ನೋಡಿರಿ
ಸೀ ದ ಬಾಲ್ & ಹಿಟ್ ದ ಬಾಲ್ – ಬ್ಯಾಟಿಂಗ್ ಬಿರುಗಾಳಿ ಜೈಸ್ವಾಲ್ ಸಕ್ಸಸ್ ಸೀಕ್ರೆಟ್
ಆಸ್ಟ್ರೇಲಿಯಾ ವಿರುದ್ಧದ 2ನೇ ಟಿ-20 ಮ್ಯಾಚ್ನ್ನು ಟೀಂ ಇಂಡಿಯಾ ಗೆದ್ದುಕೊಂಡಿದೆ. ಸೆಕೆಂಡ್ ಮ್ಯಾಚ್ನಲ್ಲಿ ಮತ್ತೊಮ್ಮೆ ಟೀಮ್ ಇಂಡಿಯಾ ಬ್ಯಾಟ್ಸ್ಮನ್ಗಳು ಅಬ್ಬರಿಸಿದ್ದಾರೆ. ಜೊತೆಗೆ ಆದ್ರೆ ಈ ಮ್ಯಾಚ್ನಲ್ಲಿ ಓಪನರ್ ಯಶಸ್ವಿ ಜೈಸ್ವಾಲ್ ಸ್ಫೋಟಕ ಬ್ಯಾಟಿಂಗ್ ಮೂಲಕ ಮಿಂಚಿದ್ದಾರೆ. ಜೈಸ್ವಾಲ್ ಸಕ್ಸಸ್ ಸೀಕ್ರೆಟ್ ಬಗ್ಗೆ ಅವರ ಕೋಚ್ ಏನು ಹೇಳಿದ್ದಾರೆ ಎಂಬ ಮಾಹಿತಿ ಇಲ್ಲಿದೆ.
ಇದನ್ನೂ ಓದಿ:ಗುಜರಾತ್ ಟೈಟಾನ್ಸ್ ಕ್ಯಾಪ್ಟನ್ ಆಗಿದ್ದ ಹಾರ್ದಿಕ್ ಪಾಂಡ್ಯಾ ಮರಳಿ ಮುಂಬೈಗೆ – ಮುಂಬೈ ಇಂಡಿಯನ್ಸ್ ಕ್ಯಾಪ್ಟನ್ ಯಾರು?
ಆಸ್ಟ್ರೇಲಿಯಾ ವಿರುದ್ಧದ ಎರಡನೇ ಟಿ20 ಪಂದ್ಯದಲ್ಲಿ ಯಶಸ್ವಿ ಜೈಸ್ವಾಲ್ ಕೇವಲ 25 ಬಾಲ್ಗಳಲ್ಲಿ 53 ರನ್ ಹೊಡೆಯುವ ಮೂಲಕ ಮಿಂಚಿದ್ದಾರೆ. ಅದರಲ್ಲೂ ಸೀನ್ ಅಬಾಟ್ ಬೌಲಿಂಗ್ನಲ್ಲಂತೂ ಒಂದೇ ಓವರ್ನಲ್ಲಿ ಮೇಲಿಂದ ಮೇಲೆ ಮೂರು ಬೌಂಡರಿ, ಎರಡು ಸಿಕ್ಸರ್ ಹೊಡೆದಿದ್ದಾರೆ. ಟಾಸ್ ಗೆದ್ದು ಮೊದಲು ಬೌಲಿಂಗ್ ಆಯ್ಕೆ ಮಾಡಿಕೊಂಡ ಆಸ್ಟ್ರೇಲಿಯನ್ನರ ಲೆಕ್ಕಾಚಾರಗಳನ್ನೆಲ್ಲಾ ಬುಡಮೇಲು ಮಾಡಿದ್ದೇ ಜೈಸ್ವಾಲ್. ವರ್ಲ್ಡ್ಕಪ್ನಲ್ಲಿ ರೋಹಿತ್ ಶರ್ಮಾ ಆಡಿದಂತೆ ಜೈಸ್ವಾಲ್ ಓಪನಿಂಗ್ ಬಂದು ಅಬ್ಬರದ ಬ್ಯಾಟಿಂಗ್ ಮಾಡಿ ಒಂದು ಒಳ್ಳೆಯ ಆರಂಭ ನೀಡಿದರು. ಇದೀಗ ಯಶಸ್ವಿ ಜೈಸ್ವಾಲ್ ತಮ್ಮ ಸಕ್ಸಸ್ ಸೂತ್ರದ ಬಗ್ಗೆಯೂ ಮಾತನಾಡಿದ್ದಾರೆ. ನಿರ್ಭೀತಿಯಿಂದ ಆಡುವುದು, ತನ್ನದೇ ಆದ ರೀತಿಯಲ್ಲಿ ಬ್ಯಾಟಿಂಗ್ ಮಾಡುವುದರಿಂದ ಸಕ್ಸಸ್ ಕಾಣುತ್ತಿದ್ದೇನೆ ಅಂತಾ ಜೈಸ್ವಾಲ್ ಹೇಳಿದ್ದಾರೆ. ಪಂದ್ಯಕ್ಕೂ ಮುನ್ನ ಕೋಚ್ ವಿವಿಎಸ್ ಲಕ್ಷ್ಮಣ್ ಮತ್ತು ಕ್ಯಾಪ್ಟನ್ ಸೂರ್ಯಕುಮಾರ್ ಯಾದವ್ ಕೂಡ ಜೈಸ್ವಾಲ್ಗೆ ಇದೇ ಮಾತನ್ನ ಹೇಳಿದ್ರಂತೆ. ಎದುರಾಳಿ ಯಾರು ಅನ್ನೋ ಬಗ್ಗೆ ತಲೆಕೆಡಿಸಿಕೊಳ್ಳೋ ಅಗತ್ಯ ಇಲ್ಲ. ನ್ಯಾಚ್ಯುರಲ್ ಸ್ಟೈಲ್ನಲ್ಲೇ ಆಡುವಂತೆ ಸೂಚಿಸಿದ್ರಂತೆ. ಜೈಸ್ವಾಲ್ ನ್ಯಾಚ್ಯುರಲ್ ಸ್ಟೈಲ್ ಅಂದ್ರೆ ಅಗ್ರೆಸ್ಸಿವ್ ಬ್ಯಾಟಿಂಗ್. ಪವರ್ಪ್ಲೇನಲ್ಲಿ ಆಡೋಕೆ ಜೈಸ್ವಾಲ್ ಹೇಳಿ ಮಾಡಿಸಿದಂಥಾ ಬ್ಯಾಟ್ಸ್ಮನ್.
ಇನ್ನು ಜೈಸ್ವಾಲ್ ಬ್ಯಾಟಿಂಗ್ ಸ್ಟೈಲ್ ಬಗ್ಗೆ ಅವರ ಚೈಲ್ಡ್ವುಡ್ ಕೋಚ್ ಜ್ವಾಲಾ ಸಿಂಗ್ ಕೂಡ ಮಾತನಾಡಿದ್ದಾರೆ. ಜೈಸ್ವಾಲ್ರಲ್ಲಿ ಎರಡು ರೀತಿಯ ಬ್ಯಾಟ್ಸ್ಮನ್ಗಳಿದ್ದಾರೆ. ಒಂದು ವಿರೇಂದ್ರ ಸೆಹ್ವಾಗ್ ಮತ್ತು ಸೌರವ್ ಗಂಗೂಲಿ. ಈ ಇಬ್ಬರೂ ಬ್ಯಾಟ್ಸ್ಮನ್ಗಳ ಸ್ಟೈಲ್ನ್ನ ಕೂಡ ಜೈಸ್ವಾಲ್ ಫಾಲೋ ಮಾಡ್ತಾರೆ. ವಿರೇಂದ್ರ ಸೆಹ್ವಾಗ್‌ರದ್ದು ಯಾವಗಲೂ ಒಂದೇ ಸ್ಟ್ರ್ಯಾಟಜಿಯಾಗಿತ್ತು.. ಸೀ ದ ಬಾಲ್ & ಹಿಟ್ ದ ಬಾಲ್.. ಜೊತೆಗೆ ಸೆಹ್ವಾಗ್ರ ಹ್ಯಾಂಡ್-ಐ ಕಾರ್ಡಿನೇಷನ್ ಕೂಡ ಎಕ್ಸ್ಲೆಂಟ್ ಆಗಿತ್ತು. ಅಷ್ಟೇ ಅಲ್ಲ, ಬೌಲರ್ ರನ್ಅಪ್ ತೆಗೆದುಕೊಳ್ಳುತ್ತಲೇ ಸೆಹ್ವಾಗ್ ಯಾವುದಾದ್ರು ಹಿಂದಿ ಹಾಡನ್ನು ಹೇಳ್ತಾನೆ ಬ್ಯಾಟ್ ಬೀಸುತ್ತಿದ್ದರು. ಈಗ ಜೈಸ್ವಾಲ್ ಕೂಡ ಹೀಗೆಯೇ ಮಾಡುತ್ತಿದ್ದಾರೆ. ಸೀ ದ ಬಾಲ್ & ಹಿಟ್ ದ ಬಾಲ್.. ಟೋಟಲಿ ಅಟ್ಯಾಕಿಂಗ್ ಬ್ಯಾಟಿಂಗ್.. ಎದುರಾಳಿ ಟೀಂ ಯಾವುದೇ ಇರಲಿ.. ಬೌಲರ್ ಅದ್ಯಾರೇ ಆಗಿರಲಿ.. ಪಿಚ್ ಕೂಡ ಹೇಗೆ ಬೇಕಾದ್ರೂ ಇರಲಿ.. ಬಾಲ್ನ್ನ ಬೌಂಡರಿ ಲೈನ್ ಆಚೆಗೆ ಕಳುಹಿಸೋದೆ ಜೈಸ್ವಾಲ್ರ ವನ್ ಪಾಯಿಂಟ್ ಅಜೆಂಡಾ. ಜೊತೆಗೆ ವಿರೇಂದ್ರ ಸೆಹ್ವಾಗ್ರಂತೆ ಜೈಸ್ವಾಲ್ ಕೂಡ ಬ್ಯಾಟಿಂಗ್ ವೇಳೆ ಹಿಂದಿ ಹಾಡುಗಳನ್ನು ಹೇಳ್ತಾರಂತೆ. ಜೈಸ್ವಾಲ್ ಚೈಲ್ಡ್ವುಡ್ ಕೋಚ್ ಹೇಳುವ ಪ್ರಕಾರ, ಜೈಸ್ವಾಲ್ ಅವರು ವಿರೇಂದ್ರ ಸೆಹ್ವಾಗ್ರ ಅಪ್ಗ್ರೇಡ್ ವರ್ಷನ್ ಅಂತೆ. ವಿರೇಂದ್ರ ಸೆಹ್ವಾಗ್ ಬಿಗ್ ಶಾಟ್ಸ್ಗಳನ್ನ ಆಡೋವಾಗ ತಮ್ಮ ಕಾಲನ್ನ ಚೆನ್ನಾಗಿ ಬಳಸಿಕೊಳ್ತಾ ಇದ್ರು. ಬಾಡಿ ಬ್ಯಾಲೆನ್ಸ್ ತುಂಬಾ ಚೆನ್ನಾಗಿರ್ತಿತ್ತು. ಜೈಸ್ವಾಲ್ ಕೂಡ ಅಷ್ಟೇ, ಶಾಟ್ ಆಡುವಾಗಲೆಲ್ಲಾ ಬಾಡಿ ಬ್ಯಾಲೆನ್ಸ್ ಬಗ್ಗೆ ಹೆಚ್ಚು ಫೋಕಸ್ ಮಾಡ್ತಿದ್ದಾರೆ. ಸ್ವಲ್ಪ ಬ್ಯಾಲೆನ್ಸ್ ತಪ್ಪಿದರೂ ಕ್ಯಾಚ್ ಹೋಗುವ ಸಾಧ್ಯತೆ ಹೆಚ್ಚಿರುತ್ತೆ.
