ನೋಡಿರಿ
ರೋಹಿತ್ ಶರ್ಮಾ ಕ್ಯಾಪ್ಟನ್ಸಿ ಕಮಾಲ್- 1 ಕಲ್ಲು 2 ಹಕ್ಕಿ ಹೊಡೆದ HITMAN!
ರೈಟ್ ಟೈಮ್ನಲ್ಲೇ ರೋಹಿತ್ ಶರ್ಮಾ ಭರ್ಜರಿ ಬ್ಯಾಟಿಂಗ್ ಮಾಡಿದ್ದಾರೆ. ಈಗ ವರ್ಲ್ಡ್ಕಪ್ ಸೆಲೆಕ್ಷನ್ ವಿಚಾರದಲ್ಲಿ ಸ್ವಲ್ಪ ರಿಲೀಫ್ ಸಿಕ್ಕಂತಾಗಿದೆ. ಈ ವರ್ಷ ನಡೆಯೋ ಟಿ20 ವರ್ಲ್ಡ್ಕಪ್ಗೂ ರೋಹಿತ್ ಶರ್ಮಾರೆ ಟೀಂ ಇಂಡಿಯಾದ ಕ್ಯಾಪ್ಟನ್ ಆಗೋದು ಆಲ್ಮೋಸ್ಟ್ ಕನ್ಫರ್ಮ್. ಯಾಕಂದ್ರೆ ಅಫ್ಘಾನಿಸ್ತಾನ ವಿರುದ್ಧದ ಫೈನಲ್ ಮ್ಯಾಚ್ನಲ್ಲಿ ರೋಹಿತ್ ಶರ್ಮಾ ಕೇವಲ ಬ್ಯಾಟ್ನಿಂದ ತಮ್ಮ ತಾಕತ್ತು ತೋರಿಸಿರೋದಷ್ಟೇ ಅಲ್ಲ, ಕ್ಯಾಪ್ಟನ್ಸಿಯಲ್ಲೂ ಕಮಾಲ್ ಮಾಡಿದ್ರು.
ಇದನ್ನೂ ಓದಿ: ಎರಡು ಸೂಪರ್ ಓವರ್ ನೋಡಿದ ಅಭಿಮಾನಿಗಳಿಗೆ ಸಂಭ್ರಮ – ಹೊಸ ಇತಿಹಾಸ ನಿರ್ಮಿಸಿದ ಟೀಮ್ ಇಂಡಿಯಾ
ಫಸ್ಟ್ ನಾಲ್ಕು ವಿಕೆಟ್ಗಳು.. ಇನ್ನೂ ಪವರ್ಪ್ಲೇ ಕೂಡ ಮುಗಿದಿರಲಿಲ್ಲ..ಅಷ್ಟರಲ್ಲೇ 4 ವಿಕೆಟ್ ಢಮಾರ್. ಯಶಸ್ವಿ ಜೈಸ್ವಾಲ್, ವಿರಾಟ್ ಕೊಹ್ಲಿ, ಶಿವಮ್ ದುಬೆ, ಸಂಜು ಸ್ಯಾಮ್ಸನ್ ಹಾಗೆ ಬಂದು ಹೀಗೆ ಹೋದ್ರು. ಇತ್ತ ನಾನ್ಸ್ಟ್ರೈಕ್ನಲ್ಲಿ ರೋಹಿತ್ ಶರ್ಮಾ ನೋಡಿಯೇ ಬಾಕಿ. ಬಟ್ ರೋಹಿತ್ ಶರ್ಮಾ ನಿಂತು ಆಡುವ ಬಗ್ಗೆ ಆರಂಭದಲ್ಲೇ ಹಿಂಟ್ ಕೊಟ್ಟಿದ್ರು. ಅವ್ರದ್ದು ಕೂಡ ಕ್ಯಾಚ್ ಡ್ರಾಪ್ ಆಗಿತ್ತು ಅನ್ನೋದು ಬೇರೆ ಪ್ರಶ್ನೆ. ಆದ್ರೆ ರೋಹಿತ್ ಶರ್ಮಾ ಯಾವಾಗಿನಂತೆ ಆರಂಭದಲ್ಲೇ ಅಗ್ರೆಸ್ಸಿವ್ ಆಗಿ ಬ್ಯಾಟಿಂಗ್ ಮಾಡೋಕೆ ಹೋಗಿರಲಿಲ್ಲ.
