ನೋಡಿರಿ
ಅಪ್ಘಾನಿಸ್ತಾನ ವಿರುದ್ಧದ ಟಿ20 ಸೀರಿಸ್ಗೆ ಟೀಮ್ ಆಯ್ಕೆ – ಇವರಲ್ಲಿ ಐಪಿಎಲ್ನಲ್ಲಿ ಆಡುತ್ತಿರುವ ಕ್ರಿಕೆಟಿಗರು ಯಾರಿದ್ದಾರೆ?
ಅಪ್ಘಾನಿಸ್ತಾನ ವಿರುದ್ಧದ ಟಿ20 ಸೀರಿಸ್ಗೆ ಈಗಾಗ್ಲೇ ಟೀಂ ಇಂಡಿಯಾದ ಸ್ಕ್ವಾಡ್ ಅನೌನ್ಸ್ ಆಗಿದೆ. ಒಟ್ಟು 15 ಮಂದಿ ಆಟಗಾರರಲ್ಲಿ ರೋಹಿತ್ ಶರ್ಮಾ ಮತ್ತು ವಿರಾಟ್ ಕೊಹ್ಲಿ ಕೂಡ ಕಮ್ಬ್ಯಾಕ್ ಮಾಡಿದ್ದಾರೆ. ಟಿ-20 ವರ್ಲ್ಡ್ಕಪ್ಗೂ ಮುನ್ನ ಟೀಂ ಇಂಡಿಯಾ ಆಡ್ತಿರೋ ಏಕೈಕ ಟಿ20 ಸೀರಿಸ್ ಅಂದ್ರೆ ಅದು ಅಫ್ಘಾನಿಸ್ತಾನದ ವಿರುದ್ಧ ಮಾತ್ರ. ವಿಶ್ವಕಪ್ಗೆ ಫೈನಲ್ ಸ್ಕ್ವಾಡ್ನ್ನ ಬಿಸಿಸಿಐ ಸೆಲೆಕ್ಟ್ ಮಾಡೋದು ಐಪಿಎಲ್ ಟೂರ್ನಿ ವೇಳೆಯೇ. ಐಪಿಎಲ್ನಲ್ಲಿ ಆಟಗಾರರ ಪರ್ಫಾಮೆನ್ಸ್ನ್ನ ನೋಡಿಕೊಂಡು ಬಿಸಿಸಿಐ ವಿಶ್ವಕಪ್ಗೆ ಟೀಮ್ ಸೆಲೆಕ್ಷನ್ ಮಾಡುತ್ತೆ. ಹೀಗಾಗಿ ಈಗ ಆಫ್ಘನ್ ಸೀರಿಸ್ನಲ್ಲಿ ಆಡ್ತಿರೋ ಪ್ಲೇಯರ್ಸ್ಗಳ ಪೈಕಿ ಯಾರೆಲ್ಲಾ ಐಪಿಎಲ್ನಲ್ಲಿ ಯಾವ ಫ್ರಾಂಚೈಸಿ ಪರ ಆಡ್ತಾ ಇದ್ದಾರೆ. ಸದ್ಯ ಟೀಂ ಇಂಡಿಯಾದಲ್ಲಿರುವವರು ಯಾವ ಫ್ರಾಂಚೈಸಿಯನ್ನ ಹೆಚ್ಚಿನ ಸಂಖ್ಯೆಯಲ್ಲಿ ರೆಪ್ರೆಸೆಂಟ್ ಮಾಡ್ತಾ ಇದ್ದಾರೆ ಅನ್ನೋ ಬಗ್ಗೆ ವಿವರಣೆ ಇಲ್ಲಿದೆ.
ಇದನ್ನೂ ಓದಿ: ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ ರಿ ಎಂಟ್ರಿ – ಕೆ.ಎಲ್ ಔಟ್, ಹಾರ್ದಿಕ್ ಕನಸು ಭಗ್ನ..!
