ನೋಡಿರಿ
ವಿಶ್ವಕಪ್‌ನಲ್ಲಿ ಟೀಮ್ ಇಂಡಿಯಾ ವಿರುದ್ಧ ಲಂಕಾ ಕದನ – ಏಳನೇ ಗೆಲುವನ್ನು ಸಂಭ್ರಮಿಸಿಲು ರೋಹಿತ್ ಶರ್ಮಾ ಟೀಮ್ ಕಾತರ
2011ರ ವರ್ಲ್ಡ್ಕಪ್ ಫೈನಲ್ ಈಗ ನೆನಪಾಗಲೇಬೇಕು.. ಮುಂಬೈನ ವಾಂಖೆಡೆ ಸ್ಟೇಡಿಯಂ.. ಶ್ರೀಲಂಕಾ ವಿರುದ್ಧ ಫೈನಲ್.. ಮಿಡ್ಲ್ ಆರ್ಡರ್ನಲ್ಲಿ ಗೌತಮ್ ಗಂಭೀರ್ ಬ್ಯಾಟಿಂಗ್.. ಕ್ಯಾಪ್ಟನ್ ಕೂಲ್ ಧೋನಿ ಸಿಕ್ಸ್.. ಧೋನಿ ಫಿನಿಶ್ಡ್ ಇಟ್ ಆಫ್ ಇನ್ ಸ್ಟ್ಯೆಲ್ ಅನ್ನೋ ರವಿಶಾಸ್ತ್ರಿಯ ಕಾಮೆಂಟ್ರಿ.. ಕೋಟಿ ಕೋಟಿ ಭಾರತೀಯರ ಸಂಭ್ರಮ.. ಅದನ್ನ ಯಾರಿಗೂ ಮರೆಯೋಕೆ ಸಾಧ್ಯವಿಲ್ಲ. ಆ ಮ್ಯಾಚ್ ಈಗ ಮತ್ತೆ ನೆನಪಾಗ್ತಿದೆ ಯಾಕಂದ್ರೆ, ಟೀಂ ಇಂಡಿಯಾ ಇತಿಹಾಸ ನಿರ್ಮಿಸಿದ ಅದೇ ವಾಂಖೆಡೆ ಸ್ಟೇಡಿಯಂನಲ್ಲಿ ಮತ್ತೊಮ್ಮೆ ಶ್ರೀಲಂಕಾವನ್ನ ಎದುರಿಸುತ್ತಿದೆ.
ಇದನ್ನೂ ಓದಿ: ವಾಂಖೆಡೆ ಸ್ಟೇಡಿಯಂನಲ್ಲಿ ಲಂಕಾ – ಭಾರತ ಮುಖಾಮುಖಿ – ವಾಖೆಂಡೆ ಪಿಚ್ ಯಾರಿಗೆ ಫೇವರ್ ಆಗಿದೆ?
