ನೋಡಿರಿ
ನಾಯಕತ್ವದಿಂದ ಕೆಳಗಿಳಿಸಿದ್ದಕ್ಕೆ ಮುಂಬೈ ಟೀಂನಲ್ಲಿ ಆಡಲ್ವಾ ರೋಹಿತ್ ಶರ್ಮಾ – ಟಿ20 ಕ್ಯಾಪ್ಟನ್ಸಿಯಿಂದಲೂ ಕೊಕ್?
ರೋಹಿತ್ ಶರ್ಮಾರನ್ನ ಮುಂಬೈ ಇಂಡಿಯನ್ಸ್ ಟೀಂ ಕ್ಯಾಪ್ಟನ್ಸಿಯಿಂದ ಕೆಳಗಿಳಿಸಿರೋದು ಸಾಕಷ್ಟು ಚರ್ಚೆಯಾಗ್ತಿದೆ. ಇದಕ್ಕೆ ಮುಕ್ಯ ಕಾರಣ ಹಾರ್ದಿಕ್ ಪಾಂಡ್ಯ ಜೊತೆಗೆ ನಡೆದ ಡೀಲ್. ಪಾಂಡ್ಯಾ ಕ್ಯಾಪ್ಟನ್ಸಿಯಲ್ಲಿ ಫಸ್ಟ್ ಸೀಸನ್ನಲ್ಲೇ ಗುಜರಾತ್ ಟೈಟಾನ್ಸ್ ಟ್ರೋಫಿ ಗೆದ್ದಿತ್ತು. 2023ರಲ್ಲಿ ಪಾಂಡ್ಯ ಪಡೆ ಫೈನಲ್ಗೆ ತಲುಪಿತ್ತು. ಸೋ ಹಾರ್ದಿಕ್ ಪಾಂಡ್ಯಾರಲ್ಲಿ ಕ್ಯಾಪ್ಟನ್ಸಿ ಕೆಪಾಸಿಟಿ ಇದೆ ಅನ್ನೋದು ಮಾತ್ರ ಗ್ಯಾರಂಟಿ.
ಇನ್ನು ಮುಂಬೈ ಇಂಡಿಯನ್ಸ್ ಕ್ಯಾಪ್ಟನ್ಸಿ ಚೇಂಜ್ ಆಗಿರೋದು ಫ್ರಾಂಚೈಸಿ ಮೇಲೆ ಒಂದಷ್ಟು ನೆಗೆಟಿವ್ ಎಫೆಕ್ಟ್ ಆಗ್ತಿರೋದಂತೂ ಸುಳ್ಳಲ್ಲ. ರೋಹಿತ್ ಶರ್ಮಾ ಇನ್ಮುಂದೆ ಕ್ಯಾಪ್ಟನ್ ಆಗಿರೋದಿಲ್ಲ ಅಂತಾ ಅನೌನ್ಸ್ ಆದ ಕೆಲ ಗಂಟೆಗಳಲ್ಲೇ ಸೋಷಿಯಲ್ ಮೀಡಿಯಾದಲ್ಲಿ 4 ಲಕ್ಷಕ್ಕೂ ಹೆಚ್ಚು ಮಂದಿ ಮುಂಬೈ ಇಂಡಿಯನ್ಸ್ ಪೇಜ್ ಅನ್ನು ಅನ್ಫಾಲೋ ಮಾಡಿದ್ದಾರೆ. ರೋಹಿತ್ ಫ್ಯಾನ್ಸ್ ಅಂತೂ ಮುಂಬೈ ಇಂಡಿಯನ್ಸ್ ಜೆರ್ಸಿಗೂ ಬೆಂಕಿ ಇಟ್ಟಿದ್ದಾರೆ. ಮುಂಬೈ ಇಂಡಿಯನ್ಸ್ ವಿರುದ್ಧ ಸಾಕಷ್ಟು ಆಕ್ರೋಶ ವ್ಯಕ್ತವಾಗ್ತಿದೆ. ಇನ್ನು ಮುಂಬೈ ಇಂಡಿಯನ್ಸ್ ತಂಡದ ಸೂರ್ಯಕುಮಾರ್ ಯಾದವ್ ಅಂತೂ ವಾಟ್ಸ್ ಹ್ಯಾಪನಿಂಗ್ ಇನ್ ಮುಂಬೈ ಇಂಡಿಯನ್ಸ್ ಅನ್ನೋ ರೀತಿಯಲ್ಲಿ ಒಂದು ಬ್ರೋಕನ್ ಹಾರ್ಟ್ ಫೋಟೋವನ್ನೇ ಶೇರ್ ಮಾಡಿದ್ದಾರೆ. ಈ ಹಿಂದೆ ಬುಮ್ರಾ ಕೂಡ ಪಾಂಡ್ಯಾ ಕಮ್ಬ್ಯಾಕ್ ಆದಾಗ ಸೈಲೆನ್ಸ್ ಇಸ್ ದಿ ಆನ್ಸರ್ ಅಂತಾ ಪೋಸ್ಟ್ ಹಾಕ್ಕೊಂಡಿದ್ರು.
