ರೋಹಿತ್ & ಕೊಹ್ಲಿ ಔಟ್.. ಕಮಿನ್ಸ್ ಕ್ಯಾಪ್ಟನ್ – ಬುಮ್ರಾ, ಜಡ್ಡು, ಜೈಸ್ವಾಲ್ ಗೆ ಲಾಟರಿ

ಪ್ರತೀ ವರ್ಷದಂತೆ ಈ ವರ್ಷವೂ ಐಸಿಸಿ ಮೆನ್ಸ್ ಟೆಸ್ಟ್ ಟೀಂ ಆಫ್ ದಿ ಇಯರ್ ಮತ್ತು ಓಡಿಐ ಟೀಮ್ ಆಫ್ ದಿ ಇಯರ್ ತಂಡವನ್ನ ಘೋಷಣೆ ಮಾಡಿದೆ. ಎಲ್ಲಾ ರಾಷ್ಟ್ರಗಳ ಆಟಗಾರರು ಆ ವರ್ಷ ನೀಡಿದ ಬೆಸ್ಟ್ ಪರ್ಫಾಮೆನ್ಸ್​ ಅನ್ನು ಪರಿಗಣಿಸಿ ತಂಡವನ್ನ ಅನೌನ್ಸ್ ಮಾಡಿದೆ. ವಿಷ್ಯ ಅಂದ್ರೆ ಟೆಸ್ಟ್ ಟೀಮ್ ಏನೋ ಓಕೆ. ಬಟ್ ಒಡಿಐ ತಂಡದಲ್ಲಿ ಭಾರತದ ಪರ ಯಾರೊಬ್ಬರೂ ಸೆಲೆಕ್ಟ್ ಆಗೇ ಇಲ್ಲ. ಅಂದ್ರೆ ಅತ್ಯುತ್ತಮ ಪ್ರದರ್ಶನವನ್ನ 2024ರಲ್ಲಿ ನೀಡಿಯೇ ಇಲ್ಲ. ಟೆಸ್ಟ್ ತಂಡದಲ್ಲಿ ಭಾರತದ ಮೂವರು ಆಟಗಾರರು ಸ್ಥಾನ ಪಡೆದಿದ್ದಾರೆ. ಟೀಂ ಇಂಡಿಯಾದ ಯುವ ಆರಂಭಿಕ ಆಟಗಾರ ಯಶಸ್ವಿ ಜೈಸ್ವಾಲ್ ಜೊತೆಗೆ ಆಲ್ ರೌಂಡರ್ ರವೀಂದ್ರ ಜಡೇಜಾ ಮತ್ತು ಸ್ಟಾರ್ ವೇಗಿ ಜಸ್ಪ್ರೀತ್ ಬುಮ್ರಾ ಅವರು 2024 ರ ಐಸಿಸಿ ವರ್ಷದ ಟೆಸ್ಟ್ ತಂಡಕ್ಕೆ ಆಯ್ಕೆಯಾಗಿದ್ದಾರೆ.

ಇದನ್ನೂ ಓದಿ : ಅಭಿಷೇಕ್ ಇಂಜುರಿ.. ಶಮಿ ಅನ್ ಫಿಟ್ – 2 ಪಂದ್ಯಕ್ಕೆ ಟೀಂ ಕಂಪ್ಲೀಟ್ ಚೇಂಜ್?

