ನೋಡಿರಿ
ಕಾರ್ತಿಕ್ ಜೊತೆ ರಂಪಾಟ – ಬಿಗ್ಬಾಸ್ ಮನೆಯಿಂದ ಸಂಗೀತ ಔಟ್?
ಕನ್ನಡದ ಬಿಗ್ ಬಾಸ್ ರಿಯಾಲಿಟಿ ಶೋ 7 ನೇ ವಾರಕ್ಕೆ ಕಾಲಿಟ್ಟಿದೆ. ದಿನದಿಂದ ದಿನಕ್ಕೆ ಆಟ ರೋಚಕ ಹಂತಗಳನ್ನ ತಲುಪುತ್ತಿದೆ. ದೊಡ್ಮನೆಯಲ್ಲಿ ಯಾವ ಕ್ಷಣ ಏನಾಗುತ್ತೆ ಅಂತಾ ಹೇಳೋದಿಕ್ಕೆ ಕಷ್ಟ. ತುಂಬಾ ಕ್ಲೋಸ್‌ ಆಗಿದ್ದವರು ಯಾವಾಗ ತಿರುಗಿ ಬೀಳುತ್ತಾರೆ ಅಂತಾ ಹೇಳೋದಿಕ್ಕೆ ಸಾಧ್ಯ ಆಗಲ್ಲ. ಸಂಗೀತ ಹಾಗೂ ಕಾರ್ತಿಕ್ ಮಹೇಶ್‌ ಆರಂಭದಿಂದಲೂ ತುಂಬಾ ಕ್ಲೋಸ್‌ ಆಗಿದ್ರ. ಒಬ್ಬರನ್ನೊಬ್ಬರು ಬಿಟ್ಟುಕೊಡುತ್ತಿರಲಿಲ್ಲ. ಆದ್ರೀಗ ಈವರಿಬ್ಬರ ಮಧ್ಯೆ ಬಿರುಕು ಉಂಟಾಗಿದೆ. ಬೆಸ್ಟ್‌ ಫ್ರೆಂಡ್ಸ್‌ನಂತಿದ್ದವರ ಮಧ್ಯೆ ಈಗ ಮನಸ್ತಾಪ ಹೆಚ್ಚಾಗುತ್ತಲೇ ಇದೆ. ಕಾರ್ತಿಕ್ ತಲೆ ಬೋಳಿಸಿಕೊಂಡ ಬಳಿಕ ಸಂಗೀತಾಗೆ ಪಶ್ಚಾತ್ತಾಪ ಕಾಡಿದೆ. ಕಾರ್ತಿಕ್ ತಲೆ ಬೋಳಿಸಿಕೊಂಡ ಬಳಿಕ ಸಂಗೀತಾಗೆ ಪಶ್ಚಾತ್ತಾಪ ಕಾಡಿದೆ. ನನಗೇನಾಗಿದೆ.. ನಾನು ನಾನಾಗಿಲ್ಲ ಅಂತಾ ಹೇಳಿಕೊಂಡಿದ್ದಾರೆ. ಈ ಬೆನ್ನಲ್ಲೇ ಬಿಗ್ ಬಾಸ್ ಮನೆಯಲ್ಲಿ ಮಹತ್ವದ ಬೆಳವಣಿಗೆಯೊಂದು ನಡೆದಿದೆ. ಬಿಗ್ ಬಾಸ್ ಮನೆಯ ಮುಖ್ಯ ದ್ವಾರ ಓಪನ್ ಆಗಿದೆ. ಸಂಗೀತಾ ಶೃಂಗೇರಿ ದುಡುಕಿನ ನಿರ್ಧಾರ ಮಾಡಿಬಿಟ್ರಾ ಅನ್ನೋ ಪ್ರಶ್ನೆ ಮೂಡಿದೆ.
ಇದನ್ನೂ ಓದಿ: ಕಳಚಿತು ಸಂಗೀತಾ ಸ್ನೇಹದ ಮುಖವಾಡ – ಸಂಗೀತಾ, ನಮ್ರತಾ ಸೇಡು, ಬಿಗ್ಬಾಸ್ ಮನೆ ದಂಗು..!
