ನೋಡಿರಿ
ಸೀತಾಗೆ ಸ್ಕೆಚ್‌.. ಸಿಹಿ ಬಲಿ – ಪ್ರೇತವಾಗಿ ಕಾಡ್ತಾಳಾ ಸೀತಾ ಮಗಳು?
ಡೈರೆಕ್ಟರ್‌ ವಿರುದ್ಧ ರೊಚ್ಚಿಗೆದ್ದ ಫ್ಯಾನ್ಸ್‌
ಸೀತಾರಾಮ ಸೀರಿಯಲ್ ಸದ್ಯ ರೋಚಕ ತಿರುವು ಪಡೆದುಕೊಂಡಿದೆ.. ಸಿಹಿ ಜನ್ಮ ರಹಸ್ಯ ಗೊತ್ತಾಗ್ತಿದ್ದಂತೆ, ಸೀರಿಯಲ್ ಕತೆಗೆ ಹೊಸ ಟ್ವಿಸ್ಟ್ ಕೊಡಲಾಗಿದೆ. ಇದೀಗ ಸೀರಿಯಲ್ ಡೈರೆಕ್ಟರ್‌ ಸಿಹಿಗೆ ಆಕ್ಸಿಡೆಂಟ್‌ ಮಾಡಿಸಿಬಿಟ್ಟಿದ್ದಾರೆ.. ಹಾಗಾದ್ರೆ ಇನ್ಮುಂದೆ ಸೀರಿಯಲ್ ನಲ್ಲಿ ಸಿಹಿ ಪಾತ್ರವೇ ಇರೋದಿಲ್ವಾ? ಸೀತಾ ರಾಮನಿಂದ ಸಿಹಿ ದೂರವಾಗ್ತಾಳಾ? ಈ ಬಗ್ಗೆ ಮಾಹಿತಿ ಇಲ್ಲಿದೆ.
ಇದನ್ನೂ ಓದಿ: ಗೋಲ್ ಗಪ್ಪಾದಲ್ಲಿ ಯೂರಿಯಾ, ಹಾರ್ಪಿಕ್ – ರಾಜ್ಯದಲ್ಲಿ ಗೋಲ್ ಗಪ್ಪ ಬ್ಯಾನ್?
ಜೀ ಕನ್ನಡದಲ್ಲಿ ಸೀತಾರಾಮ ಸೀರಿಯಲ್ ಈಗ ಮಹಾ ತಿರುವು ಪಡೆದುಕೊಂಡಿದೆ.. ಸಿಹಿ ಜನ್ಮ ರಹಸ್ಯ ಗೊತ್ತಾಗಿದೆ. ಇದೀಗ ಸಿಹಿ ಯಾರಾ ಪಾಲಾಗ್ತಾರೆ ಅಂತಾ ಸೀರಿಯಲ್ ಪ್ರೇಮಿಗಳನ್ನ ಕಾಡ್ತಿತ್ತು. ಇದೀಗ ಸೀರಿಯಲ್ ಡೈರೆಕ್ಟರ್‌ ಸಿಹಿ ಕತೆಯನ್ನೇ ಮುಗಿಸಿಬಿಟ್ಟಿದ್ದಾರೆ.. ಈ ಬಗ್ಗೆ ಜೀ ಕನ್ನಡ ಪ್ರೋಮೊ ಹಂಚಿಕೊಂಡಿದೆ..
