ನೋಡಿರಿ
UIಗೆ ಕಾಯ್ತಿದ್ದವರಿಗೆ A! – ಉಪ್ಪಿ ಟ್ವಿಸ್ಟ್ ಕೊಟ್ಟಿದ್ದೇಕೆ?
ಉಪ್ಪಿ ಪ್ಲಾನ್‌ ವರ್ಕೌಟ್ ಆಗುತ್ತಾ?
ರಿಯಲ್ ಸ್ಟಾರ್ ಉಪೇಂದ್ರ ನಟನೆಯ ‘ಯುಐ’ ಸಿನಿಮಾ ಯಾವಾಗ ತೆರೆಗೆ ಬರುತ್ತೆ.. ಮುಂದಿನ ಸಾಂಗ್ ಯಾವಾಗ ರಿಲೀಸ್ ಆಗುತ್ತೆ.. ಚೀಪ್ ಚೀಪ್ ಸಾಂಗ್ ಮೀನಿಂಗ್ ಉಪ್ಪಿ ರಿವೀಲ್ ಮಾಡ್ತಾರಾ ಅಂತಾ ಫ್ಯಾನ್ಸ್ ಕಾಯ್ತಾ ಇದ್ರು.. ಈಗ ಉಪ್ಪಿ ಅವ್ರ ಮೂವಿ ಬಗ್ಗೆ ಅಪ್ ಡೇಟ್ ಕೊಟ್ಟಿದ್ದಾರೆ. ಈ ಬಾರಿ ಉಪ್ಪಿ ಯುಐ ಸಿನಿಮಾ ಬಗ್ಗೆ ಅಪ್ ಡೇಟ್ ಕೊಟ್ಟಿಲ್ಲ.. ಬದಲಾಗಿ ಉಪೇಂದ್ರ ನಟಿಸಿ, ನಿರ್ದೇಶನ ಮಾಡಿದ್ದ ‘ಎ’ ಸಿನಿಮಾ ಬಗ್ಗೆ ಅಪ್ ಡೇಟ್ ಕೊಟ್ಟಿದ್ದಾರೆ..
ಇದನ್ನೂ ಓದಿ: ದಸರಾ ಆನೆ ಅರ್ಜುನನ ಸ್ಮಾರಕ ಕಟ್ಟಿಸ್ತಾರಾ ದರ್ಶನ್‌? – ಒಂದು ಹೆಜ್ಜೆ ಮುಂದೆ ಇಟ್ಟ ಚಾಲೆಂಜಿಂಗ್ ಸ್ಟಾರ್
ಉಪ್ಪಿ ಏನೇ ಮಾಡಿದ್ರು ಡಿಫ್ರೆಂಟ್ ಅಗಿ ಮಾಡ್ತಾರೆ ಅನ್ನೋದು ಎಲ್ರಿಗೂ ಗೊತ್ತಿರೋ ವಿಚಾರಾನೆ.. ಅವ್ರ ಸಿನಿಮಾಗಳು ಯಾವಾಗಲೂ ಹೊಸತನದಿಂದಲೇ ಕೂಡಿರುತ್ತವೆ.. ಉಪ್ಪಿ ಮುಂದಿನ ಸಿನಿಮಾ ಯುಐ ಈಗಾಗ್ಲೇ ತುಂಬಾನೇ ಹೈಪ್ ಕ್ರಿಯೇಟ್ ಮಾಡಿದೆ.. ಈ ಸಿನಿಮಾ ಬಗ್ಗೆ ಉಪ್ಪಿ ಏನ್ ಅಪ್ ಡೇಟ್ ಕೊಟ್ತಾರೆ ಅಂತಾ ಫ್ಯಾನ್ಸ್ ಕಾಯ್ತಾ ಇದ್ರು.. ಆದ್ರೆ ಇಲ್ಲೂ ಉಪ್ಪಿ ನಾನೇ ಬೇರೆ.. ನನ್ ಆಲೋಚನೆಯೇ ಬೇರೆ ಅಂತಾ ಯುಐ ಸಿನಿಮಾ ಬದಲು ಎ ಸಿನಿಮಾ ಕುರಿತು ಸರ್ಪ್ರೈಸ್ ನ್ಯೂಸ್ ಅನ್ನು ಕೊಟ್ಟಿದ್ದಾರೆ..
ಉಪೇಂದ್ರ ಅವರ ನಟಿಸಿ ನಿರ್ದೇಶಿಸಿರುವ ‘A’ ಸಿನಿಮಾವನ್ನು ಇದೇ ಮೇ 17 ರಂದು ಮರು ಬಿಡುಗಡೆ ಮಾಡಲಿದ್ದಾರೆ. ಈ ಬಗ್ಗೆ ಉಪ್ಪಿ ಎಕ್ಸ್ನಲ್ಲಿ ಟ್ವೀಟ್ ಮಾಡುವ ಮೂಲಕ ರಿಲೀಸ್ ಡೇಟ್ ಅನ್ನು ಅನೌನ್ಸ್ ಮಾಡಿದ್ದಾರೆ. 1998 ರಲ್ಲಿ ಈ ಸಿನಿಮಾ ಮೊದಲ ಬಾರಿಗೆ ಬಿಡುಗಡೆ ಆಗಿತ್ತು. ಆ ವರೆಗೆ ಕೇವಲ ನಿರ್ದೇಶಕನಾಗಿ ಹಾಗೂ ಸಿನಿಮಾಗಳಲ್ಲಿ ಅತಿಥಿ ಪಾತ್ರಗಳನ್ನು ಮಾಡುತ್ತಿದ್ದ ಉಪ್ಪಿ ಈ ಸಿನಿಮಾ ಮೂಲಕ ಮೊದಲ ಬಾರಿಗೆ ನಾಯಕ ನಟರಾದರು. ಇದೀಗ ಮೇ 17 ರಂದು ಬೆಂಗಳೂರಿನ ‘ಪ್ರಸನ್ನ’ ಥಿಯೇಟರ್ ಸೇರಿದಂತೆ ರಾಜ್ಯದಾದ್ಯಂತ ‘ಎ’ ರಿ ರಿಲೀಸ್ ಆಗಲಿದೆ ಎಂದಿದ್ದಾರೆ ಉಪೇಂದ್ರ.