2023ರವರೆಗೆ ವಿರಾಟ್ ಕೊಹ್ಲಿ ಟೆಸ್ಟ್ ಕ್ರಿಕೆಟ್​ನ ಸುಲ್ತಾನ ಆಗಿದ್ರು. ಬಟ್ 2024ರಲ್ಲಿ ಅವ್ರ ಪ್ರದರ್ಶನ ತೀರಾ ಕಳಪೆಯಾಗಿತ್ತು. ಇದೇ ಕಾರಣಕ್ಕೆ ಟೀಂ ಇಂಡಿಯಾ ನಾಯಕ ರೋಹಿತ್ ಶರ್ಮಾ ಹಾಗೂ ಸ್ಟಾರ್ ಆಟಗಾರ ವಿರಾಟ್ ಕೊಹ್ಲಿಗೆ ಈ ತಂಡದಲ್ಲಿ ಅವಕಾಶ ಸಿಕ್ಕಿಲ್ಲ. ಕಳೆದ ವರ್ಷ ಈ ಇಬ್ಬರದ್ದೂ ಟೆಸ್ಟ್​ ಕ್ರಿಕೆಟ್​ನಲ್ಲಿ ಫೂರ್ ಪರ್ಫಾಮೆನ್ಸ್ ಇತ್ತು. 2024ರ ವರ್ಷ ಕೊಹ್ಲಿ 10 ಟೆಸ್ಟ್‌ ಪಂದ್ಯಗಳನ್ನ ಆಡಿದ್ದು 24.52ರ ಸರಾಸರಿಯಲ್ಲಿ 417 ರನ್ ಅಷ್ಟೇ ಗಳಿಸಿದ್ದಾರೆ. ಇನ್ನು ನಾಯಕ ರೋಹಿತ್ 24.76ರ ಸರಾಸರಿಯಲ್ಲಿ 619 ರನ್ ಗಳಿಸಿದ್ದರು. ವಿಶೇಷವೆಂದರೆ ಫ್ಯಾಬ್-4 ಕೊಹ್ಲಿ ಮಾತ್ರವಲ್ಲ, ಸ್ಟೀವ್ ಸ್ಮಿತ್ ಕೂಡ ಈ ಅತ್ಯುತ್ತಮ ತಂಡದಲ್ಲಿ ಸ್ಥಾನ ಪಡೆದಿಲ್ಲ. ಹಾಗಾದ್ರೆ 11 ಆಟಗಾರರ ಪೈಕಿ ಯಾರೆಲ್ಲಾ ಸೆಲೆಕ್ಟ್ ಆಗಿದ್ದಾರೆ.

ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿಯು ಪ್ರಕಟ ಮಾಡಿರುವ 2024ರ ವರ್ಷದ ಟೆಸ್ಟ್ ತಂಡದಲ್ಲು ಭಾರತದ ಮೂವರು ಆಟಗಾರರು ಸ್ಥಾನ ಪಡೆದಿದ್ದಾರೆ. ಯುವ ಆಟಗಾರ ಯಶಸ್ವಿ ಜೈಸ್ವಾಲ್, ಆಲ್ ರೌಂಡರ್ ರವೀಂದ್ರ ಜಡೇಜಾ ಮತ್ತು ಸ್ಟಾರ್ ವೇಗಿ ಜಸ್ಪ್ರೀತ್ ಬುಮ್ರಾ ತಂಡದಲ್ಲಿದ್ದಾರೆ. ಈ ತಂಡದ ನಾಯಕರಾಗಿ ಆಸ್ಟ್ರೇಲಿಯಾದ ನಾಯಕ ಪ್ಯಾಟ್ ಕಮ್ಮಿನ್ಸ್ ಅವರನ್ನು ಆಯ್ಕೆ ಮಾಡಲಾಗಿದೆ. 