ನೋಡಿರಿ
ಗಂಡನ ಜೊತೆ ವಿಡಿಯೋ ಕಾಲ್ನಲ್ಲಿ ಜಗಳ – ಅತ್ಯಂತ ಜನಪ್ರಿಯ ಧಾರಾವಾಹಿ ನಟಿ ಸುಭಾಷಿಣಿ ಸೂಸೈಡ್
ತಮಿಳು ಕಿರುತೆರೆಯ ಅತ್ಯಂತ ಜನಪ್ರಿಯ ಧಾರಾವಾಹಿಗಳಲ್ಲಿ ಒಂದಾದ ‘ಕಯಲ್’ ಮೂಲಕ ಮನೆಮಾತಾಗಿದ್ದ ನಟಿ ಸುಭಾಷಿಣಿ ಅವರ ಸಾವಿನ ಸುದ್ದಿ ಈಗ ಇಡೀ ಚಿತ್ರರಂಗವನ್ನು ಶೋಕಸಾಗರದಲ್ಲಿ ಮುಳುಗಿಸಿದೆ. ಚೆನ್ನೈನ ಅಪಾರ್ಟ್ಮೆಂಟ್ನಲ್ಲಿ ಸುಭಾಷಿಣಿ ಅವರು ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಕೇವಲ ದುರಂತವಲ್ಲ, ಬದಲಾಗಿ ಅತ್ಯಂತ ಭಯಾನಕ ಮತ್ತು ಬೆಚ್ಚಿಬೀಳಿಸುವಂತಿದೆ. ಇದಕ್ಕೆ ಕಾರಣ, ಅವರು ಪ್ರಾಣ ಬಿಡುವಾಗ ಅವರ ಪತಿ ವಿಡಿಯೋ ಕಾಲ್ನಲ್ಲಿ ಲೈವ್ ಆಗಿ ಎಲ್ಲವನ್ನೂ ನೋಡುತ್ತಿದ್ದರು!
36 ವರ್ಷದ ಸುಭಾಷಿಣಿ ಅವರು ಮೂಲತಃ ಶ್ರೀಲಂಕಾದವರಾಗಿದ್ದರೂ, ವೃತ್ತಿ ಬದುಕಿಗಾಗಿ ಚೆನ್ನೈಗೆ ಬಂದಿದ್ದರು. ಅವರು ಬೆಂಗಳೂರು ಮೂಲದ ಬಿಪಿನ್ ಚಂದ್ರನ್ ಎಂಬುವವರನ್ನು ಪ್ರೀತಿಸಿ ವಿವಾಹವಾಗಿದ್ದರು. ಚಿತ್ರೀಕರಣದ ನಿಮಿತ್ತ ಸುಭಾಷಿಣಿ ಚೆನ್ನೈನ ಪೋರೂರ್ ಸಮೀಪದ ಅಯ್ಯಪ್ಪಂತಾಂಗಲ್ ಎಂಬಲ್ಲಿ ಬಾಡಿಗೆ ಫ್ಲಾಟ್ ಪಡೆದು ಅಲ್ಲಿಯೇ ನೆಲೆಸಿದ್ದರು. ಕಳೆದ ಏಪ್ರಿಲ್ 3ರಂದು ಶೂಟಿಂಗ್ಗಾಗಿ ಚೆನ್ನೈಗೆ ಬಂದಿದ್ದ ಅವರು, ಏಪ್ರಿಲ್ 5ರ ರಾತ್ರಿ ಇಂತಹ ಕಠಿಣ ನಿರ್ಧಾರ ತೆಗೆದುಕೊಳ್ಳುತ್ತಾರೆ ಎಂದು ಯಾರೂ ಊಹಿಸಿರಲಿಲ್ಲ.
ಇದನ್ನೂ ಓದಿ: ಸುಟ್ಟ ಸ್ಥಿತಿಯಲ್ಲಿ ಟೀಚರ್ ಶವ ಪತ್ತೆ! – ರಸ್ತೆ ಪಕದಲ್ಲಿ ನಿಜಕ್ಕೂ ಆಗಿದ್ದೇನು ಗೊತ್ತಾ?
ಪೊಲೀಸ್ ಮೂಲಗಳ ಪ್ರಕಾರ, ಏಪ್ರಿಲ್ 5ರ ರಾತ್ರಿ ಸುಭಾಷಿಣಿ ಅವರು ಬೆಂಗಳೂರಿನಲ್ಲಿದ್ದ ಪತಿ ಬಿಪಿನ್ ಚಂದ್ರನ್ ಅವರಿಗೆ ವಿಡಿಯೋ ಕಾಲ್ ಮಾಡಿದ್ದರು. ಈ ವೇಳೆ ದಂಪತಿಗಳ ನಡುವೆ ಯಾವುದೋ ವಿಷಯಕ್ಕೆ ತೀವ್ರವಾಗಿ ಮಾತಿನ ಚಕಮಕಿ ನಡೆದಿದೆ ಎನ್ನಲಾಗಿದೆ. ಜಗಳ ತಾರಕಕ್ಕೇರಿದಾಗ ಮನನೊಂದ ಸುಭಾಷಿಣಿ, ವಿಡಿಯೋ ಕಾಲ್ ಚಾಲ್ತಿಯಲ್ಲಿರುವಾಗಲೇ ಬೆಡ್ರೂಮ್ಗೆ ಹೋಗಿ ನೇಣು ಬಿಗಿದುಕೊಳ್ಳಲು ಮುಂದಾಗಿದ್ದಾರೆ. ಈ ಭಯಾನಕ ದೃಶ್ಯವನ್ನು ಕ್ಯಾಮೆರಾದಲ್ಲಿ ಲೈವ್ ಆಗಿ ನೋಡುತ್ತಿದ್ದ ಪತಿ ಬಿಪಿನ್, ಗಾಬರಿಯಿಂದ ಕೂಡಲೇ ಪೋರೂರ್ ಪೊಲೀಸರಿಗೆ ಫೋನ್ ಮಾಡಿ ಮಾಹಿತಿ ನೀಡಿದ್ದಾರೆ.
ಪತಿ ನೀಡಿದ ಮಾಹಿತಿಯ ಮೇರೆಗೆ ಪೊಲೀಸರು ತಕ್ಷಣವೇ ಸುಭಾಷಿಣಿ ವಾಸವಿದ್ದ ಅಪಾರ್ಟ್ಮೆಂಟ್ಗೆ ಧಾವಿಸಿ ಬಾಗಿಲು ಒಡೆದು ಒಳಹೋಗಿದ್ದಾರೆ. ಆದರೆ ವಿಧಿಯ ಆಟವೇ ಬೇರೆಯಾಗಿತ್ತು. ಸುಭಾಷಿಣಿ ಅವರನ್ನು ಕೆಳಗಿಳಿಸಿ ಆಸ್ಪತ್ರೆಗೆ ಕೊಂಡೊಯ್ಯಲು ಪ್ರಯತ್ನಿಸಿದರೂ, ಅಷ್ಟರಲ್ಲೇ ಅವರು ಮೃತಪಟ್ಟಿದ್ದರು. ಪಾರ್ಥಿವ ಶರೀರವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದ್ದು, ಈ ಘಟನೆಯಿಂದ ಸುಭಾಷಿಣಿ ಅವರ ಸಹನಟರು ಮತ್ತು ಅಭಿಮಾನಿಗಳು ತೀವ್ರ ಆಘಾತಕ್ಕೊಳಗಾಗಿದ್ದಾರೆ.
