ನೋಡಿರಿ
ಟೆಸ್ಟ್ನಲ್ಲಿ ಫ್ಲಾಪ್ ಕ್ರಿಕೆಟರ್ ಆದ ಶುಬ್ಮನ್ ಗಿಲ್ – ಸೆಕೆಂಡ್ ಟೆಸ್ಟ್ ಚಾನ್ಸ್ ಸಿಗೋದು ಡೌಟ್?
ಟೆಸ್ಟ್ ಕ್ರಿಕೆಟ್ನಲ್ಲಿ ಕಳೆದ ಎಂಟು ತಿಂಗಳಿನಿಂದ ಶುಬ್ಮನ್ ಗಿಲ್ ಕಂಪ್ಲೀಟ್ ಫ್ಲಾಪ್ ಶೋ. ಒಂದೇ ಒಂದು ಹಾಫ್ ಸೆಂಚೂರಿ ಕೂಡ ಹೊಡೆದಿಲ್ಲ. ಆದ್ರೂ ಶುಬ್ಮನ್ ಗಿಲ್ಗೆ ಮೇಲಿಂದ ಮೇಲೆ ಚಾನ್ಸ್ ನೀಡ್ತಾನೆ ಇದ್ದಾರೆ. ಆದ್ರೆ ಈಗ ಚಾನ್ಸ್ ಕೊಟ್ಟಿರೋದು ಸ್ವಲ್ಪ ಜಾಸ್ತಿನೇ ಆಯ್ತು ಅಂತಾ ಕಾಣ್ಸುತ್ತೆ. ಹೀಗಾಗಿ ಸ್ವಲ್ಪ ಬಿಸಿ ಮುಟ್ಟಿಸಬೇಕಾದ ಅವಶ್ಯಕತೆ ಇದೆ. ಫಾರ್ಮ್ನಲ್ಲಿ ಇಲ್ಲ ಅಂದ್ಮೇಲೆ ಟೀಮ್ನಲ್ಲಿ ಆಡಿಸೋದು ಸರಿಯಲ್ಲ. ಶುಬ್ಮಗಿಲ್ ಔಟ್ ಫಾರ್ಮ್ ಮತ್ತು ಇಂಗ್ಲೆಂಡ್ ವಿರುದ್ಧದ ಫಸ್ಟ್ ಟೆಸ್ಟ್ನಲ್ಲಿ ಟೀಂ ಇಂಡಿಯಾದ ಫೇಲ್ಯೂರ್ ಬಗ್ಗೆ ಮಾಹಿತಿ ಇಲ್ಲಿದೆ.
ಇದನ್ನೂ ಓದಿ: 69 ವರ್ಷಗಳ ಹಳೆಯ ದಾಖಲೆ ಮುರಿದು ಇತಿಹಾಸ ನಿರ್ಮಿಸಿದ ಇಂಗ್ಲೆಂಡ್ – ಮೊದಲ ಟೆಸ್ಟ್ನಲ್ಲಿ ಭಾರತಕ್ಕೆ ಮುಖಭಂಗ
ಟಿ-20 ಮತ್ತು ವಂಡೇ ಕ್ರಿಕೆಟ್ ನಮಗೆಲ್ಲಾ ತುಂಬಾನೆ ಎಂಟರ್ಟೈನ್ಮೆಂಟ್ ನೀಡ್ತಾ ಇರಬಹುದು. ಹೀಗಾಗಿ ಟೆಸ್ಟ್ ಕ್ರಿಕೆಟ್ ಬೋರ್ ಅನ್ನಿಸ್ಬಹುದು. ಆದ್ರೆ ಒಬ್ಬ ಕ್ರಿಕೆಟರ್ ಪಾಲಿಗೆ ಟೆಸ್ಟ್ ಫಾರ್ಮೆಟ್ ಅತ್ಯಂತ ಕ್ರೂಶಿಯಲ್. ಟೆಸ್ಟ್ ಮ್ಯಾಚ್ಗಳನ್ನಾಡೋಕೆ ಫಿಟ್ ಆಗಿದ್ರಷ್ಟೇ ಆತ ಒಬ್ಬ ಪರ್ಫೆಕ್ಟ್ ಕ್ರಿಕೆಟರ್ ಎನ್ನಿಸಿಕೊಳ್ತಾನೆ.