22ರ ವರ್ಷದ ಯಶಸ್ವಿ ಜೈಸ್ವಾಲ್ ಕಳೆದ ವರ್ಷದ ಟೆಸ್ಟ್ ಕ್ರಿಕೆಟ್​​ನಲ್ಲಿ ಅಸಾಧಾರಣ ಪ್ರದರ್ಶನ ನೀಡಿದ್ರು. 54.74ರ ಸರಾಸರಿಯಲ್ಲಿ 1474 ರನ್ ಗಳಿಸಿ ಭಾರತದ ಪರ ಅಗ್ರ ಸ್ಕೋರರ್ ಹಾಗೂ ಒಟ್ಟಾರೆ 2ನೇ ಗರಿಷ್ಠ ಸ್ಕೋರರ್​ ಎನಿಸಿಕೊಂಡರು. 36 ಸಿಕ್ಸರ್‌ಗಳನ್ನು ಬಾರಿಸುವ ಮೂಲಕ ಒಂದೇ ಕ್ಯಾಲೆಂಡರ್ ವರ್ಷದಲ್ಲಿ ಟೆಸ್ಟ್‌ನಲ್ಲಿ ಅತಿ ಹೆಚ್ಚು ಸಿಕ್ಸರ್‌ಗಳನ್ನು ಬಾರಿಸಿದ ಬ್ಯಾಟ್ಸ್‌ಮನ್ ಎಂಬ ಇತಿಹಾಸ ನಿರ್ಮಿಸಿದರು. ಈ ಕ್ರಮದಲ್ಲಿ ಐಸಿಸಿ ಅತ್ಯುತ್ತಮ ತಂಡದಲ್ಲಿ ಯಶಸ್ವಿ ಜೈಸ್ವಾಲ್ ಅವರನ್ನು ಆರಂಭಿಕರಾಗಿ ಆಯ್ಕೆ ಮಾಡಿದೆ. ಇಂಗ್ಲೆಂಡಿನ ಆರಂಭಿಕ ಆಟಗಾರ ಬೆನ್ ಡಕೆಟ್ ಅವರನ್ನು ಯಶಸ್ವಿ ಜೈಸ್ವಾಲ್​ಗೆ ಜೋಡಿಯಾಗಿ ಐಸಿಸಿ ಆಯ್ಕೆ ಮಾಡಿದೆ. ಬೆನ್ ಡಕೆಟ್ ಕಳೆದ ವರ್ಷ ಟೆಸ್ಟ್ ನಲ್ಲಿ 1149 ರನ್ ಗಳಿಸಿದ್ದರು.

ನ್ಯೂಜಿಲೆಂಡ್‌ನ ಮಾಜಿ ನಾಯಕ ಕೇನ್ ವಿಲಿಯಮ್ಸ್ ಅವರನ್ನು ಒನ್​ ಡೌನ್ ಬ್ಯಾಟ್ಸ್‌ಮನ್ ಆಗಿ ಆಯ್ಕೆಯಾಗಿದ್ದಾರೆ. ಕಳೆದ ವರ್ಷ ಕೇನ್ 9 ಟೆಸ್ಟ್‌ಗಳಲ್ಲಿ 59.58 ಸರಾಸರಿಯಲ್ಲಿ 1013 ರನ್ ಗಳಿಸಿದ್ದರು. ಇಂಗ್ಲೆಂಡ್‌ನ ಮಾಜಿ ನಾಯಕ ಜೋರೂಟ್ ನಾಲ್ಕನೇ ಸ್ಥಾನ ಪಡೆದರು. ಜೋರೂಟ್ 17 ಇನ್ನಿಂಗ್ಸ್‌ಗಳಲ್ಲಿ 1556 ರನ್ ಗಳಿಸಿ 2024ರ ಗರಿಷ್ಠ ಸ್ಕೋರರ್​ ಆಗಿದ್ದಾರೆ. ಇಂಗ್ಲೆಂಡ್ ಬ್ಯಾಟ್ಸ್‌ಮನ್ ಹ್ಯಾರಿ ಬ್ರೂಕ್ ಅವರನ್ನು ಐಸಿಸಿ ಐದನೇ ಸ್ಥಾನಕ್ಕೆ ಆಯ್ಕೆ ಮಾಡಿದೆ. ಬ್ರೂಕ್ 12 ಟೆಸ್ಟ್‌ಗಳಲ್ಲಿ 