ಕೊರೊನಾ ಹೋಯ್ತು.. ಮತ್ತೊಂದು ಮಹಾಮಾರಿ ಬಂತಾ?
ಯಾವುದು ಈ ಹೊಸ ವೈರಸ್?

ಕೊರೊನಾ ವೈರಸ್​​ನಿಂದ ದೇಶಕ್ಕೆ ಮುಕ್ತಿ ಸಿಗುತ್ತಲೇ ಈಗ ಮತ್ತೊಂದು ಸಾಂಕ್ರಾಮಿಕ ರೋಗದ ಭೀತಿ ಎದುರಾಗಿದೆ. ಕಳೆದ ಎರಡು ತಿಂಗಳಲ್ಲಿ ದೇಶದ ಹಲವೆಡೆ ಜನರಿಗೆ ಇನ್​ಫ್ಲುಯೆನ್ಸಾ ಅನ್ನೋ ಸೋಂಕು ಕಾಡೋಕೆ ಶುರುವಾಗಿದೆ.

ಸೋಂಕಿಗೊಳಗಾದವರು ಹಲವು ದಿನಗಳ ಕಾಲ ಶೀತ, ಜ್ವರ ಸೇರಿದಂತೆ ಅನಾರೋಗ್ಯದಿಂದ ಬಳಲುತ್ತಿದ್ದಾರೆ. ಅಷ್ಟೇ ಅಲ್ಲ, ಇತ್ತೀಚಿನ ದಿನಗಳಲ್ಲಿ ದೇಶಾದ್ಯಂತ ಅನಾರೋಗ್ಯಕ್ಕೊಳಗಾದವರು ಸಂಖ್ಯೆಯೂ ಹೆಚ್ಚಾಗಿದ್ಯಂತೆ. ಇನ್ನು ಇನ್​ಫ್ಲುಯೆನ್ಸಾ ಸೋಂಕಿಗೊಳಗಾದ ಬಹುತೇಕರು ಆಸ್ಪತ್ರೆಗೂ ದಾಖಲಾಗಿದ್ದಾರೆ.

ಇದನ್ನೂ ಓದಿ: ಭಾರತೀಯ ಸಿರಪ್ ಕಂಪನಿಗಳಿಗೆ ಬಿಗ್ ಶಾಕ್ – ಮೂವರು ಅರೆಸ್ಟ್!

ಇನ್​ಫ್ಲುಯೆನ್ಸಾ ಅನ್ನೋದು ಕೊರೊನಾ ಸೋಂಕಿನಂತೆಯೇ ಅಪಾಯಕಾರಿಯಾಗುವ ಸಾಧ್ಯತೆ ಇದೆ ಅಂತಾ ವೈದ್ಯರು ಕೂಡ ಆತಂಕ ವ್ಯಕ್ತಪಡಿಸಿದ್ದಾರೆ. ಹೀಗಾಗಿ ಐಸಿಎಂಆರ್ ಸೋಂಕಿನಿಂದ ಪಾರಾಗಲು ಕೊರೊನಾ ಮಾದರಿಯ ಸಲಹೆಗಳನ್ನ ನೀಡಿದೆ. ಮಾಸ್ಕ್ ಧರಿಸಿ, ಜನದಟ್ಟಣೆ ಪ್ರದೇಶದಿಂದ ದೂರವಿರಿ, ಶೇಕ್​ಹ್ಯಾಂಡ್ ಮಾಡಬೇಡಿ ಅಂತಾ ಐಸಿಎಂಆರ್ ಮಾರ್ಗಸೂಚಿ ಹೊರಡಿಸಿದೆ.