ನೋಡಿರಿ
ಮದುವೆಗೆ ಸಜ್ಜಾದ ಸ್ಮೃತಿ ಮಂದಾನ – RCB ಕ್ವೀನ್ ಮನಗೆದ್ದ ಮುಚ್ಚಲ್
5 ವರ್ಷ ಲವ್.. ಮ್ಯಾರೇಜ್ ಯಾವಾಗ?
ಮೆನ್ಸ್ ಕ್ರಿಕೆಟ್ನಲ್ಲಿ ಕಿಂಗ್ ವಿರಾಟ್ ಕೊಹ್ಲಿ ಹೇಗೋ ವುಮೆನ್ಸ್ ಕ್ರಿಕೆಟ್ನಲ್ಲಿ ಕ್ವೀನ್ ಸ್ಮೃತಿ ಮಂದಾನನೂ ಹಾಗೇ. ಅದು ಜೆರ್ಸಿ ನಂಬರ್, ಮ್ಯಾನರಿಸಂ, ಬ್ಯಾಟಿಂಗ್ ಸ್ಟೈಲ್ ಹೀಗೆ ಎಲ್ಲದ್ರಲ್ಲೂ ಥೇಟ್ ವಿರಾಟ್ ಕೊಹ್ಲಿಯನ್ನೇ ಹೋಲುತ್ತಾರೆ ಈ ಸುಂದರಿ. ಅದ್ರಲ್ಲೂ ಐಪಿಎಲ್ನಲ್ಲಿ ನಮ್ಮ ಆರ್ಸಿಬಿ ಫ್ಯಾನ್ಸ್ ಅಂತೂ ಕೊಹ್ಲಿಯನ್ನ ಹೇಗೆ ಆರಾಧಿಸ್ತಾರೋ ಹಾಗೇ ಸ್ಮೃತಿ ಮಂದಾನಗೂ ತಮ್ಮ ಹಾರ್ಟ್ನಲ್ಲಿ ಸ್ಪೆಷಲ್ ಸ್ಥಾನ ಕೊಟ್ಟಿದ್ದಾರೆ. ಅಷ್ಟೇ ಯಾಕೆ ಈ ಬ್ಯೂಟಿಫುಲ್ ಚೆಲುವೆಗೆ ಮನಸ್ಸನ್ನೂ ಕೊಟ್ಟಿದ್ದಾರೆ. 2024ರ ಮಹಿಳಾ ಐಪಿಎಲ್ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವನ್ನ ಚಾಂಪಿಯನ್ ಮಾಡಿದ್ಮೇಲಂತೂ ಎಷ್ಟೋ ಹುಡುಗರು ನಮ್ಮನೆ ಸೊಸೆ ನೀನೇ ಅಂತಾ ರಾಗ ಹಾಡಿದ್ದೂ ಇದೆ. ಮೈದಾನದಲ್ಲೇ ಪ್ರಪೋಸಲ್ ಇಟ್ಟಿದ್ದೂ ಇದೆ. ಬಟ್ ಸ್ಮೃತಿ ಮೇಲೆ ಕ್ರಶ್ ಆಗಿದ್ದವ್ರು ನಿಮ್ಮ ಮನಸ್ಸನ್ನ ಗಟ್ಟಿ ಮಾಡ್ಕೊಳ್ಳಿ. ಯಾಕಂದ್ರೆ ಸ್ಮೃತಿ ಆಲ್ರೆಡಿ ಎಂಗೇಜ್. ಇಷ್ಟು ದಿನ ಇದ್ದ ಗಾಸಿಪ್ ಕನ್ಫರ್ಮ್ ಆಗಿದ್ದು ಸ್ಮೃತಿ ಬಾಯ್ಫ್ರೆಂಡೇ ಇದನ್ನ ಜಗತ್ತಿನ ಮುಂದೆ ತೆರೆದಿದ್ದಾರೆ. ಅದೂ ಕೂಡ ತಮ್ಮ ಪ್ರೀತಿಗೆ 5 ವರ್ಷ ತುಂಬಿದ ಖುಷಿಯಲ್ಲಿ ಸೆಲೆಬ್ರೇಟ್ ಕೂಡ ಮಾಡಿದ್ದಾರೆ.
