ನೋಡಿರಿ
ಸು ಫ್ರಮ್ ಸೋ OTTಯಲ್ಲಿ ರಿಲೀಸ್ ಆಗಲ್ಲ!? – ಸುಳ್ಳು ಸುದ್ದಿ.. ಜಿಯೋ ಹಾಟ್ ಸ್ಟಾರ್ ಹೇಳಿದ್ದೇನು?
ಹೊಸಬರೇ ಸೇರಿಕೊಂಡು ಮಾಡಿದ್ದ ಸು ಫ್ರಮ್ ಸೋ ಸಿನಿಮಾ ಸ್ಯಾಂಡಲ್ವುಡ್ನಲ್ಲಿ ದೊಡ್ಡ ಮಟ್ಟಿಗೆ ಯಶಸ್ಸು ಕಂಡಿದೆ. ಬಾಕ್ಸ್ಆಫೀಸ್ನಲ್ಲಿ ಕೋಟಿ ಕೋಟಿ ಗಳಿಕೆ ಮಾಡಿದೆ. ಇತರ ಭಾಷೆಗಳಲ್ಲೂ ಈ ಸಿನಿಮಾ ತೆರೆ ಕಂಡಿದ್ದು, ಜುಲೈ ನಲ್ಲಿ ಈ ಸಿನಿಮಾ ತೆರೆಕಂಡರು ಕೂಡ ಸೆಪ್ಟೆಂಬರ್ವರೆಗೂ ಕೂಡ ಹೌಸ್ ಫುಲ್ ಕಲೆಕ್ಷನ್ ಮಾಡುತ್ತಾ ಬಂದಿದೆ. ಇತ್ತೀಚೆಗೆ ಈ ಸಿನಿಮಾ ಒಟಿಟಿಗೆ ಲಗ್ಗೆ ಇಡುತ್ತೆ ಅಂತಾ ಹೇಳಲಾಗ್ತಿತ್ತು.. ಆದ್ರೀಗ ಸು ಫ್ರಮ್ ಸೋ ಒಟಿಟಿಯಲ್ಲಿ ರಿಲೀಸ್ ಆಗಲ್ವಾ? ಸುಳ್ಳು ಸುದ್ದಿ ಹಬ್ಬಿಸಲಾಯ್ತಾ ಅನ್ನೋ ಅನುಮಾನ ಮೂಡಿದೆ.
ಇದನ್ನೂ ಓದಿ: ಮಹಾರಾಜ ಬಾಯ್ಸ್ ಮೇಲೆ RCB ಕಣ್ಣು – ಬೆಸ್ಟ್ ಬೌಲರ್ಸ್ & ಬ್ಯಾಟರ್ಸ್ ಯಾರೆಲ್ಲಾ?
ಹೌದು.. ಸು ಫ್ರಮ್ ಸೋ ಸಿನಿಮಾ ಅಬ್ಬರ ಇನ್ನೂ ನಿಂತಿಲ್ಲ.. ಇತರ ಭಾಷೆಗಳಲ್ಲೂ ಹೌಸ್ ಫುಲ್ ಪ್ರದರ್ಶನ ಕಾಣ್ತಿದೆ. ಈಗಾಗಲೇ 100 ಕೋಟಿಗೂ ಅಧಿಕ ಕಲೆಕ್ಷನ್ ಮಾಡಿದೆ ಈ ಸಿನಿಮಾ. ಸಿನಿಮಾ ಗೆಲ್ತಿದ್ದಂತೆ ಸು ಫ್ರಮ್ ಸೋ ಸಿನಿಮಾ ಅತೀ ಶೀಘ್ರದಲ್ಲಿ ಒಟಿಟಿಗೆ ಬರುತ್ತದೆ ಎಂಬ ಸುದ್ದಿ ಸೋಶಿಯಲ್ ಮಿಡಿಯಾದಲ್ಲಿ ವೈರಲ್ ಆಗಿತ್ತು. ಈ ಮೂಲಕ ಸೆಪ್ಟೆಂಬರ್ 5ರಂದು ಜಿಯೋ ಹಾಟ್ ಸ್ಟಾರ್ ನಲ್ಲಿ ಈ ಸಿನಿಮಾ ಶೀಘ್ರವೇ ತೆರೆಕಾಣುತ್ತದೆ ಎಂದು ಹೇಳಲಾಗ್ತಿತ್ತು. ಆದ್ರೆ ಈ ಬಗ್ಗೆ ಇದುವರೆಗೂ ಜಿಯೋ ಹಾಟ್ ಸ್ಟಾರ್ ನಲ್ಲಿ ಯಾವುದೆ ಅಧಿಕೃತ ಮಾಹಿತಿ ಬಂದಿಲ್ಲ. ಯಾವುದೇ ಪ್ರೋಮೋ ಕೂಡ ರಿಲೀಸ್ ಅಗಿಲ್ಲ. ಹಾಗಾದರೆ ಈ ಸಿನಿಮಾ ಯಾವಾಗ ಒಟಿಟಿಗೆ ಅನ್ನೋ ಪ್ರಶ್ನೆ ಸಿನಿಪ್ರಿಯರನ್ನ ಕಾಡ್ತಿದೆ.