55 ಸರಾಸರಿಯಲ್ಲಿ 1100 ರನ್ ಗಳಿಸಿದ್ದಾರೆ. ಶ್ರೀಲಂಕಾದ ಬ್ಯಾಟ್ಸ್‌ಮನ್ ಕಮಿಂದು ಮೆಂಡಿಸ್, ವಿಕೆಟ್ ಕೀಪರ್ ಆಗಿ ಇಂಗ್ಲೆಂಡ್ ಆಟಗಾರ ಜೇಮಿ ಸ್ಮಿತ್ ಆರನೇ ಸ್ಥಾನ ಪಡೆದಿದ್ದಾರೆ. ಕಮಿಂದು ಮೆಂಡಿಸ್ 9 ಟೆಸ್ಟ್‌ಗಳಲ್ಲಿ 74.92 ಸರಾಸರಿಯಲ್ಲಿ 1049 ರನ್ ಗಳಿಸಿದರೆ, ಸ್ಮಿತ್ 9 ಪಂದ್ಯಗಳಲ್ಲಿ 637 ರನ್ ಗಳಿಸಿದ್ದಾರೆ. ರವೀಂದ್ರ ಜಡೇಜಾ ಸ್ಪಿನ್ ಆಲ್ ರೌಂಡರ್ ಆಗಿ ಆಯ್ಕೆಯಾದರು. ರವೀಂದ್ರ ಜಡೇಜಾ ಬ್ಯಾಟಿಂಗ್​ನಲ್ಲಿ 29.27 ಸರಾಸರಿಯಲ್ಲಿ 527 ರನ್ ಹಾಗೂ ಬೌಲಿಂಗ್​ನಲ್ಲಿ 48 ವಿಕೆಟ್ ಪಡೆದಿದ್ದಾರೆ. ಆಸ್ಟ್ರೇಲಿಯದ ನಾಯಕ ಪ್ಯಾಟ್ ಕಮ್ಮಿನ್ಸ್ ಅವರನ್ನು ಪೇಸ್ ಆಲ್ ರೌಂಡರ್ ಆಗಿ ಆಯ್ಕೆ ಮಾಡಲಾಗಿದೆ. ಪ್ಯಾಟ್ ಕಮ್ಮಿನ್ಸ್ 2024 ರ ಐಸಿಸಿ ವರ್ಷದ ಟೆಸ್ಟ್ ತಂಡದ ನಾಯಕರಾಗಿ ಆಯ್ಕೆಯಾಗಿದ್ದಾರೆ. ಕಳೆದ ವರ್ಷ ಪ್ಯಾಟ್ ಕಮ್ಮಿನ್ಸ್ 37 ವಿಕೆಟ್ ಪಡೆದಿದ್ದಲ್ಲದೆ, 25.53 ಸರಾಸರಿಯಲ್ಲಿ 306 ರನ್ ಗಳಿಸಿದ್ದರು. ಆಸ್ಟ್ರೇಲಿಯಾದ ಮ್ಯಾಟ್ ಹೆನ್ರಿ ಕೂಡ ಸ್ಥಾನ ಪಡೆದಿದ್ದು, ಕಳೆದ ವರ್ಷ 48 ವಿಕೆಟ್ ಪಡೆದಿದ್ದರು. ಹಾಗೂ ಪ್ಲೇಯಿಂಗ್ 11ನಲ್ಲಿ ಭಾರತದ ಜಸ್ಪ್ರೀತ್ ಬುಮ್ರಾ ಕೂಡ ಇದ್ದಾರೆ. 14.92 ಸರಾಸರಿಯಲ್ಲಿ 71 ವಿಕೆಟ್ ಪಡೆದು ವರ್ಷದ ಗರಿಷ್ಠ ವಿಕೆಟ್ ಪಡೆದ ಬೌಲರ್ ಆಗಿದ್ದರು. ಬುಮ್ರಾ ಬಾರ್ಡರ್ ಗವಾಸ್ಕರ್ ಟ್ರೋಫಿಯೊಂದರಲ್ಲೇ 32 ವಿಕೆಟ್ ಕಬಳಿಸಿ ಮಿಂಚಿದ್ರು.