ಟೀಂ ಇಂಡಿಯಾ ಈಗಾಗಲೇ ಸೆಮಿಫೈನಲ್ ಎಂಟ್ರಿಯಾಗಿ ಆಗಿದೆ. ಅತ್ತ ಶ್ರೀಲಂಕಾ ಮನೆಗೆ ಹೋಗೋದು ಕೂಡ ಖಚಿತವಾಗಿದೆ. ಹೇಳಿಕೊಳ್ಳುವಂತಾ ಹೈವೋಲ್ಟೇಜ್ ಮ್ಯಾಚ್ ಅಂತೂ ಅಲ್ವೇ ಅಲ್ಲ. ಆದ್ರೂ ವರ್ಲ್ಡ್ಕಪ್ನಲ್ಲಿ ಎಲ್ಲಾ ಪಂದ್ಯಗಳು ಕೂಡ ಇಂಪಾರ್ಟೆಂಟ್. ಅದರಲ್ಲೂ ವಾಂಖೆಡೆ ಸ್ಟೇಡಿಯಂ ಟೀಂ ಇಂಡಿಯಾ ಕ್ಯಾಪ್ಟನ್ ರೋಹಿತ್ ಶರ್ಮಾರ ಹೋಮ್ ಗ್ರೌಂಡ್. ರೋಹಿತ್ ಶರ್ಮಾ ಕ್ರಿಕೆಟ್ ಕೆರಿಯರ್ ಆರಂಭವಾಗಿದ್ದೇ ಈ ಗ್ರೌಂಡ್ನಿಂದ. ಇದೇ ಗ್ರೌಂಡ್ನಲ್ಲಿ ನಿತ್ಯವೂ ಪ್ರಾಕ್ಟೀಸ್ ಮಾಡುತ್ತಿದ್ದರು. ಹೀಗಾಗಿ ಈ ಗ್ರೌಂಡ್ ಕಂಡೀಷನ್ ಬಗ್ಗೆ ರೋಹಿತ್ಗಿಂತ ಚೆನ್ನಾಗಿ ಬಲ್ಲವರು ಇನ್ಯಾರೂ ಇಲ್ಲ. ವರ್ಲ್ಡ್ಕಪ್ನಲ್ಲಿ ಹೋಮ್ ಗ್ರೌಂಡ್ನಲ್ಲಿ ಹೋಮ್ ಕ್ರೌಡ್ ಮುಂದೆ ರೋಹಿತ್ ಶತಕಕ್ಕಾಗಿ ಎಲ್ಲರೂ ಕಾಯುತ್ತಿದ್ದಾರೆ.
ಇನ್ನು ರೋಹಿತ್ ಜೊತೆಗೆ ವಿರಾಟ್ ಕೊಹ್ಲಿ ಕೂಡ ಸೆಂಚೂರಿ ಬಾರಿಸಿದ್ರೆ ಡಬ್ಬಲ್ ಸೆಲೆಬ್ರೇಷನ್ ಆಗುತ್ತೆ. ಶ್ರೀಲಂಕಾ ವಿರುದ್ಧದ ಮ್ಯಾಚ್ ನೊಡೋಕೆ ಸಚಿನ್ ತೆಂಡೂಲ್ಕರ್ ಗ್ರೌಂಡ್ಗೆ ಬಂದೇ ಬರ್ತಾರೆ. ಸಚಿನ್ ಸಮ್ಮುಖದಲ್ಲಿ ವಿರಾಟ್ 49ನೇ ಶತಕ ಬಾರಿಸಿದ್ರೆ ಅದಕ್ಕಿರುವ ತೂಕವೇ ಬೇರೆ. ವಂಡೇ ಕ್ರಿಕೆಟ್ನಲ್ಲಿ ಸಚಿನ್ 49 ಶತಕ ಬಾರಿಸಿದ್ದು, ಸಚಿನ್ ಸೆಂಚೂರಿಗೆ ಸರಿಸಮಾನವಾಗೋಕೆ ಕೊಹ್ಲಿಗೆ ಈಗ ಮತ್ತೊಂದು ಗೋಲ್ಡನ್ ಅಪಾರ್ಚ್ಯುನಿಟಿ ಇದೆ.