ಜೂನ್ನಲ್ಲಿ ನಡೆಯೋ ಟಿ-20 ವರ್ಲ್ಡ್ಕಪ್ಗಾಗಿ ಬಿಸಿಸಿಐ ಒಟ್ಟು 30 ಮಂದಿ ಆಟಗಾರರ ಲಿಸ್ಟ್ ರೆಡಿಮಾಡಿಕೊಂಡಿದೆ. ಈ 30 ಮಂದಿ ಪ್ಲೇಯರ್ಸ್ಗಳ ಐಪಿಎಲ್ ಪರ್ಫಾಮೆನ್ಸ್ ಮೇಲೆ ಸೆಲೆಕ್ಷನ್ ಕಮಿಟಿ ನಿಗಾ ವಹಿಸುತ್ತೆ. ಆದ್ರೆ ಈ ಆ 30 ಮಂದಿ ಆಟಗಾರರು ಯಾರೆಲ್ಲಾ ಅನ್ನೋದನ್ನ ಇದುವರೆಗೂ ಬಿಸಿಸಿಐ ರಿವೀಲ್ ಮಾಡಿಲ್ಲ. ಆದ್ರೆ ನಾವಿಲ್ಲಿ ಒಂದು ವಿಚಾರವನ್ನ ಮಾತ್ರ ಅರ್ಥ ಮಾಡಿಕೊಳ್ಳಬಹುದು. ಈಗ ಅಫ್ಘಾನಿಸ್ತಾನ ವಿರುದ್ಧದ ಸೀರಿಸ್ಗೆ ಟೀಂ ಇಂಡಿಯಾ ಸ್ಕ್ವಾಡ್ಗೆ ಸೆಲೆಕ್ಟ್ ಆಗಿರೋ 15 ಮಂದಿ ಪ್ಲೇಯರ್ಸ್ಗಳು ಬಿಸಿಸಿಐ ಲಿಸ್ಟ್ನಲ್ಲಿರೋದು ಗ್ಯಾರಂಟಿ. ಇದ್ರ ಜೊತೆಗೆ ಇನ್ನೊಂದಷ್ಟು ಮೇನ್ ಪ್ಲೇಯರ್ಸ್ಗಳು ಈ ಸೀರಿಸ್ಗೆ ಸೆಲೆಕ್ಟ್ ಆಗಿಲ್ಲ. ಅವರೆಲ್ಲರೂ ಐಪಿಎಲ್ನಲ್ಲಿ ಆಡಲಿದ್ದಾರೆ. ಹೀಗಾಗಿ ಟೀಂ ಇಂಡಿಯಾದ ಈ ಎಲ್ಲಾ ಆಟಗಾರರು ಐಪಿಎಲ್ನಲ್ಲಿ ಯಾವ ರೀತಿ ಆಡ್ತಾರೆ ಅನ್ನೋದು ತುಂಬಾ ಮುಖ್ಯವಾಗುತ್ತದೆ. ಈಗ ಅಫ್ಘಾನಿಸ್ತಾನ ಸೀರಿಸ್ಗೆ ಸೆಲೆಕ್ಟ್ ಆಗಿರೋ ಆಟಗಾರರ ಪೈಕಿ ಐಪಿಎಲ್ನಲ್ಲಿ ಯಾರೆಲ್ಲಾ ಯಾವ ಫ್ರಾಂಚೈಸಿಯಲ್ಲಿ ಆಡ್ತಾ ಇದ್ದಾರೆ ಅನ್ನೋದನ್ನ ನೋಡ್ತಾ ಹೋಗೋಣ. ನಿಮಗೆ ಗೊತ್ತಿರೋ ಹಾಗೆ ಐಪಿಎಲ್ನಲ್ಲಿ ಒಟ್ಟು 10 ಟೀಮ್ಗಳಿವೆ. ಈ 10 ಫ್ರಾಂಚೈಸಿಗಳಲ್ಲಿ ಆಡೋ ಪ್ಲೇಯರ್ಸ್ಗಳು ಈಗ ಅಫ್ಘಾನಿಸ್ತಾನ ವಿರುದ್ಧದ ಟಿ-20 ಸ್ಕ್ವಾಡ್ಗೆ ಸೆಲೆಕ್ಟ್ ಆಗಿದ್ದಾರೆ.