ಆದ್ರೆ ಶುಬ್ಮನ್ ಗಿಲ್ ಮಾತ್ರ ಟೆಸ್ಟ್ನಲ್ಲಿ ದೊಡ್ಡ ಫ್ಲಾಪ್ ಕ್ರಿಕೆಟರ್ ಆಗಿದ್ದಾರೆ. ಶುಬ್ಮನ್ ಗಿಲ್ ಇದುವರೆಗೆ 21 ಟೆಸ್ಟ್ ಮ್ಯಾಚ್ಗಳನ್ನ ಆಡಿದ್ದಾರೆ. ಅಂದ್ರೆ 39 ಇನ್ನಿಂಗ್ಸ್ಗಳು.. ಈ 19 ಮ್ಯಾಚ್ಗಳಲ್ಲಿ, 39 ಇನ್ನಿಂಗ್ಸ್ಗಳಲ್ಲಿ ಗಿಲ್ ಗಳಿಸಿರೋದು 1063 ರನ್ ಮಾತ್ರ. ಎವರೇಜ್ 29.53. ಒಬ್ಬ ಫುಲ್ಟೈಮ್ ಬ್ಯಾಟ್ಸ್ಮನ್ ಆಗಿ ಓಪನಿಂಗ್ ಮತ್ತು 3ನೇ ಆರ್ಡರ್ನಲ್ಲಿ ಬ್ಯಾಟಿಂಗ್ಗೆ ಇಳಿದ್ರೂ 21 ಟೆಸ್ಟ್ ಮ್ಯಾಚ್ಗಳಲ್ಲಿ ಶುಬ್ಮನ್ ಗಿಲ್ 1063 ರನ್ ಗಳಿಸಿದ್ದಾರಷ್ಟೇ. ಆಡಿರೋ ಎಲ್ಲಾ 21 ಮ್ಯಾಚ್ಗಳಲ್ಲೂ ಶುಬ್ಮನ್ ಗಿಲ್ಗೆ ಬ್ಯಾಟಿಂಗ್ ಮಾಡೋಕೆ ಅವಕಾಶ ಸಿಕ್ಕಿದೆ. ಟಾಪ್ ಆರ್ಡರ್ ಬ್ಯಾಟ್ಸ್ಮನ್ ಆಗಿಯೇ ಕ್ರೀಸ್ಗಿಳಿದಿದ್ರು. ಆದ್ರೂ ಕೂಡ ಟೆಸ್ಟ್ನಲ್ಲಿ ಒಂದು ಬಿಗ್ ಇನ್ನಿಂಗ್ಸ್ ಆಡೋಕೆ ಶುಬ್ಮನ್ ಗಿಲ್ಗೆ ಸಾಧ್ಯವಾಗಿಲ್ಲ. ಅದ್ರಲ್ಲೂ ಫಾರಿನ್ ಪಿಚ್ಗಳಲ್ಲಂತೂ ಶುಬ್ಮನ್ ಗಿಲ್ ಅಟ್ಟರ್ ಫ್ಲಾಪ್. ಅದ್ಯಾಕೋ ಗೊತ್ತಿಲ್ಲ, ಇಂಗ್ಲೆಂಡ್ ಬೌಲರ್ಸ್ಗಳನ್ನಂತೂ ಫೇಸ್ ಮಾಡೋಕೆ ಶುಬ್ಮನ್ ಗಿಲ್ ಒದ್ದಾಡ್ತಾರೆ. ಇಂಗ್ಲೆಂಡ್ ವಿರುದ್ಧ ಶುಬ್ಮನ್ ಗಿಲ್ ಸ್ಕೋರ್ ನೋಡಿ.. 0, 15, 11, 14, 0, 23, 0.. ಒಟ್ಟು ಮೂರು ಬಾರಿ ಗೋಲ್ಡನ್ ಡಕ್. ಟೆಸ್ಟ್ನಲ್ಲಿ ಒಟ್ಟು 10 ಬಾರಿ ಸಿಂಗಲ್ ಡಿಜಿಟ್ಗೆ ಔಟಾಗಿದ್ದಾರೆ.