ಇದನ್ನೂ ಓದಿ : ದಕ್ಷಿಣ ಆಫ್ರಿಕಾ ವಿರುದ್ಧ ಮೂರನೇ ಟಿ20 ಮ್ಯಾಚ್ – ಭಾರತಕ್ಕೆ ಮಾಡು ಇಲ್ಲವೇ ಮಡಿ ಪಂದ್ಯ< /a>
ಇನ್ನು ರೋಹಿತ್ ಶರ್ಮಾ ಫ್ಯೂಚರ್ ಬಗ್ಗೆ ಒಂದಷ್ಟು ಪಾಯಿಂಟ್ಸ್ ಹೇಳಲೇಬೇಕು. ಈಗ ರೋಹಿತ್ ಶರ್ಮಾ ಕ್ಯಾಪ್ಟನ್ಸ ಪಾಂಡ್ಯ ಅಂಡರ್ನಲ್ಲಿ ಆಡ್ತಾರಾ ಅನ್ನೋ ಬಗ್ಗೆ ಭಾರಿ ಚರ್ಚೆಯಾಗ್ತಿದೆ. ರೋಹಿತ್ಗೆ ಈ ವಿಚಾರದಲ್ಲಿ ಯಾವುದೇ ಪ್ರಾಬ್ಲಂ ಇಲ್ಲ. ಅಂಹಕಾರ ಅನ್ನೋದು ರೋಹಿತ್ಗೆ ಸ್ವಲ್ಪವೂ ಇಲ್ಲ. ಹೀಗಾಗಿ ಪಾಂಡ್ಯಾ ಅಂಡರ್ನಲ್ಲಿ ಆಡಬಹುದು. ಆದ್ರೆ ಎಷ್ಟು ಸಮಯ ಅನ್ನೋದು ಇಲ್ಲಿರುವ ಪ್ರಶ್ನೆ. ಐಪಿಎಲ್ ವಿಚಾರಕ್ಕೆ ಬರೋದಾದ್ರೆ, 2025ರ ಸೀಸನ್ ರೋಹಿತ್ ಶರ್ಮಾಗೆ ಕೊನೆಯ ಐಪಿಎಲ್ ಟೂರ್ನಿ ಆಗಬಹುದು. 2024ರಲ್ಲಿ ಆಡಬಹುದು. ಲಾಸ್ಟ್ ಮೂರು ಸೀಸನ್ಗಳಿಗಿಂತ ಬೆಟರ್ ಪರ್ಫಾಮೆನ್ಸ್ ಕೊಟ್ರೆ ಮ್ಯಾಕ್ಸಿಮಮ್ ಅಂದ್ರೆ 2025ರ ಟೂರ್ನಿಯಲ್ಲಿ ಆಡಬಹುದು. ಬಳಿಕ ರೋಹಿತ್ ಶರ್ಮಾ ಐಪಿಎಲ್ಗೆ ಗುಡ್ಬೈ ಹೇಳುವ ಚಾನ್ಸ್ ಹೆಚ್ಚಿದೆ. ಯಾಕಂದ್ರೆ ಫ್ರಾಂಚೈಸಿ ಈಗ ಹೊಸ ಪ್ಲೇಯರ್ಸ್ ಮೇಲೆ ಕಣ್ಣಿಟ್ಟಿರೋದು ಕ್ಲಿಯರ್ ಆಗಿದೆ. ಹೀಗಾಗಿ ರೋಹಿತ್ ಶರ್ಮಾಗೆ 2024ರ ಸೀಸನ್ ತುಂಬಾ ಕಠಿಣ ಆಗಿರಲಿದೆ.