ನಂ.1- ಚೆನ್ನೈ ಸೂಪರ್ ಕಿಂಗ್ಸ್
ಚೆನ್ನೈ ಸೂಪರ್ ಕಿಂಗ್ಸ್ ಪರ ಆಡ್ತಿರೋ ಆಲ್ರೌಂಡರ್ ಶಿವಮ್ ದುಬೆ ಅಫ್ಘಾನಿಸ್ತಾನ ವಿರುದ್ಧದ ಟಿ20 ಸೀರಿಸ್ಗೆ ಸೆಲೆಕ್ಟ್ ಆಗಿದ್ದಾರೆ. ಒಂದು ವೇಳೆ ದುಬೆಗೆ ಆಡೋಕೆ ಚಾನ್ಸ್ ಸಿಕ್ಕಿ, ಉತ್ತಮವಾಗಿ ಪರ್ಫಾಮ್ ಮಾಡಿದ್ರೆ, ನೆಕ್ಸ್ಟ್ ಐಪಿಎಲ್ನಲ್ಲೂ ಕ್ಲಿಕ್ ಆದ್ರೆ ಶಿವಮ್ ದುಬೆ ವರ್ಲ್ಡ್ಕಪ್ ಸ್ಕ್ವಾಡ್ಗೆ ರೇಸ್ನಲ್ಲಿರ್ತಾರೆ. ಇನ್ನು ಸಿಎಸ್ಕೆ ಪರ ಆಡ್ತಿರೋ ರವೀಂದ್ರ ಜಡೇಜ ಮತ್ತು ರುತುರಾಜ್ ಗಾಯಕ್ವಾಡ್ ಇವರಿಬ್ಬರೂ ಅಫ್ಘಾನಿಸ್ತಾನ ವಿರುದ್ಧ ಆಡ್ತಿಲ್ಲವಾದ್ರೂ ಈ ಪೈಕಿ ರವೀಂದ್ರ ಜಡೇಜ ಅಂತೂ ವಿಶ್ವಕಪ್ ಸ್ಕ್ವಾಡ್ಗೆ ಸೆಲೆಕ್ಟ್ ಆಗೋದು ಗ್ಯಾರಂಟಿ. ಐಪಿಎಲ್ನಲ್ಲಿ ಬೆಸ್ಟ್ ಪರ್ಫಾಮೆನ್ಸ್ ಕೊಟ್ರೆ ರುತುರಾಜ್ ಗಾಯಕ್ವಾಡ್ಗೂ ಚಾನ್ಸ್ ಇದೆ. ಟೋಟಲ್ ಸಿಎಸ್ಕೆಯ ಮೂವರು ಪ್ಲೇಯರ್ಸ್ಗಳು ವರ್ಲ್ಡ್ಕಪ್ ಸ್ಕ್ವಾಡ್ ರೇಸ್ನಲ್ಲಿದ್ದಾರೆ.
ನಂ.2-ಮುಂಬೈ ಇಂಡಿಯನ್ಸ್
ಮುಂಬೈ ಇಂಡಿಯನ್ಸ್ ಫ್ರಾಂಚೈಸಿಯಲ್ಲಿ ಆಡ್ತಿರೋ ಇಬ್ಬರು ಪ್ಲೇಯರ್ಸ್ ಅಪ್ಘಾನಿಸ್ತಾನ ಸೀರಿಸ್ಗೆ ಸೆಲೆಕ್ಟ್ ಆಗಿದ್ದಾರೆ. ರೋಹಿತ್ ಶರ್ಮಾ ಮತ್ತು ತಿಲಕ್ ವರ್ಮಾ. ಇವರಿಬ್ಬರಿಗೂ ಆಫ್ಘನ್ ಸೀರಿಸ್ ಜೊತೆಗೆ ಈ ಬಾರಿಯ ಐಪಿಎಲ್ ಟೂರ್ನಿ ಕೂಡ ಇಂಪಾರ್ಟೆಂಟ್ ಆಗುತ್ತೆ. ಐಪಿಎಲ್ನಲ್ಲಿ ರನ್ ಗಳಿಸಿದ್ರೆ ಮಾತ್ರ ರೋಹಿತ್ ಕೂಡ ವರ್ಲ್ಡ್ಕಪ್ಗೆ ಸೆಲೆಕ್ಟ್ ಆಗಬಹುದಷ್ಟೇ. ಸದ್ಯ ಬಿಸಿಸಿಐ ರೋಹಿತ್ರನ್ನೇ ವರ್ಲ್ಡ್ಕಪ್ಗೆ ಕ್ಯಾಪ್ಟನ್ ಮಾಡಬೇಕು ಅನ್ನೋ ಪ್ಲ್ಯಾನ್ನಲ್ಲಿದೆ. ಆದ್ರೂ ಐಪಿಎಲ್ನಲ್ಲಿ ಯಾವ ರೀತಿ ಪರ್ಫಾಮ್ ಮಾಡ್ತಾರೆ ಅನ್ನೋದು ರೋಹಿತ್ ಶರ್ಮಾಗೂ ಅಪ್ಲೈ ಆಗುತ್ತೆ. ಇನ್ನು ಐಪಿಎಲ್ನಲ್ಲಿ ಈ ಬಾರಿ ಹಾರ್ದಿಕ್ ಪಾಂಡ್ಯಾ ಮುಂಬೈ ಇಂಡಿಯನ್ಸ್ ಕ್ಯಾಪ್ಟನ್ ಆಗಿದ್ದಾರೆ. ಪಾಂಡ್ಯಾ ಕೂಡ ಅಷ್ಟೇ ಪರ್ಫಾಮ್ ಮಾಡಿದ್ರಷ್ಟೇ ವರ್ಲ್ಡ್ಕಪ್ನಲ್ಲಿ ಸೆಲೆಕ್ಟ್ ಆಗಬಹುದು. ಹಾಗೆಯೇ ಸೂರ್ಯ ಕುಮಾರ್ ಯಾದವ್, ಇಶಾನ್ ಕಿಶನ್ ಮತ್ತು ಜಸ್ಪ್ರಿತ್ ಬುಮ್ರಾ ಮೂವರೂ ಮುಂಬೈ ಇಂಡಿಯನ್ಸ್ ಆಟಗಾರರು. ಈ ಪೈಕಿ ಬುಮ್ರಾ ವರ್ಲ್ಡ್ಕಪ್ಗೆ ಸೆಲೆಕ್ಟ್ ಆಗೋದಂತೂ ಗ್ಯಾರಂಟಿ. ಟೋಟಲ್ ಮುಂಬೈ ಇಂಡಿಯನ್ಸ್ನ 5 ಮಂದಿ ಪ್ಲೇಯರ್ಸ್ ವರ್ಲ್ಡ್ಕಪ್ ಸ್ಕ್ವಾಡ್ ರೇಸ್ನಲ್ಲಿದ್ದಾರೆ.
ನಂ.3-ರಾಯಲ್ ಚಾಲೆಂಜರ್ಸ್ ಬೆಂಗಳೂರು
ಆರ್ಸಿಬಿ ಪರ ಆಡ್ತಿರೋ ಏಕೈಕ ಆಟಗಾರ ಈಗ ಅಪ್ಘಾನಿಸ್ತಾನ ವಿರುದ್ಧ ಟಿ-20 ಸ್ಕ್ವಾಡ್ಗೆ ಸೆಲೆಕ್ಟ್ ಆಗಿದ್ದಾರೆ. ಅದು ವಿರಾಟ್ ಕೊಹ್ಲಿ. ಆರ್ಸಿಬಿಯ ಇನ್ಯಾವುದೇ ಭಾರತೀಯ ಆಟಗಾರ ಅಫ್ಘಾನ್ ಸೀರಿಸ್ನಲ್ಲಿ ಆಡ್ತಾ ಇಲ್ಲ. ಮೋಸ್ಟ್ಲಿ ವರ್ಲ್ಡ್ಕಪ್ ಟೀಂಗೂ ವಿರಾಟ್ ಕೊಹ್ಲಿಯನ್ನ ಬಿಟ್ರೆ ಬ್ಯಾಟ್ಸ್ಮನ್ಗಳ ಪೈಕಿ ಇನ್ಯಾವುದೇ ಆರ್ಸಿಬಿ ಪ್ಲೇಯರ್ ಟೀಂ ಇಂಡಿಯಾದ ಸ್ಕ್ವಾಡ್ಗೆ ಸೆಲೆಕ್ಟ್ ಆಗೋದು ಡೌಟ್ ಅನ್ಸುತ್ತೆ. ಬಟ್ ಬೌಲಿಂಗ್ನಲ್ಲಿ ಮೊಹಮ್ಮದ್ ಸಿರಾಜ್ರನ್ನ ವರ್ಲ್ಡ್ಕಪ್ಗೆ ಪಿಕ್ ಮಾಡಬಹುದು.
ನಂ.4-ಕೊಲ್ಕತ್ತಾ ನೈಟ್ ರೈಡರ್ಸ್
ಕೆಕೆಆರ್ನಿಂದಲೂ ಅಷ್ಟೇ ದಿ ಫಿನಿಷರ್ ರಿಂಕು ಸಿಂಗ್ ಬಿಟ್ರೆ ಈ ಫ್ರಾಂಚೈಸಿಯ ಇನ್ಯಾವುದೇ ಪ್ಲೇಯರ್ ಅಫ್ಘಾನಿಸ್ತಾನ ವಿರುದ್ಧದ ಸೀರಿಸ್ಗೆ ಸೆಲೆಕ್ಟ್ ಆಗಿಲ್ಲ. ವರ್ಲ್ಡ್ಕಪ್ ಸ್ಕ್ವಾಡ್ಗೂ ಅಷ್ಟೇ ಕೆಕೆಆರ್ ಕಡೆಯಿಂದ ರಿಂಕು ಸಿಂಗ್ ಮಾತ್ರ ಸೆಲೆಕ್ಟ್ ಆಗಬಹುದು ಅನ್ಸುತ್ತೆ. ಶ್ರೇಯಸ್ ಅಯ್ಯರ್ ಕೂಡ ಕೆಕೆಆರ್ ಪರವೇ ಆಡ್ತಿರೋದು. ಆದ್ರೆ ಶ್ರೇಯಸ್ ಅಯ್ಯರ್ ಟಿ-20 ವರ್ಲ್ಡ್ಕಪ್ಗೆ ಸೆಲೆಕ್ಟ್ ಆಗೋದು ಯಾಕೋ ಡೌಟ್ ಅನ್ಸುತ್ತೆ. ಬಟ್ ಐಪಿಎಲ್ ಟಾಪ್ ಕ್ಲಾಸ್ ಬ್ಯಾಟಿಂಗ್ ಮಾಡಿದ್ರೆ ಅವರನ್ನೂ ಪಿಕ್ ಮಾಡಬಹುದೋ ಏನೊ.
ನಂ.5-ಗುಜರಾತ್ ಟೈಟಾನ್ಸ್
ಇನ್ನು ಗುಜರಾತ್ ಟೈಟಾನ್ಸ್ನಲ್ಲಿ ಆಡ್ತಿರೋ ಶುಬ್ಮನ್ ಗಿಲ್ ಮಾತ್ರ ಅಪ್ಘಾನಿಸ್ತಾನ ಸೀರಿಸ್ಗೆ ಸೆಲೆಕ್ಟ್ ಆಗಿದ್ದಾರೆ. ಟಿ-20 ವರ್ಲ್ಡ್ಕಪ್ನಲ್ಲಿ ಆಡಬೇಕು ಅನ್ನೋದಾದ್ರೆ ಗಿಲ್ ಅಫ್ಘಾನ್ ವಿರುದ್ಧ ಮತ್ತು ಐಪಿಎಲ್ನಲ್ಲಿ ಬೆಸ್ಟ್ ಪರ್ಫಾಮೆನ್ಸ್ ನೀಡ್ಲೇಬೇಕು. ಇನ್ನು ಮೊಹಮ್ಮದ್ ಶಮಿ ಕೂಡ ಗುಜರಾತ್ ಟೈಟಾನ್ಸ್ ಪರವೇ ಆಡ್ತಿರೋದು. ಶಮಿ ಕೂಡ ವರ್ಲ್ಡ್ಕಪ್ಗೆ ಸೆಲೆಕ್ಟ್ ಆಗೋ ಚಾನ್ಸ್ ಹೈಯೆಸ್ಟಿದೆ.