ಇದನ್ನೂ ಓದಿ: 8 ತಂಡ.. 2 ಗುಂಪು.. IND ರೆಡಿ – ಚಾಂಪಿಯನ್ಸ್ ಟ್ರೋಫಿಗೆ ಡೇಟ್ ಫಿಕ್ಸ್
ಸ್ಮೃತಿ ಲವ್ಸ್ ಮುಚ್ಚಲ್!
ಭಾರತ ಮಹಿಳಾ ಕ್ರಿಕೆಟ್ ತಂಡದ ಎಡಗೈ ಆರಂಭಿಕ ಬ್ಯಾಟರ್‌, ನ್ಯಾಷನಲ್ ಕ್ರಶ್ ಖ್ಯಾತಿಯ ಆರ್ಸಿಬಿ ತಂಡದ ನಾಯಕಿ ಸ್ಮೃತಿ ಮಂದಾನ ಲವ್ನಲ್ಲಿ ಬಿದ್ದಿರೋ ಬಗ್ಗೆ ಗುಸುಗುಸು ನಡೀತಾನೇ ಇತ್ತು. ಸ್ಮೃತಿ ಹಾಗೂ ಪಲಾಶ್ ಇಬ್ಬರೂ ಕೂಡ ಆಗಾಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಒಟ್ಟಿಗೆ ಇರೋ ಫೋಟೋಗಳನ್ನು ಶೇರ್‌ ಮಾಡುತ್ತಾರೆ. ಕದ್ದುಮುಚ್ಚಿ ತಮ್ಮ ಬಾಯ್‌ಫ್ರೆಂಡ್ ಜತೆ ಡೇಟಿಂಗ್ ಮಾಡುತ್ತಿರುವ ವಿಚಾರ ಆಗಾಗ ಸದ್ದು ಮಾಡ್ತಿತ್ತು. ಸ್ಮೃತಿ ಮನಸ್ಸು ಗೆದ್ದ ಈ ಹುಡುಗ ಮತ್ಯಾರೂ ಅಲ್ಲ ಬಾಲಿವುಡ್ ಮ್ಯೂಸಿಕ್ ಕಂಪೋಸರ್ ಪಾಲಾಶ್ ಮುಚ್ಚಲ್. ಸ್ಮೃತಿ ಮತ್ತು ಪಾಲಾಶ್ ಇಬ್ಬರೂ ತುಂಬಾ ದಿನಗಳಿಂದ ಡೇಟಿಂಗ್ ನಡೆಸುತ್ತಿದ್ದಾರೆ. 2024ರ ವುಮೆನ್ಸ್ ಪ್ರೀಮಿಯರ್ ಲೀಗ್ ಟೂರ್ನಿಯಲ್ಲಿ ಸ್ಮೃತಿ ಮಂಧನಾ ನೇತೃತ್ವದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವು ಚಾಂಪಿಯನ್ ಆಗಿ ಹೊರಹೊಮ್ಮಿತ್ತು. ಈ ವೇಳೆ ಸ್ಮೃತಿಗೆ ತಮ್ಮ ಬಾಯ್‌ಫ್ರೆಂಡ್ ಪಲಾಶ್ ಮುಚ್ಚಲ್ ಬಹಿರಂಗವಾಗಿಯೇ ಹಗ್ ಮಾಡಿ ಗಮನ ಸೆಳೆದಿದ್ದರು. ಇದೀಗ ಭಾರತ ಮಹಿಳಾ ಕ್ರಿಕೆಟ್ ತಂಡದ ಸೂಪರ್ ಸ್ಟಾರ್ ಸ್ಮೃತಿ ಮಂಧನಾ, ಖ್ಯಾತ ಮ್ಯೂಸಿಕ್ ಕಂಪೋಸರ್ ಪಾಲಾಶ್ ಮುಚ್ಚಲ್ ಅವರ ಪ್ರೀತಿಗೆ 5 ವರ್ಷ ತುಂಬಿದ್ದು, ಇಬ್ಬರೂ ಕೂಡ 5ನೇ ಪ್ರೀತಿ ವಾರ್ಷಿಕೋತ್ಸವನ್ನು ಕೇಕ್ ಕಟ್ ಮಾಡುವ ಮೂಲಕ ಆಚರಿಸಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ಈ ಬಗ್ಗೆ ಪೋಸ್ಟ್ ಕೂಡ ಹಾಕಿದ್ದಾರೆ. ಈ ಮೂಲಕ ತಮ್ಮಿಬ್ಬರ ಪ್ರೀತಿಯನ್ನು ಮತ್ತೊಮ್ಮೆ ಜಗತ್ತಿನ ಮುಂದೆ ಅನಾವರಣ ಮಾಡಿದ್ದಾರೆ. ಈ ಹಿಂದೆ ಪಲಾಶ್ ಮುಚ್ಚಲ್ 2023 ರಲ್ಲಿ ಲೈವ್ ಕನ್ಸರ್ಟ್‌ನಲ್ಲಿ ಸ್ಮೃತಿ ಮಂದಾನ ಅವರಿಗೆ ಒಂದು ಹಾಡನ್ನು ಡೆಡಿಕೇಟ್‌ ಮಾಡಿದರು. ‘ಐ ಲವ್ ಯೂ ಟು ಸ್ಮೃತಿ’ ಎಂದು ಹೇಳಿದರು. ಅಂದೇ ಪಲಾಶ್ ಮುಚ್ಚಲ್ ಮತ್ತು ಸ್ಮೃತಿ ಮಂದಾನ ಅವರ ಸಂಬಂಧದ ಸುದ್ದಿ ಬೆಳಕಿಗೆ ಬಂದಿತ್ತು. 29 ವರ್ಷದ ಪಾಲಾಶ್ ಮುಚ್ಚಲ್ ಓರ್ವ ಮ್ಯೂಸಿಕ್ ಕಂಪೋಸರ್ ಹಾಗೂ ಫಿಲ್ಮ್ ಮೇಕರ್ ಆಗಿದ್ದಾರೆ. ಟಿ ಸೀರಿಸ್‌, ಜೀ ಮ್ಯೂಸಿಕ್‌ಗಾಗಿ ಪಾಲಾಶ್ ಸುಮಾರು 40ಕ್ಕೂ ಅಧಿಕ ಮ್ಯೂಸಿಕ್ ವಿಡಿಯೋಗಳನ್ನು ಮಾಡಿದ್ದಾರೆ. ಇನ್ನು ಸ್ಮೃತಿ ಮಂದಾನ ಸದ್ಯ ತವರಿನಲ್ಲಿ ನಡೆಯುತ್ತಿರುವ ದಕ್ಷಿಣ ಆಫ್ರಿಕಾ ಎದುರಿನ ಟಿ20 ಸರಣಿಯಲ್ಲಿ ಪಾಲ್ಗೊಂಡಿದ್ದಾರೆ.
ಒಟ್ನಲ್ಲಿ ಕ್ರಿಕೆಟ್ ನಲ್ಲಿ ಸ್ಮೃತಿ ಮಂದಾನ ಅತ್ಯುತ್ತಮ ಪ್ರದರ್ಶನ ನೀಡ್ತಿದ್ದಾರೆ. 27 ವರ್ಷದ ಈ ಸ್ಮೃತಿ ಈಗ ಕ್ರಿಕೆಟ್ ಲೋಕದ ಕ್ರಶ್ ಆಗಿದ್ದಾರೆ. ಆರ್ಸಿಬಿ ಫ್ಯಾನ್ಸ್ಗೂ ಸ್ಮೃತಿ ಮೇಲೆ ಲೈಟಾಗಿ ಲವ್ವಾಗಿದೆ. ನಮ್ಮಮ್ಮನ ಸೊಸೆ ಹಿಂಗೇ ಇರ್ಬೇಕು ಅಂತಾ ಸ್ಟೇಡಿಯಂನ ಗ್ಯಾಲರಿಯಲ್ಲೇ ಕುಳಿತು ಪ್ರಪೋಸ್ ಮಾಡಿದ್ದರು. ಬಟ್ ಏನ್ ಮಾಡೋದು ನಮ್ಮ ಚೆಂದುಳ್ಳಿ ಚೆಲುವೆ ಆಲ್ರೆಡಿ ಎಂಗೇಜ್ ಆಗಿದ್ದಾರೆ. ಆದ್ರೆ ಸ್ಮೃತಿ ಹಾಗೂ ಪಲಾಶ್ ಮುಚ್ಚಲ್ ಯಾವಾಗ ದಾಂಪತ್ಯ ಜೀವನಕ್ಕೆ ಕಾಲಿಡುತ್ತಾರೆ ಎನ್ನುವುದೇ ಸದ್ಯಕ್ಕಿರುವ ಕುತೂಹಲ.