ಹೌದು, ಬಿಗ್ ಬಾಸ್ ಮನೆಯ ಗಜಕೇಸರಿ ತಂಡ ಹಾಗೂ ಸಂಪತ್ತಿಗೆ ಸವಾಲ್ ತಂಡಗಳ ನಡುವೆ ಜಿದ್ದಾಜಿದ್ದಿ ಜೋರಾಗಿದೆ. ಸಂಗೀತಾ ಅಂಡ್ ಮೈಕಲ್ ಟೀಮ್ ಬಿಗ್ ಬಾಸ್ ಮನೆಯಲ್ಲಿ ಆಡಿದ ಸವಾಲಿನ ಆಟಕ್ಕೆ ಕೆಲವರ ಮನಸ್ಸು ಒಡೆದಿದೆ. ಟೀಮ್ ಲೀಡರ್ ಆಗಿದ್ದ ಸಂಗೀತಾ ಸಂಪತ್ತಿಗೆ ಸವಾಲ್ ತಂಡಕ್ಕೆ ಬಿಗ್ ಚಾಲೆಂಜ್ ನೀಡಿದ್ರು. ಕಾರ್ತಿಕ್, ಸಂಗೀತಾ ಬೇರೆ ಬೇರೆ ಟೀಮ್ ನಲ್ಲಿದ್ದು ಕಿತ್ತಾಡಿದ್ದಾರೆ. ಕಾರ್ತಿಕ್,ತುಕಾಲಿ ಸಂತೋಷ್ ತಲೆ ಬೋಳಿಸಿಕೊಳ್ಳಬೇಕು ಎನ್ನುವ ಸವಾಲನ್ನು ಸಂಗೀತಾ ನೀಡಿದ್ರು. ಆದ್ರೆ ತಲೆ ಬೋಳಿಸಿಕೊಂಡ ಬಳಿಕ ಸಂಗೀತಾಗೆ ಪಶ್ಚಾತ್ತಾಪ ಕಾಡಿದೆ. ‘ನಾನಲ್ಲದೇ ಬೇರೆ ಯಾರೋ ಆಗುತ್ತಿದ್ದೇನೆ ಎನಿಸುತ್ತಿದೆ. ಇದು ನಾನಲ್ಲ’ ಎಂದು ಸಂಗೀತಾ ಅತ್ತಿದ್ದಾರೆ. ಅವರನ್ನು ಸಮಾಧಾನ ಮಾಡಲು ಕಾರ್ತಿಕ್ ಪ್ರಯತ್ನಿಸಿದ್ದಾರೆ. ಆದರೂ ಅವರ ಜಗಳ ಮುಗಿಯಲೇ ಇಲ್ಲ. ‘ನಾನು ಆಟ ಆಡುವುದಿಲ್ಲ..’ ಎಂದು ಸಂಗೀತಾ ಹೇಳಿದ್ದಾರೆ. ನಂತರದಲ್ಲಿ ಬಿಗ್ ಬಾಸ್ ಮನೆಯ ಮುಖ್ಯ ದ್ವಾರ ಓಪನ್ ಆಗಿದೆ. ಸಂಗೀತಾ ಶೃಂಗೇರಿ ದುಡುಕಿನ ನಿರ್ಧಾರ ಮಾಡಿಬಿಟ್ರಾ ಎಂದು ಎಲ್ಲರಿಗೂ ಅನಿಸಿದೆ. ಈ ಕ್ಷಣದ ಪ್ರೋಮೋ ಬಿಡುಗಡೆ ಆಗಿದೆ.
ಇನ್ನು ಅತಿಥಿಯಾಗಿ ಬಂದಿದ್ದ ಬ್ರಹ್ಮಾಂಡ ಗುರೂಜಿ ಅವರನ್ನು ವಾಪಸ್ ಕಳಿಸಲು ಕೂಡ ಬಾಗಿಲು ತೆರೆದಿರಬಹುದು ಎಂದು ವೀಕ್ಷಕರು ಪ್ರೋಮೋ ನೋಡಿ ಊಹಿಸಿದ್ದಾರೆ. ಅಸಲಿಗೆ ಏನಾಗಿದೆ ಎಂಬುದು ಕಲರ್ಸ್ ಕನ್ನಡದಲ್ಲಿ ನ.22ರ ರಾತ್ರಿ 9.30ಕ್ಕೆ ಪ್ರಸಾರ ಆಗುವ ಎಪಿಸೋಡ್ನಲ್ಲಿ ತಿಳಿಯಲಿದೆ.