ನಂ.6-ಲಕ್ನೋ ಸೂಪರ್ ಜಯಾಂಟ್ಸ್
ಎಲ್ಎಸ್ಜಿನಲ್ಲಿ ಆಡ್ತಾ ಇರೋ ಏಕೈಕ ಪ್ಲೇಯರ್ ಈಗ ಅಫ್ಘಾನಿಸ್ತಾನ ವಿರುದ್ಧ ಆಡ್ತಾ ಇದ್ದಾರೆ. ಸ್ಪಿನ್ನರ್ ರವಿ ಬಿಷ್ಣೋಯಿ. ಆದ್ರೆ ಲಕ್ನೋ ಸೂಪರ್ ಜಯಾಂಟ್ಸ್ ಕೆಎಲ್ ರಾಹುಲ್ರನ್ನ ಟಿ20 ಟೀಮ್ನಿಂದ ಡ್ರಾಪ್ ಮಾಡಲಾಗಿದೆ. ಅದ್ಯಾಕೋ ಕೆಎಲ್ ರಾಹುಲ್ ಮುಂದಿನ ವರ್ಲ್ಡ್ಕಪ್ ಟೀಮ್ಗೂ ಸೆಲೆಕ್ಟ್ ಆಗೋದು ಡೌಟ್ ಅನ್ಸುತ್ತೆ. ಐಪಿಎಲ್ನಲ್ಲಿ ಆ ಲೆವೆಲ್ಗೆ ಪರ್ಫಾಮೆನ್ಸ್ ಕೊಟ್ರೆ ಸೆಲೆಕ್ಟ್ ಆಗಬಹುದಷ್ಟೇ. ಇಲ್ಲವಾದಕ್ಕೆ ಕೆಎಲ್ ವರ್ಲ್ಡ್ಕಪ್ ಟೀಮ್ನಿಂದಲೂ ಡ್ರಾಪ್ ಆಗೋದು ಪಕ್ಕಾ.
ನಂ.7-ಸನ್ ರೈಸರ್ಸ್ ಹೈದರಾಬಾದ್
ಇನ್ ಎಸ್ಆರ್ಎಚ್ನಲ್ಲಿ ಆಡ್ತಾ ಇರೋ ಪ್ಲೇಯರ್ಸ್ಗಳ ಪೈಕಿ ಅಲ್ರೌಂಡರ್ ವಾಷಿಂಗ್ಟನ್ ಸುಂದರ್ ಮಾತ್ರ ಅಫ್ಘಾನಿಸ್ತಾನ ವಿರುದ್ಧದ ಟೀಂ ಇಂಡಿಯಾ ಸ್ಕ್ವಾಡ್ನಲ್ಲಿದ್ದಾರೆ. ಟಿ-20 ವರ್ಲ್ಡ್ಕಪ್ ವಾಷಿಂಗ್ಟನ್ ಸೆಲೆಕ್ಷನ್ ಬಗ್ಗೆ ಹೇಳೋದು ತುಂಬಾನೆ ಕಷ್ಟ. ಸದ್ಯದ ಸ್ವಿಚ್ಯುವೇಶನ್ನಲ್ಲಿ ಅವರನ್ನ ಪಿಕ್ ಮಾಡೋದು ಡೌಟೇ.
ನಂ.8- ಕಿಂಗ್ಸ್ 11 ಪಂಜಾಬ್
ಐಪಿಎಲ್ನಲ್ಲಿ ಪಂಜಾಬ್ ಕಿಂಗ್ಸ್ನಲ್ಲಿ ಆಡೋ ವಿಕೆಟ್ ಕೀಪರ್ ಬ್ಯಾಟ್ಸ್ಮನ್ ಜಿತೇಶ್ ಶರ್ಮಾ ಮತ್ತು ಪೇಸ್ ಬೌಲರ್ ಅರ್ಶ್ದೀಪ್ ಸಿಂಗ್ ಅಫ್ಘಾನಿಸ್ತಾನ ವಿರುದ್ಧ ಸೀರಿಸ್ಗೆ ಸೆಲೆಕ್ಟ್ ಆಗಿದ್ದಾರೆ. ಪಂಜಾಬ್ ಟೀಮ್ನಲ್ಲಿರುವವರ ಪೈಕಿ ಇವರಿಬ್ಬರೇ ಸೆಲೆಕ್ಟ್ ಆಗಿರೋದು. ಈ ಪೈಕಿ ಅರ್ಶ್ದೀಪ್ ಸಿಂಗ್ರನ್ನ ಟಿ20 ವರ್ಲ್ಡ್ಕಪ್ ಸ್ಕ್ವಾಡ್ಗೆ ಸೆಲೆಕ್ಟ್ ಮಾಡುವ ಚಾನ್ಸ್ ಹೆಚ್ಚಿದೆ. ಬಟ್..ನೆನಪಿರಲಿ.. ಇನ್ಸ್ ಅಗೈನ್ ಐಪಿಎಲ್ ಪರ್ಫಾಮೆನ್ಸ್ ಮ್ಯಾಟರ್ಸ್.