ಇದು ಯಶಸ್ವಿ ಜೈಸ್ವಾಲ್ರ ಸೆಹ್ವಾಗ್ ವರ್ಷನ್ ಆದ್ರೆ, ಇನ್ನು ಗಂಗೂಲಿ ಸ್ಟೈಲ್ನಲ್ಲೂ ಜೈಸ್ವಾಲ್ ಬ್ಯಾಟಿಂಗ್ ಮಾಡ್ತಾರೆ. ನಿಮಗೆ ಗೊತ್ತಿರೋ ಹಾಗೆ ಸೌರವ್ ಗಂಗೂಲಿಯನ್ನ ಆಫ್ ಸೈಡ್ ದೇವ್ರು ಅಂತಾನೆ ಕರೀತಾ ಇದ್ರು. ಯಾಕಂದ್ರೆ, ಆಫ್ಸೈಡ್ನಲ್ಲಿ ಎಷ್ಟೇ ಫೀಲ್ಡರ್ಸ್ಗಳನ್ನ ನಿಲ್ಲಿಸಿದ್ರೂ ಗಂಗೂಲಿ ಗ್ಯಾಪ್ ನೋಡಿ ಬೌಂಡರಿ ಹೊಡೀತಿದ್ರು. ಯಶಸ್ವಿ ಜೈಸ್ವಾಲ್ ಕೂಡ ಅಷ್ಟೇ, ಆಫ್ಸೈಡ್ಗೆ ಅದ್ಭುತವಾಗಿ ಪ್ಲೇಸ್ಮೆಂಟ್ ಮಾಡ್ತಾರೆ. ಗಂಗೂಲಿ ಶೈಲಿಯಲ್ಲೇ ಜೈಸ್ವಾಲ್ ಕೂಡ ಸ್ಕ್ವಾರ್ಕಟ್ ಹೊಡೀತಾರೆ. ಇನ್ನು ಕೇವಲ ಟಿ-20ಯಲ್ಲಷ್ಟೇ ಅಲ್ಲ, ವಂಡೇ, ಟೆಸ್ಟ್ ಸೇರಿ ಕ್ರಿಕೆಟ್ನ ಮೂರೂ ಫಾರ್ಮೆಟ್ಗಳಲ್ಲೂ ಪರ್ಫಾಮ್ ಮಾಡೋ ಆಟಗಾರ ಜೈಸ್ವಾಲ್. ಕೋಚ್ ಜ್ವಾಲಾ ಸಿಂಗ್ ಹೇಳುವ ಪ್ರಕಾರ, ಫೋಕಸ್ ಮತ್ತು ಟೆಂಪರಮೆಂಟ್ ಶಿಫ್ಟ್ ಮಾಡೋ ಕಲೆ ಜೈಸ್ವಾಲ್ಗೆ ಚೆನ್ನಾಗಿಯೇ ಕರಗತವಾಗಿದ್ಯಂತೆ. ಅಂದ್ರೆ, ಈಗ ಟಿ-20 ಆಡಿದ್ರೆ, ನೆಕ್ಸ್ಟ್ ವಂಡೇ ಸೀರಿಸ್ ಆಡ್ತಾರೆ ಅಂದ್ರೆ ಆ ಫಾರ್ಮೆಟ್ಗೆ ಕೂಡಲೇ ಸೆಟ್ ಆಗ್ತಾರೆ. ನಂತರ ಟೆಸ್ಟ್ ಆಡಬೇಕು ಅಂದ್ರೂ ಆ ಫಾರ್ಮೆಟ್ಗೂ ಮೆಂಟಲಿ ರೆಡಿಯಾಗ್ತಾರೆ. ಬ್ರೈನ್ ಶಿಫ್ಟಿಂಗ್ನಲ್ಲಿ ಜೈಸ್ವಾಲ್ ಎಕ್ಸ್ಪರ್ಟ್ ಆಗಿದ್ದಾರೆ. ಮೂರೂ ಫಾರ್ಮೆಟ್ಗಳಲ್ಲೂ ಸ್ಕೋರ್ ಡೆಲಿವರಿ ಮಾಡೋ ಕೆಪಾಸಿಟಿ ಜೈಸ್ವಾಲ್ಗೆ ಇದೆ. ಟಿ-20ಯಲ್ಲಿ ಯಾವ ರೀತಿ ಫಾಸ್ಟ್ ಆಗಿ ಸ್ಕೋರ್ ಮಾಡಬೇಕು.. ಟೆಸ್ಟ್ನಲ್ಲಿ ಹೇಗೆ ಕ್ರೀಸ್ನಲ್ಲಿ ಫಿಕ್ಸ್ ಆಗಿ ಲಾಂಗ್ ಇನ್ನಿಂಗ್ಸ್ ಆಡಬೇಕು ಅನ್ನೋದು ಜೈಸ್ವಾಲ್ಗೆ ಚೆನ್ನಾಗಿಯೇ ಗೊತ್ತಿದೆ. ಮ್ಯಾಚ್ಗೂ ಮುನ್ನ ಅದಕ್ಕೆ ತಕ್ಕಂತೆ ಪ್ರಾಕ್ಟೀಸ್ ಕೂಡ ಮಾಡ್ತಾರೆ.