ಹೌದು ಸೀತಾ ಇಲ್ಲಿವರೆಗೆ ಮುಚ್ಚಿಟ್ಟಿದ್ದ ಗುಟ್ಟು ರಟ್ಟಾಗಿದೆ. ಸೀತಾ, ಸಿಹಿಯ ಬಾಡಿಗೆ ತಾಯಿ ಎಂಬುದು ಮನೆಯವರಿಗೆಲ್ಲ ತಿಳಿದಿದೆ. ತನ್ನ ಮಗುವನ್ನು ಸೀತಾ ಇಟ್ಕೊಂಡಿದ್ದಾಳೆ ಎಂಬ ಸತ್ಯ ಗೊತ್ತಾಗಿ ಶ್ಯಾಮ್ ಹಾಗೂ ಶಾಲಿನಿ ಗಲಾಟೆ ಮಾಡ್ತಿದ್ದಾರೆ. ಆದ್ರೆ ಸೀತಾ ಬಾಳಲ್ಲಿ ನಡೆದ ಎಲ್ಲ ವಿಷ್ಯವನ್ನು ಸರಿಯಾಗಿ ತಿಳಿದಿರುವ ರಾಮ್, ಸೀತಾಗೆ ಬೆಂಬಲವಾಗಿ ನಿಂತಿದ್ದಾನೆ. ಏನೇ ಕಷ್ಟಬಂದ್ರೂ ನಿನ್ನೊಂದಿಗಿರುವೆ ಎಂಬ ಭರವಸೆ ನೀಡಿದ್ದಾನೆ. ಇವೆಲ್ಲದ್ರ ಮಧ್ಯೆ ರಾಮ್ ಚಿಕ್ಕಮ್ಮ ಭಾರ್ಗವಿ ತನ್ನ ಆಟವನ್ನ ಶುರುಮಾಡ್ಕೊಂಡಿದ್ದಾಳೆ.. ಇಡೀ ಆಸ್ತಿಯನ್ನು ಕಬಳಿಸಲು, ಮಾವನಿಗೆ ಸೀತಾ ಮೇಲೆ ಕೆಟ್ಟ ಅಭಿಪ್ರಾಯ ಬರುವಂತೆ ಮಾಡಿದ್ದಾಳೆ. ಅಷ್ಟೇ ಅಲ್ಲ, ಮನೆಯಲ್ಲಿ ಸೀತಾರಾಮ ಮತ್ತು ಸಿಹಿ ಕಾಣದೆ ಹೋದಾಗ, ರಾಮನನ್ನು ಸೀತಾ ಕರೆದೊಯ್ದಿದ್ದಾಳೆಂದು ಮಾವನ ಮುಂದೆ ನಾಟಕವಾಡ್ತಿದ್ಲು.. ಅತ್ತ ಚಾಂದಿನಿಗೆ ರಾಮನ ಆಸೆ ತೋರಿಸಿ ತನ್ನ ಕೆಲಸ ಮಾಡಿಕೊಳ್ತಿದ್ದಾಳೆ.
ಭಾರ್ಗವಿ ಸೀತಾಳನ್ನ ಕೊಲ್ಲೋ ಪ್ಲಾನ್ ಮಾಡಿದ್ದು, ಆಕೆಯ ಸಂಚಿಗೆ ಈಗ ಸಿಹಿ ಬಲಿಯಾಗಿದ್ದಾಳೆ.. ಇದೀಗ ಸಿಹಿ ಪ್ರೇತವಾಗಿ ಕಾಣಿಸಿಕೊಂಡಿದ್ದಾಳೆ.. ಇದ್ರ ಪೋಮೋ ಜೀ ಕನ್ನಡ ಶೇರ್‌ ಮಾಡಿದೆ.. ಈ ಪ್ರೋಮೋದಲ್ಲಿ ಸಿಹಿ, ಸೀತಾ ಹಾಗೂ ರಾಮ ಮಾರುಕಟ್ಟೆಯಲ್ಲಿರ್ತಾರೆ.. ಸಿಹಿ ಜೋಳ ಎನ್ನುತ್ತಿದ್ದಂತೆ ಸೀತಾ ಅದನ್ನು ಕೊಡಿಸಲು ಮುಂದಾಗ್ತಾಳೆ. ಈ ವೇಳೆಗೆ ಫೋನ್ ಬಂದ ಕಾರಣ ರಾಮ್ ಅಲ್ಲಿಂದ ಹೋಗ್ತಾನೆ. ಸಿಹಿ ಕೈನಲ್ಲಿದ್ದ ವಸ್ತು ಕೆಳಗೆ ಬೀಳೋದ್ರಿಂದ ಅದನ್ನು ತೆಗೆಯಲು ಸೀತಾ ಮುಂದಾಗ್ತಾಳೆ. ಭಾಗರ್ವಿ, ರೌಡಿಯೊಬ್ಬ ಕರೆ ಮಾಡಿ ಕಥೆ ಮುಗಿಸುವಂತೆ ಆದೇಶ ಮಾಡ್ತಾಳೆ. ಪ್ಲಾನ್ ಪ್ರಕಾರ ಆ ರೌಡಿ ಸೀತಾಳ ಮೇಳೆ ಕಾರ್‌ ಹತ್ತಿಸಲು ಮುಂದಾಗ್ತಾನೆ.. ಕಾರ್‌ ಬರೋದನ್ನ ನೋಡಿದ ಸಿಹಿ, ಅಮ್ಮನ ರಕ್ಷಣೆಗೆ ಮುಂದಾಗ್ತಾಳೆ. ಆದ್ರೆ ಸೀತಾ ಬಚಾವ್‌ ಆಗಿ, ಕಾರು ಸಿಹಿಗೆ ಡಿಕ್ಕಿಹೊಡೆಯುತ್ತೆ.. ಇದ್ರಿಂದಾಗಿ ಆಕೆ ಸ್ಥಳದಲ್ಲೇ ಸತ್ತು ಹೋಗ್ತಾಳೆ.. ಈಗ ಸಿಹಿ ಆತ್ಮ, ಸೀತಾ ಮತ್ತು ರಾಮನ ಮುಂದೆ ಮಾತನಾಡೋದನ್ನ ತೋರಿಸಲಾಗ್ತಿದೆ..
ಈ ಪ್ರೋಮೋ ನೋಡಿದ ವೀಕ್ಷಕರು ಕೋಪಗೊಂಡಿದ್ದಾರೆ. ಸಿಹಿ ಇಲ್ಲದೆ ಸೀರಿಯಲ್ ನೋಡೋದು ಕಷ್ಟ, ಸೀತಾರಾಮ ಮತ್ತು ಸಿಹಿಯನ್ನು ದೂರ ಮಾಡ್ಬೇಡಿ ಎಂದು ಮನವಿ ಮಾಡಿದ್ದಾರೆ. ಇದು ಕನಸಾಗ್ಲಿ, ನನಸಾಗೋದು ಬೇಡ ಎಂದು ವೀಕ್ಷಕರು ಕಮೆಂಟ್ ಮಾಡಿದ್ದಾರೆ. ಈ ಸೀನ್ ನೋಡಿ ಕಣ್ಣಲ್ಲಿ ನೀರು ಬಂತು ಅಂತ ಒಬ್ಬರು ಹೇಳಿದ್ರೆ, ಮನೆ ಮನೆ ಕಥೆಯಾಯ್ತು ಇನ್ಮುಂದೆ ದೆವ್ವದ ಕಥೆ ನೋಡ್ಬೇಕಾ ಎಂದು ಮತ್ತೊಬ್ಬರು ಹೇಳಿದ್ದಾರೆ. ಇನ್ನು ಕೆಲವರು, ಮನೆಯಲ್ಲಿ ಸಣ್ಣ ಮಕ್ಕಳು ಇರ್ತಾರೆ.. ಇಂತಹ ಸೀನ್ ತೋರಿಸ್ಬೇಕಾ? ಮಕ್ಕಳ ಮನಸ್ಸಿನ ಮೇಲೆ ಪ್ರಭಾವ ಬೀರುತ್ತೆ ಅಂತಾ ಹೇಳಿದ್ದಾರೆ.. ಇನ್ನು ಕೆಲವರು ಝೀ ಕನ್ನಡ ಎಲ್ಲ ಧಾರಾವಾಹಿಯಲ್ಲಿ ಪಾತ್ರಗಳನ್ನು ಸಾಯಿಸ್ತಿದೆ, ಇಂಥ ಟ್ವಿಸ್ಟ್ ಅಗತ್ಯವಿರಲಿಲ್ಲ ಎಂದು ವೀಕ್ಷಕರು ಹೇಳಿದ್ದಾರೆ. ಇದೀಗ ಸೀತಾರಾಮನ ಜೊತೆ ಸಿಹಿ ಇರ್ತಾಳಾ ಅಥವಾ ಸಿಹಿ ಪಾತ್ರ ಅಂತ್ಯವಾಗುತ್ತಾ ಕಾದುನೋಡ್ಬೇಕಿದೆ.