ನಂ.9-ದೆಹಲಿ ಕ್ಯಾಪಿಟಲ್ಸ್
ದೆಹಲಿ ಕ್ಯಾಪಿಟಲ್ಸ್ ಪರ ಆಡೋ ಮೂವರು ಪ್ಲೇಯರ್ಸ್ ಅಫ್ಘಾನಿಸ್ತಾನ ವಿರುದ್ಧದ ಸೀರಿಸ್ಗೆ ಸೆಲೆಕ್ಟ್ ಆಗಿದ್ದಾರೆ. ಅಕ್ಸರ್ ಪಟೇಲ್, ಕುಲ್ದೀಪ್ ಯಾದವ್ ಮತ್ತು ಪೇಸ್ ಬೌಲರ್ ಮುಕೇಶ್ ಕುಮಾರ್. ಈ ಮೂವರಿಗೂ ವರ್ಲ್ಡ್ಕಪ್ ಟೀಮ್ನಲ್ಲಿ ಚಾನ್ಸ್ ಇದೆ. ಐಪಿಎಲ್ನಲ್ಲಿ ಟಾಪ್ ಕ್ಲಾಸ್ ಪರ್ಫಾಮೆನ್ಸ್ ಕೊಟ್ರೆ ಮಾತ್ರ. ಬಟ್ ಈ ಮೂವರಿಗೂ ಹೈಯೆಸ್ಟ್ ಚಾನ್ಸ್ ಇದೆ. ಎಸ್ಪೆಷಲಿ, ಕುಲ್ದೀಪ್ ಯಾದವ್ ಮತ್ತು ಮುಕೇಶ್ ಕುಮಾರ್ಗೆ.
ನಂ.10-ರಾಜಸ್ಥಾನ ರಾಯಲ್ಸ್
ಆರ್ಆರ್ಆರ್..ರಾಜಸ್ಥಾನ ರಾಯಲ್ಸ್ ಪರ ಆಡೋ ಮೂವರು ಪ್ಲೇಯರ್ಸ್ಗಳು ಅಫ್ಘಾನಿಸ್ತಾನ ವಿರುದ್ಧದ ಸ್ಕ್ವಾಡ್ಗೆ ಸೆಲೆಕ್ಟ್ ಆಗಿದ್ದಾರೆ. ಕ್ಯಾಪ್ಟನ್ ಸಂಜು ಸ್ಯಾಮ್ಸನ್, ಮೀಡಿಯಮ್ ಪೇಸ್ ಬೌಲರ್ ಆವೇಶ್ ಖಾನ್ ಮತ್ತು ಓಪನಿಂಗ್ ಬ್ಯಾಟ್ಸ್ಮನ್ ಯಶಸ್ವಿ ಜೈಸ್ವಾಲ್. ಈ ಮೂವರಿಗೂ ಅಷ್ಟೇ, ವರ್ಲ್ಡ್ಕಪ್ ಟೀಂಗೆ ಸೆಲೆಕ್ಟ್ ಆಗೋ ಚಾನ್ಸ್ ಹೈಯೆಸ್ಟಿದೆ. ಬ್ರಾಕೆಟ್ನಲ್ಲಿ ಐಪಿಎಲ್ನಲ್ಲಿ ನಿರೀಕ್ಷೆಗೆ ತಕ್ಕಂತೆ ಪರ್ಫಾಮ್ ಮಾಡಿದ್ರೆ ಮಾತ್ರ.