ಸು ಫ್ರಮ್ ಸೋ ಸಿನಿಮಾಕ್ಕೆ ಜಾಹೀರಾತು ಇತರ ಪ್ರಚಾರ ಬಹಳ ಕಮ್ಮಿ ಇತ್ತು. ಆದರೆ ಫ್ರಿಮಿಯಂ ಶೋ ಮೂಲಕ ಜನರ ಬಾಯ್ ಮಾತಿನಿಂದಲೇ ಈ ಸಿನಿಮಾ ದೊಡ್ಡ ಮಟ್ಟಿಗೆ ಯಶಸ್ಸು ಪಡೆ ಯಿತು. ಒಟಿಟಿಗೆ ಶೀಘ್ರವೇ ಬರುತ್ತೆ ಎಂದು ಸಹ ಹೇಳಲಾಗಿತ್ತು. ವೈರಲ್ ಆದ ಸುದ್ದಿಯ ಪ್ರಕಾರ ಸೆಪ್ಟೆಂಬರ್ 5ರ ಬೆಳಗ್ಗೆ ಈ ಸಿನಿಮಾ ಜಿಯೋ ಹಾಟ್ ಸ್ಟಾರ್ ನಲ್ಲಿ ಬಿಡುಗಡೆಯಾಗಬೇಕಿತ್ತು. ಆದರೆ ಆಗಲಿಲ್ಲ. ಜೊತೆಗೆ ಹಾಟ್ ಸ್ಟಾರ್ ಕೂಡ ಈ ಬಗ್ಗೆ ಯಾವುದೇ ಪ್ರಮೋಶನ್ ಸಹ ನೀಡಿಲ್ಲದ ಕಾರಣ ಈ ಸಿನಿಮಾ ಇನ್ನು ಕೂಡ ಒಟಿಟಿಗೆ ಬರಲಿಲ್ಲ ಎಂದೇ ಹೇಳಬಹುದು. ಯಾವುದಾದರೂ ಸಿನಿಮಾ ದೊಡ್ಡಮಟ್ಟಿಗೆ ನಿರೀಕ್ಷೆ ಹುಟ್ಟು ಹಾಕಿದರೆ ಅದರ ಒಟಿಟಿ ಹಾಗೂ ಟಿವಿ ಪ್ರಸಾರಕ್ಕೆ ಹಕ್ಕು ಸ್ವಾಮ್ಯ ಕೂಡ ದೊಡ್ಡ ಮಟ್ಟಕ್ಕೆ ಮಾರಾಟ ಆಗಲಿದೆ. ಅಂತೆಯೇ ಈ ಸಿನಿಮಾ ಈಗಾಗಲೇ ಜಿಯೋ ಹಾಟ್ ಸ್ಟಾರ್ ಪಡೆದದ್ದೇ ಹೌದಾದರೆ ಅದು ದೊಡ್ಡ ಮಟ್ಟಿಗೆ ಸುದ್ದಿಯಾಗ ಬೇಕಿತ್ತು. ಆದರೆ ಈ ಸುದ್ದಿ ಗಾಸಿಪ್ ಆಗಿ ಮಾತ್ರ ಉಳಿದಿದೆ.
ಸೆಪ್ಟೆಂಬರ್ನಲ್ಲಿ ಯಾವೆಲ್ಲ ಸಿನಿಮಾ, ವೆಬ್ ಸೀರಿಸ್ ಹಾಗೂ ಶೋಗಳು ಬಿಡುಗಡೆ ಆಗುತ್ತಿವೆ ಎಂಬ ಬಗ್ಗೆ ಹಾಟ್ಸ್ಟಾರ್ ಈಗಾಗಲೇ ಮಾಹಿತಿ ನೀಡಿದೆ. ಆದರೆ, ಇದರಲ್ಲಿ ‘ಸು ಫ್ರಮ್ ಸೋ’ ಸಿನಿಮಾ ಬಗ್ಗೆ ಯಾವುದೇ ಅಪ್ಡೇಟ್ ಮಾಹಿತಿ ನೀಡಿರಲಿಲ್ಲ. ಹೀಗಾಗಿ ಸದ್ಯಕ್ಕೆ ಜಿಯೋ ಹಾಟ್ ಸ್ಟಾರ್ ನಲ್ಲಿ ಸು ಫ್ರಮ್ ಸೋ ಸಿನಿಮಾ ಬಿಡುಗಡೆಯಾಗೋದು ಡೌಟ್ ಅಂತಾ ಹೇಳಲಾಗ್ತಿದೆ.