ಈ ಪಿಚ್ನಲ್ಲಿ ಏನೋ ಫಿಶ್ಶೀ ಇದೆ ಅನ್ನೋ ಹಿಂಟ್ ರೋಹಿತ್ಗೆ ಮೊದಲೇ ಸಿಕ್ಕಿದಂತೆ ಇತ್ತು. ಹೀಗಾಗಿ ತುಂಬಾ ಸ್ಲೋ ಆಗಿಯೇ ಸ್ಟಾರ್ಟ್ ಮಾಡಿದ್ರು. ಯಾವಾಗಲೂ ಅಷ್ಟೇ ರೋಹಿತ್ ಒಂದ್ಸಾರಿ ಸೆಟ್ ಆದ್ರು ಅಂದ್ರೆ. ಆರಂಭದಲ್ಲೇ ಒಂದಷ್ಟು ಬಾಲ್ಗಳನ್ನ ಫೇಸ್ ಮಾಡಿದ್ರು ಅಂದ್ರೆ, ಅಮೇಲೆ ಅನ್ಸ್ಟಾಪೆಬಲ್. ಬಿಗ್ ಇನ್ನಿಂಗ್ಸ್ ಬಂತು ಅಂತಾನೆ ಅರ್ಥ. ಟಿ-20ಯಲ್ಲಾದ್ರೆ ಸೆಂಚೂರಿ..ವಂಡೇನಲ್ಲಾದ್ರೆ ಡಬಲ್ ಸೆಂಚೂರಿ.. ಅಫ್ಘಾನಿಸ್ತಾನ ವಿರುದ್ಧ ನಾಲ್ಕು ವಿಕೆಟ್ ಕಳೆದುಕೊಂಡು ಆ ಪ್ರೆಷರ್ನಲ್ಲೇ ರೋಹಿತ್ ಈ ರೀತಿಯ ಇನ್ನಿಂಗ್ಸ್ ಆಡಿರೋದು ನಿಜಕ್ಕೂ ವನ್ ಆಫ್ ದಿ ಗ್ರೇಟೆಸ್ಟ್ ಇನ್ನಿಂಗ್ಸ್. ವರ್ಲ್ಡ್ಕಪ್ನಲ್ಲಿ ಗ್ಲೇನ್ ಮ್ಯಾಕ್ಸ್ವೆಲ್ ಇದೇ ಅಫ್ಘಾನಿಸ್ತಾನದ ವಿರುದ್ಧ ಆಡಿದ್ರಲ್ಲ. ಆಲ್ಮೋಸ್ಟ್ ಹಾಗೆಯೇ ಇತ್ತು ಸ್ವಿಚ್ಯುವೇಶನ್. ಬಟ್ ಇದು ಟಿ-20 ಮ್ಯಾಚ್ ಬೇರೆ. ಹೆಚ್ಚು ಬಾಲ್ ವೇಸ್ಟ್ ಮಾಡೋ ಹಾಗೂ ಇರಲಿಲ್ಲ. ಆ್ಯಕ್ಚುವಲಿ ಪವರ್ ಪ್ಲೇ ವೇಳೆ ಟೀಂ ಇಂಡಿಯಾದ ರನ್ ರೇಟ್ 4 ಅಷ್ಟೇ ಇತ್ತು. ಹೀಗಾಗಿ ರಿಂಕು ಸಿಂಗ್ ಅಖಾಡಕ್ಕಿಳಿಯುತ್ತಲೇ ಇತ್ತ ರೋಹಿತ್ ಶರ್ಮಾ ಗೇರ್ ಚೇಂಜ್ ಮಾಡಿ ಚಚ್ಚೋಕೆ ಶುರು ಮಾಡಿದ್ರು. 41 ಬಾಲ್ಗಳಲ್ಲಿ ಹಾಫ್ ಸೆಂಚೂರಿ ಬಾರಿಸಿದ್ದ ರೋಹಿತ್, ಕೇವಲ 22 ಬಾಲ್ಗಳಲ್ಲಿ ಇನ್ನೊಂದು ಪಿಫ್ಟಿ ಹೊಡೆದ್ರು. 64 ಬಾಲ್ಗಳಲ್ಲೇ ಸೆಂಚೂರಿ . 69 ಬಾಲ್ಗಳಲ್ಲಿ 121 ರನ್. 11 ಬೌಂಡರಿ, 8 ಸಿಕ್ಸರ್. ಅದ್ರಲ್ಲೂ ಒಂದು ಸಿಕ್ಸ್ ಅಂತೂ ಚಿನ್ನಸ್ವಾಮಿ ಸ್ಟೇಡಿಯಂನ ರೂಫ್ ಟಾಫ್ ಹೋಗಿ ಬಡಿದಿತ್ತು. 175.36 ರೋಹಿತ್ ಶರ್ಮಾ ಸ್ಟ್ರೈಕ್ ರೇಟ್.. ಆ್ಯಕ್ಚುವಲಿ ಈ ಮ್ಯಾಚ್ನಲ್ಲಿ ರೋಹಿತ್ ಮಾಡಿರೋದು 121 ರನ್ ಅಲ್ಲ. ಯಾಕಂದ್ರೆ ಎರಡೂ ಬಾರಿ ಸೂಪರ್ ಓವರ್ಗಳಲ್ಲಿ ರೋಹಿತ್ ಶರ್ಮಾ ಬ್ಯಾಟಿಂಗ್ ಮಾಡಿದ್ರು. ಹೀಗಾಗಿ ಈ ಮ್ಯಾಚ್ನಲ್ಲಿ ರೋಹಿತ್ ಶರ್ಮಾರ ಟೋಟಲ್ ಸ್ಕೋರ್ 149. ಕಮ್ಆನ್ ಹಿಟ್ಮ್ಯಾನ್..
