ನೋಡಿರಿ
ಸೂಪರ್‌ ಸ್ಪೀಡ್‌ ಚೀತಾ – ವೈರಲ್ ವಿಡಿಯೋ ಹೇಗಿದೆ ನೋಡಿ!
ಸಫಾರಿಗೆ ಹೊರಟ ವೇಳೆ ಕ್ಯಾಮರಾ ಕಣ್ಣಿಗೆ ಕಾಡು ಪ್ರಾಣಿಗಳ ಸಾಕಷ್ಟು ದೃಶ್ಯಗಳು ಸಿಗುತ್ತವೆ. ಅವುಗಳ ತುಂಟಾಟದ, ಬೇಟೆಯಾಡುವ ಸಾಕಷ್ಟು ವಿಡಿಯೋಗಳು ಸೋಷಿಯಲ್ ಮೀಡಿಯಾದಲ್ಲಿ ಕಾಣಸಿಗುತ್ತವೆ. ಇದೀಗ ಚೀತಾದ ವಿಡಿಯೋವೊಂದು ವೈರಲ್ ಆಗುತ್ತಿದೆ.
ಚೀತಾ ಅತಿ ವೇಗವಾಗಿ ಓಡುವ ಪ್ರಾಣಿ. ಇದರ ವೇಗವನ್ನು ಮೀರಿಸುವ ಪ್ರಾಣಿ ಬೇರೊಂದಿಲ್ಲ. ಸಣ್ಣ ತಲೆ, ತೆಳ್ಳಗಿನ ಸೊಂಟ ಮತ್ತು ಸ್ನಾಯುವಿನ ದೇಹದಿಂದಾಗಿ ಇವುಗಳು ಅತ್ಯಂತ ವೇಗವಾಗಿ ಓಡಬಲ್ಲವು. ತನ್ನ ವೇಗದಿಂದ ಅನೇಕ ವಾಹನಗಳನ್ನೇ ಹಿಂದಿಕ್ಕುವಂತಹ ಶಕ್ತಿ ಇವುಗಳಿಗೆ ಇದೆ. ಅದಕ್ಕೆ ಸಾಕ್ಷಿ ಎಂಬಂತೆ ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋವೊಂದು ಭಾರಿ ವೈರಲ್ ಆಗುತ್ತಿದೆ.
ಇದನ್ನೂ ಓದಿ: ಸೈಕಲ್ ಬಿಡುತ್ತಲೇ ಸ್ಕಿಪ್ಪಿಂಗ್… ಭಲೇ… ಭಲೇ.. ಏನ್ ಬ್ಯಾಲೆನ್ಸ್..!
While running, cheetahs cover up to 22 feet per stride reaching speeds of up to 70 miles per hour. pic.twitter.com/4xL7Y6qvCC
— Fascinating (@fasc1nate) January 8, 2023
@PsychologyMind1 ಎಂಬ ಟ್ವಿಟ್ಟರ್ ಖಾತೆಯೊಂದರಲ್ಲಿ ಈ ವಿಡಿಯೋವನ್ನು ಹಂಚಿಕೊಳ್ಳಲಾಗಿದೆ. ಈ ವಿಡಿಯೋದಲ್ಲಿ ಚೀತಾವೊಂದು ತನ್ನ ದೇಹವನ್ನು ನಿಖರ ಪ್ರಮಾಣದಲ್ಲಿ ಬಾಗಿಸಿ ಮುಂದೆ ಜಿಗಿಯುತ್ತಾ ತನ್ನ ಬೇಟೆಯನ್ನು ಹಿಡಿಯಲು ರಾಕೆಟ್ ನಂತೆ ಓಡುತ್ತಿದೆ. `ಓಡುತ್ತಿರುವಾಗ ಚೀತಾಗಳು ಪ್ರತಿ ಹೆಜ್ಜೆಯೊಂದಿಗೆ 22 ಅಡಿಗಳಷ್ಟು ದೂರವನ್ನು ಕ್ರಮಿಸುತ್ತವೆ ಮತ್ತು ಪ್ರತಿ ಗಂಟೆಗೆ ಸುಮಾರು 70 ಮೈಲುಗಳಷ್ಟು ವೇಗವನ್ನು ತಲುಪುತ್ತವೆ’ ಎಂಬ ಕ್ಯಾಪ್ಶನ್ನೊಂದಿಗೆ ಈ ವಿಡಿಯೋವನ್ನು ಹಂಚಿಕೊಳ್ಳಲಾಗಿದೆ.
