ವಿಶ್ವಕಪ್ ಫೈನಲ್ ಪಂದ್ಯದಲ್ಲಿ ರೋಹಿತ್ ಶರ್ಮಾ ನಾಟೌಟ್..! – ವೈರಲ್ ಫೋಟೋ ಹಿಂದಿರುವ ಅಸಲಿಯತ್ತೇನು?

ಆಸ್ಟ್ರೇಲಿಯಾ ವಿರುದ್ಧದ ಫೈನಲ್​ ಮ್ಯಾಚ್​ನಲ್ಲಿ ಭಾರತೀಯರಿಗೆ ಅಭಿಮಾನಿಗಳಿಗೆ ಮೊದಲ ಬಾರಿಗೆ ಆಘಾತ ಆಗಿದ್ದು ಕ್ಯಾಪ್ಟನ್ ರೋಹಿತ್ ಶರ್ಮಾ ಔಟಾದಾಗ. ಗ್ಲೇನ್ ಮ್ಯಾಕ್ಸ್​​ವೆಲ್​ ಬಾಲ್​ಗೆ ಸಿಕ್ಸರ್ ಹೊಡೆಯೋಕೆ ಹೋಗಿ, ಬ್ಯಾಟ್​​ನ ಎಡ್ಜಿಗೆ ತಾಗಿ ಬಾಲ್ ಹೈಟ್ ಹೋದಾಗ ಆಸ್ಟ್ರೇಲಿಯಾದ ಟ್ರಾವಿಸ್ ಹೆಡ್ ಓಡಿಕೊಂಡು ಹೋಗಿ ಡೈವ್ ಮಾಡಿ ಕ್ಯಾಚ್ ಹಿಡೀತಾರೆ. ರೋಹಿತ್​ ಶರ್ಮಾ ಔಟಾಗ್ತಾರೆ. ಶಾಕ್​ಗೊಳಗಾದ ಇಡೀ ಭಾರತವೇ ಸೈಲೆಂಟ್ ಆಗಿಬಿಡುತ್ತೆ. ಟೀಂ ಇಂಡಿಯಾಗೆ ಸುಧಾರಿಸಿಕೊಳ್ಳೋಕೆ ಆಗದಂಥಾ ಹೊಡೆತ ಅದಾಗಿತ್ತು. ಟ್ರಾವಿಸ್ ಅಂದು ಡೈವ್ ಮಾಡಿ ಕೇವಲ ಬಾಲ್ ಹಿಡಿದಿರಲಿಲ್ಲ. ವರ್ಲ್ಡ್​​ಕಪ್​ನ್ನೇ ಹಿಡಿದಿದ್ರು. ಅದು ಕ್ಯಾಚ್ ಆಫ್ ದಿ ಮ್ಯಾಚ್ ಆಗಿಬಿಟ್ಟಿತ್ತು. ಆದ್ರೆ ಈ ಕ್ಯಾಚ್ ಬಗ್ಗೆ ಈಗ ಸಾಕಷ್ಟು ಕ್ವಶ್ಚನ್ಸ್ ರೈಸ್ ಆಗಿದೆ. ಹೆಡ್ ಹಿಡಿದ ಬಾಲ್ ನೆಲಕ್ಕೆ ಟಚ್ ಆಗಿರುವಂತೆ ಕಾಣ್ತಿದೆ. ಆ್ಯಕ್ಚುವಲಿ ಅಂದು ರೋಹಿತ್​ ಶರ್ಮಾ ನಾಟ್​ಔಟ್ ಅನ್ನೋ ಬಗ್ಗೆ ಭಾರಿ ಚರ್ಚೆಯಾಗ್ತಿದೆ. ಈಗ ಟ್ರಾವಿಸ್ ಹೆಡ್ ಹಿಡಿದ ರೋಹಿತ್ ಶರ್ಮಾರ ಕ್ಯಾಚ್​ಗೆ ಹೊಸ ಟ್ವಿಸ್ಟ್ ಸಿಕ್ಕಿದೆ.

ಇದನ್ನೂ ಓದಿ: ರಿಂಕು ಸಿಂಗ್ ಮ್ಯಾಚ್ ಫಿನಿಷರ್ ಆಗೋಕೆ ಕಾರಣ ಯಾರು? – ರಿಂಕು ಸಕ್ಸಸ್ ಹಿಂದಿರೋ ಆ ವ್ಯಕ್ತಿ ಯಾರು?

