾಡುವುದರಿಂದ ಕಾರಿನ ಒಳಗಿನ ತಾಪಮಾನವು ಹೆಚ್ಚಾಗುವುದಿಲ್ಲ. ಬೇಸಿಗೆಯಲ್ಲಿ ಕಾರಿನೊಳಗೆ ಕುಳಿತಾಗ ಅನುಭವಿಸುವ ಶಾಖವನ್ನು ಇದರಿಂದ ತಪ್ಪಿಸಬಹುದು ಎಂದು ಡಾ. ಸುಶೀಲ್ ಸಾಗರ್ ಹೇಳಿದ್ದಾರೆ.
