10,000 ರನ್ಸ್ ಸರದಾರ ಸ್ಮಿತ್ –  ದ್ರಾವಿಡ್, ಗವಾಸ್ಕರ್ ರೆಕಾರ್ಡ್ಸ್ ಏನು?  

ಜನವರಿ 29.. ಬುಧವಾರ.. ಆಸ್ಟ್ರೇಲಿಯಾ ಮತ್ತು ಶ್ರೀಲಂಕಾ ನಡುವಿನ ಎರಡು ಪಂದ್ಯಗಳ ಸರಣಿಯ ಮೊದಲ ಟೆಸ್ಟ್ ಪಂದ್ಯದಲ್ಲಿ ನಾಯಕ ಸ್ಟೀವ್ ಸ್ಮಿತ್ ಹಿಸ್ಟರಿ ಕ್ರಿಯೇಟ್ ಮಾಡಿದ್ದಾರೆ. ಅದೂ ಕೂಡ ಒಂದೇ ಒಂದು ರನ್​ಗಳಿಸೋ ಮೂಲಕ. ಟೆಸ್ಟ್ ಕ್ರಿಕೆಟ್​ನಲ್ಲಿ 10,000 ರನ್‌ಗಳನ್ನು ವೇಗವಾಗಿ ಗಳಿಸಿದ ಐದನೇ ಕ್ರಿಕೆಟಿಗ ಎಂಬ ವಿಶ್ವದಾಖಲೆ ಬರೆದಿದ್ದಾರೆ. ಬಾರ್ಡರ್ ಗಾವಸ್ಕರ್ ಟ್ರೋಫಿಯ ಸಿಡ್ನಿ ಪಂದ್ಯದ ಎರಡನೇ ಇನ್ನಿಂಗ್ಸ್ ನಲ್ಲಿ 4 ರನ್ ಗಳಿಸಿದ್ದ ಸ್ಟೀವ್ ಸ್ಮಿತ್ ಕನಾಟಕದ ಪ್ರಸಿದ್ಧ್ ಕೃಷ್ಣ ಅವರ ಎಸೆತದಲ್ಲಿ ಯಶಸ್ವಿ ಜೈಸ್ವಾಲ್ ಅವರಿಗೆ ಕ್ಯಾಚ್ ನೀಡಿ ನಿರಾಸೆಗೊಂಡಿದ್ರು. ಈ ಟೈಮಲ್ಲಿ ಟೆಸ್ಟ್ ಕ್ರಿಕೆಟ್ ನಲ್ಲಿ 10 ಸಾವಿರ ರನ್ ಗಳ ಮೈಲಿಗಲ್ಲು ತಲುಪಲು ಸ್ಮಿತ್​ಗೆ ಬೇಕಿದ್ದುದು ಕೇವಲ 1 ರನ್ ಅಷ್ಟೇ. ಇದೀಗ ಶ್ರೀಲಂಕಾ ವಿರುದ್ಧ ಗಾಲೆಯಲ್ಲಿ ನಡೆಯುತ್ತಿರುವ ಮೊದಲ ಟೆಸ್ಟ್ ನ ಪ್ರಥಮ ಇನ್ನಿಂಗ್ಸ್ ನಲ್ಲೇ ಈ ಮೈಲಿಗಲ್ಲು ದಾಟಿದ್ದಾರೆ.

ಇದನ್ನೂ ಓದಿ : ಒಬ್ಬನಿಗಾಗಿ ಕಾದು ಕುಳಿತ PAK.. ಟೀಂ ಅನೌನ್ಸ್ ಗೂ ಭಯ – ಚಾಂಪಿಯನ್ಸ್ ಟ್ರೋಫಿ ಆಡೋರೇ ಇಲ್ವಾ?

ಟೆಸ್ಟ್ ಫಾರ್ಮೇಟ್​ನಲ್ಲಿ ಸಾಕಷ್ಟು ಪ್ಲೇಯರ್ಸ್ 10 ಸಾವಿರ ರನ್​ಗಳ ಗಡಿ ಮೀರಿದ್ದಾರೆ. ಈ ಮೂಲಕ ಈ ಸಾಧನೆ ಮಾಡಿದ ವಿಶ್ವದ 15 ನೇ ಮತ್ತು ಆಸ್ಟ್ರೇಲಿಯಾದ 4ನೇ ಬ್ಯಾಟರ್ ಎಂಬ ಗೌರವಕ್ಕೆ ಸ್ಮಿತ್ ಪಾತ್ರರಾಗಿದ್ದಾರೆ. ತಮ್ಮ 115ನೇ ಟೆಸ್ಟ್ ಪಂದ್ಯದ 205ನೇ ಇನ್ನಿಂಗ್ಸ್ ನಲ್ಲಿ  ಈ ಸಾಧನೆ ಮಾಡಿದ್ದಾರೆ. ಹೀಗಾಗಿ ಅತಿ ಕಡಿಮೆ ಇನ್ನಿಂಗ್ಸ್ ಗಳಲ್ಲಿ ಈ ಮೈಲಿಗಲ್ಲು ತಲುಪಿದ 5ನೇ ಬ್ಯಾಟರ್ ಆಗಿದ್ದಾರೆ.