ಭಾರತದ ಕ್ರಿಕೆಟ್​ ಅಭಿಮಾನಿಗಳೆಲ್ಲಾ ಇನ್ನೂ ಕೂಡ ವರ್ಲ್ಡ್​ಕಪ್ ಸೋಲಿನ ಹ್ಯಾಂಗ್​ಓವರ್​ನಲ್ಲೇ ಇದ್ದಾರೆ. ಟಿ-20 ಸೀರಿಸ್ ಶುರುವಾದ್ರೂ, ಫಸ್ಟ್ ಮ್ಯಾಚ್​​ನ್ನ ಗೆದ್ದರೂ ಕೂಡ ಸೋಲಿನ ಕಹಿಯಿಂದ ಇನ್ನೂ ಹೊರಬಂದಿಲ್ಲ. ಆ ಕರಾಳ ವರ್ಲ್ಡ್​​ಕಪ್ ಫೈನಲ್​ ಬಗ್ಗೆ ಚರ್ಚೆಗಳು ನಡೆಯುತ್ತಲೇ ಇದೆ. ಈ ಪೈಕಿ ಒಂದು ರೋಹಿತ್​ ಶರ್ಮಾ ಔಟಾದ ರೀತಿ ಬಗ್ಗೆ. ಟ್ರಾವಿಸ್ ಹೆಡ್ ಹಿಡಿದ ಕ್ಯಾಚ್ ಬಗ್ಗೆ. ಫೈನಲ್​ ಮುಗಿದು ಒಂದು ದಿನದ ಬಳಿಕ ಸೋಷಿಯಲ್​​ ಮೀಡಿಯಾದಲ್ಲಿ ಈ ಕ್ಯಾಚ್​ ಕುರಿತ ಕೆಲ ಫೋಟೋಸ್​​ ಭಾರಿ ವೈರಲ್ ಆಗ್ತಿದೆ. ಟ್ರಾವಿಸ್ ಹೆಡ್ ಸರಿಯಾಗಿ ಕ್ಯಾಚ್ ಹಿಡಿದೇ ಇಲ್ಲ. ರೋಹಿತ್​ ಶರ್ಮಾ ನಾಟೌಟ್. ವರ್ಲ್ಡ್​​ಕಪ್​​ ಫೈನಲ್ ರಿ ಮ್ಯಾಚ್​ ಆಗುತ್ತಾ ಹೀಗೆಲ್ಲಾ ಸುದ್ದಿಗಳು ಹರಿದಾಡ್ತಿವೆ. ಈ ಕ್ಯಾಚ್​​ ಮತ್ತು ಫೋಟೋದ ಅಸಲಿಯತ್ತಿನ ಬಗ್ಗೆ ಒಂದಷ್ಟು ಅಪ್​ಡೇಟ್​ಸಿಕ್ಕಿದೆ.

ವೈರಲ್​ ಆಗಿರುವ ಈ ಫೋಟೋದಲ್ಲಿ ಟ್ರಾವಿಸ್ ಹೆಡ್ ಹಿಡಿದ ಕ್ಯಾಚ್​​ನಲ್ಲಿ ಬಾಲ್​ ನೆಲಕ್ಕೆ ಟಚ್ ಆದಂತೆ ಕಾಣ್ತಿದೆ. ರೋಹಿತ್​ ಶರ್ಮಾ ಕ್ಯಾಚ್​ನ್ನ ಟ್ರಾವಿಸ್ ಸರಿಯಾಗಿ ಹಿಡಿದಿಲ್ಲ. ಡೈವ್ ಮಾಡಿ ಹಿಡಿಯುವಾಗ ಬಾಲ್ ಮೊದಲೇ ಗ್ರೌಂಡ್​ಗೆ ಟಚ್ ಆಗಿದೆ. ಗ್ರೌಂಡ್​​ನಲ್ಲಿ ಬಂಪ್ ಆದ ಬಾಲ್​ನ್ನ ಟ್ರಾವಿಸ್ ಹೆಡ್ ಹಿಡಿದು ಔಟ್ ಅಂತಾ ಸಂಭ್ರಮಿಸಿದ್ದಾರೆ. ಆಸ್ಟ್ರೇಲಿಯನ್ನರು ಇಲ್ಲಿ ಮೋಸದಾಟವಾಡಿದ್ದಾರೆ. ಆ್ಯಕ್ಚುವಲಿ ಫೈನಲ್​ ಮ್ಯಾಚ್​ನಲ್ಲಿ ರೋಹಿತ್ ಶರ್ಮಾ ನಾಟೌಟ್​ ಅಂತಾ ಪೋಸ್ಟ್​​ಗಳು ಹರಿದಾಡ್ತಿವೆ. ಇದಕ್ಕೆ ಸಾಕಷ್ಟು ಮಂದಿ ಕಾಮೆಂಟ್ಸ್​ ಕೂಡ ಮಾಡ್ತಿದ್ದಾರೆ. ಈ ಕ್ಯಾಚ್​ನ್ನ ಮತ್ತೊಮ್ಮೆ ಪರಿಶೀಲಿಸಬೇಕಿತ್ತು. ಮತ್ತೊಮ್ಮೆ ವರ್ಲ್ಡ್​​ಕಪ್​ ಫೈನಲ್ ಮ್ಯಾಚ್​ ನಡೆಸಬೇಕು ಅಂತೆಲ್ಲಾ ಹಲವು ಭಾರತೀಯ ಕ್ರಿಕೆಟ್ ಫ್ಯಾನ್ಸ್ ಬೇಡಿಕೆಯಿಡುತ್ತಿದ್ದಾರೆ.

ಆದ್ರೆ ಈಗ ಇದಕ್ಕೊಂದು ಕ್ಲ್ಯಾರಿಟಿ ಸಿಕ್ಕಿದೆ. ರೋಹಿತ್​​ ಶರ್ಮಾ ಔಟಾದ ಕ್ಯಾಚ್​ನ ವಿಡಿಯೋ ಐಸಿಸಿಯ ಅಫೀಶಿಯಲ್​​ ವೆಬ್​​ಸೈಟ್​​ನಲ್ಲಿ ನೀವು ಕೂಡ ನೋಡಬಹುದು. ಡಿಸ್ನಿ ಹಾಟ್​​ಸ್ಟಾರ್​​ನಲ್ಲಿ ಕೂಡ ಮ್ಯಾಚ್​ ರಿಪ್ಲೇನಲ್ಲಿ ಈ ಕ್ಯಾಚ್​​ನ್ನ ಕ್ಲೀನ್ ಆಗಿ ಅಬ್ಸರ್ವ್​​ಮಾಡಬಹುದು. ಅದ್ರಲ್ಲಿ ರೋಹಿತ್ ಶಾಟ್ ಮತ್ತು ಟ್ರಾವಿಸ್ ಹೆಡ್ ಡೈವ್ ಮಾಡಿ ಹಿಡಿದ ಕ್ಯಾಚ್​​ನ್ನ ಸ್ಲೋಮೋಷನ್​​ನಲ್ಲಿ ತೋರಿಸಿದ್ದಾರೆ. ಇದ್ರಲ್ಲಿ ಬಾಲ್​​ನ್ನ ಟ್ರಾವಿಸ್ ಹೆಡ್ ಕ್ಲೀಯರ್ ಆಗಿ ಹಿಡಿದಿರೋದು ಸ್ಪಷ್ಟವಾಗಿ ಕಾಣುತ್ತೆ. ಎಲ್ಲೂ ಕೂಡ ಬಾಲ್ ಗ್ರೌಂಡ್​ಗೆ ಟಚ್ ಆಗಿಯೇ ಇಲ್ಲ. ಬಾಲ್​​ ನೆಲಕ್ಕೆ ಬೌನ್ಸ್​ ಆಗೋಕೆ ಅಥವಾ ಟಚ್ ಆಗೋಕೆ ಟ್ರಾವಿಸ್ ಹೆಡ್ ಅವಕಾಶವೇ ಕೊಟ್ಟಿಲ್ಲ. ಇನ್ನು ಅಫೀಶಿಯಲ್ ಇಮೇಜ್ ವೆಬ್​ಸೈಟ್ ಆಗಿರುವಂಥಾ ಗೆಟ್ಟಿ ಇಮೇಜಸ್​ನಲ್ಲೂ ಟ್ರಾವಿಸ್ ಹೆಡ್ ಹಿಡಿದ ಕ್ಯಾಚ್​​ನ ಫೋಟೋ ಇದೆ. ಅದ್ರಲ್ಲೂ ಇದೊಂದು ಪರ್ಫೆಕ್ಟ್ ಕ್ಯಾಚ್​​ ಅನ್ನೋದು ಕ್ರಿಸ್ಟಾ ಕ್ಲೀಯರ್ ಆಗಿದೆ. ಅಸೋಸಿಯೇಟೆಡ್ ಪ್ರೆಸ್ ಪಬ್ಲಿಶ್ ಮಾಡಿರುವಂಥಾ ಫೋಟೋದಲ್ಲೂ ಅಷ್ಟೇ, ಇಂದೊಂದು ಪಕ್ಕಾ ಕ್ಯಾಚ್​​ ಅನ್ನೋದು ಸ್ಪಷ್ಟವಾಗುತ್ತೆ. ಮ್ಯಾಚ್​ ನಡೆದ ದಿನವೂ ಅಷ್ಟೇ, ಸ್ಟಾರ್ಸ್​​ ಸ್ಪೋರ್ಟ್ಸ್​​ನಲ್ಲಿ ರೋಹಿತ್ ಕ್ಯಾಚ್​​ನ್ನ ಪದೇ ಪದೆ ಹಲವು ಬಾರಿ ತೋರಿಸಿದ್ರು. ಟ್ರಾವಿಸ್ ಹೆಡ್ ಕ್ಯಾಚಿಂಗ್​​ನಲ್ಲಿ There is no fault at all..

ಹಾಗಿದ್ರೆ ಈ ವೈರಲ್​ ಫೋಟೋದ ಅಸಲಿಯತ್ತೇನು? ಟ್ರಾವಿಸ್ ಹೆಡ್ ಕ್ಯಾಚ್​ ಹಿಡಿದಾಗ ಬಾಲ್​​ ಗ್ರೌಂಡ್​​ ಟಚ್ ಆದಂತೆ ಕಾಣುತ್ತಿರುವ ಈ ಫೋಟೋವನ್ನ ಕಂಪ್ಲೀಟ್ ಆಗಿ ಎಡಿಟ್ ಮಾಡಲಾಗಿದೆ. ಕೇವಲ ಫೋಟೋ ಮಾತ್ರವಲ್ಲ, ಟ್ರಾವಿಸ್ ಹೆಡ್​ ಹಿಡಿದ ರೋಹಿತ್​​ ಶರ್ಮಾರ ಕ್ಯಾಚ್​ನ ವಿಡಿಯೋವನ್ನ ಕೂಡ ಎಡಿಟ್ ಮಾಡಲಾಗಿದೆ. ಕ್ಯಾಚ್​​ ಹಿಡಿಯೋವಾಗ ಟ್ರಾವಿಸ್ ಹೆಡ್ ಪರದಾಡಿದಂತೆ ವಿಡಿಯೋದಲ್ಲಿ ತೋರಿಸಲಾಗಿದೆ. ಬಳಿಕ ಇದನ್ನ ಯೂಟ್ಯೂಬ್, ಫೇಸ್​​ಬುಕ್​, ಇನ್​ಸ್ಟಾಗ್ರಾಂ ಸೇರಿದಂತೆ ಸೋಷಿಯಲ್​ ಮೀಡಿಯಾ ಪ್ಲಾಟ್​​ಫಾರ್ಮ್​​ಗಳಿಗೆ ಅಪ್ಲೋಡ್ ಮಾಡಲಾಗಿದೆ. ಸೋ..ಸೋಷಿಯಲ್​​ ಮೀಡಿಯಾದಲ್ಲಿ ಅಪ್ಲೋಡ್ ಆಗಿರುವ ಈ ವೈರಲ್​ ಫೋಟೋ, ವಿಡಿಯೋಗಳು ಕಂಪ್ಲೀಟ್ ಫೇಕ್. ಇಲ್ಲಿ ಹರಿದಾಡ್ತಿರೋದು ಮಿಸ್ ಇನ್​ಫಾರ್ಮೇಷನ್ ಅಷ್ಟೇ. ಇದನ್ನ ನೋಡಿದ ರೋಹಿತ್ ಶರ್ಮಾ ಫ್ಯಾನ್ಸ್​​ಗಳಂತೂ ಈ ಬಗ್ಗೆ ಇನ್​ವೆಸ್ಟಿಗೇಷನ್ ಮಾಡುವಂತೆ ಆಗ್ರಹಿಸಬೇಕು. ಐಸಿಸಿ ಈ ಬಗ್ಗೆ ತನಿಖೆ ನಡೆಸಬೇಕು. ಮತ್ತೊಮ್ಮೆ ಫೈನಲ್​​ ಮ್ಯಾಚ್​​ನ್ನ ಕಂಡಕ್ಟ್ ಮಾಡಬೇಕು ಅಂತೆಲ್ಲಾ ಆಗ್ರಹಿಸುತ್ತಿದ್ದಾರೆ.