ಶ್ರೀಲಂಕಾ ವಿರುದ್ಧದ ಮ್ಯಾಚ್ನಲ್ಲೂ ಆಲ್ರೌಂಡರ್ ಹಾರ್ದಿಕ್ ಪಾಂಡ್ಯ ಆಡೋದಿಲ್ಲ. ಕೇವಲ ಶ್ರೀಲಂಕಾ ಮಾತ್ರವಲ್ಲ ದಕ್ಷಿಣ ವಿರುದ್ಧದ ಮ್ಯಾಚ್ನಲ್ಲೂ ಆಡಲ್ಲ ಅನ್ನೋ ಮಾಹಿತಿ ಸಿಕ್ಕಿದೆ. ಪಾಂಡ್ಯ ಇನ್ನೂ ಕೂಡ ಕಂಪ್ಲೀಟ್ ಆಗಿ ರಿಕವರಿ ಆಗಿಲ್ಲ. ಇಂಜ್ಯೂರಿಗೆ ಒಳಗಾಗಿ ಕಳೆದ ಎರಡು ಮ್ಯಾಚ್ಗಳನ್ನ ಮಿಸ್ ಮಾಡಿಕೊಂಡಿದ್ದ ಪಾಂಡ್ಯ ಗ್ರೂಪ್ ಸ್ಟೇಜ್ನ ಉಳಿದ ಎಲ್ಲಾ ಪಂದ್ಯಗಳನ್ನ ಕೂಡ ಆಡೋದು ಅನುಮಾನವೇ. ಹೀಗಾಗಿ ಶ್ರೇಯಸ್ ಅಯ್ಯರ್ಗೆ ಮತ್ತೊಮ್ಮೆ ತಂಡದಲ್ಲಿ ಚಾನ್ಸ್ ಸಿಗುವ ಸಾಧ್ಯತೆ ಇದೆ. ಯಾಕಂದ್ರೆ ನೆಟ್ ಪ್ರಾಕ್ಟೀಸ್ ವೇಳೆ ಎರಡು ದಿನಗಳ ಕಾಲ ಶ್ರೇಯಸ್ ಅಯ್ಯರ್ ಬರೀ ಶಾಟ್ ಬಾಲ್ಗಳನ್ನೇ ಫೇಸ್ ಮಾಡಿದ್ದಾರೆ. ಶಾಟ್ ಬಾಲ್ಗೆ ಆಡೋಕೆ ಶ್ರೇಯಸ್ ಪರದಾಡ್ತಿದ್ದು, ಮೇಲಿಂದ ಮೇಲೆ ಶಾಟ್ ಬಾಲ್ಗೆ ಹೊಡಿಯೋಕೆ ಹೋಗಿ ಕ್ಯಾಚ್ ಕೊಡ್ತಿದ್ದಾರೆ. ಹೀಗಾಗಿ ಟೀಂ ಇಂಡಿಯಾದ ಬ್ಯಾಟಿಂಗ್ ಕೋಚ್ ನೆಟ್ಸ್ನಲ್ಲಿ ಶ್ರೇಯಸ್ ಅಯ್ಯರ್ಗೆ ಗಂಟೆಗಟ್ಟಲೆ ಶಾಟ್ ಬಾಲ್ಗೆ ಆಡೋಕೆ ಟ್ರೈನಿಂಗ್ ನೀಡಿದ್ದಾರೆ. ಹೀಗಾಗಿ ಶ್ರೇಯಸ್ಗೆ ಇನ್ನೊಂದು ಅವಕಾಶ ನೀಡುವ ಆಲೋಚನೆ ದ್ರಾವಿಡ್ ಮತ್ತು ರೋಹಿತ್ ಶರ್ಮಾ ಇರುವಂತೆ ಕಾಣ್ತಿದೆ.
ಶ್ರೀಲಂಕಾ ವಿರುದ್ಧ ಟೀಂ ಇಂಡಿಯಾದ ಪ್ಲೇಯಿಂಗ್-11 ಹೇಗಿರಬಹುದು? ಸಂಭಾವ್ಯ ತಂಡದಲ್ಲಿ ಯಾರೆಲ್ಲಾ ಇದ್ದಾರೆ ಅನ್ನೋದನ್ನ ನೋಡೋಣ.
ಟೀಂ ಇಂಡಿಯಾ PLAYING-11?
ರೋಹಿತ್ ಶರ್ಮಾ
ಶುಬ್ಮನ್ ಗಿಲ್
ವಿರಾಟ್ ಕೊಹ್ಲಿ
ಶ್ರೇಯಸ್ OR ಇಶಾನ್ ಕಿಶನ್
ಕೆ.ಎಲ್. ರಾಹುಲ್
ಸೂರ್ಯಕುಮಾರ್ ಯಾದವ್
ರವೀಂದ್ರ ಜಡೇಜ
ಕುಲ್ದೀಪ್ ಯಾದವ್
ಮೊಹಮ್ಮದ್ ಶಮಿ
ಮೊಹಮ್ಮದ್ ಸಿರಾಜ್
ಜಸ್ಪ್ರಿತ್ ಬುಮ್ರಾ