ವೇಗವಾಗಿ 10,000 ರನ್ ಗಳಿಸಿದವರು!

ಬ್ರಿಯಾನ್ ಲಾರಾ (ವೆಸ್ಟ್ ಇಂಡೀಸ್) – 195 ಇನ್ನಿಂಗ್ಸ್

ಸಚಿನ್ ತೆಂಡೂಲ್ಕರ್ (ಭಾರತ) – 195 ಇನ್ನಿಂಗ್ಸ್

ಕುಮಾರ್ ಸಂಗಕ್ಕಾರ (ಶ್ರೀಲಂಕಾ) – 195 ಇನ್ನಿಂಗ್ಸ್

ರಿಕಿ ಪಾಂಟಿಂಗ್ (ಆಸ್ಟ್ರೇಲಿಯಾ) – 196 ಇನ್ನಿಂಗ್ಸ್

ಸ್ಟೀವ್ ಸ್ಮಿತ್ (ಆಸ್ಟ್ರೇಲಿಯಾ) – 205 ಇನ್ನಿಂಗ್ಸ್

ರಾಹುಲ್ ದ್ರಾವಿಡ್ (ಭಾರತ) – 206 ಇನ್ನಿಂಗ್ಸ್

ಯೂನಿಸ್ ಖಾನ್ (ಪಾಕಿಸ್ತಾನ) – 208 ಇನ್ನಿಂಗ್ಸ್

ಮಹೇಲಾ ಜಯವರ್ಧನೆ (ಶ್ರೀಲಂಕಾ) – 210 ಇನ್ನಿಂಗ್ಸ್

ಸುನಿಲ್ ಗವಾಸ್ಕರ್ (ಭಾರತ) – 212 ಇನ್ನಿಂಗ್ಸ್

ಜಾಕ್ವೆಸ್ ಕಾಲಿಸ್ (ದಕ್ಷಿಣ ಆಫ್ರಿಕಾ) – 217 ಇನ್ನಿಂಗ್ಸ್

ಟೆಸ್ಟ್ ಕ್ರಿಕೆಟ್​​ನಲ್ಲಿ ನಮ್ಮ ಭಾರತದ ಆಟಗಾರರು ಸಾಕಷ್ಟು ದಾಖಲೆಗಳನ್ನ ಬರೆದಿದ್ದಾರೆ. ಭಾರತೀಯ ಕ್ರಿಕೆಟ್ ನ ದಂತಕತೆ ಸುನಿಲ್ ಗವಾಸ್ಕರ್ ಅವರು ಟೆಸ್ಟ್ ಕ್ರಿಕೆಟ್ ನಲ್ಲಿ ಫಸ್ಟ್ ಟೈಂ 10 ಸಾವಿರ ರನ್ ಗಳನ್ನು ಗಳಿಸಿದ ವಿಶ್ವದಾಖಲೆ ನಿರ್ಮಿಸಿದರು. ಆಸ್ಟ್ರೇಲಿಯಾದ ಅಲನ್ ಬಾರ್ಡರ್ ಅವರು 1994ರಲ್ಲಿ ಸುನಿಲ್ ಗವಾಸ್ಕರ್ ಅವರ ವಿಶ್ವದಾಖಲೆಯನ್ನು ಮುರಿದಿದ್ದರು. ಆದ್ರೆ ರೆಡ್​ಬಾಲ್​ ನಲ್ಲಿ ಅತೀ ಹೆಚ್ಚು ಸ್ಕೋರ್ ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಹೆಸರಿನಲ್ಲಿದೆ. 200 ಟೆಸ್ಟ್ ಪಂದ್ಯಗಳ 329 ಇನ್ನಿಂಗ್ಸ್ ಗಳಿಂದ 15,921 ರನ್ ಗಳನ್ನು ಕಲೆ ಹಾಕಿರುವ ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಈ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದಾರೆ. 13,378 ರನ್ ಕಲೆ ಹಾಕಿರೋ ರಿಕಿ ಪಾಂಟಿಂಗ್ ಸೆಕೆಂಡ್ ಪ್ಲೇಸ್​ನಲ್ಲಿದ್ದಾರೆ.