ಇವೆಲ್ಲದ್ರ ಮಧ್ಯೆ, ಟೀಂ ಇಂಡಿಯಾ ಕ್ಯಾಪ್ಟನ್ ರೋಹಿತ್ ಶರ್ಮಾ ಪುತ್ರಿಯ ವಿಡಿಯೋ ಕೂಡ ಈಗ ವೈರಲ್ ಆಗ್ತಿದೆ. ಈ ವಿಡಿಯೋದಲ್ಲಿ ಆಕೆ ತನ್ನ ತಂದೆಯ ಬಗ್ಗೆ ಮಾತನಾಡ್ತಾಳೆ. ತಂದೆ ಎಲ್ಲಿ ಅಂತಾ ಮೀಡಿಯಾದವರು ಪ್ರಶ್ನಿಸಿದಾಗ, ಅವರು ರೂಮ್​ನಲ್ಲಿದ್ದಾರೆ. ಅವರು ಆಲ್​​ಮೋಸ್ಟ್ ಪಾಸಿಟಿವ್ ಆಗಿದ್ದಾರೆ. ಇನ್ನೊಂದು ತಿಂಗಳಲ್ಲಿ ಮತ್ತೆ ಎಂದಿನಂತೆ ಸ್ಮೈಲ್ ಮಾಡ್ತಾರೆ ಅಂತಾ ರೋಹಿತ್ ಪುತ್ರಿ ಹೇಳ್ತಾಳೆ. ಆದ್ರೆ ಇದನ್ನ ಬಹುತೇಕ ಮಂದಿ ವರ್ಲ್ಡ್​​ಕಪ್​​ ಫೈನಲ್​​ ಬಳಿಕದ ವಿಡಿಯೋ ಅಂತಾನೆ ಅಂದುಕೊಂಡಿದ್ದಾರೆ. ಮ್ಯಾಚ್​ ಸೋತ ಬಳಿಕ ರೋಹಿತ್​ ಶರ್ಮಾ ಕಂಡೀಷನ್​ ಬಗ್ಗೆ ಪುತ್ರಿ ಮಾತನಾಡಿದ್ದಾಳೆ ಅಂತಾ ರಿಲೇಟ್ ಮಾಡ್ತಿದ್ರು. ಆದ್ರೆ ಇದು ಕೂಡ ಈಗಿನ ವಿಡಿಯೋ ಅಲ್ಲ. 2022ರಲ್ಲಿ ರೋಹಿತ್ ಶರ್ಮಾ ಕೊರೊನಾ ವೈರಸ್​ಗೆ ತುತ್ತಾಗಿ ತಮ್ಮ ರೂಮ್​​ನಲ್ಲೇ ಐಸೋಲೇಟ್ ಆಗಿದ್ದಾಗ ರೋಹಿತ್​ ಶರ್ಮಾ ಪುತ್ರಿ ಈ ಮಾತನ್ನ ಹೇಳಿದ್ಲು.

ಹೀಗಾಗಿ ಸೋಷಿಯಲ್​ ಮೀಡಿಯಾದಲ್ಲಿ ವೈರಲ್ ಆಗುವ ಕೆಲ ವಿಡಿಯೋ, ಫೋಟೋಗಳನ್ನ ಸೀರಿಯಸ್ ಆಗಿ ತೆಗೆದುಕೊಳ್ಳೋಕೆ ಸಾಧ್ಯವೇ ಇಲ್ಲ.