ಇನ್ನು ಯಾವುದೇ ಪಿಚ್ನಲ್ಲಿ ಬೇಕಾದ್ರೂ ಜೈಸ್ವಾಲ್ ಅಗ್ರೆಸ್ಸಿವ್ ಆಗಿ ಬ್ಯಾಟಿಂಗ್ ಮಾಡೋ ಸಾಮರ್ಥ್ಯ ಹೊಂದಿದ್ದಾರೆ. ಅದಕ್ಕೆ ಕಾರಣ ಕೋಚ್ ಜ್ವಾಲಾ ಸಿಂಗ್. ರಫ್ ಸರ್ಫೇಸ್ ಇರಲಿ, ಇನ್ಯಾವುದೇ ರೀತಿಯ ಪಿಚ್ ಇರಲಿ, ಕೋಚ್ ಜ್ವಾಲಾ ಸಿಂಗ್ ಅವರು ಜೈಸ್ವಾಲ್ಗೆ ಪರ್ಟಿಕ್ಯುಲರ್ ಟಾರ್ಗೆಟ್ ಕೊಡ್ತಿದ್ರು. ಉದಾಹರಣೆಗೆ ಎಲ್ಲಾ ರೀತಿಯ ಪಿಚ್ನಲ್ಲೂ ಸಿಕ್ಸರ್ ಹೊಡಿಯುವ ಹಾಗೆ, ಅಗ್ರೆಸ್ಸಿವ್ ಬ್ಯಾಟಿಂಗ್ ಮಾಡೋ ರೀತಿ ಟ್ರೈನ್ ಮಾಡಿದ್ರು. ಹೀಗಾಗಿ ಪಿಚ್ ಬಗ್ಗೆ ತಲೆಕೆಡಿಸಿಕೊಳ್ಳದೆ ಟಿ-20ನಲ್ಲಿ ಜೈಸ್ವಾಲ್ ಫೀಯರ್ಲೆಸ್ ಬ್ಯಾಟಿಂಗ್ ಮಾಡ್ತಾ ಇದ್ದಾರೆ. 2024ರ ಟಿ-20 ವರ್ಲ್ಡ್ಕಪ್ಗೆ ಜೈಸ್ವಾಲ್ ಟೀಂನಲ್ಲಿ ಸೆಲೆಕ್ಟ್ ಆಗೋದಂತೂ ಗ್ಯಾರಂಟಿ ಅಂತಾನೆ ಹೇಳಬಹುದು. ಅಂತೂ ರೈಟ್ ಟೈಮ್ನಲ್ಲಿ ಜೈಸ್ವಾಲ್ರಂಥಾ ಟ್ಯಾಲೆಂಟೆಡ್ ಬ್ಯಾಟ್ಸ್ಮನ್ ಟೀಂ ಇಂಡಿಯಾಗೆ ಸಿಕ್ಕಿದ್ದಾರೆ. ಈ ಯಂಗ್ ಬ್ಯಾಟ್ಸ್ಮನ್ ಒಬ್ಬ ಗಿಫ್ಟೆಡ್ ಪ್ಲೇಯರ್ ಅನ್ನೋದ್ರಲ್ಲಿ ಯಾವುದೇ ಡೌಟ್ ಇಲ್ಲ.
