ರಾತ್ರಿ ಮಗು ಆಗಾಗ ಅಳುತ್ತಾ?  – ಮಗು ನಿದ್ದೆ ಮಾಡದಿರಲು ಇದೇ ಕಾರಣ!

ಮಕ್ಕಳ ಉತ್ತಮ ಬೆಳವಣಿಗೆಗೆ ನಿದ್ರೆ ಮುಖ್ಯ. ನಿದ್ರೆ ಸರಿಯಾಗಿ ಆಗಿಲ್ಲ ಅಂದ್ರೆ ಮಕ್ಕಳು ಕಿರಿಕಿರಿಗೊಳ್ಳುತ್ತಾರೆ. ಆದರೆ ಏನನ್ನೂ ಹೇಳಲು ಸಾಧ್ಯವಾಗದ ಕಾರಣ, ಪೋಷಕರಿಗೆ ಅವರ ಸಮಸ್ಯೆಯನ್ನು ಅರ್ಥಮಾಡಿಕೊಳ್ಳಲು ಸಾಧ್ಯವಾಗುತ್ತಿಲ್ಲ. ನಿಮ್ಮ ಮಗುವೂ ಸರಿಯಾಗಿ ನಿದ್ರೆ ಮಾಡದಿದ್ದರೆ, ಈ ವಿಷಯವನ್ನು ನಿರ್ಲಕ್ಷಿಸಬೇಡಿ ಮತ್ತು ಅದರ ಹಿಂದಿನ ಕಾರಣವನ್ನು ಕಂಡುಹಿಡಿಯಲು ಪ್ರಯತ್ನಿಸಿ.

ಮಕ್ಕಳು ಆರಾಮದಾಯಕ ತಂತ್ರಗಳನ್ನು ಬೇಗ ಕಲಿತಾರೆ. ಅದು ಅವರಿಗೆ ಅಭ್ಯಾಸವಾಗಿಬಿಡುತ್ತದೆ. ಮಗುವನ್ನು ಕೈಯಲ್ಲಿ ತೂಗಿಸುತ್ತಾ, ಹಾಲು ಕುಡಿಸುತ್ತಾ ಮಲಗಿಸಬಾರದು. ಮಗುವಿನ ನಿದ್ರೆ ಮತ್ತು ಪೋಷಣೆಯು ಒಟ್ಟಿಗೆ ಹೋಗುತ್ತದೆ. ಮೊದಲ 8 ವಾರಗಳವರೆಗೆ, ಮಗುವಿಗೆ ಅವರ ಬೇಡಿಕೆಗೆ ಅನುಗುಣವಾಗಿ ಪ್ರತಿ ಎರಡು ಮೂರು ಗಂಟೆಗಳಿಗೊಮ್ಮೆ ಹಾಲು ನೀಡಿ. ಇನ್ನು ನವಜಾತ ಶಿಶುವಿಗೆ ಸ್ಥಿರವಾದ ನಿದ್ರೆಯ ವೇಳಾಪಟ್ಟಿ ಕೂಡ ಮುಖ್ಯವಾಗಿದೆ. ಆದ್ದರಿಂದ ಮಗುವನ್ನು ಪ್ರತಿದಿನ ಒಂದೇ ಸಮಯದಲ್ಲಿ ಮಲಗಿಸಲು ಪ್ರಯತ್ನಿಸಿ. ಪ್ರತಿದಿನ ಅದನ್ನೇ ಪುನರಾವರ್ತಿಸಿ. ಮಗುವಿನ ಮಲಗುವ ಸಮಯವು ಅವರ ದಿನಚರಿಯನ್ನು ಹೊಂದಿಸುವಷ್ಟೇ ಮುಖ್ಯವಾಗಿದೆ. ಕೆಲವು ತಿಂಗಳ ವಯಸ್ಸಿನ ನಂತರ ಮಾತ್ರ, ಮಕ್ಕಳ ದೇಹದಲ್ಲಿ ಮೆಲಟೋನಿನ್ ಹೆಚ್ಚಾಗುತ್ತದೆ, ಇದು ನಿದ್ರೆಯನ್ನು ಪ್ರಚೋದಿಸುವ ಹಾರ್ಮೋನ್ ಆಗಿದೆ. ಈ ಹಾರ್ಮೋನ್ ಮಗುವನ್ನು ಬೇಗನೆ ಮಲಗುವಂತೆ ಮಾಡುತ್ತದೆ.

ಇದನ್ನೂ ಓದಿ: ನೀವು ಹೊಸ ಬಟ್ಟೆ  ಅಂತಾ ವಾಶ್ ಮಾಡದೇ ಧರಿಸುತ್ತಿದ್ದೀರಾ?

ಕೆಲವರು ಹಗಲಿನಲ್ಲಿ ನಿದ್ದೆ ಮಾಡಿದ್ರೆ ರಾತ್ರಿ ನಿದ್ದೆ ಬರುವುದಿಲ್ಲ ಎಂದು ಹಗಲಿನಲ್ಲಿ ಮಗುವನ್ನು ಮಲಗಿಸುವುದಿಲ್ಲ. ಆದರೆ ನಿಮ್ಮ ಮಗು ರಾತ್ರಿಯಲ್ಲಿ ಆರಾಮವಾಗಿ ನಿದ್ರಿಸುತ್ತದೆ ಎಂಬ ಭರವಸೆಯಲ್ಲಿ ನಿಮ್ಮ ಮಗುವಿಗೆ ಹಗಲಿನಲ್ಲಿ ನಿದ್ರೆ ಮಾಡಲು ಅವಕಾಶ ನೀಡದಿರುವುದು ಅವರ ನಿದ್ರೆಗೆ ಅಡ್ಡಿಪಡಿಸುತ್ತದೆ. ಈ ಕಾರಣಕ್ಕಾಗಿ, ಮಗುವಿಗೆ ರಾತ್ರಿಯಲ್ಲಿ ನಿದ್ರೆ ಮಾಡಲು ಹಗಲಿನಲ್ಲಿ ನಿಯಮಿತವಾದ ನಿದ್ದೆ ಮಾಡಲು ಅವಕಾಶ ನೀಡುವುದು ಬಹಳ ಮುಖ್ಯ.

ಮಗುವಿನ ವಯಸ್ಸಿಗೆ ಅನುಗುಣವಾಗಿ ದಿನದಲ್ಲಿ ನಿದ್ರೆಯ ಸಮಯವನ್ನು ನಿರ್ಧರಿಸುವುದು ಬಹಳ ಮುಖ್ಯ. ಇದನ್ನು ಮಾಡುವುದರಿಂದ, ಅವರು ಬೆಳೆದಂತೆ, ಅವರಿಗೆ ಉತ್ತಮ ನಿದ್ರೆಯ ದಿನಚರಿಯನ್ನು ಹೊಂದಿಸಬಹುದು, ಇದು ಅವರ ಆಟ ಮತ್ತು ಉಳಿದ ಸಮಯವನ್ನು ನಿರ್ಧರಿಸುತ್ತದೆ.