ಕಳೆದ ವೆಸ್ಟ್ಇಂಡೀಸ್ ಸೀರಿಸ್ನಲ್ಲೂ ಫ್ಲಾಪ್, ಸೌತ್ ಆಫ್ರಿಕಾ ವಿರುದ್ಧದ ಸೀರಿಸ್ನಲ್ಲೂ ಫ್ಲಾಪ್. ಇಂಥಾ ಸೂಪರ್ ಫ್ಲಾಪ್ ಶೋಗಳನ್ನ ನೀಡಿದ್ರೂ ಶುಬ್ಮನ್ ಗಿಲ್ಗೆ ಮೇಲಿಂದ ಮೇಲೆ ಚಾನ್ಸ್ ಕೊಡ್ತಾನೆ ಇದ್ದಾರೆ. ಅಫ್ಕೋಸ್ ಶುಬ್ಮನ್ ಗಿಲ್ ಒಬ್ಬ ಹೆವೀ ಟ್ಯಾಲೆಂಟೆಡ್ ಕ್ರಿಕೆಟರ್ ಅನ್ನೋದ್ರಲ್ಲಿ ಯಾವುದೇ ಡೌಟ್ ಇಲ್ಲ. ಆದ್ರೆ ಇಷ್ಟೆಲ್ಲಾ ಅವಕಾಶ ಕೊಟ್ರೂ ತಮ್ಮ ಕೆಪಾಸಿಟಿಯನ್ನ ಪ್ರೂವ್ ಮಾಡೋಕೆ ಶುಬ್ಮನ್ ಗಿಲ್ಗೆ ಆಗ್ತಾ ಇಲ್ಲ ಅಂದ್ರೆ ಏನರ್ಥ. ಸದ್ಯ ಭಾರತದ ಟೆಸ್ಟ್ ಟೀಮ್ನಲ್ಲಿ ಆಡೋಕೆ ಶುಬ್ಮನ್ ಗಿಲ್ ಅನ್ಫಿಟ್. ಅಷ್ಟೇ.. ಕೋಚ್ ರಾಹುಲ್ ದ್ರಾವಿಡ್ ಈಗಾಗ್ಲೇ ಶುಬ್ಮನ್ ಗಿಲ್ ದೋಸ್ತಿಯಾಗಿರೋ ಇಶಾನ್ ಕಿಶನ್ಗೆ ಒಂದಷ್ಟು ಫಸ್ಟ್ ಕ್ಲಾಸ್ ಮ್ಯಾಚ್ಗಳನ್ನ ಆಡುವಂತೆ ಸೂಚಿಸಿದ್ದಾರೆ. ಈಗ ಶುಬ್ಮನ್ ಗಿಲ್ ಸರದಿ ಬಂದಿದೆ. ಗಿಲ್ ಕೂಡ ಒಂದಷ್ಟು ಡೊಮೆಸ್ಟಿಕ್ ಮ್ಯಾಚ್ಗಳನ್ನ ಆಡಿ ಬರೋದು ಒಳ್ಳೆಯದು ಅನ್ಸುತ್ತೆ. ಫಾರ್ಮ್ನಲ್ಲಿ ಇಲ್ಲ ಅಂದ್ಮೇಲೆ ನ್ಯಾಷನಲ್ ಟೀಮ್ನಲ್ಲಿ ಆಡಿಸೋ ರಿಸ್ಕ್ ಯಾಕೆ ತಗೋಬೇಕು. ಟೀಂ ಇಂಡಿಯಾ ಏನು ಪ್ರಯೋಗ ಶಾಲೆ ಅಲ್ವಲ್ಲಾ. ದೇಶವನ್ನ ರೆಪ್ರೆಸೆಂಟ್ ಮಾಡೋ ಟೀಮ್. ಅದು ಬೇರೆ ಈಗ ಆಡೋ ಪ್ರತಿ ಟೆಸ್ಟ್ ಮ್ಯಾಚ್ ಕೂಡ ಭಾರತಕ್ಕೆ ತುಂಬಾನೆ ಇಂಪಾರ್ಟೆಂಟ್. ಯಾಕಂದ್ರೆ ಇವೆಲ್ಲವೂ ವರ್ಲ್ಡ್ ಟೆಸ್ಟ್ ಚಾಂಪಿಯನ್ಶಿಪ್ನ ಅಂಡರ್ನಲ್ಲೇ ಬರುತ್ತೆ. 2025ರ ಟೆಸ್ಟ್ ಚಾಂಪಿಯನ್ಶಿಪ್ಗೆ ಕ್ವಾಲಿಫೈ ಆಗಬೇಕು ಅನ್ನೋದಾದ್ರೆ ಪ್ರತಿ ಮ್ಯಾಚ್ನ ಪರ್ಫಾಮೆನ್ಸ್ ಕೂಡ ಕೌಂಟ್ ಆಗುತ್ತೆ. ಹೀಗಿರೋವಾಗ ಔಟ್ ಆಫ್ ಫಾರ್ಮ್ನಲ್ಲಿರೋರಿಗೆ ಚಾನ್ಸ್ ನೀಡುತ್ತಾ ಎಕ್ಸ್ಪರಿಮೆಂಟ್ ಮಾಡೋ ಸ್ವಿಚ್ಯುವೇಶನ್ನಲ್ಲೂ ಇಂಡಿಯನ್ ಟೀಮ್ ಇಲ್ಲ. ಮೋಸ್ಟ್ಲಿ ಸೆಕೆಂಡ್ ಟೆಸ್ಟ್ ಮ್ಯಾಚ್ಗೆ ಶುಬ್ಮನ್ ಗಿಲ್ರನ್ನ ಡ್ರಾಪ್ ಮಾಡೋ ಚಾನ್ಸ್ ಹೆಚ್ಚಿದೆ.