ಇನ್ನು ಈ ಸೆಂಚೂರಿ ಜೊತೆಗೆ ರೋಹಿತ್ ಶರ್ಮಾ ಕೆಲ ರೆಕಾರ್ಡ್ಗಳನ್ನ ಕೂಡ ಮಾಡಿದ್ದಾರೆ. ಜಾಗತಿಕವಾಗಿ ಟಿ-20 ಕ್ರಿಕೆಟ್ನಲ್ಲಿ ಹೈಯೆಸ್ಟ್ ಸೆಂಚೂರಿ ಹೊಡೆದಿರೋ ಬ್ಯಾಟ್ಸ್ಮನ್ ರೋಹಿತ್ ಶರ್ಮಾ.. ಇದು ರೋಹಿತ್ ಪಾಲಿಗೆ 5ನೇ ಟಿ20 ಸೆಂಚೂರಿ. ಸೂರ್ಯಕುಮಾರ್ ಯಾದವ್ ಮತ್ತು ಗ್ಲೆನ್ ಮ್ಯಾಕ್ಸ್ವೆಲ್ ಇಬ್ಬರೂ ತಲಾ 4 ಶತಕಗಳನ್ನ ಹೊಡೆದಿದ್ದಾರೆ. ಹಾಗೆಯೇ ಕ್ಯಾಪ್ಟನ್ ಆಗಿ ಹೈಯೆಸ್ಟ್ ಸಿಕ್ಸರ್ ಹೊಡೆದಿರೋದು ಕೂಡ ರೋಹಿತ್ ಶರ್ಮಾರೇ. ಇಂಗ್ಲೆಂಡ್ನ ಕ್ಯಾಪ್ಟನ್ ಆಗಿದ್ದ ಇಯಾನ್ ಮಾರ್ಗನ್ ಟಿ20ಯಲ್ಲಿ 86 ಸಿಕ್ಸರ್ಗಳನ್ನ ಹೊಡೆದಿದ್ರು. ಅದ್ರೀಗ ನಮ್ಮ ಕ್ಯಾಪ್ಟನ್ 87 ಸಿಕ್ಸರ್ ಹೊಡಿಯೋ ಮೂಲಕ ಮಾರ್ಗನ್ರನ್ನ ಬೀಟ್ ಮಾಡಿದ್ದಾರೆ. ಇದು ತಂಡದ ಕ್ಯಾಪ್ಟನ್ ಆಗಿ ಹೈಯೆಸ್ಟ್ ಸಿಕ್ಸರ್ ಹೊಡೆದಿರೋ ರೆಕಾರ್ಡ್. ಇದಿಷ್ಟೇ ಅಲ್ಲ, ಟೀಂ ಇಂಡಿಯಾ ಕ್ಯಾಪ್ಟನ್ ಆಗಿ ಟಿ-20 ಕ್ರಿಕೆಟ್ನಲ್ಲಿ ಅತೀ ಹೆಚ್ಚು ರನ್ ಮಾಡಿದ ಆಟಗಾರ ಅನ್ನೋ ಹೆಗ್ಗಳಿಕೆಯೂ ರೋಹಿತ್ ಶರ್ಮಾರದ್ದೇ. ಕ್ಯಾಪ್ಟನ್ ಆದ ಬಳಿಕ ರೋಹಿತ್ ಟಿ20ಯಲ್ಲಿ 1647 ರನ್ ಗಳಿಸಿದ್ದಾರೆ. ಈ ಮೂಲಕ ಕ್ಯಾಪ್ಟನ್ ಆಗಿ 1570 ರನ್ ಮಾಡಿದ್ದ ವಿರಾಟ್ ಕೊಹ್ಲಿಯ ದಾಖಲೆಯನ್ನ ಹಿಟ್ಮ್ಯಾನ್ ಬೀಟ್ ಮಾಡಿದ್ದಾರೆ. ಇಲ್ಲಿ ರೋಹಿತ್ ಶರ್ಮಾರದ್ದು ಇನ್ನೊಂದು ಸ್ಪೆಷಾಲಿಟಿ ಕೂಡ ಇದೆ. ದೊಡ್ಡ ಮೊತ್ತದ ಸ್ಕೋರ್ ಮಾಡಿದಾಗಲೆಲ್ಲಾ ರೋಹಿತ್ ನಾಟ್ಔಟ್ ಆಗಿಯೇ ಇರ್ತಾರೆ. ಓಪನಿಂಗ್ ಬಂದು ಕೊನೆಯ ಬಾಲ್ವರೆಗೂ ಆಡ್ತಾರೆ. ಈ ಹಿಂದೆ ವಂಡೇನಲ್ಲಿ ಡಬ್ಬಲ್ ಹಂಡ್ರೆಡ್ ಹೊಡೆದಾಗಲೂ ರೋಹಿತ್ ನಾಟ್ಔಟ್ ಆಗಿದ್ರು. ಈಗ ಆಫ್ಘನ್ ವಿರುದ್ಧವೂ 121 ನಾಟ್ಔಟ್. ಹೀಗಾಗಿಯೇ ರೋಹಿತ್ ಶರ್ಮಾ ಸಮ್ಥಿಂಗ್ ಸ್ಪೆಷಲ್ ಅಂತಾ ಅನ್ನಿಸಿಕೊಡಿರೋದು.
ಇವಿಷ್ಟು ರೋಹಿತ್ ಶರ್ಮಾರ ಬ್ಯಾಟಿಂಗ್ ಕಥೆಯಾಯ್ತು. ಬಟ್ ರೋಹಿತ್ ಶರ್ಮಾರ ಕ್ಯಾಪ್ಟನ್ಸಿ ಕೂಡ ಈ ಮ್ಯಾಚ್ನ ಇನ್ನೊಂದು ಹೈಲೈಟ್. ಯಾಕಂದ್ರೆ 3ನೇ ಮ್ಯಾಚ್ನಲ್ಲಿ ನಮ್ಮಲ್ಲಿ ಫುಲ್ ಫ್ಲೆಡ್ಜ್ ಬೌಲಿಂಗ್ ಒಯುನಿಟ್ ಅಂತೂ ಇರಲಿಲ್ಲ. ಎಲ್ಲರೂ ಇನ್ಎಕ್ಸ್ಪೀರಿಯನ್ಸ್ಡ್ ಬೌಲರ್ಸ್ಗಳೇ ಇದ್ದಿದ್ದು. ಅವರ ಮೂಲಕವೇ ಆಫ್ಘನ್ ಬ್ಯಾಟ್ಸ್ಮನ್ಗಳನ್ನ ಕಟ್ಟಿಹಾಕೋಕೆ ರೋಹಿತ್ ಶರ್ಮಾ ಎಕ್ಸ್ಟ್ರಾ ಎಫರ್ಟ್ ಹಾಕಬೇಕಾಯ್ತು. ಬಟ್ ಸೂಪರ್ ವೇಳೆ ರೋಹಿತ್ ತೆಗೆದುಕೊಂಡ ಒಂದು ಡಿಸೀಶನ್ ಇದ್ಯಲ್ಲಾ ಸ್ಪಾಟ್ಆನ್. ಸೆಕೆಂಡ್ ಸೂಪರ್ ಓವರ್ನಲ್ಲಿ ಟೀಂ ಇಂಡಿಯಾ ಕೇವಲ 12 ರನ್ಗಳ ಟಾರ್ಗೆಟ್ ನೀಡುತ್ತೆ. ನಿಮಗೆ ಗೊತ್ತಿರೋ ಹಾಗೆ ಟಿ20ಯಲ್ಲಿ ಅದೇನು ಟಫ್ ಟಾರ್ಗೆಟ್ ಅಂತೂ ಅಲ್ವೇ ಅಲ್ಲ. ಅದು ಕೂಡ ಅಫ್ಘಾನಿಸ್ತಾನ ಬ್ಯಾಟ್ಸ್ಮನ್ಗಳು ಆಡಿದ್ದನ್ನ ನೋಡಿದ್ರೆ ಈಸಿಯಾಗಿ ಚೇಸ್ ಮಾಡಬಹುದು ಅಂತಾ ಅನ್ಸಿತ್ತು. ಬಟ್ ರೋಹಿತ್ ಶರ್ಮಾ ಮಾತ್ರ ಚೆನ್ನಾಗಿಯೇ ಪ್ಲ್ಯಾನ್ ಮಾಡಿದ್ರು. ಆವೆಶ್ ಖಾನ್ ಮತ್ತು ರವಿ ಬಿಷ್ಣೋಯಿ ಇವರಿಬ್ಬರಿಗೂ ಬೌಲಿಂಗ್ಗೆ ರೆಡಿಯಾಗಿರುವಂತೆ ರೋಹಿತ್ ಸೂಚಿಸಿದ್ರು. ಆವೇಶ್ ಮೀಡಿಯಮ್ ಪೇಸ್ ಬೌಲರ್.. ಬಿಷ್ಣೋಯಿ ಸ್ಪಿನ್ನರ್. ಬಟ್ ಇನ್ ದಿ ಎಂಡ್ ರೋಹಿತ್ ಸ್ಪಿನ್ನರ್ ಬಿಷ್ಣೋಯಿ ಕೈಗೆ ಬಾಲ್ ನೀಡ್ತಾರೆ. ಆ್ಯಕ್ಚುವಲಿ ರವಿ ಬಿಷ್ಣೋಯಿಗೆ ಸೂಪರ್ ಓವರ್ನಲ್ಲಿ ಬೌಲಿಂಗ್ ಮಾಡಿ ಎಕ್ಸ್ಪೀರಿಯನ್ಸ್ ಇದೆ. ಈ ಹಿಂದೆಯೂ ಎರಡು ಬಾರಿ ಸೂಪರ್ ಓವರ್ನಲ್ಲಿ ಅವರು ಬೌಲ್ ಮಾಡಿದ್ರು. ಇದೊಂದು ಪಾಯಿಂಟ್.. ಹಾಗೆಯೇ ಸೂಪರ್ ಓವರ್ ವೇಳೆ ಸ್ಪಿನ್ನರ್ಸ್ಗಳಿಗೆ ಬೌಂಡರಿ, ಸಿಕ್ಸರ್ ಹೊಡಿಯೋದು ಅಂದ್ರೆ ಅಷ್ಟು ಈಸಿ ಇರೋದಿಲ್ಲ. ಸ್ಪಿನ್ ಬೌಲಿಂಗ್ಗೆ ವಿಕೆಟ್ ಬೀಳೋ ಚಾನ್ಸ್ ಹೆಚ್ಚಿರುತ್ತೆ. ಆಫ್ಘನ್ ವಿರುದ್ಧದ ಸೂಪರ್ ಓವರ್ನಲ್ಲೂ ಆಗಿರೋದು ಇದೇ. ಅದ್ರಲ್ಲೂ ಬಿಷ್ಣೋಯಿ ಅಂತೂ ಫುಲ್ ಲೆಂತ್ ಬಾಲ್ಗಳನ್ನ ಹಾಕಿದ್ರು. ವಿಕೆಟ್ ಟು ವಿಕೆಟ್ ಬೌಲ್ ಮಾಡಿದ್ರು. ಬ್ಯಾಟ್ಸ್ಮನ್ ಬ್ಯಾಕ್ಫುಟ್ನಿಂದಲೇ ಆಡುವಂತೆ ಬಾಲ್ ಎಸೆದಿದ್ರು. ಸ್ಪಿನ್ ಬೌಲಿಂಗ್ಗೆ ಬ್ಯಾಕ್ಫುಟ್ನಲ್ಲಿ ಆಡಿ ಸಿಕ್ಸ್ ಹೊಡಿಯೋದು ತುಂಬಾನೆ ಟಫ್. ಹೀಗಾಗಿ ಅಫ್ಘಾನಿಸ್ತಾನದ ಇಬ್ಬರು ಬ್ಯಾಟ್ಸ್ಮನ್ಗಳು ಕ್ಯಾಚ್ ಕೊಟ್ಟು ಔಟಾದ್ರು. ಅಂತೂ ರೋಹಿತ್ ಶರ್ಮಾ ತಗೊಂಡ ಡಿಸೀಶನ್ ಸ್ಪಾಟ್ ಆನ್ ಆಗಿತ್ತು. ರಾಹುಲ್ ದ್ರಾವಿಡ್ ಅಂತೂ ಕ್ಯಾಪ್ಟನ್ ರೋಹಿತ್ ಶರ್ಮಾಗೆ ಇರೋ ಗಟ್ಸ್ ಏನು ಅನ್ನೋದಕ್ಕೆ ಇದೇ ಸಾಕ್ಷಿ ಎಂದಿದ್ದಾರೆ.