ಸಾಂಪ್ರದಾಯಿಕ ಕತೆ ಹೇಳುವ ಪದ್ಧತಿಯನ್ನು ಆಗಿನ ಕಾಲದಲ್ಲೇ ನುಚ್ಚು ನೂರು ಮಾಡಿದ್ದ ಉಪೇಂದ್ರ ‘ಎ’ ಸಿನಿಮಾ ಮೂಲಕ ಭಿನ್ನ ವ್ಯಕ್ತಿಯ ಕತೆಯನ್ನು ಅಷ್ಟೆ ಭಿನ್ನವಾಗಿ ಹೇಳಿದ್ದರು. ಸಿನಿಮಾದ ನಾಯಕ, ನಾಯಕಿಗೆ ಆ ಹಿಂದೆ ಇದ್ದ ಎಲ್ಲ ಗಡಿಗಳನ್ನು ಒಡೆದು ನಾಯಕನನ್ನು ಬಹಳ ಭಿನ್ನವಾಗಿ ತೋರಿಸಿದ್ದರು. ಈ ಸಿನಿಮಾಕ್ಕೆ ಉಪೇಂದ್ರ ಬರೆದಿದ್ದ ಚುರುಕು ಸಂಭಾಷಣೆಗಳು ಈಗಲೂ ಜನಪ್ರಿಯ. ಈ ಸಿನಿಮಾದ ಹಾಡುಗಳು ಸಹ ಎವರ್ಗ್ರೀನ್. ಉಪೇಂದ್ರ ಬರೆದ ಕಥೆಗೆ ಮತ್ತು ನಿರ್ದೇಶನಕ್ಕೆ ಅಭಿಮಾನಿಗಳು ಫಿದಾ ಆಗಿದ್ದರು. ಈ ಸಿನಿಮಾಗೆ ಈಗಲೂ ಕೂಡ ದೊಡ್ಡ ಸಂಖ್ಯೆಯ ಅಭಿಮಾನಿಗಳು ಇದ್ದು, ಅದನ್ನೇ ಎನ್ಕ್ಯಾಶ್ ಮಾಡಿಕೊಳ್ಳುವ ಉದ್ದೇಶದಿಂದ ‘ಎ’ ಸಿನಿಮಾವನ್ನು ಈಗ ಮರು ಬಿಡುಗಡೆ ಮಾಡಲಾಗುತ್ತಿದೆ.
‘ಎ’ ಸಿನಿಮಾವನ್ನು ಉಪ್ಪಿ ಎಂಟರ್ಟೈನ್ಮೆಂಟ್ ವತಿಯಿಂದ ನಿರ್ಮಾಣ ಮಾಡಲಾಗಿತ್ತು. ಸಿನಿಮಾವನ್ನು ಯಶ್ ರಾಜ್ ಎಂಬುವರು ವಿತರಣೆ ಮಾಡಿದ್ದರು. ಕೇವಲ 1 ಕೋಟಿ ಬಜೆಟ್‌ನಲ್ಲಿ ನಿರ್ಮಾಣವಾಗಿದ್ದ ಈ ಸಿನಿಮಾ ಆಗ ಸುಮಾರು 20 ಕೋಟಿ ಗಳಿಕೆ ಮಾಡಿತ್ತು. ಈಗ ಮರು ಬಿಡುಗಡೆಯಲ್ಲಿ ಎಷ್ಟು ಗಳಿಸುತ್ತದೆಯೋ ಕಾದು ನೋಡಬೇಕು.
ಇನ್ನು ಯುಐ’ ಸಿನಿಮಾ ವಿಎಫ್ಎಕ್ಸ್ ಕಾರಣದಿಂದಾಗಿ ವಿಳಂಬವಾಗುತ್ತಿದೆ ಎಂದು ಚಿತ್ರದ ನಿರ್ಮಾಪಕ ಕೆ.ಪಿ. ಶ್ರೀಕಾಂತ್ ತಿಳಿಸಿದ್ದರು. 2022ರ ಜೂನ್‌ನಲ್ಲಿ ಸೆಟ್ಟೇರಿದ್ದ ಈ ಸಿನಿಮಾ ಇದೇ ಜೂನ್‌ನಲ್ಲಿ ತೆರೆಕಾಣುವ ಸಾಧ್ಯತೆ ಇದೆ. ಉಪ್ಪಿ ಇತರ ಸಿನಿಮಾಗಳಂತೆ ಯುಐ ಕೂಡ ದೊಡ್ಡ ಮಟ್ಟದಲ್ಲಿ ಸೌಂಡ್ ಮಾಡುತ್ತಾ? ಉಪೇಂದ್ರ ಫಾರ್ಮುಲಾ ಯುಐನಲ್ಲೂ ವರ್ಕೌಟ್ ಆಗುತ್ತಾ? ಅಂತಾ ಕಾಯಬೇಕಿದೆ.