ಟೀಂ ಇಂಡಿಯಾದ ಟಿ-20 ಕ್ಯಾಪ್ಟನ್ಸಿಯಿಂದಲೂ ರೋಹಿತ್ ಶರ್ಮಾಗೆ ಕೊಕ್ ಸಿಗೋ ಸಾಧ್ಯತೆ ಹೆಚ್ಚಿದೆ. ಅಂದ್ರೆ ಮುಂದಿನ ಟಿ-20 ವರ್ಲ್ಡ್ಕಪ್ಗೆ ರೋಹಿತ್ ಶರ್ಮಾ ಟೀಂ ಇಂಡಿಯಾವನ್ನ ಲೀಡ್ ಮಾಡೋದು ಡೌಟ್. ಅಲ್ಲೂ ಅಷ್ಟೇ, ಹಾರ್ದಿಕ್ ಪಾಂಡ್ಯಾರೇ ಟೀಂ ಇಂಡಿಯಾದ ಕ್ಯಾಪ್ಟನ್ ಆಗೋ ಸಾಧ್ಯತೆ ಇದೆ. ಯಾಕಂದ್ರೆ ಈಗ ಮುಂಬೈ ಇಂಡಿಯನ್ಸ್ನಲ್ಲಾಗಿರೋ ಬೆಳವಣಿಗೆಯಿಂದ ರೋಹಿತ್ ಮತ್ತು ಪಾಂಡ್ಯಾ ಕೆರಿಯರ್ಗೆ ಸ್ಟೇಜ್ ಸೆಟ್ ಆಗಿದೆ. ಇದು ಐಪಿಎಲ್.. ಅಲ್ಲಿ ಟೀಂ ಇಂಡಿಯಾವನ್ನ ರೆಪ್ರೆಸೆಂಟ್ ಮಾಡೋದು. ಐಪಿಎಲ್ನಲ್ಲಾಗಿರೋ ಡೆವಲಪ್ಮೆಂಟ್ ಇಂಡಿಯನ್ ಕ್ಯಾಪ್ಟನ್ಸಿಗೆ ಹೇಗೆ ಎಫೆಕ್ಟ್ ಆಗುತ್ತೆ ಅಂತಾ ನಿಮಗೆ ಅನ್ನಿಸ್ಬಹುದು. ಆದ್ರೆ ಮುಂದಿನ ಟಿ20 ವರ್ಲ್ಡ್ಕಪ್ಗೂ ಮುನ್ನ ಐಪಿಎಲ್ ನಡೆಯುತ್ತೆ. ಅಲ್ಲಿ ಕ್ಯಾಪ್ಟನ್ ಆಗಿ ಪಾಂಡ್ಯ ಕ್ಲಿಕ್ ಆದ್ರು ಅಂದ್ರೆ, ಟೂರ್ನಿ ಗೆದ್ರು ಅಂದ್ರೆ, ಟಿ-20 ವರ್ಲ್ಡ್ಕಪ್ನಲ್ಲೂ ಹಾರ್ದಿಕ್ ಪಾಂಡ್ಯಾ ಟೀಂ ಇಂಡಿಯಾವನ್ನ ಲೀಡ್ ಮಾಡೋದು ಆಲ್ಮೋಸ್ಟ್ ಗ್ಯಾರಂಟಿ. ಇದ್ರ ಜೊತೆಗೆ ರೋಹಿತ್ ಶರ್ಮಾ ಟಿ20 ವರ್ಲ್ಡ್ಕಪ್ನಲ್ಲಿ ಆಡಿಯೇ ಆಡ್ತಾರೆ ಅನ್ನೋದು ಕೂಡ ಈಗ ಗ್ಯಾರಂಟಿ ಇಲ್ಲ. ಹೀಗಾಗಿ ರೋಹಿತ್ ವಂಡೇ ಮತ್ತು ಟೆಸ್ಟ್ ಟೀಂನ ಕ್ಯಾಪ್ಟನ್ ಆಗಿ ಮುಂದುವರಿಬಹುದು. ಟಿ-20 ಕ್ಯಾಪ್ಟನ್ಸಿಯಿಂದ ಮುಂದಿನ ದಿನಗಳಲ್ಲಿ ಹಿಂದೆ ಸರಿದ್ರೂ ಆಶ್ಚರ್ಯ ಇಲ್ಲ. ಈಗ ಮುಂಬೈ ಇಂಡಿಯನ್ಸ್ನಲ್ಲಾಗಿರೋ ಡೆವಲಪ್ಮೆಂಟ್ನಿಂದ ಈಗಾಗ್ಲೇ ರೋಹಿತ್ ಶರ್ಮಾಗೆ ತಮ್ಮ ಟಿ-20 ಭವಿಷ್ಯದ ಬಗ್ಗೆ ಹಿಂಟ್ ಸಿಕ್ಕಿರುತ್ತೆ.
